አዲስ አበባ ከተማ በህዝብ ተወካዮች ምክር ቤት 23 መቀመጫዎች አሏት፡፡ ሰኔ 14፤ 2013 በተካሔደው ስድስተኛው አገራዊ ምርጫ፤ ከ23 የፓርላማ መቀመጫዎች ገዢው ብልጽግና ፓርቲ በ22 የምርጫ ክልሎች ማሸነፉን የኢትዮጵያ ብሔራዊ ምርጫ ቦርድ ትላንት ቅዳሜ ምሽት አስታውቋል፡፡
ብልጽግና ፓርቲ ዕጩ ያላቀረበበት ብቸኛ የአዲስ አበባ ምርጫ ክልል በሆነው ምርጫ ክልል 28 ደግሞ፤ የግል ተወዳዳሪው ዲያቆን ዳንኤል ክብረት ማሸነፋቸው ተገልጿል፡፡ ዲያቆን ዳንኤል ክብረት የጠቅላይ ሚኒስትሩ አማካሪ ናቸው፡፡
የምርጫ ውጤት
ብልጽግና ፓርቲ በከፍተኛ ውጤት፣ አብላጫውን የህዝብ ተወካዮች ምክር ቤት ወንበርን በማግኘት አሸንፏል።
በዚህ መሰረት ብልጽግና ፓርቲ ከ436 የህዝብ ተወካዮች ምክር ቤት መቀመጫዎች ውስጥ 410 መቀመጫ ማግኘቱን ምርጫ ቦርድ አስታወቀ።
- የአማራ ብሄራዊ ንቅናቄ አብን 5 የህዝብ ተወካች ምክር ቤት መቀመጫዎች ማግኘቱንም ቦርዱ አስታውቋል።
- የኢትዮጵያ ዜጎች ለማህበራዊ ፍትህ (ኢዜማ) ደግሞ 4 የህዝብ ተወካች ምክር ቤት መቀመጫዎች ማግኘቱን ነው ቦርዱ ገልጿል።
- የጌዲዮ ሕዝብ ዴሞክራሲያዊ ድርጅትም 2 የህዝብ ተወካች ምክር ቤት መቀመጫዎችን ማግኘቱንም ነው ቦርዱ ያስታወቀው።
ከዚሁ ጋር በተያያዘ ለክልል ም/ቤት በተደረገው ምርጫ አዲስ አበባ 138 መቀመጫ ሲኖረው ብልጽግና 138 መቀመጫዎችን አግኝቷል፡፡
ለክልል ም/ቤት 96 መቀመጫ ያለው አፋር ደግሞ ብልጽግና 51 እንዲሁም የአርጎባ ህዝብ ዴሞክራሲያዊ ድርጅት 3 መቀመጫዎችን አግኝተዋል፡፡
294 የክልል ም/ቤት መቀመጫ ባለው አማራ 128 መቀመጫዎችን ብልጽግና ሲያገኝ የአማራ ብሔራዊ ንቅናቄ ደግሞ 13 መቀመጫዎችን አግኝቷል፡፡
ለክልል ም/ቤት 99 መቀመጫ ባለው ቤንሻንጉል ብልጽግና 22 መቀመጫዎችን ማግኝቱን ብሔራዊ ምርጫ ቦርድ አስታውቋል፡፡
ድሬዳዋ 189 የም/ቤት መቀመጫ ያለው ሲሆን 189 መቀመጫ ብልጽግና አግኝቷል ተብሏል፡፡
ጋምቤላ 156 የክልል ም/ቤት መቀመጫ ያለው ሲሆን ብልጽግና 149 እንዲሁም የጋምቤላ ህዝብ ነጻነት ንቅናቄ 7 መቀመጫዎችን አግኝተዋል፡፡
537 የክልል ም/ቤት መቀመጫ ባለው ኦሮሚያ ብልጽግና 513 መቀመጫዎችን አግኝቷል፡፡
ለክልል ም/ቤት 190 መቀመጫዎች ባሉት ሲዳማ ብልጽግና 190 መቀመጫዎችን ማግኘት ችሏል፡፡
የደቡብ ክልል 291 የክልል ም/ቤት መቀመጫ ሲኖረው ብልጽግና 245፣ ኢዜማ 10 እንዲሁም የጌዴኦ ህዝብ ዴሞክራሲያዊ ፓርቲ 6 መቀመጫዎች ማግኘታውን ብሔራዊ ምርጫ ቦርድ አስታውቋል፡፡
ጎልጉል የድረገጽ ጋዜጣ
በጣም ጥሩ መረጃዎችን እያደረሳችሁን ነው።በርቱልን ።