ሚስጢሩ ወደኛ እየቀረበ ይሆን?
የሚስጢሩን መጽሃፍ እያሳጠርኩ በመጻፍ ላይ እያለሁ ሚስጢሩን የሚአጠናክር ነገር ገጠመኝ። ከጓደኛዬ ጋር አልፈን አልፈን ውሃ የምንጎነጭባት ቤት አለች። እንደወትሮው በዛው ቤት ተገኝተናል። አንዲት ወጣት ስዊድናዊት ልታስተናግደን መጣች። ለጓደኛዬ የሞቀ ሰላምታ ሰጠችው። ስትስቅ ጉንጭና ጉንጮቿ ላይ የሚወጡት ጎድጓዳ ምልክቶች አይን ይስባሉ።
‹‹ባለፈው ጊዜ ስራ ለመቀጠር አስበሽ ያነጋገርኩሽ አይደለሽ?» አላት
«አዎን! ተቀጠርኩ በጣም አመሰግናለሁ»
«እኔ ምንም ያደረኩልሽ ነገር እኮ የለም»
«አንተ ሄደሽ ባለቤቱን ተይቂው ባትለኝ አልጠይቀውም ነበር። ስለጠየኩት ተቀጠርኩ። በድጋሚ አመሰግናለሁ»። ፈገግታዋን ከጎድጓዳ ጉንጮቿ የሚረጭ ይመስላል። ተለየችን
«ምንድነው ነገሩ? ስራ አስቀጣሪ ሆንክ እንዴ?» ጠየኩ
ባለፈው ሰሞን እዚህ መጥቼ… ይቺ ልጅ ጎኔ ካለው ጠረጴዛ ላይ ተቀምጣ ነበር። ለጓደኞቿ እዚህ ቤት ስራ ለመቀጠር እንደምትፈልግ አወራች። ጓደኞቿ ለንግግሯ ትኩረት አልሰጡትም እኔ ጣልቃ ገባሁ።
«ስራ ትፈልጊያለሽ ማለት ነው?»
«አዎን!»
«አስተናጋጅነት?»
«አዎን! ግን እዚህ ቤት ካልሆነ አልፈልግም። አንተ ባለቤት ነህ?» አያይዛ ጠየቀች
«አይደለሁም! ግን እንደምትቀጠሪ አውቃለሁ።»
«እንዴት?»
«ሂጂ ባለቤቱን ስራ እንደምትፈልጊ ንገሪው፣ አልኳት። ነገረችው፣ ይሄው ተቀጥራ አገኘኽት አለኝ።
«አንተ እንዴት እንደሚቀጥራት አወክ?»
ሚስጢሩን እኮ አነባለሁ አንዳንድ ሙከራዎችም አደርጋለሁ። ይሄ ከስኬቶቹ አንዱ ነው አለኝ። ስለ ሚስጥሩ መጽሐፉን አንብቤ፣ ከመጻፌ ውጭ የሚስጥሩን መከሰት በዓይኔ ያየሁትና በጆሮዬ የሰማሁት ለመጀመሪያ ጊዜ መሆኑ ነው። ሚስጢሩ ወደኛ እየቀረበ ይሆን?
ወደ ዛሬው የገንዘብ ሚስጢር ላምራ
ገንዘብን ለመሳብ ሃብት ላይ አትኩሮት ማድረግ ይኖርብሃል። ጃክ ካንፊልድ
አእምሮህ የፀነስውን… ያገኛል። ደብልው ኤለመንት ሥቶኝ
የመሐፍ ቅዱሶቹ አብርሃም፤ ይስሃቅ፤ ያቆብ፤ ዮሴፍ፤ ሙሴና ኢየሱስ የብልጽግና አስተማሪዎች ብቻ ሳይሆኑ እራሳቸውም ሚሊኒሮችም ነበሩ። አሁን ዓለማችን ላይ ካሉ ሚሊኒሮች በላይ ሊገመት በማይችል ደረጃ የባለጸጋ አኗኗር ስልት ነበራቸው። ጀምስ ሬይ
የገንዘብ ሚስጢር
ገንዘብን ለመሳብ ሃብትን ለመጨመር
ማጣትን ትተኸው በማግኘት ላይ አትኩር
በገንዘብ እጥረት ላይ ወስደህበት ትኩረት
ተጨማሪ ገንዘብ አትችልም ለማግኘት
ማግኘት ይገባኛል ብለህ ያልከው ገንዘብ
ከኪሴ ተቀምጧል አለኝ ብለህ አስብ
ለዚህ እንዲኖርህ ተጨማሪ ስሜት
ስለ ዳበረ ሃብት ስለገንዘብ ማግኘት
ገጓደኞችህ ጋር አንስተህ ተጫወት
የማግኛ ምልከታህ እያደር ሲለውጥ
ይጀምራል መምጣት ሃብት ወዳንተ መሮጥ
በዚህ ጊዜ ደስታን እውስጥህ ማሳደር
ቀላሉ መንገድ ነው ገንዘብ ለመጨመር
ይሄንን ልገዛው በቂ ገንዘብ አለኝ
በማለት ተነሳ ትልቅ ምኞት ተመኝ
ሆኖም በመንገዱ ዝምብለህ አትሩጥ
ገንዘብን ለማግኘት ያንተንም ገንዘብ ስጥ
ገንዘብክን ስትሰጥ ተካፍለህ ስትበላ
እድል ትከፍታለህ እንድታገኝ ሌላ
በዚህ ቸርነትህ እርካታ ስታገኝ
ማለት ደፍራለህ ብዙ ገንዘብ አለኝ
በመልዕክት ሳጥንህ ወይም በግልህ ባንክ
አገኛለሁ ገንዘብ በጥሬው ወይ በቼክ
የሚል ስሜትህን ምኞትህን አዳብር
የማግኘት ሃይልህን ሚዛኑን አጠንክር
******************************
The Secret (ሚስጢሩ…) ክፍል አንድን ለማንበብ እዚህ ላይ ይጫኑ፡፡
The Secret (ሚስጢሩ…) ክፍል ሁለትን ለማንበብ እዚህ ላይ ይጫኑ፡፡
The Secret (ሚስጢሩ…) ክፍል ሶስትን ለማንበብ እዚህ ላይ ይጫኑ፡፡
The Secret (ሚስጢሩ…) ክፍል አራትን ለማንበብ እዚህ ላይ ይጫኑ፡፡
its nice, but i think you should add that when you say ‘give to earn’, doesn’t mean give all you have to gain some. I believe in giving but it should be watched. I think we should give to those who need it most. And save some for ourselves.