• Skip to primary navigation
  • Skip to content
  • Skip to primary sidebar

Goolgule

Ethiopian News

  • ስለ እኛ/about
  • አስፈንጣሪዎች/links
  • ቤተ መዝገብ/archives
  • አድራሻችን/contact
Header Banner Image
  • Home
    ዋና ገጽ
  • Editorials
    ርዕሰ አንቀጽ
  • News
    ዜና
  • Socio-Political
    ማኅበራዊ-ሽከታ
  • Religion
    ሃይማኖታዊ
  • Interviews
    እናውጋ
  • Law
    የሕግ ያለህ
  • Opinions
    የኔ ሃሳብ
  • Literature
    ጽፈኪን
    • Who is this person
      እኚህ ሰው ማናቸው?
  • Donate
    ለባለድርሻዎች

በሞርሞን ቤ/ክ ዕርዳታ የኪዳነምህረት ኦርቶዶክስ ቤ/ክ ማምለኪያ ሥፍራ አገኘች

July 2, 2025 01:28 pm by Editor Leave a Comment

* በዕለቱ ቀሲስ ታጋይ ታደለ፣ ፓስተር ታደሰ አዱኛ እና የአካባቢው የሞርሞን ተወካይ ተገኝተዋል

* “የኦርቶዶክሳውያን ዕንባ ታብሷል” ቀሲስ ታጋይ

ላለፉት ዘጠኝ ዓመታት የማምለኪያ ቦታ በማጣት በብዙ ችግር ውስጥ የነበሩት የዩታ ጠቅላይ ግዛት ኪዳነ ምህረት ቅድስት ማርያም ኦርቶዶክስ ተዋህዶ ቤተክርስቲያን አባላት ከሞርሞን ቤ/ክ በተደረገላቸው የሕንጻ ሥጦታና ድጋፍ ቅዳሜ ሰኔ 21 ቀን 2017 ዓም (ጁን 28፣ 2025) ቋሚ የማምለኪያ ሥፍራ ማግኘታቸው ታወቀ።

በቤተክርስቲያኑ ምረቃ ሥነስርዓት ላይ የኢትዮጵያ ሃይማኖት ተቋማት ጉባኤ ጠቅላይ ፀሐፊ ሊቀ ትጉሃን ቀሲስ ታጋይ ታደለ፤ ከሞርሞን ቤ/ክ (ኃላፊውን በመወከል) ኤልደር ፔፐር መሪ እንዲሁም የኢትዮጵያ ዩኒየን ሚሲዮን ፕሬዚዳንት ፓስተር ታደሰ አዱኛ እና ሌሎችም ተገኝተዋል (ቪዲዮውን እዚህ ላይ መመልከት ይቻላል)።

በምረቃው ወቅት የዩታ ኪዳነምህረት ቅድስት ማርያም ቤ/ክ ኃላፊ አባ ፍሰሐጽዮን ሲናገሩ ምዕመኑ ተጨናንቆ ባንዲት ትንሽ ክፍል ውስጥ ያመልክ እንደነበር ጠቅሰው አሁን ግን “ይህንን በማየት የደስታ ዕንባ አነባለሁ” በማለት ደስታቸውን ገልጸዋል።

የዛሬ አራት ዓመት አካባቢ የኦርቶዶክሳውያኑን ችግር በመመልከት ቀሲስ ታጋይ ለሞርሞኑ ኤልደር ሮናልድ ራስባንድ (Ronald A. Rasband) መፍትሔ እንዲፈልጉላቸው መናገራቸውን የኪዳነምህረት ቤ/ክ የሕዝብ ግንኙነት ኃላፊ ሚካኤል ማሞ በዕለቱ አስታውሰዋል። ኤልደር ሮናልድ በተለምዶ ሞርሞን ቤ/ክ ወይም በኦፊሻል አጠራሩ የኋለኛው ዘመን የኢየሱስ ክርስቶስ ቅዱሳን ቤ/ክ (The Church of Jesus Christ of Latter-day Saints) በሚባለው የ12ቱ ሐዋርያት አመራር (የ12ቱ ሐዋርያት ኮረም – Quorum of the Twelve Apostles) አንዱ ናቸው።

በሞርሞን ቤ/ክ የ12ቱ ሐዋርያት አመራር የሚባለው አካል ከፕሬዚዳንታዊው ኮረም ቀጥሎ ያለ የቤ/ክኑ ከፍተኛ የአመራር ሥልጣን ነው። የኮረሙ አባላት 12 ወንዶች ሲሆኑ እነዚህም ሐዋርያት ተብለው እንደሚጠሩ የቤ/ክኑ ድረገጽ ይናገራል። ከዚህ በተጨማሪም “ሐዋርያ” ተብሎ በዚህ ኮረም የሚካተት ማንኛውም ሰው “ነቢይ፣ ተመልካች እና ባለራዕይ” ተብሎ የሚጠራ ሲሆን ኤልደር ሮናልድ ራስባንድም በዚሁ ማዕረግ እንደሚጠሩ ገለታሪካቸው ይናገራል።

ቀሲስ ታጋይ ከኤልደር ሮናልድ ጋር ይህንን ንግግር ካደረጉ በኋላ የሞርሞን ቤ/ክ ለኦርቶዶክስ አማኒያን የማምለኪያ ሥፍራ ማፈላለጉን ጀመረ። በመቀጠልም ከዚህ በፊት የሞርሞን ቤ/ክ ለመጋዘንነት ወይም ዕቃ ማከማቻ ይጠቀምበት የነበረውን ሁለት ተለቅ ያሉ ሕንጻዎች ለኪዳነምሕረት በመስጠት የማደስ ሥራው ተጀመረ።

ላለፉት አራት ዓመታት ከኪዳነምሕረት፣ ከሞርሞን ቤ/ክ፣ ከስተርሊንግ ፋውንዴሽን (Stirling Foundation) እና ከሌሎችም በተገኘ የገንዘብ ድጋፍ ሁለቱም ሕንጻዎች ታድሰው አንዱ ለማምለኪያ ሥፍራነት፤ ሌላኛው ደግሞ ለወጥቤት፣ ለመጸዳጃ ቤትና ለካህናት መኖሪያ እንዲያገለግል በጥሩ ሁኔታ ታድሰው ቅዳሜ በተደረገው የምረቃ መርሃግብር ተመርቋል።

ቅዳሜ በተደረገው የምረቃ ፕሮግራም ላይ የስተርሊንግ ፋውንዴሽንን በመወከል የተገኙት የተቋሙ ምክትል ፕሬዚዳንት ኒኮል ስተርሊንግ ሲናገሩ፤ “ይህ ሕንጻ በሃይማኖቶች መካከል በሚደረግ ጥረትና ትብብር ምን ማድረግ እንደሚቻል በቀዳሚነት አመልካች ሆኖ የሚታይ ነው። ሰዎች እግዚአብሔርን ለማምለክ ይችሉ ዘንድ ሁሉም ወደጌታ በጋራ ሲያለቅስ፣ ሲጮህ የሚመጣውን ውጤት የሚያሳይ ነው” ብለዋል።

ከሞርሞን ቤ/ክ ጋር በቅርብ የሚሠራው ስተርሊንግ ፋውንዴሽን በበርካታ የምግባረ ሰናይ አገልግሎቶች ላይ በዓለም ዙሪያ የተሰማራ ሲሆን ከነዚህም መካከል፤ የማኅበረሰብ ልማት፣ የትምህርት፣ የአስቸኳይ ጊዜ ድጋፍ፣ የጤና፣ ስደተኞችን መልሶ የማቋቋም፣ ወዘተ አገልግሎቶችን የሚሰጥ ሲሆን ከዚሁ ጋር የሃይማኖት መቻቻል እና በሃይማኖቶች መካከል መግባባትና መተባበር እንዲኖር የሚሠራ ትርፍ ዓልባ ተቋም እንደሆነ ድረገጹ ይጠቁማል።

ቅዳሜ ሰኔ 21 (ጁን 28) በኪዳነምህረት ቤ/ክ በተካሄደው የምረቃ ሥነስርዓት በክብር ዕንግድነት የተገኙት ፓስተር ታደሰ አዱኛ የሃይማኖቶች መተባበር ለሰላም አስፈላጊ መሆኑን ተናግረዋል። ፓስተር ታደሰን ጠቅሶ ዴዘርት ኒውስ (Deseret News) የተባለው ሚዲያ እንደዘገበው በዓለም የሚገኙ ሃይማኖቶች ሁሉ አንዱ ኃላፊነታቸው እርስበርሳቸው ሰላም እንዲሰፍን ማበረታታት መሆኑን ፓስተር ታደሰ መናገራቸውን ዘግቧል። ፓስተሩ ሲቀጥሉም፤ “እርስበርስ መረዳዳት አለብን፤ ምክንያቱም ኢየሱስ የኖረው ለራሱ ሳይሆን ለሌሎች ነው፤ ክርስትናም ማለት ይኸው ነው፤ እርስበርስ መረዳዳት ነው፤ ስለዚህ የሌሎች ሰዎች ሕይወት እንዲሻሻል መሥራት አለብን” ብለዋል። “ይህ ማለት” አሉ ፓስተሩ፤ “ዓላማው ሰላም ለመፍጠርና (ሰዎችን) ከፍ ለማድረግ ነው እንጂ ሰዎችን (ሃይማኖታቸውን) ለማስለወጥ ወይም አስተሳሰባቸውን ለማስቀየር አይደለም” ብለው ለሚዲያው መናገራቸውን ድረገጹ ዘግቧል።

ኤልደር ሮናልድ ራስባንድን በመወከል ከሞርሞን ቤ/ክ የተናገሩ ኤልደር ፔፐር መሪ (Elder Pepper Murray) ሲሆኑ እርሳቸውም በፓስተር ታደሰ የንግግር ቃላት ላይ አጽንዖት በመስጠት ዋናው ትኩረት መሆን የሚገባው “የዶክትሪን የአስተምህሮ ልዩነት” ላይ መሆን እንደሌለበት ከዚያ ይልቅ ግን “የወዳጅነትን ድልድዮችን በመገንባትና በመግባባት ላይ መሆን እንዳለበት” ለዴዘርት ኒውስ ተናግረዋል።  

ኤልደር ፔፐር ሲቀጥሉም “በዓለማችን ላይ የሃይማኖት ነጻነት ከዕለት ወደ ዕለት አደጋ ላይ እየወደቀ ባለበት ባሁኑ ወቅት ወዳጅነትንና ቁርኝትን በማጠናከር እና ድልድዮችን በመገንባት ላይ መሥራት ነው የሚያስፈልገን” ብለዋል። “እንደዚህ ያለውን ጉባዔ ማጠናከር ሁላችንንም ያጠናክረናል፤ ማኅበረሰብ ሲጠናከር እኛን የተሻልን፤ ማኅበረሰቡን ደግሞ የተጠናከረ እንዲሆን ያደርጋል፤ ስለዚህ በተናጠል ወይም በፍላጎት ተለያይተን ከምናደርገው ይልቅ በትብብር በጣም የተሻለ ማድረግ ይቻላል” ብለዋል።

በአሜሪካ የምረቃ ሥነስርዓቱ ሲካሄድ በአዲስ አበባም የሞርሞን ቤ/ክ አባላትና ወዳጆች በቀጥታ ሥርጭት መርሃግብሩን ተከታትለዋል። ወደ አርባ የሚጠጉ በተካፈሉበት የሆቴል አዳራሽ የተገኙት የሞርሞን ኢትዮጵያ ሚሲዮን ኃላፊ ኦሊቫ ኮውሊ (Oliva Cowley) “እንዲህ ዓይነቱ ኩነት ሃይማኖትን ወይም ዘርን ወይም እምነትን ሳይነኩ እርስበርስ መደጋገፍን የሚያደፋፍር ነው” ብለዋል። አበባ ብርሃኔ የተባሉ በአዳራሹ የተገኙ የኦርቶዶክስ ቤ/ክ አባል ደግሞ “ኤልደር ሮናልድ ራስባንድ ቤ/ክኗ ቦታ እንድታገኝ የቤተክርስቲያኗ አባላት ደግሞ ሕንጻውን በማደስ በመተባበራቸው ደስ ብሎኛል” ብለዋል። “በብዙ ኪሎሜትሮች ቢራራቁም የሁለቱም ቤተክርስቲያናት መሪዎች መተባበር መቻላቸውና ይህንን ማድረጋቸው ልቤን ነክቶኛል” ማለታቸውን የሞርሞን ቤ/ክ ድረገጽ ዘግቧል።

በሞርሞን ቤ/ክ እና በኦርቶዶክስ ቤ/ክ መካከል በተገነባው ድልድይ ምክንያት ሁለቱን ሃይማኖቶች ከሚያለያይዋቸው ይልቅ የጋራ የሆኑ ነገሮች እንዳሉ አባ ፍሰሐጽዮንም ተናግረዋል። ዴዘርት ኒውስ እንደዘገበው አባ ፍሰሐጽዮን የሞርሞን ቤ/ክ የግማሽ ዓመት ጉባዔ ሁለት ጊዜ የተሳተፉ ሲሆን የቤ/ክኑ መዘምራን የሚያቀርቡትን መዝሙርም መከታተላቸውን፣ ከሚሲዮናውያኑም ጋር መገናኘታቸውን እንዲሁም ከቤ/ክኑ አመራሮች ጋር የቀረበ ግንኙነት እንዳላቸው ታውቋል።

ኢትዮጵያውያን በአሜሪካ የዩታ ጠቅላይ ግዛት እንክብካቤ እንደሚደረግላቸው ሁሉ የሞርሞን ቤ/ክ አባላትም በኢትዮጵያ ተመሳሳይ እንዲደረግላቸው በወቅቱ ተነስቷል።

ጎልጉል የድረገጽ ጋዜጣ

Filed Under: Middle Column, News, Religion Tagged With: Mormon Church, Stirling Foundation, The Church of Jesus Christ of Latter-day Saints, Utah St Mary Church

Reader Interactions

Leave a Reply Cancel reply

Your email address will not be published. Required fields are marked *

Primary Sidebar

Recent Posts

  • የቴሌኮም ጌትዌይ፣ የዳታ ሉዓላዊነትና ብሔራዊ ደህንነት – የዌብስፕሪክስ ጉዳይ ከባለቤትነት ክርክር በላይ ነው! November 17, 2026 11:54 pm
  • “የጫካ ቱጃሮች!”— የፋኖ አመራሮች ስለተሰማሩበት የገንዘብ ዝርፊያ አስደንጋጭ መረጃ November 17, 2026 05:43 pm
  • በየወሩ 4 ሚሊዮን ብር እየተከፈለው ሀገር ሲያፈርስ የነበረው ሪፖርተር November 16, 2026 01:17 am
  • ሻርኮቹ ከውጭ እስከ ሀገር ውስጥ ያደሩት ድር፣ ዌብስፕሪክስን (WebSprix) የመጠቅለሉ ድራማና ብሔራዊ ስጋት November 14, 2026 12:42 am
  • የመለስ ዜናዊን ጭንብል የገፈፈው የትህነግ ሚዲያ (EMF) ምስክርነት November 13, 2026 03:32 pm
  • ትህነግ በወታደራዊና በፖለቲካዊ መስክ እንደሞተ ሁሉ በሪፖርተር በኩል የሚዲያ ግብዓተ መሬቱ ተፈጽሟል November 13, 2026 01:13 am
  • በከባድ ታክስ ማጭበርበር የሚፈለጉት አቶ አበባው ደስታ፣ አማራጭ የቴሌኮም ጌትዌይ ፕሮጀክትን ሊጠቀልሉ ነው November 12, 2026 03:50 am
  • “ፋኖ ወደ ኦሮሚያ ገብቶ ሕዝብ እየገደለ ነው” የኦነግ ሸኔ (OLF/OLA) ተወካይ ጃል ጅረኛ November 10, 2026 05:12 pm
  • ከትህነግ የተማረኩና ከውጭ ሀገራት የገቡ ዘመናዊ የጦር መሣሪያዎች በቃሊቲ ለእይታ ቀረቡ November 6, 2026 03:36 pm
  • የመንግሥት ኃላፊዎች ወደ ሁርሶ የተወሰዱበት ምሥጢር November 5, 2026 12:43 pm
  • መንግሥት ሰማ፤ ሪፖርተር ተዘጋ፤ ግን ለምን? ምሥጢሩ ምንድነው? November 3, 2026 12:09 am
  • ኢትዮጵያ በሰማይ ላይ ነዳጅ የሚሞሉ የኢሉሺን (Il-78) አውሮፕላኖችን ከሩሲያ ልትገዛ ነው October 30, 2026 08:57 am
  • ካይሮ ያጣችውን የሩሲያ ጄቶች አዲስ አበባ የታጠቀችበት ምሥጢር October 29, 2026 10:26 am
  • ኢትዮጵያ ሱ-35 ተዋጊ ጄቶች እና የኤስ-400 ዘመናዊ የአየር መከላከያ ስርአት በመታጠቅ ከሰሃራ በታች ብቸኛዋ ሀገር ሆናለች October 28, 2026 11:00 am
  • ሻዕቢያ ኢትዮጵያን በ“ካሚካዜ” ድሮኖች ለመምታትና በዘር ግጭት ለማፍረስ ሰፊ ዝግጅት እያደረገ መሆኑ ተሰማ October 27, 2026 11:14 pm
  • ጆን መዲድ “ቀዝኖ እና ልብሱ ተበላሽቶ” ነው መከላከያ የማረከው October 27, 2026 08:41 pm
  • በጆን መዲድ መማረክ አደረጃጀቱ እየተፈረካከሰ በመሆኑ እነ ወዲ እምበይተይ፣ ምግበይ፣ ቀጣዮች ሊሆኑ ይችላሉ October 27, 2026 09:17 am
  • ከታክስ ስወራ እስከ ሐሰተኛ ጋብቻ፦ በኢትዮጵያ የታጠቁ ቡድኖች ደጋፊ ዳያስፖራዎችን ለማደን የተዘረጋው አዲሱ የአሜሪካ መረብ October 21, 2026 09:26 am
  • ኔታንያሁ የሶማሊላንድን ሉዓላዊነት ያረጋገጠ አዲስ ቀጣናዊ ካርታ ይፋ አደረጉ October 20, 2026 03:20 pm
  • ትውልደ ሶማሊያዊቷ ናፊሳ በተዘቀዘቀ የአሜሪካ ሠንደቅ ፊት በሶማሊኛ ምርጫ ቅስቀሳ ማድረጓ ቁጣ ቀሰቀሰ October 20, 2026 09:21 am
  • በአሜሪካ የሚገኙ የታጠቁ ቡድኖች ደጋፊዎች ላይ የተደቀነው አዲስ ስጋት October 19, 2026 08:58 pm
  • ዜግነት ሊያሰርዝ በሚችለው የኢልሃን ዑመር ምርመራ ላይ አዳዲስ መረጃ ተገኝቷል October 19, 2026 04:45 pm
  • በትግራይ የሚገኙ የሚዲያ ተቋማት ስም በአስቸኳይ ሊቀየር ይገባል! October 19, 2026 02:55 am
  • በትግራይ ሕዝብ ደም የሚደረገው የሥልጣን ቁማር ያብቃ! October 14, 2026 11:04 pm
Copyright © 2026 · Goolgule