ምክትል ጠቅላይ ሚኒስትር አቶ ደመቀ መኮንን በዛሬው (ሰኞ) ዕለት የተፈፀመውን አሳዛኝ ድርጊት መነሻ በማድረግ በመተከል ዞን ከሚመራው ኮማንድ ፖስት አመራር አካላት ጋር በዞኑ ወቅታዊ ሁኔታ ዙሪያ መክረዋል።
ህይወታቸውን ላጡ ዜጎች ቤተሰቦች እና ወዳጆች መፅናናትን ተመኝተዋል።
በዞን የተለየዩ አካባቢዎች ያለውን የፀጥታ ችግር ለመፍታት ኮማንድ ፖስት ተደራጅቶ የራሱን ዕቅድ አዘጋጅቶ ከማህበረሰቡ ጋር በመቀናጀት ሰፊ ርብርብ እየተደረገ ቢሆንም፤ አሁንም የዜጎች ህይወት በአሳዛኝ ሁኔታ መጥፋት መቀጠሉ ሪፖርት ቀርቧል።
በዚህ አካባቢም ሆነ በሌሎች ሠላምና ፀጥታን በአስተማማኝ ሁኔታ ለመፍጠር የሴረኞችን ገመድ መበጣጠስ፣ ጠንካራ የህግ የበላይነት ማስከበር ህብረተሰቡ ራሱን የመከላከል አቅም እንዲኖረው ማድረግ ወሳኝ ተግባር መሆኑ በሪፖርቱ ተመላክቷል።
ምክትል ጠቅላይ ሚኒስትር አቶ ደመቀ በበኩላቸው፤ በመተከል ዞን በተደጋጋሚ በሚከሰተው የፀጥታ ችግር የዜጎች ህይወት መጥፋት አሳዛኝ እና ልብ ሰባሪ ክስተት መሆኑን በመግለፅ ድርጊቱን በፅኑ ኮንነዋል።
በቀጣይ ወንጀለኞችን እና ሃላፊነታቸውን በአግባቡ ያልተወጡ አካላትን በህግ እንዲጠየቁ የማድረግ ስራ ተጠናክሮ መቀጠል ይኖርበታል ብለዋል።
የአካባቢው ነዋሪ ራሱን አደራጅቶ አስፈላጊውን ትጥቅ ታጥቆ የተጠናከረ የመከላከል አቅም መገንባት አማራጭ የሌለው ጉዳይ መሆኑን ተናግረዋል።
በመጨረሻም የኮማንድ ፖስት አመራሩ የተያዘው ዕቅድ በሁሉም አካባቢ በፍጥነት ተግባራዊ እንዲደረግና የሕዝብ ለሕዝብ ግንኙነት የበለጠ መተማመን ፈጥሮ መደበኛ ህይወት እንዲቀጥል አሳስበዋል።
አቶ ደመቀ ሕዝቡ እንዲታጠቅ የተናገሩበት ዜና ዋና መሠረት ያደረገው በመተከል ዞን ማንዱራ ወረዳ በግለሰቦች መካከል በተፈጠረ ግጭት የ12 ዜጎች ሕይወት ማለፉ ከተሰማ በኋላ ነበር።
በማንዱራ ወረዳ ድኋንዝ ባጉና ቀበሌ ትናንት ከሌሊቱ 8 ሰዓት አካባቢ በግለሰቦች መካከል በተፈጠረ ግጭት የ12 ሰዎች ሕይወት ማለፉን የቤኒሻንጉል ጉሙዝ ክልል ሰላም ግንባታና ጸጥታ ቢሮ ሓላፊ አቶ ጋሹ ዱጋዝ ገልጸዋል።
ከሟቾቹ በተጨማሪ አንድ ግለሰብ ደግሞ ጉዳት ደርሶበት የሕክምና ክትትል እየተደረገለት ይገኛል።
ሦስት ሰዎች የአንድን ግለሰብ መሣሪያ ነጥቀው በመሠወራቸው ምክንያት በአካባቢው የሚኖሩ ዜጎች የጥቃቱ ሰለባ መሆናቸውን ሓላፊው አስታውቀዋል።
በቀበሌው ውስጥ ነዋሪ የሆነ እና መሣሪያ የተነጠቀበት ግለሰብ ቤተሰቦች በፈጸሙት ድርጊት አማካኝነት የሰዎች ሕይወት እንዳለፈ ገልጸው፣ አጥፊዎችን በሕግ ቁጥጥር ስር እንደዋሉ አቶ ጋሹ ተናግረዋል።
በተፈጠረው ግጭት በጠፋው የሰው ሕይወት የተሰማቸውን ኀዘን በመግለጽ መሣሪያ ነጥቀው የተሠወሩ ግለሰቦችን ጨምሮ ሌሎች እስካሁን ያልተያዙ ግለሰቦችን ወደ ሕግ ለማቅረብ የሀገር መከላከያ ሠራዊት፣ የፌደራል ፖሊስ እና የክልሉ የጸጥታ አካላት እየሠሩም እንደሆነ ተጠቁሟል።
የተከሰተው ድርጊት በግለሰቦች መካከል የተፈጠረ ቢሆንም እንኳን ከጀርባ ተልእኮ ያላቸው ኃይሎች መኖር አለመኖራቸውን ለማጣራት ምርመራ እየተደረገ እንደሆነም አቶ ጋሹ አሳስበዋል።
በቀጠናው በተደጋጋሚ ግጭቶች ሲስተዋሉ እንደቆዩ ቢታወቅም፣ ትናንት የተከሰተው የሰዎች ሞት ግን ብሔርን መሠረት ያደረገ እንዳልሆነም ተገልጿል።
በአሁኑ ሰዓት በአካባቢው በሁሉም የጸጥታ አስከባሪዎች አማካኝነት የማረጋጋት ሥራ እየተከናወነ በመሆኑ ኅብረተሰቡ ባለበት ተረጋግት የዕለት ተዕለት ሥራውን እንዲሠራም መልእክት ተላልፏል። (©ምክትል ጠ/ሚ ፅ/ቤት እና ኢዜአ)
ጎልጉል የድረገጽ ጋዜጣ
ይህ መልኩን እየቀያየረ እምነትና ማንነት የጅምላ ግድያ (የአማራን አካባቢው ማጽዳት )ሆን ተብሎ በባለስልጣናት በጸጥታ ኃይሉ የሚፈጸም ለመሆኑ እየታወቀ አንድም እርምጃ የለም ለዚሁም ከወሬ ባለፈ በጊዜያዊ የተቋቋመው ኮማንድ ፖስት ይህን ያህል ዜጎች ሲጨፈጨፉ የት ነበረ የክልሉ የፀጥታ ኃላፊ የሰጡት ምላሽ ከእውነት የራቀ ወንጀሉን ለመደበቅ ሆን ብሎ የታቀደ በመሆኑ ም/ጠ ሚንስትሩ ጀምሮ የክልል ከተጠያቂነት አያመልጡም በአንድ ወር ውስጥ ሕፃናት አዛወንት ባልቴቶች በተደጋጋሚ የተፈጸመው ጭፍጨፋ በዝምታ ሳይሆን በአዋጅ ባካባቢው የሚኖሩት ዜጎች የሚፈፀምባቸው ለመከላከል የራሳቸው አመራርና አደረጃጀት በተሟላ ተጥቅ የመያዝ በመሬታቸው ያለ ስጋት መኖር ሲችሉ ብቻ ነው ።
የአማራ አመራሮች ከራሳቸው የፍርሃት ቆፈን ተላቀው በተላላኪነት ገዳዮችን ከመ ለም ወጥተው እንመራዋለን የሚሉትን ሕዝብ መብትና ማንነቱን ማስከበር ካልቻሉ አደጋው የከፋና የተገኘ ሕዝብ ማእበል ከተነሳ ሀገሪቱን ወደ ከፋ ግጭት ሳይከታት በጥልቅ በማሰብ ባላቸው አቅም ሕጋዊና መሰረታዊ የማያወላውል ውሳኔ ከግድያና ከማፈናቀል እስካላስቆሙ ያዙትን የተከታይነት ስልጣቸን ለተፈፀመው ጭፍጨፋ ተጠያቂዎች ናቸው
ሁልጊዜ የአማራ ክልል አስተዳዳሪዎች ለዘብተኞች ናቸው ላለፉት 2 ዓመታት ይኼ ሁሉ ሰው በአሰቃቂ ሁኔታ ሲገደል ጠንከር ያለ አቋም አሣይተው አያውቁም በጣም ይገርመኛል
ፍትጊያው በአንድ ነገር ላይ ያተኮረ ብቻ ነው። ይህም አማራን፤ ባህሉን ቋንቋውን ህዝቡን አፈር ድሜ ማስገባት፡፡ የእምነት ተቋምን ድምጥማጡን ማጥፋትና በቦታው ራስን ማዘመን/ማሰይጠን ነው። ከዚህ ውጭ የሚለፈፈው ነገር ሁሉ መልሶ ማልቀስ ነው። ትላንት ተፈናቀሉ ተብሎ እንደገና ከሞት አምልጠው የተቋቋሙትን ነው አሁን ወያኔና የኦሮሞ ባለጊዜዎች ከሌሎች ጋር አብረው የሚያርዷቸውና ተራፊዎቹን የሚያባርሩት፡፡ የሃበሻው ምድር ካበደ ቆይቷል፡፡ የዘር ፓለቲካ ለማንም እንደማይጠቅም እየታወቀ ወንዝ በማያሻገር ቋንቋና ለህዝብ በማይጠቅም ኋላ ቀር ባህል በመታጀብ ክልሌ፤ ሃገሬና ምድሬ እያለ በራፉ ላይ ሰንደቅ አቁሞ እኛን ብቻ እዩን የሚለው የብሄር ፓለቲካ ሞሽላቃና ከእውነት የራቀ ነው፡፡ ትላንት ለ27 አመታት ሃገር ሲያምሱ፤ ሲሸጡና ሲለውጡ፤ ሲዘርፉና ሲያዘርፉ የነበሩ ከአንድ ብሄር የወጡ የወያኔ ወስላቶችና ተለጣፊ ድርጅቶች አሁን ሃገር ለማቆምና ለማፍረስ ጎራ ለይተው ሲፋለሙ ማየት የሃገራችን የፓለቲካ ጅልነት አጉልቶ ያሳያል፡፡ ኢትዮጵያ ሱሴ ናት ያለው መደመርና የሃገር አንድነት ምን እንደሆነ አይገባኝም ማለቱ በቀቢጠ ተስፋ የኦሮሚያን ሪፕብሊክ ለማቆም ከሚቋምጡት ጋር በመጎዳኘቱ ነው፡፡ በሃገር ውስጥ አብደው ጨርቅ ያወለቁ የፓለቲካ ሙታኖች “ጊዜአዊ መንግስት ይቋቋም” ሲሉን የ 60ዎቹን መፈከር አሁንም እንዳነገቡና ባሉበት እንደሚዳክሩ ያሳያል እንጂ ሃገሪቱ ፍትሃዊ ምርጫ እንጂ ጊዜአዊ መንግሥት አያሻትም፡፡ የኦነጉ የእድሜ ልክ ፓለቲከኛ አቶ ዳውድ በኦሮሚያ ላይ ብቻ ምርጫ እንዲደረግ ስመ ጋዜጣዊ መግለጫ መስጠቱ የጠባብ ብሄርተኞች እይታ ከወያኔና ከሻቢያ እይታ ጋር አንድ እንደሆነ ያሳያል፡፡ ለዚያ ይሆን ትራፊ ወታደሮቹን ይዞ ከኤርትራ ወደ ሃገር ሲመለስ ወያኔ ለኦነግ ሰራዊት ከፍተኛ አቀባበል በትግራይ ያደረገለት? ሴራው ይቀጥላል፡፡ መገዳደሉ ይቀጥላል፡፡ ራስን ለማዳን ግን ጠቃት የሚደርስበት ህዝብ ተደራጅቶ መታጠቅ የሚያስፈልገው ለመሆኑ የደመቀ መኮነን ጥሪ አያሻም፡፡ ሁሌ የድረሱልን ጥሪ፤ ሁሌ ተፈናቀሉ ዜና፡፡ ሁሌ ሴት ልጆቻችን ታፈኑ ወሬ መቼ ነው ማቆሚያው፡፡ የኦሮሞ ፓለቲከኞች ለማበዳቸው በሃገር ውስጥ የሚያመነጩት ግፍና ግድያ ሳይሆን በአለም ላይ ተበትነው የሚይደርሱትን አተላና ኋላ ቀር ተግባር ሰው ልብ ሊለው ይገባል፡፡ ግድቡ ስራው እንዲቆም ለአለም ባንክ ለተለያዪ መንግሥታት ጥያቄ አቅርበዋል፡፡ ጀርመን፤ እንግሊዝና ሌሎችም የአለም ክፍሎች በየሰበቡ ራሱን አስጠልሎ አማራ ከኦሮሚያ ይውጣ የሚል ጭንጋፍ ትውልድ ነው፡፡ አንተን ካለህበት ስርቻ ሁሉ እየለቀመ እስከ ልጆችህ ወደ ናፈቃት ኦሮሚያ ቢመልስህ ምን ይሰማህ ይሆን? የሃበሻው ፓለቲካ አተላ ነው፡፡ ተሻለ ስትለውም ቅራሪ ብቻ ነው፡፡ ለሰው ልጆች መብት፤ ስለ ጥቁሮች መጨቆን መታገሉን ትቶ አውቆ እንዳበደ ሰው ከራስ ጋር መላተምን እንደ ስልጣኔ ቆጥሮታል፡፡ ይህ ደግሞ ሁሉም ከንቱ መሆኑን ያመላክታል፡፡ ትላንት ተዘረፍኩ ያለው ዛሬ ዘራፊ ከሆነ፤ ትላንት የታሰረው መልሶ አሳሬ ከሆነ ፍትህ ለህዝባችን እንዴት ሊመጣ ይችላል? አሁን ማን ይሙት ወያኔ ለትግራይ ህዝብ ቆሟል? የአማራው ባለስልጣናት ለአማራ ህዝብ ይገዳቸዋል? የማይሆን ነገር ለሚስትህ አትንገር ይላሉ አበው፡፡ ግን የሃገራችን ፓለቲከኞች ራሳቸውን በዘርና በቋንቋቸው ዙሪያ ካላስጠለሉ ዝንብና ቁሩን አይችሉትም፡፡ ለዚህ ነው የህዝብን ስምና ቋንቋ ለበደላቸውና ለዝርፊያቸው ሽፋን ያደረጉትና አሁንም በማድረግ ላይ ያሉት፡፡ መተው ነገሬን ከተተው ይላሉ አበው ነገር ሁሉ ወልጋዳ ሲሆንባቸው፡፡ የስንቶች ደም በከንቱ ፈሰሰ? ስንቶች ምድራቸውን ትተው ያለልባቸው በባእድ ሃገር አፈር ለበሱ/ ስንቶች ውሃ ላይ ሰጥመው ቀሩ? ስንቶች የአውሬ ራት ሆኑ? ስንቶች በአረብ ጭፍን እይታ ከእንስሳ ተቆጥረው በር ተቆልፈባቸው ተሰቃዪ? በመሰቃየት ላይ ስንቶ አሁን ይገኛሉ? የጠቁር ህዝብ ጠላቱ ራሱ ነው፡፡ የሚያስበው ሁሉ እኔ ብቻ በመሆኑ በአለም ላይ እንደ ጉድፍ ተቆጥሮ ሲነገድበትና ሲቀለድበት ይኖራል፡፡ አማራ መሆን፤ ኦሮሞ መሆን፤ የሃረር ወይም የትግራይ ልጅ መሆን ብቻውን መልካምነት የለውም፡፡ አብሮ መኖር አብሮ ሰርቶ ማደግ ግን በአለም ዙሪያ ሁሉ ያስከብራል፡፡ ሌላው ሁሉ ግራጫ ሃሳብ ነው፡፡ ይብቃኝ!
ኣቶ ደመቀ መኮንን እንደ ም/ጠ/ሚ፥ ኣላሰቡም ልበል? የመተከል ህዝብ ሊደራጅና ሊታጠቅ ይገባዋል። ብለው ኣስተያየታቸውን ሰንዝረዋል። ሊታጠቅ? ሊታጠቅ? ልብ በሉ። ሊታጠቅ ይገባዋል?
ህልም ነው፥ ህልም
ጭልጥ የሚል፥ እልም
ቅዠት፥ ጋራን መቧጠጥ፥ ጭልም
ሲነቁ፥ መዳረቅ፥ ከርተምተም።
እንዴት ነው የምትሉት?
ጥራኝ ዱሩ፥ ጥራኝ መውዜሩ ነው?
ለምን በፍቅር፥ በሰላም ኣብረን ኣንኖርም?
ውሃ ዋና የማይችል ሰው ሆናችሁብን።
ፍቅር ማለት፥ ኣንዱ ለሌላው መጨነቅ፥ ቅን ማሰብ፥ መረዳዳት፥ መተጋገዝ፥ እንጂ፤ ለበጣማ ቀሳውስትም ይችሉበታል፤ እንኳን ፖለቲከኞች። ቅን እናስብ!!