• Skip to primary navigation
  • Skip to content
  • Skip to primary sidebar

Goolgule

Ethiopian News

  • ስለ እኛ/about
  • አስፈንጣሪዎች/links
  • ቤተ መዝገብ/archives
  • አድራሻችን/contact
Header Banner Image
  • Home
    ዋና ገጽ
  • Editorials
    ርዕሰ አንቀጽ
  • News
    ዜና
  • Socio-Political
    ማኅበራዊ-ሽከታ
  • Religion
    ሃይማኖታዊ
  • Interviews
    እናውጋ
  • Law
    የሕግ ያለህ
  • Opinions
    የኔ ሃሳብ
  • Literature
    ጽፈኪን
    • Who is this person
      እኚህ ሰው ማናቸው?
  • Donate
    ለባለድርሻዎች

የዛሬ ዓመት በማይካድራ በተፈጸመው የዘር ጭፍጨፋ

November 9, 2021 10:38 am by Editor 1 Comment

• አንድ ሺ 564 ሰዎች በጭካኔ ተገድለዋል።

• 81 ሰዎች ከፍተኛ የአካል ጉዳት ደርሶባቸዋል።

• ድርጊቱን የፈጸመው አሸባሪው ሕወሓት ያደራጀው ሳምሪ የሚባል ገዳይ ቡድን ነው።

የዛሬ ዓመት በማይካድራ በተፈጸመው የዘር ጭፍጨፋ አንድ ሺ 564 ሰዎች በጭካኔ መገደላቸውን፤ 81 ሰዎች ከፍተኛ የአካል ጉዳት የደረሰባቸው መሆኑን ድርጊቱን የፈጸመው አሸባሪው ሕወሓት ያደራጀው ሳምሪ የሚባል ገዳይ ቡድን መሆኑን በጎንደር ዩኒቨርሲቲ መምህርና ወልቃይት፣ ጠገዴና ጠለምት የጥናት ቡድን መሪ ገለጹ።

የጥናት ቡድኑ መሪ አቶ ጌታ አስራደ አለማየሁ በተለይ ለኢትዮጵያ ፕሬስ ድርጅት እንደገለጹት፤ የዛሬ አመት በማይካድራ ጭፍጨፋውን ያካሄዱት ሳምሪ የተባለ አሸባሪው ሕወሓት ያደራጃቸው ገዳይ ቡድን ነው። ይህ ቡድን አንድ ሺ 564 ሰዎችን መጥረቢያ፣ ቆንጨራና፣ ቢለዋ፣ ማጭድና መሰል መሳሪያዎችን ተጠቅሞ ዘር ተኮር ጭፍጨፋ አካሂዷል።

ገዳይ ቡድኑ በአሸባሪው ሕወሓት የጦር መኮንኖችና በልዩ ኃይል አባላት ሥልጠና የተሰጠው መሆኑን አመልክተው፤አሸባሪው ሕወሓት በሰሜን እዝ ላይ ጥቃት ከፈጸመ በኋላ በተወሰደው የሕግ ማስከበር ዘመቻ ሽንፈት መከናነቡን ሲረዳ በወልቃይት፣ በጠገዴና በማይካድራ በጭካኔ የተሞላ የዘር ጭፍጨፋ ለማካሄድ አደረጃጀት መፍጠሩን ተናግረዋል።

እንደ አቶ ጌታ አስራደ ገለጻ፤ የትግራይ ተወላጅ የሆነ ሳምሪ የተባለው የወጣቶች ቡድን የዘር ጭፍጨፋ እንዲካሄድ አሸባሪው ሕወሓት የጦር መኮንኖችና የልዩ ኃይል አባላቶች ሥልጠና ሰጥቷል። ሥልጠናው ከትግራይ ብሔር ውጪ ያሉ የአማራ ተወላጆችን እንዴት ለይቶ በጭካኔ መግደል እንዳለባቸው በተግባር የታገዘ ሥልጣና ያገኙ መሆኑን መረጃዎች ያሳያሉ።

ከትግራይ ተወላጆች ውጪ ያሉ ነዋሪዎችን መታወቂያና ሲም ካርዳቸውን በመሰብሰብ መዝግበዋቸው እንደነበር ያወሱት አቶ ጌታ አስራደ፤ በስም ዝርዝራቸው መሠረትም ገዳይ ቡድኑ ቤት ለቤት በመሄድ በመጥረቢያ፣ በቆንጨራና፣ በቢላዋ፣ በማጭድና በመሰል መሣሪያዎች ጭፍጨፋ ማካሄዳቸውን አስረድተዋል።

ድምጽ አልባ መሣሪያዎችን የመረጡበት ምክንያትም ወደ ከተማው የሚገቡ ሰዎች የመሳሪያ ድምጽ ሰምተው እንዳይመለሱና በማይካድራ ከተማ የሚኖሩ ሰዎች የማምለጥ ሙከራ እንዳያደርጉ ታስቦ መሆኑንም ገልጸዋል። ለማምለጥ የሚሞክሩ ካሉ በከተማዋ መውጫና መግቢያ በሮች ላይ መሳሪያ የታጠቁ አልሞ ገዳዮች ተዘጋጅተው እንደነበር ጠቁመዋል።

ስለ ማይካድራ የዘር ጭፍጨፋ አብዛኛውን መረጃ የተገኘው በወቅቱ ከተጎዱ ሰዎች መሆኑን ቡድን መሪው አመልክተው፤ በ24 ሰአት ውስጥ አንድ ሺ 564 ሰዎች ተገድለዋል፤ 81 ሰዎች ከፍተኛ የአካል ጉዳት ደርሶባቸዋል፤ የደረሱበት ያልታወቁ ሰዎችም አሉ ብለዋል።

ከተገደሉት መካከልም በልጁና በሚስቱ ፊት በጩቤ አርደው ከገደሉት በኋላ በእሳት ያቃጠሉት ጎልማሳ ግለሰብ ይገኝበታል። ይህ ደግሞ ምን ያህል ጨካኝና አረመኔ መሆናቸውን የሚያሳይ ድርጊት መሆኑን ለአብነት ጠቅሰዋል። (ኢፕድ)

ጎልጉል የድረገጽ ጋዜጣ

Filed Under: Middle Column, News, Religion Tagged With: mia cadra, miacadra massacre, operation dismantle tplf, tplf terrorist

Reader Interactions

Comments

  1. Tesfa says

    November 10, 2021 09:28 am at 9:28 am

    ሲጀመር ወያኔ አማራ ጠል ነው። አሁንም ወደፊትም በአማራ ላይ ያለው የትርክት ጥላቻ ይቀጥላል። ድርጅቱ በውሸት የተካነ፤ ለውጭ ሃይሎች ያደረ ለሃገርና ለወገን ግድ የማይሰጠው የማፊያ ጥርቅም ነው። አሁን እንሆ በአሜሪካና በተከታዪቿ እየተመራ በፈጠራ ሽብር በወሬ አናፋሾቹ በኩል ህዝባችን የሚያናውጡት ለኢትዮጵያ ህዝብ አዝነው የሚመስለው ካለ ስቷል። እነ አየርላንድ፤ ኖርዌ እና ሌሎችም አሁን የሚያናፍሱት የትግራይ ህዝብ አለቀ ጩኽት ባለፈ ትርክት ስለተለከፉ ነው። የሚገርመው ግን ነጩ ህዝብ ለጥቁር ህዝብ ያዝናል በማለት መታሰቡ ነው። በጭራሽ። አሁን የትግራይ ህዝብ ተራበ፤ ኡ ኡ የሚሉት ጎዶች ወያኔ በስልጣን ላይ እያለ ያደርስ የነበረውን ግፍ ሁሉ እንዳላየ አይተው ያለፉ ናቸው፡፡ አንባቢ ወይም የጊዜውን የሃገራችን የሚዲያ ሽፋን የሚከታተል ለምን ይሆን ይህን ያህል ትኩረት የተሰጠው ይል ይሆናል። አንደኛው ምክንያት የሚያወሩት የተሻለ ወሬ የለም። ሁለተኛው ተከፋዪችና ብላቢ የተገዙ የመንግስታት ጉዳይ አስፈጻሚዎችን ትዕዛዝ ለመፈጸም ነው። የእንግሊዙ ቢቢሲ ኦንላይነ በቀን ከሶስት ዜና በላይ በትግራይ ብቻ ያተኮረ ያወጣል። ሌላው ሽርፍራፊ ሳንቲም ለመሰብሰብ በተለያዪ ሶሻል ሚድያ ላይ የሆነ ያልሆነውን ይለጥፋል። የዚህ ሁሉ ወሬ ድምር ግን የውሸት ክምር ነው። ለምሳሌ – ወያኔ ተወቃ፤ ተደመሰሰ፤ ፈረጠጠ፤ ለወሬ ነጋሪ ሳይቀር አለቁ እየተባልን ወያኔ ግን ከትግራይ ምድር ርቆ በአፋርና በአማራ ክልል ላይ ያደረሰው የመከራ ዝናብ ከጣሊያኑ ወረራ የከፋ ነው። ታዲያ ሽለላው፤ ፉከራው፤ የጦር ሃይሉ ገድል፤ የአየር ሃይሉ ድብደባ ወዘተ ያመጣው ለውጥ የለም። እንዲያውም በጦርነቱ ለመካፈል ወደ ውጊያው ቀጠና የገቡ ገበሬዎች፤ ፋኖዎችና ሌሎችም ቆዪ ጠብቁ ት ዕዛዝ እየተባሉ በጎን በኩል ደግሞ ወያኔ ሰሜን ሸዋ ድረስ ገብቶ ህዝብ እየጨረሰ ነው። ወደ ኋላ እየሮጡ የት ሊደረስ ነው? አሁን እንሆ የምዕራባዊያንና የወያኔን ፕሮፓጋንዳ ወደ ጎን አርገን በመሬት ላይ ያለውን ሁኔታ ስናይ የሚነግረን ይዋጋል የሚባለው ሰራዊት እያፈገፈገ እንዳለ ነው። ውጊያ ከጊዜ ጋር የሚፈጸም ጉዳይ ነው። ሰው በሰላ ጭንቅላትና በተቀናጀ መልኩ በአንድ በኩል ድል ሲቀናጅ በሌላ በኩል ያለው ሃይሉ ጉልበት ያገኛል። አሁን የምናየው የፓለቲካ አሻጥር ግን ለወያኔም ሆነ ለቀሪዋ ሃገራችን የሚጠቅም አይሆንም። ወያኔ በባድሜ በኩል ከኤርትራ ሰራዊት ጋር ፍልሚያ ቢገጥም ማንም ወያኔን ደግፎ ውጊያ የሚገባ አይኖርም። የትግራይን ህዝብ ከሌላው ህዝብ ጋር ደም አቃብተውታል። የሰሜኑን ጦር በተኛበት ሲረሽኑ የገደሉት አማራ ወታደሮችን ብቻ አይደለም። የብሄር ብሄር ስብስብ ወታደሮችን እንጂ። በእያንዳንድ ቤት ሃዘን ገብቷል። ይህ የሆነውም በወያኔ አርነት (ባርነት) ትግራይ ነው።
    እንግዲህ ጉዳዪ እንዲህ ከሆነ የወያኔ ወደ አዲስ አበባ እየተጠጋ መሄድ ለሽብር እንጂ እንደገና መንግስት የመሆን አላማ የለውም። እንዲያውም አሁን የትግራይ ሚዲያዎችን ለተመለከተ ተገንጥለዋል ለማለት ይደፍራል። ደብረጽዪንን የትግራይ ፕሬዚደንት ሲሉት አፍራሽ ሃይላቸውን የትግራይ ሰራዊት ነው የሚሉት። እኔ በትግራይ መገንጠል ችግር የለብኝም። ግን በመሃል ሃገር ተደላድለውና ሃብታም ሆነው የሚኖሩት ሁሉ እቃቸውን ጠቅለው መቀሌ መግባት አለባቸው። ያ ካልሆነ በመካከላችን በመሆን ሁልጊዜ ሸፍጥና መከራ እንደዘሩብን ይኖራሉ። ባጭሩ ወያኔ ሃብት አካፍሉን ማለቱ ፍቺ እንደሚፈልግ ያሳያል። የፍቺው ወረቀት ይሰጣቸውና ሃገር ይሁኑ። ግን ያቺ ምድር የመከራ ዝናብ ከአሁን በባሰ ይዘንብባታል። ወያኔዎች ያለ ጦርነት ሌላ ነገር ማምረት አይችሉም።
    በማጠቃለያው ሰላም ሰላም እርቅ እርቅ የሚባለው ሁሉ ቱልቱላ ነው። እርቅ ከወያኔ ጋር የሚታሰብ አይደለም። እነርሱም አይፈልጉትም። እየገደሉ መሞት ነው የሚፈልጉት። የኢትዮጵያ መንግስት በምርኮ የያዛቸውን ሁሉ ቆጥሮና መዝግቦ ይዞ ወያኔ ከያዛቸው ጋር የእስረኛ ልውውጥ በማድረግ ለቀይ መስቀል አስረክቦ የወያኔን ምርኮኞች መቀሌ መስደድ አለበት። በምንም ሂሳብ እነዚህ ሰዎች ከትግራይ የበላይነት ውጭ ምንም ነገር አይቀበሉም። ውሸትን ተግተዋል። ወያኔ መልሶ ጦርነት ውስጥ ሲማግዳቸው ያኔ ሁሉን ነገር ማገናዘብ ይችላሉ። ዝም ብሎ እነዚህን ሰዎች እያጠራቀሙ መቀለቡ አስቸጋሪና በህዋላ ጉዳት የሚያመጣ ነው የሚሆነው።
    በመዝጊያ እናተርፋለን ብለው ከሱዳን፤ ከግብጽ፤ ከአሜሪካና ከሌሎች ሃገር በቀል የወያኔ ቅጥያ ሙታኖች ጋር ቁጭ ብድግ የሚሉ ሁሉ ትርፋቸው ሞትና ውድመት ነው የሚሆነው። ሃገሩን አፍርሶ ሃገር የሰራ ሃገር የለም። የተከመረ የእህል ክምር የሚያቃጥል የእብድ ሃገር ተራብኩ ቢል ማን ይሰማዋል? አሁን የተመድ የእርዳታ ድርጅቶች ዋይታ ለሃገራችን ህዝብ አዝነው ሳይሆን በዚሁ ግርግር የሚበላ ብዙ ገንዘብ ስላለ ነው። ዝርፊያው ስር ሰደድ ነው። ገዢው ይሰርቃል። ጭኖ ስፍራው የሚያደርሰው ይሰርቃል። ስፍራው ከደረሰ በህዋላ ይሰረቃል ኸረ ስንቱ ብቻ ይህን ለማወቅ የፈለገ ሱዳን ባሉ የመጠለያ ጣቢያዎች ሂዶ ከጎበኘ በህዋላ ገቢያ ወጥቶ የሚቸበቸበውን የእርዳታ ቁሳቁስና ምግብ ማየት ይቻላል። በስደተኞች ስም የሚያተርፉት ብዙ ናቸው። ለስደተኛው የሚደርሰው ኢምንት ብቻ የሆነ ነገር ነው። መጠቅለያው ስላማረ ምግቡ የጤና ነው፤ መድሃኒቱ ፈዋሽ ነው የሚሉ ጅሎች ረጋ ብለው ሁሉን ሊመረምሩ ይገባል። በተሎ የወያኔ መስፋፋት ካልቆመ ምድሪቱ ዶጋ አመድ ስትሆን ይታየኛል። በቃኝ!

    Reply

Leave a Reply Cancel reply

Your email address will not be published. Required fields are marked *

Primary Sidebar

Recent Posts

  • የቴሌኮም ጌትዌይ፣ የዳታ ሉዓላዊነትና ብሔራዊ ደህንነት – የዌብስፕሪክስ ጉዳይ ከባለቤትነት ክርክር በላይ ነው! November 17, 2026 11:54 pm
  • “የጫካ ቱጃሮች!”— የፋኖ አመራሮች ስለተሰማሩበት የገንዘብ ዝርፊያ አስደንጋጭ መረጃ November 17, 2026 05:43 pm
  • በየወሩ 4 ሚሊዮን ብር እየተከፈለው ሀገር ሲያፈርስ የነበረው ሪፖርተር November 16, 2026 01:17 am
  • ሻርኮቹ ከውጭ እስከ ሀገር ውስጥ ያደሩት ድር፣ ዌብስፕሪክስን (WebSprix) የመጠቅለሉ ድራማና ብሔራዊ ስጋት November 14, 2026 12:42 am
  • የመለስ ዜናዊን ጭንብል የገፈፈው የትህነግ ሚዲያ (EMF) ምስክርነት November 13, 2026 03:32 pm
  • ትህነግ በወታደራዊና በፖለቲካዊ መስክ እንደሞተ ሁሉ በሪፖርተር በኩል የሚዲያ ግብዓተ መሬቱ ተፈጽሟል November 13, 2026 01:13 am
  • በከባድ ታክስ ማጭበርበር የሚፈለጉት አቶ አበባው ደስታ፣ አማራጭ የቴሌኮም ጌትዌይ ፕሮጀክትን ሊጠቀልሉ ነው November 12, 2026 03:50 am
  • “ፋኖ ወደ ኦሮሚያ ገብቶ ሕዝብ እየገደለ ነው” የኦነግ ሸኔ (OLF/OLA) ተወካይ ጃል ጅረኛ November 10, 2026 05:12 pm
  • ከትህነግ የተማረኩና ከውጭ ሀገራት የገቡ ዘመናዊ የጦር መሣሪያዎች በቃሊቲ ለእይታ ቀረቡ November 6, 2026 03:36 pm
  • የመንግሥት ኃላፊዎች ወደ ሁርሶ የተወሰዱበት ምሥጢር November 5, 2026 12:43 pm
  • መንግሥት ሰማ፤ ሪፖርተር ተዘጋ፤ ግን ለምን? ምሥጢሩ ምንድነው? November 3, 2026 12:09 am
  • ኢትዮጵያ በሰማይ ላይ ነዳጅ የሚሞሉ የኢሉሺን (Il-78) አውሮፕላኖችን ከሩሲያ ልትገዛ ነው October 30, 2026 08:57 am
  • ካይሮ ያጣችውን የሩሲያ ጄቶች አዲስ አበባ የታጠቀችበት ምሥጢር October 29, 2026 10:26 am
  • ኢትዮጵያ ሱ-35 ተዋጊ ጄቶች እና የኤስ-400 ዘመናዊ የአየር መከላከያ ስርአት በመታጠቅ ከሰሃራ በታች ብቸኛዋ ሀገር ሆናለች October 28, 2026 11:00 am
  • ሻዕቢያ ኢትዮጵያን በ“ካሚካዜ” ድሮኖች ለመምታትና በዘር ግጭት ለማፍረስ ሰፊ ዝግጅት እያደረገ መሆኑ ተሰማ October 27, 2026 11:14 pm
  • ጆን መዲድ “ቀዝኖ እና ልብሱ ተበላሽቶ” ነው መከላከያ የማረከው October 27, 2026 08:41 pm
  • በጆን መዲድ መማረክ አደረጃጀቱ እየተፈረካከሰ በመሆኑ እነ ወዲ እምበይተይ፣ ምግበይ፣ ቀጣዮች ሊሆኑ ይችላሉ October 27, 2026 09:17 am
  • ከታክስ ስወራ እስከ ሐሰተኛ ጋብቻ፦ በኢትዮጵያ የታጠቁ ቡድኖች ደጋፊ ዳያስፖራዎችን ለማደን የተዘረጋው አዲሱ የአሜሪካ መረብ October 21, 2026 09:26 am
  • ኔታንያሁ የሶማሊላንድን ሉዓላዊነት ያረጋገጠ አዲስ ቀጣናዊ ካርታ ይፋ አደረጉ October 20, 2026 03:20 pm
  • ትውልደ ሶማሊያዊቷ ናፊሳ በተዘቀዘቀ የአሜሪካ ሠንደቅ ፊት በሶማሊኛ ምርጫ ቅስቀሳ ማድረጓ ቁጣ ቀሰቀሰ October 20, 2026 09:21 am
  • በአሜሪካ የሚገኙ የታጠቁ ቡድኖች ደጋፊዎች ላይ የተደቀነው አዲስ ስጋት October 19, 2026 08:58 pm
  • ዜግነት ሊያሰርዝ በሚችለው የኢልሃን ዑመር ምርመራ ላይ አዳዲስ መረጃ ተገኝቷል October 19, 2026 04:45 pm
  • በትግራይ የሚገኙ የሚዲያ ተቋማት ስም በአስቸኳይ ሊቀየር ይገባል! October 19, 2026 02:55 am
  • በትግራይ ሕዝብ ደም የሚደረገው የሥልጣን ቁማር ያብቃ! October 14, 2026 11:04 pm
Copyright © 2026 · Goolgule