• Skip to primary navigation
  • Skip to content
  • Skip to primary sidebar

Goolgule

Ethiopian News

  • ስለ እኛ/about
  • አስፈንጣሪዎች/links
  • ቤተ መዝገብ/archives
  • አድራሻችን/contact
Header Banner Image
  • Home
    ዋና ገጽ
  • Editorials
    ርዕሰ አንቀጽ
  • News
    ዜና
  • Socio-Political
    ማኅበራዊ-ሽከታ
  • Religion
    ሃይማኖታዊ
  • Interviews
    እናውጋ
  • Law
    የሕግ ያለህ
  • Opinions
    የኔ ሃሳብ
  • Literature
    ጽፈኪን
    • Who is this person
      እኚህ ሰው ማናቸው?
  • Donate
    ለባለድርሻዎች

መንግሥትና ኦዲፒ የጃዋርን የድጎማ በጀት ጥያቄ ውድቅ አደረጉ

October 17, 2019 06:39 am by Editor Leave a Comment

የኦሮሞ ሚዲያ ኔትዎርክ ዋና ሥራ አስኪያጅና ባለቤት ጃዋር መሃመድ ለድርጅቱ በጀት እንዲመደብና በቋሚነት እንዲረዳ ለመንግሥት ያቀረበው ጥያቄ ውድቅ መደረጉ ታወቀ። የጎልጉል የኦዲፒ የመረጃ ምንጮች እንዳሉት የድጎማ ጥያቄው ውድቅ መደረጉ ጃዋር በጠቅላይ ሚኒስትር ዐቢይና በኦዲፒ ላይ የጥላቻ ሪፖርት ተጠናክሮ እንደሚሠራ መናገራቸውን አመልክተዋል። በተያያዘ ጃዋር የሚመራው ኦ.ኤም.ኤን. ለሸዋ ተወላጅ ኦሮሞዎች መድረክ እንደማይሰጥና ኦነግ በንጹሃን ላይ እየፈጸመ ያለውን ግድያም ሽፋን እንዲሰጥ እንደማይፈቅድ ተገልጿል።

እንደ መረጃ አቀባዮቹ ከሆነ ጃዋር ለሚመራው “የትግል ሚዲያ” ከፍተኛ በጀት የጠየቀው ሚዲያው ለተገኘው ለውጥ ትልቁን ሚና ተጫውቷል በሚል ነው። ኦ.ኤም.ኤን. በትግሉ ወቅት የአንበሳውን ድርሻ በመጫወቱ የኦሮሚያ ክልልም ሆነ መንግሥት ሊደጉመው እንደሚገባ በተደጋጋሚ ያቀረበው ጥያቄ ውድቅ የተደረገው በሥራ አስፈጻሚ ውሳኔ ነው።

ጃዋር ድጎማው እንደማይሰጠው ከተገለጸለት በኋላ በተለይም ጠቅላይ ሚኒስትር ዐቢይ ላይ ያነጣጠረ ዘመቻ በስፋት የአየር ሰዓት እንዲያገኝ ትዕዛዝ መስጠቱን ኦ.ኤም.ኤን. የሚሠሩ እንደነገሯቸው የመረጃው ክፍሎች ለጎልጉል የአዲስ አበባ ዘጋቢ አስታውቀዋል።

በቅርቡ ጠቅላይ ሚኒስትሩ የዓለም ሰላም የኖቤል ተሸላሚ መሆናቸው ይፋ መሆኑንን ተከትሎ የዓለም ሚዲያ ሰፊ ሽፋን ቢሰጡትም ኦ.ኤም.ኤን. ግን ቀዳሚ ዜና እንኳን ያላደረገው በዚሁ ምክንያት እንደሆነ ታውቋል። የጠቅላይ ሚኒስትር ዐቢይን ታላቅ ሽልማት አስመልክቶ በተለያዩ የኦሮሚያና የክልል ከተሞች የተደረገውን የድጋፍና የደስታ መግለጫ ሰልፍ ኦ.ኤም.ኤን. በተመሳሳይ የሚገባውን ሽፋን እንዳልሰጠው መረጃ የሰጡት ክፍሎች ገልጸዋል። በዚህ ጉዳይ ላይ በማኅበራዊ ሚዲያም ጃዋር መሃመድ በስፋት ሲወገዝ ተሰምቷል።

ጃዋር በፌስቡክ ገጹ የእንኳን ደስ አለህ አጭር መልዕክት ከመለጠፉ በዘለለ የተገኘውን ዜና ሁሉ “ሰበር” ለማለት የማያቅማማው ኦ.ኤም.ኤን. ለዜናው ጆሮ ዳባ ማለቱ በተለያዩ የኦሮሞ ተወላጆች ዘንድ ጉምጉምታ እንደፈጠረ ጎልጉል ያናገራቸው አስረድተዋል።

ኦ.ኤም.ኤን. አገር ውስጥ በአንድ ጎረምሣ ስም ተመዝግቦ የሚሠራ ተቋም ሲሆን የድርጅቱ ገንዘብም በዚሁ ወጣት ስም በተከፈተ አካውንት እንደሚንቀሳቀስ የሚዲያው ምንጮች ይናገራሉ። ጃዋር በዜግነት ኢትዮጵያዊ ባለመሆኑ አንድ በገንዘቡ ላይ እንደፈለገ እንዲናኝ የተፈቀደለት ወጣት መሰየሙን የገለጹት ምንጮች ኦ.ኤም.ኤን. ነጻነት የሌለበት፣ ገቢና ውጪው የፋይናንስ ደንብን በአግባቡ የማይከተል ድርጅት እንደሆነ ጠቁመዋል።

ከወራት በፊት ራሳቸውን በዩቲዩብ ይፋ ያደረጉ ይህንኑ የተዝረከረከና አንድ ሰው እንዳሻው ለፈለገው ተግባር የሚጠቀምበት ሚዲያ ወደ ህግ ለማቅረብ እንደሚሠሩ መናገራቸው የሚታወስ ነው።

በሚሊዮን ብሮች የሚገመቱ እጅግ ዘመናዊ ተሽከርካሪዎችን የሚሸምተውና “ቱጃር” የሚባለው ጃዋር መሃመድ አቋሙን ግልጽ አድርጎ ወደ ፖለቲካ የማይገባው በዚሁ የሚዲያ ነጋዴነት ለመቀጠል ሲል የቀድሞ የቦርድ አባላትን ማሰናበቱን የሚገልጸው የኦ.ኤም.ኤን. ባልደረባ “ጃዋር ጠቅላይ ሚኒስትር ዐቢይ ላይ አነጣጥረው ዘመቻ ለሚያካሂዱ የሚዲያ አውታሮችና የፌስቡክ አርበኞች ቀጥተኛና ተዘዋዋሪ ድጋፍ የማድረግ ዕቅድ መንደፉን አስቀድሜ አውቃለሁ” ሲል ተናግሯል። ይሁን እንጂ እነማን እንደሆኑ የሚዲያ አውታሮቹን በስም አልጠራም። ከዕቅዱ ሌላ አንዳንዶቹን በድብቅ ቀጥተኛ ድጋፍ እያደረገላቸው እንዳለ ይነገራል።

ከዚሁ ጋር በተያያዘ ኦነግ-ሸኔ ባለፈው ቅዳሜ በምስራቅ ጉጂ ዞን ስለገደላቸው ስድስት ንጹሃን ዜጎች ኦ.ኤም.ኤን. ዘገባ አላቀረበም። አባቱ የተገደሉበት ሀጻን “አባቴ ገጠር ካለው ቤቱ ለሥራ ሄዶ ቁርስ እየበላ ሳለ የኦነግ ታጣቂዎች ገብተው ገድለውት ሄዱ” ሲል ለአሜሪካ ድምጽ ሬዲዮ (ቪ.ኦ.ኤ.) ቢናገርም ለኦ.ኤም.ኤን. የዜና ፍጆታ ብቁ አለመሆኑ በኦሮሞዎችም ሆኑ በሰላም ወዳድ ዜጎች መነጋገሪያ መሆኑ ታውቋል።

የኦ.ኤም.ኤን. ባለቤት ጃዋር መሃመድ የቅማንት ዜና ላይ ሙጥኝ በማለት የህወሓት አጀንዳ አስፈጻሚ መሆኑና ዘንድ “እረኛውን ግደል፣ መንጋው ይበተናል” የሚለውን የዲጂታል ወያኔ ዓላማ መደገፉ፣ ዝምታን በመረጡት አብዛኛው የኦሮሞ ተወላጆና ነዋሪዎች ዘንድ እየተብሰለሰለ ያለ ጉዳይ እንደሆነ በርካቶች እየተናገሩ ነው።

ጃዋር የአሜሪካ ዜግነቱን እንደሚመልስ (ቀድጄ እጥለዋለሁ እስከማለት) በተደጋጋሚ ቢናገርም እስካሁን እርሱም ሆነ ቤተሰቡ የሚታወቁት በአሜሪካ ዜግነት ነው። በአሜሪካ አገር የተከፈተው ኦ.ኤም.ኤን. በሕግ የተመዘገበው በትርፍ አልባ ድርጅት ስም ሲሆን እኤአ ከ2014 እስከ 2017 አምኖ ለአሜሪካ መንግሥት ሪፖርት ያደረገው የድርጅቱ አጠቃላይ ገቢ ከ2.8 ሚሊየን ዶላር በላይ (በብር እስከ 100 ሚሊየን) ነው። ይህ የ2018 ዓም የድርጅቱን ገቢውን ሳይጨምር ነው።

ጎልጉል የድረገጽ ጋዜጣ የኦ.ኤም.ኤን. የቀድሞ የቦርድ አባልትም ሆኑ መረጃ ያላቸው ወገኖች አስተያየት መስጠት ከፈለጉ ለማስተናገድ ዝግጁ ነው። ጃዋርን በስልክ ለማግኘት የአዲስ አበባ ዘጋቢያችን ሙከራ ቢያደርግም ሊሳካለት አልቻለም።

በተያያዘ ዜና በምን ምክንያት እንደሆነ በውል ባይታወቅም ቀደም ሲል የኦነግ-ሸኔ ወታደሮችን ጫካ ድረስ እየሄዱ ሲያደራድሩና ሲያስማሙ የነበሩት እንዲሁም ወደ ካምፕ እንዲገቡ በማድረጉ ውስጥ ቀዳሚ የነበሩት በቀለ ገርባ በቅርቡ ኢትዮ ፎረም ጋር ባደረጉት ቃለምልልስ “ሸኔ የሚባል ቡድን የለም” ሲሉ ተደምጠዋል።


ማሳሰቢያ፤ በተለይ በስም ወይም በድርጅት ስም እስካልተጠቀሰ ድረስ በጎልጉል የድረገጽ ጋዜጣ™ ላይ የሚወጡት ጽሁፎች በሙሉ የጎልጉል የድረገጽ ጋዜጣ™ ንብረት ናቸው። ይህንን ጽሁፍ ለመጠቀም የሚፈልጉ ሁሉ የዚህን ጽሁፍ አስፈንጣሪ (link) ወይም የድረገጻችንን አድራሻ (https://www.goolgule.com/) አብረው መለጠፍ ከጋዜጠኛነት የሚጠበቅና ህጋዊ አሠራር መሆኑን ልናሳስብ እንወዳለን።

Filed Under: News Tagged With: Ethiopia, Full Width Top, funds, jawar, Middle Column, omn

Reader Interactions

Leave a Reply Cancel reply

Your email address will not be published. Required fields are marked *

Primary Sidebar

Recent Posts

  • የቴሌኮም ጌትዌይ፣ የዳታ ሉዓላዊነትና ብሔራዊ ደህንነት – የዌብስፕሪክስ ጉዳይ ከባለቤትነት ክርክር በላይ ነው! November 17, 2026 11:54 pm
  • “የጫካ ቱጃሮች!”— የፋኖ አመራሮች ስለተሰማሩበት የገንዘብ ዝርፊያ አስደንጋጭ መረጃ November 17, 2026 05:43 pm
  • በየወሩ 4 ሚሊዮን ብር እየተከፈለው ሀገር ሲያፈርስ የነበረው ሪፖርተር November 16, 2026 01:17 am
  • ሻርኮቹ ከውጭ እስከ ሀገር ውስጥ ያደሩት ድር፣ ዌብስፕሪክስን (WebSprix) የመጠቅለሉ ድራማና ብሔራዊ ስጋት November 14, 2026 12:42 am
  • የመለስ ዜናዊን ጭንብል የገፈፈው የትህነግ ሚዲያ (EMF) ምስክርነት November 13, 2026 03:32 pm
  • ትህነግ በወታደራዊና በፖለቲካዊ መስክ እንደሞተ ሁሉ በሪፖርተር በኩል የሚዲያ ግብዓተ መሬቱ ተፈጽሟል November 13, 2026 01:13 am
  • በከባድ ታክስ ማጭበርበር የሚፈለጉት አቶ አበባው ደስታ፣ አማራጭ የቴሌኮም ጌትዌይ ፕሮጀክትን ሊጠቀልሉ ነው November 12, 2026 03:50 am
  • “ፋኖ ወደ ኦሮሚያ ገብቶ ሕዝብ እየገደለ ነው” የኦነግ ሸኔ (OLF/OLA) ተወካይ ጃል ጅረኛ November 10, 2026 05:12 pm
  • ከትህነግ የተማረኩና ከውጭ ሀገራት የገቡ ዘመናዊ የጦር መሣሪያዎች በቃሊቲ ለእይታ ቀረቡ November 6, 2026 03:36 pm
  • የመንግሥት ኃላፊዎች ወደ ሁርሶ የተወሰዱበት ምሥጢር November 5, 2026 12:43 pm
  • መንግሥት ሰማ፤ ሪፖርተር ተዘጋ፤ ግን ለምን? ምሥጢሩ ምንድነው? November 3, 2026 12:09 am
  • ኢትዮጵያ በሰማይ ላይ ነዳጅ የሚሞሉ የኢሉሺን (Il-78) አውሮፕላኖችን ከሩሲያ ልትገዛ ነው October 30, 2026 08:57 am
  • ካይሮ ያጣችውን የሩሲያ ጄቶች አዲስ አበባ የታጠቀችበት ምሥጢር October 29, 2026 10:26 am
  • ኢትዮጵያ ሱ-35 ተዋጊ ጄቶች እና የኤስ-400 ዘመናዊ የአየር መከላከያ ስርአት በመታጠቅ ከሰሃራ በታች ብቸኛዋ ሀገር ሆናለች October 28, 2026 11:00 am
  • ሻዕቢያ ኢትዮጵያን በ“ካሚካዜ” ድሮኖች ለመምታትና በዘር ግጭት ለማፍረስ ሰፊ ዝግጅት እያደረገ መሆኑ ተሰማ October 27, 2026 11:14 pm
  • ጆን መዲድ “ቀዝኖ እና ልብሱ ተበላሽቶ” ነው መከላከያ የማረከው October 27, 2026 08:41 pm
  • በጆን መዲድ መማረክ አደረጃጀቱ እየተፈረካከሰ በመሆኑ እነ ወዲ እምበይተይ፣ ምግበይ፣ ቀጣዮች ሊሆኑ ይችላሉ October 27, 2026 09:17 am
  • ከታክስ ስወራ እስከ ሐሰተኛ ጋብቻ፦ በኢትዮጵያ የታጠቁ ቡድኖች ደጋፊ ዳያስፖራዎችን ለማደን የተዘረጋው አዲሱ የአሜሪካ መረብ October 21, 2026 09:26 am
  • ኔታንያሁ የሶማሊላንድን ሉዓላዊነት ያረጋገጠ አዲስ ቀጣናዊ ካርታ ይፋ አደረጉ October 20, 2026 03:20 pm
  • ትውልደ ሶማሊያዊቷ ናፊሳ በተዘቀዘቀ የአሜሪካ ሠንደቅ ፊት በሶማሊኛ ምርጫ ቅስቀሳ ማድረጓ ቁጣ ቀሰቀሰ October 20, 2026 09:21 am
  • በአሜሪካ የሚገኙ የታጠቁ ቡድኖች ደጋፊዎች ላይ የተደቀነው አዲስ ስጋት October 19, 2026 08:58 pm
  • ዜግነት ሊያሰርዝ በሚችለው የኢልሃን ዑመር ምርመራ ላይ አዳዲስ መረጃ ተገኝቷል October 19, 2026 04:45 pm
  • በትግራይ የሚገኙ የሚዲያ ተቋማት ስም በአስቸኳይ ሊቀየር ይገባል! October 19, 2026 02:55 am
  • በትግራይ ሕዝብ ደም የሚደረገው የሥልጣን ቁማር ያብቃ! October 14, 2026 11:04 pm
Copyright © 2026 · Goolgule