• Skip to primary navigation
  • Skip to content
  • Skip to primary sidebar

Goolgule

Ethiopian News

  • ስለ እኛ/about
  • አስፈንጣሪዎች/links
  • ቤተ መዝገብ/archives
  • አድራሻችን/contact
Header Banner Image
  • Home
    ዋና ገጽ
  • Editorials
    ርዕሰ አንቀጽ
  • News
    ዜና
  • Socio-Political
    ማኅበራዊ-ሽከታ
  • Religion
    ሃይማኖታዊ
  • Interviews
    እናውጋ
  • Law
    የሕግ ያለህ
  • Opinions
    የኔ ሃሳብ
  • Literature
    ጽፈኪን
    • Who is this person
      እኚህ ሰው ማናቸው?
  • Donate
    ለባለድርሻዎች

የጃኖ ስጦታና የዶሮ ፖለቲካ በጎንደር

March 10, 2026 09:24 am by Editor Leave a Comment

ጎንደር ወዴየት እየሄደች ነው? ጎንደር እስከመቼ በውሸት ሪፖርት ትደበቃለች? መቼ ነው በጎንደር የጃኖ ስጦታ እና የዶሮ ፖለቲካ የተሸፈነችበት ጭምብል የሚገለጠው? ይህ መሠረታዊ ጥያቄ ምላሽ ያሻዋል።

የጎንደር የፖለቲካ አመራር ራሳቸውን ለሥራ ያተጉ፣ ተግባራቸውን በወቅቱ የሚከወኑ ለመምሰል የሚያሳዩትን ድራማ እስከመቼ ነው የሚገፉበት? እስከመቼ ነው ዝምስ የሚባሉት?

ጎንደር ለሚመጡ ባለሥልጣናት የባሕል አልባሳትን በማልበስና የጎንደርን ዶሮ በመጋብዝ ታታሪ መምሰል፣ ከዚያም በላይ “ወደ ቤት የምትወሰዱት” በማለት በአገልግል ዶሮ፣ በጀሪካ ቅቤና ማር እየሞሉ ውለታ ማስቀመጥ ፖለቲካ ሳይሆን፣ አድሮ መንግሥትን ዋጋ የማስከፈል ጉዳይ እንደሆነ እንዴት ይዘነጋል?

መቼ ነው የጎንደር ባለሥልጣናት ከጃኖ ስጦታና አገልግል ቋጠራ የውለታ ፖለቲካ በመውጣት የሚያስተዳድሩትን ሕዝብ በቅጡ የሚመሩት? የሚጠብቁት? ያለ ስጋት እንዲኖር የሚያደርጉት?

ሙስሊም ክርስቲያን ሳይል ከመንግሥት ጎን የቆመ ሕዝብ በአስተዳደር ድክመት ለምን መከራ ያያል? ከውስጥ ሆነው በጥቅም ትሥሥርና ሚሊሻ ጨምሮ በስሙ ከሸፈቱ ጋር ውስጥ ሆነው ሽፋን በመስጠት ንጹሐን እንዲገደሉ የሚደረገው እስከመቼ ነው።

ከትላንት በስቲያ በጎንደር ኡስታዝ መሐመድ ዘይኑ ላይ የተፈጸመው ግድያ፣ የአንድ የሙስሊም ሞት ተደርጎ የሚታይ አይደለም። ይልቁኑም አብሮ በሚበላ፣ በሚጠጣና በማኅበራዊ ሕይወቱ ከቶውንም የማይነጣጠለውን የሙስሊምና የክርስቲያን ማኅበረሰብ ለማጋደል የተደረገ ሤራ ነው።

ከዛሬ አምስት 5 ዓመት በፊት በሁለቱ ዕምነት ተከታዮች መካከል ተፈጥሮ የነበረውን ችግር በጥበብና በማስተዋል ከፈቱት መካከል እኚሁ አሁን የተገደሉት ኡስታዝ ቀዳሚው ናቸው። ቁርሾ እንዳይኖር፣ ትክክለኛ ዕርቅ እንዲወርድ ትልቁን ሥራ የፈጸሙት መልካም ሰው ኡስታዝ ግድያን ከተራ ዝርፊያ ጋር ማገናኘት እናንተ በጃኖና በዶሮ ወጥ ስጦታ የምትታወቁትን አመራሮች ነጻ አያደርጋችሁም።

ደግነቱ በሁሉ ሕዝብ እገሌ ከእገሌ ሳይባል፣ ቀብራቸው ላይ በመገኘት የዶሮ ፖለቲካ ለሚጫወቱት ሁሉ፣ በጨዋ ደንብ ትምህርት ሰጥቷቸዋል። ለኡስታዝ ነፍስ ይማር እያልኩ መንግሥት ከሰማ የሚከተለውን ለማለት እወዳለሁ።

አድማጭ፣ የሚሰማ መሪ ከተገኘ፣ ብልጽግና ሆይ እባክህ ሁሉንም ነገር በቁጥጥራቸው ሥር ያደረጉና በዝረፊያ የካበቱትን የዶሮ ፖለቲካ ዥዋዠዌ ተጫዋቾችን አጥራ። በርካታ የሚነሱ ጉዳዮች አሉና ጥልቅ ማጣራት ተደርጎ ጎንደርን የማጽዳት ሥራ እንዲሠራ ለማሳሰብ እወዳለሁ።

የከተማዋን ፖለቲካዊና ኤኮኖሚዊ ተግዳሮቶች አቻችለውና አሳልጠው ይመራሉ የተባሉ አመራሮች ሕልማቸው ወሳኝ የገቢያ ማዕከሎች በኮሪደር ስም በማስተከል ወንድምና እህቶቻቸውን አደራጅቶ ማስገባት ሆኗል። ይህ ነው ሕዝብን ተጠቃሚ አድርገናል እየተባለ በጃኖና ዶሮ ፖለቲካ ታጅቦ የቅጥፈት ሪፖርት የሚቀርበበት ሐቅ።

አንዳንድ ባለሃብቶችን ጽንፈኛ ነህ ብሎ በማሰር ገንዘብ መቀበል፣ ገንዘብ ተቀብሎ መልቀቅ፣ በመንግሥት ድጋፍና መዋጮ ሰበብ ራሰን ማበልጸግ የተለመደ ባሕል ሆኗል።

ግድያን ማጥፋት፣ ሰላምን ማስፈንና ሕዝብ በእርጋታ እንዲኖር ማድረግ ጉዳያቸው ስላልሆነ ነገም ከነገ ወዲያም በተመሳሳይ መልኩ ግድያው ላለመቀጠሉ ዋስትና የለም። እኛም “እገሌ መልካም ሰው ነበር” ብለን ከንፈር ከመምጠጥ ውጪ አማራጭ አይኖረንም።

ዛሬ ላይ የተገደሉት የሃይማኖት መሪ ቀደም ሲል ተለኩሶ የጠፋው እሳት ዳግም ማቀጠጠያ ክብሪት ናቸው። ትላንት የነበረውን ቁርሾ እንደያጠፋ ታቅዷል። ድርጊቱ በዕቅድ የተከነወነ ተግባር ነው። ዓላማው በሁለቱ ሃይማኖቶች ምዕመን መካከል ግጭት በመፈጠር  ከተማውን ለዝርፊያ ማዘጋጀት ነው።

አሥራ አንድ ምዕመን ሞባይል ብቻ በመዘረፉ መምህሩን ነጥሎ መግደል ዓላማው ግልፅና የማያሻማ ነው። የዚህ ሁሉ ጥፋት ተጠያቂዎች በአገልግል ዶሮ ፖለቲካ ሚኒስትር ለመሆን የሚሽቀዳደሙት የመዋቅሩ አካላት እንጂ ሌላ ማንም አይደለም።

መንግሥት ሆይ! ይህ የመጨረሻ የማንቂያ ደወል ይሁን። ይህን ጉዳይ ከሥሩ ማጽዳት ለነገ ሊባል አይገባም። ይህ ጉዳይ ከሥሩ ካልተበረበረና ተመሳስሎ የተሰገሰገው የውሰጥ አመራር ካልተፈተሸ ሀገር የጃርት መዋያ መሆኗ አይቀርም።

ጎንደር በብዙ ፈተናዎች ተፈትና አልፋለች። የጎንደር ልባም ሕዝብ ሁሉንም መከራ እንደ አመጣጡ አሳልፏል። ይህ የሚያማቸው እያደር የጥፋት ድግሳቸውን ከዶሮ ፖለቲከኞች ጋር ሆነው ይደግሳሉ። ዛሬ ጎንደር ስስ በሆነችበት ሃይማኖት ጉዳይ ነገር በማቀጣጠል ውድቀትን ማፋጠን እንደ ሀገር አይጠቅምም።

እነዚህ አዝማሪ ደርድረው፣ የባሕል ልብሰ አልብሰው፣ ዶሮ ጋብዘው፣ ዶሮ በአገልግል፣ ማር እና ቅቤ በጀሪካን የሚሸከሙት የመንግሥት ባለሥልጣናት እውነት ለምን ይህ ችግር ተፈጠረ? እስከ አሁንስ ለምን ጊዜ እየጠበቀ ያመረቅዛል? ብለው ይፈትሹ። እውነታው የውሸት ሪፖርት እና በዶሮ ፖለቲካ ሚኒስትር የመሆን ሕልም ውጤት ሆኖ ታገኙታላችሁ!!

ጎልጉል የድረገጽ ጋዜጣ

Filed Under: Middle Column, Opinions, Politics Tagged With: Doro Wot, gondar, Jano, ዶሮ, ጃኖ

Reader Interactions

Leave a Reply Cancel reply

Your email address will not be published. Required fields are marked *

Primary Sidebar

Recent Posts

  • የቴሌኮም ጌትዌይ፣ የዳታ ሉዓላዊነትና ብሔራዊ ደህንነት – የዌብስፕሪክስ ጉዳይ ከባለቤትነት ክርክር በላይ ነው! November 17, 2026 11:54 pm
  • “የጫካ ቱጃሮች!”— የፋኖ አመራሮች ስለተሰማሩበት የገንዘብ ዝርፊያ አስደንጋጭ መረጃ November 17, 2026 05:43 pm
  • በየወሩ 4 ሚሊዮን ብር እየተከፈለው ሀገር ሲያፈርስ የነበረው ሪፖርተር November 16, 2026 01:17 am
  • ሻርኮቹ ከውጭ እስከ ሀገር ውስጥ ያደሩት ድር፣ ዌብስፕሪክስን (WebSprix) የመጠቅለሉ ድራማና ብሔራዊ ስጋት November 14, 2026 12:42 am
  • የመለስ ዜናዊን ጭንብል የገፈፈው የትህነግ ሚዲያ (EMF) ምስክርነት November 13, 2026 03:32 pm
  • ትህነግ በወታደራዊና በፖለቲካዊ መስክ እንደሞተ ሁሉ በሪፖርተር በኩል የሚዲያ ግብዓተ መሬቱ ተፈጽሟል November 13, 2026 01:13 am
  • በከባድ ታክስ ማጭበርበር የሚፈለጉት አቶ አበባው ደስታ፣ አማራጭ የቴሌኮም ጌትዌይ ፕሮጀክትን ሊጠቀልሉ ነው November 12, 2026 03:50 am
  • “ፋኖ ወደ ኦሮሚያ ገብቶ ሕዝብ እየገደለ ነው” የኦነግ ሸኔ (OLF/OLA) ተወካይ ጃል ጅረኛ November 10, 2026 05:12 pm
  • ከትህነግ የተማረኩና ከውጭ ሀገራት የገቡ ዘመናዊ የጦር መሣሪያዎች በቃሊቲ ለእይታ ቀረቡ November 6, 2026 03:36 pm
  • የመንግሥት ኃላፊዎች ወደ ሁርሶ የተወሰዱበት ምሥጢር November 5, 2026 12:43 pm
  • መንግሥት ሰማ፤ ሪፖርተር ተዘጋ፤ ግን ለምን? ምሥጢሩ ምንድነው? November 3, 2026 12:09 am
  • ኢትዮጵያ በሰማይ ላይ ነዳጅ የሚሞሉ የኢሉሺን (Il-78) አውሮፕላኖችን ከሩሲያ ልትገዛ ነው October 30, 2026 08:57 am
  • ካይሮ ያጣችውን የሩሲያ ጄቶች አዲስ አበባ የታጠቀችበት ምሥጢር October 29, 2026 10:26 am
  • ኢትዮጵያ ሱ-35 ተዋጊ ጄቶች እና የኤስ-400 ዘመናዊ የአየር መከላከያ ስርአት በመታጠቅ ከሰሃራ በታች ብቸኛዋ ሀገር ሆናለች October 28, 2026 11:00 am
  • ሻዕቢያ ኢትዮጵያን በ“ካሚካዜ” ድሮኖች ለመምታትና በዘር ግጭት ለማፍረስ ሰፊ ዝግጅት እያደረገ መሆኑ ተሰማ October 27, 2026 11:14 pm
  • ጆን መዲድ “ቀዝኖ እና ልብሱ ተበላሽቶ” ነው መከላከያ የማረከው October 27, 2026 08:41 pm
  • በጆን መዲድ መማረክ አደረጃጀቱ እየተፈረካከሰ በመሆኑ እነ ወዲ እምበይተይ፣ ምግበይ፣ ቀጣዮች ሊሆኑ ይችላሉ October 27, 2026 09:17 am
  • ከታክስ ስወራ እስከ ሐሰተኛ ጋብቻ፦ በኢትዮጵያ የታጠቁ ቡድኖች ደጋፊ ዳያስፖራዎችን ለማደን የተዘረጋው አዲሱ የአሜሪካ መረብ October 21, 2026 09:26 am
  • ኔታንያሁ የሶማሊላንድን ሉዓላዊነት ያረጋገጠ አዲስ ቀጣናዊ ካርታ ይፋ አደረጉ October 20, 2026 03:20 pm
  • ትውልደ ሶማሊያዊቷ ናፊሳ በተዘቀዘቀ የአሜሪካ ሠንደቅ ፊት በሶማሊኛ ምርጫ ቅስቀሳ ማድረጓ ቁጣ ቀሰቀሰ October 20, 2026 09:21 am
  • በአሜሪካ የሚገኙ የታጠቁ ቡድኖች ደጋፊዎች ላይ የተደቀነው አዲስ ስጋት October 19, 2026 08:58 pm
  • ዜግነት ሊያሰርዝ በሚችለው የኢልሃን ዑመር ምርመራ ላይ አዳዲስ መረጃ ተገኝቷል October 19, 2026 04:45 pm
  • በትግራይ የሚገኙ የሚዲያ ተቋማት ስም በአስቸኳይ ሊቀየር ይገባል! October 19, 2026 02:55 am
  • በትግራይ ሕዝብ ደም የሚደረገው የሥልጣን ቁማር ያብቃ! October 14, 2026 11:04 pm
Copyright © 2026 · Goolgule