• Skip to primary navigation
  • Skip to content
  • Skip to primary sidebar

Goolgule

Ethiopian News

  • ስለ እኛ/about
  • አስፈንጣሪዎች/links
  • ቤተ መዝገብ/archives
  • አድራሻችን/contact
Header Banner Image
  • Home
    ዋና ገጽ
  • Editorials
    ርዕሰ አንቀጽ
  • News
    ዜና
  • Socio-Political
    ማኅበራዊ-ሽከታ
  • Religion
    ሃይማኖታዊ
  • Interviews
    እናውጋ
  • Law
    የሕግ ያለህ
  • Opinions
    የኔ ሃሳብ
  • Literature
    ጽፈኪን
    • Who is this person
      እኚህ ሰው ማናቸው?
  • Donate
    ለባለድርሻዎች

“ዐቢይ ግድቡን ሸጦታል” ጌታቸው ረዳ

September 11, 2023 10:18 am by Editor Leave a Comment

ዛሬ የትግራይ ክልልን እንዲያስተዳድሩ በጠቅላይ ሚኒስትር ዐቢይ አሕመድ የተቀመጡት አቶ ጌታቸው ረዳ ከሚታወቁባቸው የሽፍትነት ዘመን ንግግራቸው መካከል “ዐቢይ ግድቡን ሸጦታል” የሚለው ነው። ዛሬ ደግሞ ከዶ/ር ዐቢይ ጋር ሆነው አራተኛውን ሙሌት ቦታው ድረስ በመሄድ አክብረዋል። ያኔ ተሸጧል ሲባል አብረው ያመኑና ዜናውን ያራገቡ መልስ ሊሰጡበት የሚገባው ጥያቄ፤

1ኛ. ግድቡ አልተሸጠም ነበር ወይም

2ኛ. የተሸጠው ተመልሷል ወይም

3ኛ ይህ አሁን ሞልቶ የሚታየው ግድብ ከተሸጠ በኋላ በአዲስ መልክ የተሠራ ነው።

መልሱን ለአቶ ጌታቸውና ደጋፊዎቻቸው እንተውና ኢትዮ12 ስለ አራተኛው ሙሌት በተመለከተ የዘገበውን ከዚህ በታች አቅርበነዋል።    

ኢትዮጵያን ቋሚ ባለዕዳ የሚያደርገው የህዳሴ ግድብ ስምምነት ላይ መንግሥት የመፈረም ፍላጎት እያሳየች እንደሆነ ውስጥ አዋቂዎች እንደነገሯቸው ጠቅሰው የዘገቡ ነበሩ። እውነታው ግን ሌላ ነበር። “የኢትዮጵያን ጥቅም አሳልፈን አንሰጥም” ነበር የተባለው። አባይ ተገደበ። የህዳሴው ግድብ ሙሌት የውስጥ ከሃዲዎችና የውጭ የተቀነባበረ ጫናዎችን ባሸነፉ ጀግኖች የውሃ ሙሌቱን ተጠናቀቀ። ሕዝብ ደስታውን እየገለጸ ነው።

የዜናውን ብስራት የሰሙ “አቤት ሞገስ” በሚል እናቱ ከርስ ላይ ሞልቶ ለተኛው ውሃ የቅምጥል ስም ሰጥተዋል። አባይን ሲረግሙ የነበሩና ሮሮ ሲያሰሙ የነበሩ የኪነ ጥበብ ውጤቶችም ቃናቸውን ቀይረው ለህዳሴው ሞገስ የሚሰጥ ስራ እንዲያቀርቡ የጠየቁ ጥቂት አይደሉም። “ማልቀስና ማውገዝ የሚያስቀር” ሲሉ አዳዲስ የውዳሴና የስኬት ታሪክን የሚዘክሩ ስራዎችን በፍጹም ኢትዮጵያዊነት እንዲያቀርቡ ነው የተጠየቀው። ችግኝ ሲተከል ተነስተው እርግማን የሚያሰሙ “ወዴት ናችሁ” የሚያሰኘው የህዳሴው ገድል የጨዋ ኢትዮጵያዊያን የጥበብ ስራ ይጠብቃል።

ጠቅላይ ሚኒስትር ዐቢይ አሜሪካ በፕሬዚዳንት ትራምፕ ተጽዕኖ ፈጣሪነትና በዓለም ባንክ እጅ ጠምዛዥነት ሲደረግ የነበረውን ድርድር አስመልክቶ “የህዳሴ ግድብ ስምምነት ፊርማ እንዲዘገይ አመራር ሰጥቻለሁ” ሲሉ ምስክሮች ያሉበትን ሃቅ ለፓርላማ ገልጸው ነበር። ዶ/ር ዐቢይ ረቂቁን ተመለከቱ፣ የትራምፕን፣ የዓለም ባንክ ፕሬዚዳንት እና የአሜሪካውን የገንዘብ ሚ/ር አነጋገሩ፤ ፍላጎታቸው ምን እንደሆነ በስልክ ንግግራቸው ተረዱ፤ ረቂቁ እንዳይፈረም ትዕዛዝ ሰጡ። እንዲያውም በውጭ አገር ከሚገኙ ኢትዮጵያውያን ባለሙያዎች የሚሰጣቸው የሙያ ምክር ጠቃሚ መሆኑን በመጥቀስ ምስጋና ሁሉ አቅርበው ነበር። ይህ ሊያስመሰግናቸውና ሲገባ “የህዳሴው ግድብ ላይ ክህደት ፈጸሙ” ተብሎ በትህነግ መሪነት ተዘመተባቸው።

የዛሬው የትግራይ ክልል መሪ አቶ ጌታቸው ረዳ “ዐቢይ የህዳሴ ግድብን ሸጦታል” በሚል የትህነግ “እረኛውን ምታ በጎቹ ይበተናሉ” ዘመቻ ማስፈጸሚያ አጀንዳ ተደርጎም ነበር። ኢንጂነር ስለሺ በቀለ በጠቅላይ ሚኒስትሩ ተዕዛዝ በጫና የተጀመረው ንግግር እንዲቋረጥ መደረጉን አደባባይ ሲመሰክሩም የማጥላላትና የጥላቻ ዘመቻ የሚያካሂዱት ክፍሎችና “ሚስጥር ሰማን” ያሉት ዜናቸውንም ሆነ መረጃቸውን ለማረም ፈቃድ አላሳዩም።

በዝርፊያ ዳዋ የተመታው፣ እውቀት በሌላቸው ሲመራ የነበረውና የቅጥፈት ሪፖርት እየቀረበበት ሌቦች ተጋምደው ሲያርመጠምጡት የነበረው የህዳሴ ግድብ በዚህ ደረጃ እያለ ያልተነፈሱ አልነበሩም። ጠቅላይ ሚኒስትር ዐቢይ ኮሚቴ አቋቁመው ችግሩን በመግለጥ ዳዋው እንዲጸዳ አድርገው ስራው ሲጀመር ነበር ጎን ለጎን ስም ማጥፋቱ የተጀመረው።

በተለይ ጠቅላይ ሚኒስትር ዐቢይ ላይ ትኩረት አድርጎ በቅብብሎሽ፣ በዲጂታል ወያኔ አዝማችነት ሲረጭ የነበረው ስም ማጥፋት በሕዳሴው ግድብ አራተኛና የመጨረሻ ሙሌት በተሳካ ሁኔታ መጠናቀቁን ባበሰሩት በጠቅላይ ሚኒስትር ዐቢይ አሕመድ ሰበር ዜና መታተሙ የአዲሱ ዓመት በረከት ሆኗል።

ጠቅላይ ሚኒስትር ዐቢይ (ዶ/ር) “ኢትዮጵያውያን ተባብረን በመሥራታችን ፈጣሪ ረድቶናል” ሲሉ በግል የማኅበራዊ ትሥሥር ገፃቸው ምስጋናቸውን ሁሉን ለሚያውቅና ሁሉን ቻይ ለሆነው አምላካቸው አቅርበዋል።

“በገንዘባቸው፣ በዕውቀታቸው፣ በጉልበታቸውና በጸሎታቸው በሥራው ውስጥ የተሳተፋችሁ ሁሉ እንኳን ደስ አላችሁ፤ ይህ ኅብረታችን በሌሎች ጉዳዮቻችንም ሊደገም ይገባዋል” ሲሉም “ህዳሴውን ግድብ ሸጡ፣ ኢትዮጵያን ባለዕዳ የሚያደርግ ስምምነት እንዲፈረም መመሪያ ሰጡ” በሚል የስም ማጥፋት ሲያካሂዱባቸው ለነበሩት ጭምር ጥሪ አቅርበዋል።

“ብዙ ፈተና ነበረው፤ ወደኋላ እንድንመለስ ብዙ ተጎትተን ነበር” ሲሉ እዚህ የተደረሰበትን መንገድ በጥቅሉ ያስታወሱት ዐቢይ አሕመድ፣ “በውስጥ ፈተና በውጭ ጫና ነበረብን፤ ከፈጣሪ ጋር የመጣውን ሁሉ ተቋቁመን ለዚህ ደርሰናል፤ ነገር ግን የዳገቱ ጫፍ ላይ ደረስን እንጂ ዳገቱን ወጥተን አልጨረስነውም” ሲሉ መከራና ድሉን አጣቅሰው፣ የወደፊቱን እርምጃ አመላክተዋል።

“በቀጣዩ ጊዜ ያቀድነውን አጠናቅቀን ፈጣሪን እንደምናመሰግን እምነቴ ነው ” ካሉ በኋላ “ለግድቡ የምናደርገውን ማናቸውንም ድጋፍ እስከ ፍጻሜው እንድንቀጥል በዚሁ አጋጣሚ አደራ እላለሁ” ሲሉም መልዕክት አስተላልፈዋል።

የህዳሴው ግድብ ግንባታ ዘጠና በመቶ ተጠናቋል። ቀሪው አስር በመቶ ብቻ ነው። ይህ በቅኝ ግዛት ወቅት በእንግሊዝ አደራዳሪነት በተደረገ የደባ ስምምነት ከኢትዮጵያ ተነጥቆ የነበረ ሃብት አራተኛውን ሙሌት ተጠናቅቆ ግድቡ አናት ላይ በኩራት ተኝቶ ማየት ልብን ያርዳል። አባይ ዘፈን መሆኑ ቀርቶ ሕይወት ሆኗል።

ግብፅ 66 በመቶ፣ ሱዳን 22 በመቶ ድርሻ እንዲቀራመቱና ኢትዮጵያ የውሃው ባለቤት ሆና ሳለ በዜሮ እጇን ታጥባ ያለ አንዳች ድርሻ እንድትቀመጥ ነበር የታቀደልን። በዚሁ አይን ያወጣ የዝርፊያ ክፍፍል ከግብጽና ሱዳን የተረፈው 12 በመቶ የሚሆነው ውሃው የሚተን ሆኖ ግምት የወጣለት ነው።

የቀድሞው ጠቅላይ ሚኒስትር መለስ ዜናዊ አስጀምረውት ጠቅላይ ሚኒስትር አብይ፣ ሌብነቱን፣ የቴክኒክ ችግሩን ቀርፈው፣ ከውስጥ የጥላቻና የስም ማጥፋት ዘመቻውን ተቋቁመው፣ ከውጭ ባንዶች ጭምር የሚያሳድሩትን ጫና ተቋቁመው በሕዝብ ድጋፍ ህዳሴው ግድብ አፍ እስከ ገደፉ ሞልቶ ሲሽኮረመም አሳይተዋልና አገር ተደስቷል።

ሌት ከቀን ሰለቸኝ ሳይል ግንባታው እንዳይስተጓጎልና ተላላኪ ተምቾች ጉዳት እንዳያደርሱበት እንደ ንስር ነቅቶ ለጠበቀው የኢትዮጵያ መከላከያ ኃይል ዜጎች በማህበራዊ ገጾቻቸው ምስጋና አቅርበዋል።

የህዳሴውን ግድብ ለመገንባት የሚያስፈልገው ገንዘብ ቢለዋወጥም በወቅቱ ገበያ ቀደም ሲል ማለት ነው 80 ቢሊየን ብር (ከ4 ቢሊየን የአሜሪካ ዶላር በላይ) መሆኑ ተመልክቶ ነበር። ግድቡ 145 ሜትር ከፍታ አለው። ወደ ጎን ደግሞ 1 ሺህ 780 ሜትር ይረዝማል። የውሃ ኑክሊየር ማለት ይቻላል።

ግድቡ ይይዛል ተብሎ የሚጠበቀውን 74 ቢሊየን ሜትር ኪዩብ ውሃ ሙሉ በሙሉ ሲያከማች፣ የተጠራቀመው ውሃ የሚተኛበት አማካይ ስፍራ ርዝመቱ ከ246 ኪሎ ሜትር በላይ የደርሳል ተብሏል። ለዚህም ነው የህዳሴው ግድብ በቤኒሻንጉል ውስጥ የሚሰራ አንድ ትልቅ ከተማ የተባለው።

የዋናው ግድብ ውፍረት የግድቡ ግርጌ ላይ 130 ሜትር ሲሆን፤ የግድቡ ጫፍ ወይም የላይኛው ክፍል ደግሞ 11 ሜትር ነው። ግድቡ የሚሸፍነው የቦታ ስፋት ደግሞ 1 ሺህ 680 ስኩዌር ኪሎ ሜትር መሆኑን የግድቡ ጽሕፈት ቤት ቀደም ባሉት ዓመታት ማስታወቁ ይታወሳል። ግድቡ ሲጠናቀቅ ውሃ የሚተኛበት መሬት ርዝመት 246 ኪሎ ሜትር ነው።

የህዳሴው ግድብ በርካታ ደሴቶች ባለቤት እንደሆነ የተገለጸ ሲሆን፣ የቱሪስት ኢንዱስትሪ እንደሚስፋፋበት ተመልክቷል። ራሱን የቻለ አገር እንደሆነ የሚነገርለት ይህ ግድብ የአሳ ምርት መጀመሩም ታውቋል። ሁለት ተርባይኖች ኤሌክትሪክ ማምረት የጀመሩ ሲሆን በቅርቡ በሙሉ ኃይሉ የኤሌክትሪክ አቅርቦቱን ያሳድጋል።

ታላቁ የኢትዮጵያ ሕዳሴ ግድብ 6450 ሜጋዋት ኃይል የማምረት አቅም አለው። ከዚሁ ሃይል ውስጥ ለአገር ውስጥ ፍጆታ ከሚውለው ውጭ 2000 ሜጋዋት ሃይል ለጎረቤት አገራት የሚሸጥ ነው። ከዚህ ሽያጭ በወቅቱ ገበያ በዓመት እስከ 600 ሚሊዮን ዶላር ገቢ እንደሚገኝ ከሶስት ዓመት በፊት ተገልጾ ነበር።

ጎልጉል የድረገጽ ጋዜጣ

Filed Under: Left Column, News, Politics Tagged With: abay dam, abiy ahmed, ethiopian terrorists, GERD, getachew reda, It is my Dam, operation dismantle tplf, tplf terrorist

Reader Interactions

Leave a Reply Cancel reply

Your email address will not be published. Required fields are marked *

Primary Sidebar

Recent Posts

  • የቴሌኮም ጌትዌይ፣ የዳታ ሉዓላዊነትና ብሔራዊ ደህንነት – የዌብስፕሪክስ ጉዳይ ከባለቤትነት ክርክር በላይ ነው! November 17, 2026 11:54 pm
  • “የጫካ ቱጃሮች!”— የፋኖ አመራሮች ስለተሰማሩበት የገንዘብ ዝርፊያ አስደንጋጭ መረጃ November 17, 2026 05:43 pm
  • በየወሩ 4 ሚሊዮን ብር እየተከፈለው ሀገር ሲያፈርስ የነበረው ሪፖርተር November 16, 2026 01:17 am
  • ሻርኮቹ ከውጭ እስከ ሀገር ውስጥ ያደሩት ድር፣ ዌብስፕሪክስን (WebSprix) የመጠቅለሉ ድራማና ብሔራዊ ስጋት November 14, 2026 12:42 am
  • የመለስ ዜናዊን ጭንብል የገፈፈው የትህነግ ሚዲያ (EMF) ምስክርነት November 13, 2026 03:32 pm
  • ትህነግ በወታደራዊና በፖለቲካዊ መስክ እንደሞተ ሁሉ በሪፖርተር በኩል የሚዲያ ግብዓተ መሬቱ ተፈጽሟል November 13, 2026 01:13 am
  • በከባድ ታክስ ማጭበርበር የሚፈለጉት አቶ አበባው ደስታ፣ አማራጭ የቴሌኮም ጌትዌይ ፕሮጀክትን ሊጠቀልሉ ነው November 12, 2026 03:50 am
  • “ፋኖ ወደ ኦሮሚያ ገብቶ ሕዝብ እየገደለ ነው” የኦነግ ሸኔ (OLF/OLA) ተወካይ ጃል ጅረኛ November 10, 2026 05:12 pm
  • ከትህነግ የተማረኩና ከውጭ ሀገራት የገቡ ዘመናዊ የጦር መሣሪያዎች በቃሊቲ ለእይታ ቀረቡ November 6, 2026 03:36 pm
  • የመንግሥት ኃላፊዎች ወደ ሁርሶ የተወሰዱበት ምሥጢር November 5, 2026 12:43 pm
  • መንግሥት ሰማ፤ ሪፖርተር ተዘጋ፤ ግን ለምን? ምሥጢሩ ምንድነው? November 3, 2026 12:09 am
  • ኢትዮጵያ በሰማይ ላይ ነዳጅ የሚሞሉ የኢሉሺን (Il-78) አውሮፕላኖችን ከሩሲያ ልትገዛ ነው October 30, 2026 08:57 am
  • ካይሮ ያጣችውን የሩሲያ ጄቶች አዲስ አበባ የታጠቀችበት ምሥጢር October 29, 2026 10:26 am
  • ኢትዮጵያ ሱ-35 ተዋጊ ጄቶች እና የኤስ-400 ዘመናዊ የአየር መከላከያ ስርአት በመታጠቅ ከሰሃራ በታች ብቸኛዋ ሀገር ሆናለች October 28, 2026 11:00 am
  • ሻዕቢያ ኢትዮጵያን በ“ካሚካዜ” ድሮኖች ለመምታትና በዘር ግጭት ለማፍረስ ሰፊ ዝግጅት እያደረገ መሆኑ ተሰማ October 27, 2026 11:14 pm
  • ጆን መዲድ “ቀዝኖ እና ልብሱ ተበላሽቶ” ነው መከላከያ የማረከው October 27, 2026 08:41 pm
  • በጆን መዲድ መማረክ አደረጃጀቱ እየተፈረካከሰ በመሆኑ እነ ወዲ እምበይተይ፣ ምግበይ፣ ቀጣዮች ሊሆኑ ይችላሉ October 27, 2026 09:17 am
  • ከታክስ ስወራ እስከ ሐሰተኛ ጋብቻ፦ በኢትዮጵያ የታጠቁ ቡድኖች ደጋፊ ዳያስፖራዎችን ለማደን የተዘረጋው አዲሱ የአሜሪካ መረብ October 21, 2026 09:26 am
  • ኔታንያሁ የሶማሊላንድን ሉዓላዊነት ያረጋገጠ አዲስ ቀጣናዊ ካርታ ይፋ አደረጉ October 20, 2026 03:20 pm
  • ትውልደ ሶማሊያዊቷ ናፊሳ በተዘቀዘቀ የአሜሪካ ሠንደቅ ፊት በሶማሊኛ ምርጫ ቅስቀሳ ማድረጓ ቁጣ ቀሰቀሰ October 20, 2026 09:21 am
  • በአሜሪካ የሚገኙ የታጠቁ ቡድኖች ደጋፊዎች ላይ የተደቀነው አዲስ ስጋት October 19, 2026 08:58 pm
  • ዜግነት ሊያሰርዝ በሚችለው የኢልሃን ዑመር ምርመራ ላይ አዳዲስ መረጃ ተገኝቷል October 19, 2026 04:45 pm
  • በትግራይ የሚገኙ የሚዲያ ተቋማት ስም በአስቸኳይ ሊቀየር ይገባል! October 19, 2026 02:55 am
  • በትግራይ ሕዝብ ደም የሚደረገው የሥልጣን ቁማር ያብቃ! October 14, 2026 11:04 pm
Copyright © 2026 · Goolgule