ለዘመናት የአፍሪካ ኅብረት ዋና ጽሕፈት ቤትን ከኢትዮጵያ ለማንሳት እጅግ በርካታ ሙከራዎች ተደርገዋል። ይቀርቡ የነበሩት ምክንያቶች ውሃ የማይቋጥሩ ሆነው በመገኘታቸው ሁሉም ስኬት እንደናፈቃቸው መና ሆነው ቀርተዋል። ሙከራው ግን አላቆመም፤ አሁንም ቀጥሏል።
ኢትዮጵያ ከትግራይ ሕዝብ ነጻ አውጪ የወንበዴ ቡድን ጋር ጦርነት የገጠመች ጊዜ ይኸው አጀንዳ ቀጠለ። ጦርነቱ ከነበረው በርካታ ድብቅ ዓላማዎች በዋነኛነት የሚጥቀሰው ይህ እንደነበር ለጉዳዩ ቅርበት ያላቸው ይመሰክራሉ።
በተለይ በኮቪድ ምክንያት የኅብረቱ ስብሰባ ለሁለት ዓመታት በመስተጓጎሉ በዚያው ከኢትዮጵያ ምድር ተረስቶ እንዲቀር ያልተፈነቀለ ድንጋይ አልነበረም። በተለይ የሰሜኑ ጦርነት “በአገሪቱ መረጋጋት የለም” ለሚለው አመክንዮ እንደ ማሳያ ተቆጥሮ ስብሰባው እንዳይካሄድ ከፍተኛ ጫና፣ ግፊት ሲደረግ በነበረበት ወቅት መንግሥት ስብሃት ነጋን፣ ጃዋር መሐመድን፣ እስክንድር ነጋን፣ በቀለ ገርባን፣ ወዘተ የመፍታት እጅግ አናዳጅና የበርካቶችን ልብ ያሳዘነ እርምጃ በመውሰድ ነበር የታደገው።
እነ ስብሃት በተፈቱ በወሩ የአፍሪካ ኅብረት ስብሰባ አዲስ አበባ ላይ መካሄድ ቻለ።
ከሳምንት በኋላ የሚከፈተውን የአፍሪካ ኅብረት ስብሰባ እና ሌሎች በርካታ የፖለቲካ አጀንዳዎችን አስልቶ በድንገት በሚመስል ከተፍ ያለው የሰሞኑ የሲኖዶስ ውዝግብ ከዚህ ውጪ እንደማይታይ በርካታ ጠቋሚ መረጃዎች አሉ።
በቅርቡ አዲስ አበባ ላይ የሚከፈተው የውጭ ጉዳይ ሚኒስትሮችን ስብሰባ ተከትሎ የሚደረገው የመሪዎች ስብሰባ በርካታ ወሳኝ አጀንዳዎች ቀርበው የሚጸድቁበትና አቅጣጫ የሚያዝበት እንደሚሆን ይጠበቃል።
ከፓን አፍሪካኒዝም አጀንዳ በተጨማሪ አፍሪካ በተባበሩት መንግሥታት የጸጥታው ምክር ቤት ወንበር እንዲኖራት፣ የአፍሪካ የበሽታ መቆጣጠሪያ ማዕከል (CDC) ዳይሬክተር የሚሾምበት፣ የነጻ ንግድ ቀጣና ስምምነት የሚፈረምበት፣ አፍሪካዊው የቡድን አራት (G4) ጉዳይ ወሳኝ አቅጣጫ የሚቀመጥበት፣ ወዘተ በርካታ ጉዳዮች ላይ ውሳኔ የሚተላለፍበት ስብሰባ ነው።
በተለይ ከጥቂት ሳምንታት በፊት በአዲስ አበባ ተመርቆ የአፍሪካ የበሸታ መቆጣጠሪያ ማዕከል ትልቁን ቦታ የሚይዝ ነው። ይህ ማዕከል ሲመረቅ በወቅቱ የተገኙት አዲስ የተሾሙት የቻይናው ውጭ ጉዳይ ሚኒስትር ነበሩ። ገና በሚኒስትርነት ከመሾማቸው ቅድሚያ ሰጥተው የመጀመሪያ መዳረሻቸው ያደረጉት ኢትዮጵያን እንደነበር ይታወሳል። ይህም ዋንኛው ዓላማ ማዕከሉን መርቆ ለመክፈት ነበር።
ይህ ማዕከል በኢትዮጵያ እንዳይመሠረት በዓለም የጤና ጥበቃ ድርጅት የትህነግ ወኪል የሆነው ቴድሮስ አድሃኖም እጅግ ብርቱና ጠንካራ ሤራዎችን ሲጎነጉን እንደነበር ለጉዳዩ ቅርበት ያላቸው ለጎልጉል ተናግረዋል። የማዕከሉ ምሥረታ እርሱ በተቀመጠበት ቦታ እንደፈለገ በአፍሪካ ላይ እንዳይሠለጥን የሚገድበው ሲሆን ምዕራባውያኑም አፍሪካን የበሽታ መሞከሪያ እንዳያደርጓት በርካታ አፍሪካዊ ሥራዎችን በመሥራት የሚገዳደራቸው ስለሚሆን ነው።
ለጎልጉል መረጃውን የሰጡ ጉምቱ ዲፕሎማት እንደሚሉት ከሆነ ይህ ማዕከል አዲስ አበባ ላይ መከፈቱ የአፍሪካ ኅብረትን ከኢትዮጵያ እንዳይነቃነቅ የሚያደርግ ችካል ነው ይላሉ። ሆኖም ሙሉ ሥራውን ከመጀመሩና ዋና ዳይሬክተር ከመሾሙ በፊት በጸጥታ እጦትና አለመረጋጋት በሚል ከኢትዮጵያ እንዲነሳ የሚደረገው ሤራ እንዲህ በቀላሉ የሚያቆም አይደለም። ወቅቱን ጠብቆ የተቆሰቆሰው የሲኖዶሱ ውዝግብና የሰላማዊ ሰልፉ መተላለፍ ከዚህ ሤራ ውጪ ሊሆን እንደማይችል በርካታ ጠቋሚዎች አሉ።
የሰሞኑ ከሲኖዶስ ጋር በተያያዘ የተነሳው ውዝግብ ፈርጀ ብዙና ዓላማው ሃይማኖታዊ ብቻ እንዳልሆነ ብዙ አመላካቾች አሉ። በቤተ ክህነት አካባቢ ያለውን ወከባ ጳጳሳቱን አንዳንዴ የተወዛገበ መግለጫ ሲያስወጣቸው ይታያል። አንዳንዶችም እንደሚሉት የጫካው ሲኖዶስ ፍጹም ውጉዝ ከመአርዮስ ቢሆንም ቤተ ክህነቱ አካባቢ ያሉት ጳጳሳት ሳያስቡት በተለያዩ ኃይሎች የፖለቲካ መጠቀሚያ ሳይሆኑ እንዳልቀረ ይናገራሉ።
ሕገወጡና የተወገዘው የወሊሶው ሲኖዶስ ግጭት ጠማቂና ጥላቻ ሰባኪ ነው ተብሎ የተወሰደው አካሄድ ቡድኑን የበለጠ የክፋት መሣሪያ እንዲሆን የሚገፋፋው እንደሚሆን እየታወቀ ይህ ቡድን በዚያው እያከረረ እንዲሄድ የሚገፋፋውን ውሳኔዎች ማስተላለፍ የይቅርታንና የንሰሐን መንገድ ያርቀዋል ይላሉ የቤተ ክህነት አካባቢ መረጃ አቀባዮቻችን። ከዚያ ሌላ ጳጳሳቱን አማክራለሁ በሚል የተወዛገቡና የተጣደፉ ውሳኔዎች እንዲተላለፉ ተጽዕኖ የሚያሳድሩና በዓላማ የሚንቀሳቀሱ ኃይሎች ሥራቸውን ጠንቅቀው የሚያውቁ ሲሆን እሁድ ለት ደሴ በተደረገው ሰላማዊ ሰልፍ ላይ የታዩት ፖለቲካዊ ይዘት ያላቸው መፈክሮች፣ በነጋታው በማኅበራዊ ሚዲያ ይጻፍ የነበረው ስለ ቀጣዩ አቅጣጫ ብዙ የሚል እንደሆነ አስተያየት ሰጪዎች ይናገራሉ።
በቀጣይ ሳምንት ጉዳዩ መስመር እንደሚይዝ ይጠበቃል። የጠቅላይ ቤተክህነት የሕዝብ ግንኙነት ኮሎኔል ደራርቱ የዕርቅ ቡድን አባል መሆኗን እና ሥራዋንም የሚደግፈው መሆኑን በመግለጽ ያወጣው መግለጫ አንዱ ተጠቃሸ ነገር ማብረጃ ውሳኔ ነው። እንዲሁም በጾመ ነነዌ ወቅት ምዕመናን ከጥቁር መልበስ፣ በጸሎትና ጾም ወደ አምላካቸው ከመቅረብ ሌላ ምንም እንዳያደርጉ መነገሩ፤ ለጸሎት ከሚያስፈልጉ መጽሐፍት ውጪ ሌላ ምንም መፈክር ይዞ ወደ ቤተክርስቲያን መምጣት አይፈቀድም በማለት ሲኖዶሱ እሁድ ያወጣው መግለጫ ቀጣዩ ሳምንት ብዙ ተስፋ ሰጪ እንደሆነ አመላካች ነው ተብሏል።
በደኅንነቱና በአጠቃላይ የጸጥታው አካል ዘንድ በርካታ የውዝግቡ ባለቤቶችና ዓላማ እንዲሁም ሁሉንም ወገኖች በተመለከተ የተያዘ በርካታ መረጃ ያለ ሲሆን ለአገር ደኅንነትና ግጭቱን ላለማካረር በይደር እንዲቆይ እንደተደረገ የመንግሥት ኮሙኒኬሽን እሁድ ያወጣው መግለጫ ፍንጭ ሰጥቶ አልፎታል።
በቀጣዩ ሳምንት ሁኔታው እየበረደ እንደሚሄድ ሲገመት ባካሄዱ ግን የማይደሰቱ የውዝቡና የግጭቱ ባለቤቶች ሌሎች የጥፋት ሤራዎችን ጠንስሰው ይፋ እንደሚያደርጉ ይጠበቃል።
ጎልጉል የድረገጽ ጋዜጣ
ዛሬም ሃገሬን የሚያምሳት የብሄርተኞች ጠባብ የፓለቲካ ውዥንብርና ሸፍጥ ነው። በነጻነት ስም ነፍጥ አንስተው ዛሬ ባርነትን በምድራቸው ያሰፈኑት እነዚህ ሙት ፓለቲከኞች በእርጅና ዘመናቸውም ያ የልጅነት የብሄርተኝነት ተንኮላቸው አልተዋቸውም። እንደ ተልባ ስፍር እዚህ ጋ ቆመ ሲሉ እዚያ ጋ እያፈተለከ የሃበሻይቱን ምድር ሰላምና ጸጥታዋን የነሳት ይኸው የክልልና የቋንቋ ፓለቲካ ነው። በአንድ ወቅት ኮ/መንግስቱ ሲናገሩ እንዲህ በለው ነበር። ” አያቶቼ ሰላምን አያውቁም። የእኔ ወላጆች ሰላምን አያውቁም። እኔ ሰላምን አላውቅም። ልጆቼም ሰላምን አላዪም” ብለው ነበር። ይህ ማቆሚያ የሌለው አንድ በወረፋ ሌላውን መግደልና መገዳደል መቼ እንደሚቆም ጭራሽ ማወቅ አይቻልም።
አሁን ደግሞ ድሮ በእጅ አዙርና በሸር ለመናድ የሞከሯትን የኢትዮጵያ ተዋህዶ ቤ/ክ በይፋ ለማፍረስ የኦሮሞ ጠባብ ብሄርተኞች የለኮሱት እሳት በጊዜ ካልተዳፈነ ይህ ነው የማይባል እልቂት የሚያስከትል ይሆናል። ዛሬ በሃገሪቱ እንደ ልባቸው የሚናጥጡት የኦሮሞ ፓለቲከኞች ሁሉም በጊዜው እንደ እነርሱ ከእኔ በላይ ማን አለ በማለት ታሪክ እየሻረው እንደተወገደ ማወቅ አለባቸው። ቀን አይመጣም ብሎ ግፍን አለመፍራት የመውደቂያ ጊዜን ያፋጥናል። ቆም ብሎ ነገሮችን ማጤን አስፈላጊ ነው። ይህ ህዝብ ተገፍቶ ተገፍቶ አሁን ደግሞ በእምነቱ ሲመጣበት ሆ ብሎ ከተነሳ ምንም አይነት የጦር ሃይል አያቆመውም። በዚህ ላይ እኛ እንድንገዳደል የሚሹ የውጭ ሃይሎች እሳትን እያቀበሉ አትራፊ አልባ እንደሚያደርጉን ልንረዳ ይገባል።
የተለያዪ በአዲስ አበባ የሚገኙ አህጉርና ዓለም አቀፍ መ/ቤቶችና የድርጅት ተቋሞችም እቃቸውን ጠቅለው ለመውጣት ምክንያት ይሆናቸዋል። የአፍሪቃውን ጽ/ቤት ከአዲስ አበባ ወደ ሌላ ሥፍራ እንዲዛወር በፊትም ተሞክሮ ነበር አሁንም ብዙ አሻጥር አለ። ሰላም በሌላት ሃገር ውስጥ የሃገር መሪዎችን መሰብሰብ አስቸጋሪ ይሆናልና ዛሬም ቦታው እንዲለወጥ በሰውርና በይፋ የሚሰሩ ሃይሎች እንዳሉ ልናውቅ ይገባል። በዚህ የኦሮሞ የፓለቲካ እብዶች የሚያተርፉት ምንም የለም። ባጭሩ አሁን በኦሮሞ ጠባብ ብሄርተኞች (ጠ/ሚሩን ጨምሮ) በኢትዮጵያ ተዋህዶ ቤ/ክ ላይ የሚያደርሱት ወከባና ግድያ አትራፊ እንደማይኖርበት ሊረድት ይገባል። ሰው በቋንቋውና በባህሉ የሚኮራው ሌላው ሲጋራለትና ሲገለገልበት ነው። ግን ሱሪ በአንገት ለሚሉ የዘር ፓለቲከኞች ይህ የድንበር ገተር ፓለቲካቸው ለሃገሪቱ ብቻ ሳይሆን ለእነርሱም የማያዋጣ የመከራ ደመና ነው። ወዪ ለእነዚያ በሰው ደም እጃቸው ለተጨማለቀ፤ ቀን ይመጣል። ቆም ብለን እናስብና የሚሆነውን ተመካክሮ ማድረግ ተገቢ ነው። የጠ/ሚሩ አሻሚና ወገንተናዊ የሆነ የየጊዜው ዲሲኩር ገደብ ሊኖርበትና ሊታረም ይገባል። እናንተ በየድህረ ገጽ፤ በዪቱብ ፍራንክ ፍለጋ የሆነ ያልሆነውን እየለጠፋችሁ ሰውን ባታጫርሱት መልካም ነው። በፊት በትግራይ በተፈጠረው ችግርና መከራ በውሸት ፕሮፓጋንዳና በፈጠራ ተግባር ሰውን ያስጨረሳችሁበትና የራሳችሁን ኪስ የሞላችሁበት አይበቃም። ሰው እንዴት ራሱን ሽጦ ይኖራል? ህዝባችን በአራቱም ማዕዘን የሚሻው ሰላምና ሰርቶ መኖርን ነው። ሌላው ሁሉ ለ 60 ዓመት ሙሉ እናውቅልሃለን የሚሉ የብሄር በሽተኞች የሚለኩስት እሳትና ትሩፋቱ ነው ያስቸገረን። ተው ልብ ግዙ!
አረ የምትልትን ታውቃላቹ እንደኢ፧ የሃገሪቱዋ ኣንድነት ካልተጠበቀ የኣፍሪቃ ኣንድነት እንዴት ይጠብቓል፧ ሃገሪቱዋ ማናት እንዳትል የኢትዮጲያ ኦርቶዶክስ ሃገር ናትእኮ! የህንድ ቤተክርስትያን እንዲት ኣደርጓ ለሰወስት ተተረተረች መንፈስ ቅዱስን የማያውቅ ይመስልሃል፧ ስለዚ ጳውሎስ እንዳለው ለሃሰቴኞቹ ዕድል የሚባል መስጠት የለባቹም እኮ፤ “ምንም ከሰማይ የመጣ መልኣኽም ቢሆን ከተሰበከላቹ የሚጻረር ከሰበከላቹ የተወገዘ ይሁን” የሚለውን ቃል የገላትያ መልእክት ነው። ስለዚ ምንም ለውጥ ከሊለው የኣፍሪቃ ህብረት የኢትዮጲያ ሕብረት፡ ለኦርቶዶክስ መምረጥ ነው። ፖለቲካው የቤተክርስቲያኒቷን ጠቅም የማያስከብር ከሆነ፡ ቤተክርስቲያኒቷ ጠቅሟንን ኣንድነቷን የሚኣከብርላት ፓርት መመስረት እና መምረጥ መብቷ ነው። እሄ የናንተ ጽሁፍ ግን ቤተክርስቲያኒቷ በራሷን ልትፈታ እድል መስጠት ሳይሆን ለመከፋፈል እየሰራቹ ናቹ።
ወንኣምን በአሐቲ ቅድስት ቤተ ክርስቲያን!!!!!!!
ትንሽ ሚዛን የሳተ የመንግሥትን አካሄድና ውንጀላ የሚደግፍ ሆኖ አግኝቼዋለሁ ። ጫካ ገብተው መፈንቀለ ሲኖዶስን ያደረጉትን ቤተክነቷ ናት እንዲያረጉ ያደረጉች? የአፍርካ ኅብረት ስብስባን አጋጣሚ ልጠቀም አለች? ሌሎች ከጀርባ ካሉት ጋር ዶልታ እነዚህን ሦስት አቡኖችን መፈንቅለ ሲኖዴስ አድርጉ አለች የፖለቲካ አለመረጋት እንዲፈጠር ፈልጋ? ምነው ነገር ቀስቃሾችን እንደመንግሥት እሽሩሩ የምትለው? ጣት ቅሰራህን ወደ ቤተክርስቲያኖ የምታረገው ። ሚዛን ጠብቆ እውነትን ከዚያም ችግሩ ሊያመጣ የሚችለውን ጠቁሞ ለመፍትሄው የሚሆን መንገድ ማሳየት በተገባ ፣ የአንድ ወገንን ማንጸባረቅ በወደቀ ዛፍ ላይ ምስር እንዲሉ ነው ። ያሳዝናል!!!