“የትግል ልዩ ምዕራፍ እድገቶች እና የምከታችን ቀጣይ ስትራቴጂዎች፣ ስልቶች እና አቅጣጫዎች” በሚል ርዕስ ኢትዮጵያን በረቀቀ ስልት ለማፈራረስ ካልተቻለም የትህነግን ጡንቻ በማሳበጥ የመደራደር ዐቅሙን ለማጎልበት እንዲረዳ የወጣ ባለ 86 ገጽ ሰነድ እዚህ ላይ ይገኛል።
ጎልጉል የድረገጽ ጋዜጣ
ኢትዮጵያን ለማፍረስ መስከረም 2013 በትህነግ የተዘጋጀው ሰነድ
Ethiopian News
Ethiopian News
“የትግል ልዩ ምዕራፍ እድገቶች እና የምከታችን ቀጣይ ስትራቴጂዎች፣ ስልቶች እና አቅጣጫዎች” በሚል ርዕስ ኢትዮጵያን በረቀቀ ስልት ለማፈራረስ ካልተቻለም የትህነግን ጡንቻ በማሳበጥ የመደራደር ዐቅሙን ለማጎልበት እንዲረዳ የወጣ ባለ 86 ገጽ ሰነድ እዚህ ላይ ይገኛል።
ጎልጉል የድረገጽ ጋዜጣ
ወያኔዎች የክፋታቸው ጥግ ሰማይ ጠቀስም ቢሆን የሚደነቁ ናቸው። ይህ ሁሉ ሰነድና ዝግጅት ሲደረግ አንድም ሰው ሚስጢራቸውን አለማውጣቱ በራሱ የሚያስገርም ነው። በእርግጥ የኢሳያስ የስለላ መረብ ደርሶበት ለዶ/ር ደብረጽዪን በፊት ለፊት ተው ይህ ለጦርነት መዘጋጀታችሁ አያዋጣችሁም እንዳለው ተረድተናል። ይሁን እንጂ የሰሜን እዝ አፍንጫ ስር ነዳጅና የጦር መሳሪያ ሲያከማችሁ፤ ከማህል ሃገር የነበሩ በጡረታና በሌላም መልክ የተሰናበቱ ታጋዪችን ሲሰበስቡ አንድም የወገን ሰው አለመንቃቱ የቱን ያህል የወያኔ አሰራር የሰሜን እዝ ጦርን የራሱ ተላላኪና አራሽ ገበሬ አድርጎት እንደነበር በግልጽ ያሳያል።
አሁን እንሆ ወያኔ የነደፈው የተባለነውን የተንኮል ጥራዝ አንብቦ ለተረዳ ከስልጣን ከተባረሩ በህዋላ ያዘጋጅት ሳይሆን ገና ቀደም ብሎ የነደፉት ለመሆኑ አመላካች ነገሮች ብዙ ናቸው። በእርግጥም ኢትዮጵያን ለማፈራረስ ጊዜው አሁን ነው ማለታቸው የቱን ያህል የልብ ልብ እንደተሰማቸውና እኛ ብቻ የምስራቅ አፍሪቃ የወታደራዊ ሃይል የበላይ ነን ብለው እንደሚያምኑ በግልጽ ያሳያል። ቁም ነገሩ ትግራይ ለትግራይ በትግራይ ይበሉ እንጂ ለራሳቸው ስልጣን መራዘም የተነደፈ የፓለቲካ ሴራ ለመሆኑ የአለምን እይታና የፓከቲካ አሰላለፍ በተለይም የአፍሪቃ ሃገሮችን ድጋፍ ሰጭነትና ያለዚያም ኢትዮጵያን በመናዳችሁ አይናችሁን ላፈር መባሉን በግልጽ ያላካተተ በጅሎች ለጅሎች የተነደፈ ሰነድ እንደሆነ ልብ ያለው ያስተውላል። ግን ይህ ሁሉ እብደት መንግስት ነኝ በሚለው የዶ/ር አብይ በኩል የሚሰነዘርበትን የአልሞት ባይ ተጋዳይ ፍልሚያ ልብ ብሎ የመዘነው አይመስልም። አይ ወያኔ ሁሌ ጦርነት ከእኔ በላይ አዋቂ የለም ብሎ መደንፋት። ተራራ ያንቀጠቀጠው ትውልድ በተራሮች መካከል ተወሽቆ ሲቀጠቀጥ። አታድርስ ነው። ከዚህ ባሻገር ሰነድ ስለ ኤርትራና ኢሳያስ ዘባርቆ የዶ/ር አብይና የኢሳያስን ጥምረት ነካክቶ በጎን የሱዳን ድጋፍን አምኖ የተቀበለ የሙት ድርጅት የፓለቲካ ሰነድ ነው።
ኢትዮጵያን ለማፍረስ ሲኦል ድረስ እንጓዛለን እያለ የሚዝተው ጌታቸው ረዳ ሴኩቱሬ በመብረቃዊ ጥቃት ሁሉን ተቆጣጠርነው ብሎ እንደ ደነፋው አይነት የንፋስ ወሬ ነው። ባይገባው ነው እንጂ ጌታቸው ረዳ አሁንም የቆመበት ሥፍራ ሲኦል ነው። የስንቶችን ደም አፍሶ፤ ስንቶችን አስለቅሶና ዘርፎ ለመኖር ያወጣው ሰነድ ይኸው ህዝባችን እያየው ነው። የሚገርመው ግን የትግራይ ልጆች ከእውነት የራቀ ዝምታና በአንድ በኩል በዘርና በቋንቋ ብቻ መሰለፍ ነው። ለትግራይ ህዝብ የሚያስብና ህዝቤ ተራበብኝ የሚል ድርጅት የእርዳታ እህል እንዲያደርሱ የተላኩ ካሚዎኖችን አስቀርቶ ሾፌሮቹ ትግሉን ተቀላቅለዋል ብሎ ወሬ ያናፍሳል? ይህ እብደት አደለም የሚል ማንም የትግራይ ተወላጅ ራሱ ያበደ ብቻ ነው። ግን ወያኔ መንግስት ከሆነ በህዋላ የተወለድ የትግራይ ልጆች ወያኔ በትግራይ ህዝብ ላይ ያደረሰውን ያለፈ ገመና አያውቁም። የአሁኑን መከራ ግን እየተጋቱት ነው። ያኔ ታጋይ የነበሩትም በዘርና በቋንቋ ስለ ሰከረው ከአብሮ ከእብዶች ጋር እየተመሙ ነው። ወያኔ የትግራይን ህዝብ የራሱ መነገጃ ካደረገው ዘመናት ተቆጥረዋል። አሁን ረሃብ ያጠናወታቸው ስጋቸው ተሸብሽቦ አጥንታቸው ገጦ የሚታይ ፎቶ ለዓለም ቢለቀቅ ደስታውን አይችለውም። ያኔም በትግራይ ህዝብ ላይ የነገድበት በዚህ አይነት ሁኔታ ነው። ወደፊቱም የወያኔ ወረት የትግራይ ህዝብ ነው። የትግራይ ህዝብ መከራና ችግር ግን ለእነ ጌታቸው ረዳ ጭራሽ አይታያቸውም። እስቲ አመራር ላይ ካሉት መካከል ልጆቻቸው፤ ዘመዶቻቸው በጦር ሜዳ ላይ አሉ የምትሉ ካላችሁ ንገሩን? የስዬ አብርሃ ልጆች ትግራይ ውስጥ ናቸው? የጻድቃን ቤተሰቦች ይዋጋሉ። የዶ/ር ደብረጽዪን ዘመድና አዝማድ ውጊያ ሜዳ ላይ ናቸው? አይደሉም። የትግራይን ህዝብ በውሸት እያደነቆሩ ለዘመናት ሲያስገድሉትና አሁንም በእሳት የሚማግድት እነዚህ የሙታን ስብስቦች ናቸው። የትግራይ ህዝብ ሁሉን መዝኖ በመነሳት ከምድረገጽ ወያኔን እስካላጠፋ ድረስ መከራው ይቀጥላል።
ያው መግቢያው ላይ እንዳልኩት ግን ወያኔ አስገራሚ ድርጅት ነው። ከ 250 ሺ በላይ ህዝብ በሰውርና በሚስጢር ያስታጠቀው ወያኔ የዶ/ር አብይን መንግስት ነኝ ባይነት ከመፈተን አልፎ አፋርና አማራ ክልል ድረስ ዘልቆ በመግባት ማበራየቱ በራሱ የመንግስት አይነት አቋምና መዋቅር በትግራይ መሬት መስርቶ እንደነበር ያሳያል። ተጨፈጨፉ፤ ተቆርጦ የቀረው ተለቀመ፤ እንደ ድቄት ተበተኑ፤ ለወሬ ነጋሪ የቀረ የለም ኸረ ምን የማይባል ነገር አለ የተባሉት ወያኔዎች የትግራይ ክልልን ባንዲራ የተቀቡ ታንኮች፤ የአየር መቃወሚያዎች፤ መድፎችና ዲሽቃዎች ይዘው የወሎን፤ የአፋርንና የአማራን ህዝብ ያለምንም ርህራሄ ሲገድሉና ሲዘርፉ አዲስ አበባ ላይ ተቀምጦ አካኪ ዘራፍ የሚለው የአብይ መንግስት የአህያ ባል ከጅብ አያስጥል አይነት ነው። ወያኔ ገና ብዙ ገመና የሚያደርስ ድርቡሽ ድርጅት ለመሆኑ አሁን በላሊበላና በሌሎች አካባቢዎች የሚያደርሱትና በማድረስ ላይ ያሉትን ጸረ ሰው፤ ጸረ እንስሳና ጸረ ሰብል የሆነ ተግባር ለትውልድ የሚረሳ አይሆንም። ስለሆነም የወያኔን የዘመናት ሴራ ጠንቅቆ ለሚረዳ ሰው ቀድሞም በህዝብ ላይ ያደረሱት አሁንም የሚያደርሱት ወደፊትም የሚያደርሱት ግፍና ዝርፊያ አብሯቸው የኖረ የፓለቲካ ባህሪያቸው እንጂ ከስልጣን ከተባረሩ በህዋላ የተከሰተላቸው እይታ አይደለም። ይህ በትህነግ ተዘጋጀ የተባለውም ሰነድ የሚያሳየው የክፋታችውን ጥግ ነው። ግን መቼ ይሆን ነገርን መርምረን፤ ሰውን በሰውነቱ ተቀብለን፤ እይታችን ሰፍቶ፤ ከዘርና ከክልል ፓለቲካ ርቀን እውነትን በማየት ለህዝባችን ተደራሽ የምንሆነው? ያ ቀን ይመጣ ይሆን ወይስ እድሜ ልካችን አማራ፤ ኦሮሞ፤ ትግሬ ገለ መሌ በማለት የደንበር ገተር የዘር ፓለቲካችን ይቀጥላል? ቆይቶ ማየት ነው። ለአሁን ይብቃኝ!