• Skip to primary navigation
  • Skip to content
  • Skip to primary sidebar

Goolgule

Ethiopian News

  • ስለ እኛ/about
  • አስፈንጣሪዎች/links
  • ቤተ መዝገብ/archives
  • አድራሻችን/contact
Header Banner Image
  • Home
    ዋና ገጽ
  • Editorials
    ርዕሰ አንቀጽ
  • News
    ዜና
  • Socio-Political
    ማኅበራዊ-ሽከታ
  • Religion
    ሃይማኖታዊ
  • Interviews
    እናውጋ
  • Law
    የሕግ ያለህ
  • Opinions
    የኔ ሃሳብ
  • Literature
    ጽፈኪን
    • Who is this person
      እኚህ ሰው ማናቸው?
  • Donate
    ለባለድርሻዎች

የሳዑዲው አልጋወራሽ ሞተዋል? ወይስ በህይወት አሉ? ጠ/ሚ/ር ዓቢይ አላሙዲንን “ያስፈቱት” ማንን አነጋግረው ነው?

June 1, 2018 11:47 am by Editor 3 Comments

በሙስና ወንጀል በሚል በርካታ የሳዑዲ ባለሃብቶችን ዘብጥያ የጣሉት የዙፋን ተስፈኛው የሳዑዲ አረቢያ አልጋ ወራሽ ሞሐመድ ቢን ሳልማን በሳዑዲ ሚዲያ ከታዩ አንድ ወር አልፏቸዋል። በአንዳንዶች ግምት በቤተመንግሥት በተደረገ የተኩስ ልውውጥ ተገድለዋል ይባላል። አልጋወራሹ በህይወት ከሌሉ ጠ/ሚ/ር ዓቢይ አህመድ አላሙዲንን “አስፈትተው” የመጡት ማንን አነጋግረው ነው የሚል ጥያቄ ተነስቷል። የሳዑዲ መንግሥት አልጋወራሹ በሥራቸው ላይ እንዳሉ የሚያሳይ ቪዲዮ ለቋል።

የሳዑዲ የዙፋን ተስፈኛ አልጋ ወራሽ ሞሐመድ ቢን ሳልማን 11 ልዑላንን እና 38 የመንግሥት ባለሥልጣናትን (የቀድሞውን ጨምሮ) እንዲሁም የንግድ ሰዎችን በቁጥጥር ሥር ማዋላቸውን፤ ደላላ (ተጠሪ ወይም front man) ባለሃብት እንደሆነ የሚነገርለት በግማሽ ኢትዮጵያዊ የሆነው ሞሐመድ አላሙዲ (አል-አሙዲ) በቁጥጥር ሥር ከዋሉት መካከል መሆኑን በኅዳር ወር ጎልጉል አረጋግጦ መዘገቡ ይታወሳል።

ይህ “በሳዑዲ አረቢያ ታሪክ ተፈጽሞ አያውቅም” ተብሎ የሚነገርለትን የጸረ ሙስና ዘመቻ የሚያካሂደው ኮሚቴ “ማንኛውንም የማሰር፣ የመያዝ፣ ወዘተ ሥልጣን” እንደተሰጠውና ይህንንም በኃላፊነት የሚመሩት አልጋወራሹ መሆናቸውን አስመልክተው ንጉሥ ሳልማን በሳዑዲ ቲቪ ላይ እንደተናገሩት፤ “የሕዝብን ገንዘብ በነካ፣ በመዘበረ፣ ወይም እንዳይሰረቅ ባልተከላከለ ወይም ሥልጣኑን ተጠቅሞ (ይህንን ዓይነት ተግባር በፈጸመ) በማንኛውም ግለሰብ ላይ ሕጉ በጽናት ተግባራዊ ይደረጋል። ይህ የሚፈጸመው በትልልቆቹም ሆነ በትንንሾቹም ላይ ይሆናል፤ ማንንም አንፈራም” ማለታቸውን የጎልጉል ዘገባ በወቅቱ ትንታኔ የሰጠበት ነበር።

በዚህ ዓይነት ከፍተኛ ሥልጣንና ተስፋ የፊት መሪ የተደረጉት አልጋወራሽ ሳልማን ከኤፕሪል 21 ወዲህ በሳዑዲ ሚዲያ ፈጽሞ ያልታዩ መሆናቸውን በመካከለኛው ምስራቅ የሚገኙ የሚዲያ ዘገባዎች ሰሞኑን ጠቅሰዋል። ይህንንም ተከትሎ የምዕራቡ የዜና ዘገባዎች ሁልጊዜ የሚዲያውን ትኩረት የሚሹት አልጋወራሽ ለሕዝብ ሳይታዩ የመቆየታቸውን ሁኔታ በማንሳት ሲዘግቡ ሰንብተዋል።

ከሳዑዲ አረቢያ ጋር በጠላትነት የምትተያየው ኢራን ግን አልጋወራሹ በቤተመንግሥት አካባቢ በተደረገ የተኩስ ልውውጥ ቆስለዋል ወይም ሞተዋል በማለት በርግጠኝነት ትናገራለች። የጸረ ሙስናውን ዘመቻ እና የአገሪቱን ሥልጣን ለብቻቸው ጠቅልለው በመያዛቸው በሳዑድ ቤተሰብ በተከፈተው ጠላትነትና የሥልጣን ሽኩቻ ኤፕሪል 21 ቀን ከፍተኛ የተኩስ ልውውጥ ተደርጎ እንደነበር የኢራን ጋዜጣ ዘገባ ያመለክታል።

ካይሃን የተባለው የኢራን ጋዜጣ የስለላና የመረጃ ምንጮች ዘገባ ጠቅሶ እንደሚለው ከሆነ በተኩስ ልውውጡ ወቅት አልጋወራሹ “ቢያንስ በሁለት ጥይት ተመትተዋል፤ በዚህም ሳቢያ ሞተዋል” ይላል። በመቀጠልም አልጋወራሹ በህይወት ካሉ ለምን የአሜሪካው ውጭ ጉዳይ ሚኒስትር ማይክ ፖምፔዮ በሳዑዲ ጉብኝት ሲያደርጉ ከአልጋወራሹ ጋር የተነሱት ፎቶ ይፋ አልተደረገም በማለት ይጠይቃል።

የሳዑዲ አረቢያ መንግሥት ግን ይህንን አቋም በግልጽ ይቃወማል። አልጋወራሹ በህይወት እንዳሉና መንግሥታዊ ሥራቸውንም በሥርኣት እያከናወኑ መሆናቸውን ይናገራል። ለዚህም የተለያዩ ፎቶዎችንና ተንቀሳቃሽ ምስሎችን በዋቢነት ያቀርባል። ሆኖም የትኞቹም ምስሎች ቀን የሌላቸው ከመሆናቸው በላይ በየትኛውም ምንጭ ማረጋገጥ እንዳልቻለ ሲኤንኤን ዘግቧል።

በኤፕሪል 21 የተካሄደውን የተኩስ ልውውጥ በተመለከተ የሳዑዲ መንግሥት ተኩስ አልተሰማም በማለት አይክድም። ሁኔታው የተከሰተው ለመዝናኛ የሚውል ሰው አልባ በራሪ (ድሮን) ሳይፈቀድለት በቤተመንግሥቱ ሰማይ ሲበር በመታየቱ ያንን ለማክሸፍ የተወሰደ እርምጃ ነው በማለት ያስተባብላል።

አልጋወራሹ ከፊፋው ፕሬዚዳንት ጋር (ፎቶ፤ አረብ ኒውስ ፋይል)

የምዕራብ ዜና ወኪሎች በተለይም ሲኤንኤን የአልጋወራሹን በህይወት አለመኖር አጽንዖት ሰጥቶ ከዘገበ የተወሰኑ ሰዓታት በኋላ የሳዑዲ መንግሥት መቼ እንደተከሰተ የማይታወቅ አልጋወራሹ የንግድ ልማት ስብሰባ ሲመሩ የሚያሳይ ቪዲዮ ለቋል። የሳዑዲ መንግሥት ስብሰባው ከሁለት ቀን በፊት የተካሄደ ነው ቢልም ሲኤንኤን ግን ስብሰባው በቅርቡ ወይም ከኤፕሪል 21 በኋላ ለመቀረጹ ማረጋግጥ አልቻልኩም ብሏል።  ከዚህ በተጨማሪም የሳዑዲ መንግሥት አልጋወራሹ  የየመኑን ፕሬዚዳንት ሲቀበሉ የሚያሳይ ተጨማሪ ቪዲዮ ለቋል። በሌላ በኩል አልጋወራሹ የፊፋውን ፕሬዚዳንት ጂያኒ ኢንፋንቲኖ ባለፈው አርብ አነጋግረዋል በማለት አረብ ኒውስ ቢዘግብም የተጠቀመው ፎቶ ግን ከፋይል ክምችቱ እንደሆነ አልካደም።

አልጋወራሹ በህይወት አሉ፤ ይህ የሳዑዲና የምዕራቡ ዓለም ጠላት የሆነችው ኢራን አፍራሽ ፕሮፓጋንዳ ነው የሚሉ የአሜሪካና የአውሮፓ የፖለቲካ ተንታኞች ልዑሉ ከጸረ ሙስናው ዘመቻ ጋር በተያያዘ ምናልባት በብዛት በሚዲያ ሲታዩ ስለነበሩ አሁን ለመቀነስ የወሰዱት እርምጃ ነው ይላሉ። ይህንንም እንደሽፋን አድርጋ ኢራን በሳዑዲ አለመረጋጋት መኖሩን በመጠቆም የራሷን የፖለቲካ ፍላጎት ለማሟላት እየተጠቀመችበት ነው ሲሉ ይሟገታሉ።

ከጸረሙስናው ጋር በተያያዘ አላሙዲንን ለውርደትና በሌብነት ክስ ለእስራት የዳረጉት አልጋወራሽ በህይወት ከሌሉ ጠ/ሚ/ር ዓቢይ አህመድ ባለፈው ወደ ሳዑዲ በሄዱ ጊዜ በርግጥ አልጋወራሹን አግኝተዋቸዋል የሚል ጥያቄ መነሳቱ አይቀሬ ነው። በኢትዮጵያ ህወሓት/ኢህአዴግ የሚቆጣጠራቸው የሚዲያ ውጤቶች ጠ/ሚ/ሩ ከአልጋወራሹ ጋር መገናኘታቸውን በስፋት ቢዘግቡም ያሳዩት ቪዲዮም ሆነ ፎቶ ግን አልነበረም።

ከዚህ ጋር በተያያዘ ጠ/ሚ/ሩ ከሳዑዲ እንደተመለሱ በፍጥነት በሚሊኒየም አዳራሽ በመገኘት በሌብነትና ዝርፊያ ተጠርጥሮ በቁጥጥር ሥር የዋለውን አላሙዲንን ለማስፈታት ስምምነት ላይ መደረሱን ለተሰብሳቢው ይፋ አደረጉ። ከመስመርም አለፍ ብለው አላሙዲንን በተዋቡ ቃላት አሞካሹት፣ አወደሱት፣ አመሰገኑት። ምንም እንኳን በወቅቱ ጠ/ሚ/ር ዓቢይ በአገራችን ሕግ በተገቢው አላሙዲንን እንጠይቃለን ቢሉም ትርፍ የሄዱበት መንገድ ሳዑዲ ሄደው ያከናወኗቸው ሌሎች ተግባራት የበለጠ ሚዛን በመድፋታቸው እንጂ ስለ አላሙዲን የተናገሩት ኢትዮጵውያን አሳዝኗል፤ አስቆጥቷል።

ለጎልጉል አስተያየታቸውን የሰጡ እንደሚሉት በርግጥ አልጋወራሹ በህይወት ከሌሉ የአላሙዲን “ተፈትተዋል” መባል፤ “ከተፈቱም ወደ አገር ሳይመጡ መቅረታቸው” ከዚህ ውስብስብ ጉዳይ ጋር በተያያዘ ምክንያት ሊሆን ይችላል ይላሉ።

ለበርካታ ዓመታት ግብር ባለመክፈል፣ እጅግ ሰፋፊ የመሬት ይዞታዎችን (በተለይ ከኦሮሚያ)  አጥሮ ያለ ሥራ በማስቀመጥ፣ እስካሁን ያልተከፈለ ከፍተኛ መጠን ያለው ብድር በመውሰድ፣ ወዘተ በርካታ ጥያቄዎች የሚቀርብበት አላሙዲ ወደ አገር እንዲመጣ የተፈለገው ከዚህ ጋር በተያያዘ ነው የሚሉ ወገኖች አሉ።

ከእነዚህ ያልተወራዱ ሒሳቦች በተጨማሪ የአላሙዲ ሚድሮክ በስሙ የያዛቸውና ኢትዮጵያ ከዓለምአቀፍ የፋይናንስ ተቋማት የገንዘብ ዋስትና የገባችባቸው፣ ያልተጠናቀቁ ትልልቅ ፕሮጀክቶች ይገኛሉ። የእነዚህንም ሒሳብ ማወራረድ የፌዴራሉ ብቻ ሳይሆን የኦሮሚያም ከፍተኛ ፍላጎት ነው ይላሉ አስተያየት ሰጪዎች።

ስለዚህ ይህንን ጉዳይ በቶሎ ወደፍጻሜ በማድረስ በሚድሮክ ሥር የሚገኙትን ሃምሳ ሺህ ሠራተኞች ኅልውና መታደግ ያልተፈለገ ችግር ከመግባት የሚያድን ነው የሚሉ ወገኖች፤ ሁኔታዎች ከፈቀዱም በሕጋዊ መልኩ ንብረቶቹን እስከመውረስ ለመሄድ እንዲቻል በጠ/ሚ/ሩ ቀጥተኛ ተሳትፎ አላሙዲንን ለማስፈታት የተፈለገው ለዚህ ነው የሚለው አስተያየት በርካታዎችን የሚያሳምን ነው።

ይህ ዜና እስከተጠናቀረበት ጊዜ የአልጋወራሹ በህይወት መኖርም ሆነ አለመኖር በተጨባጭ አልተረጋገጠም።


ማሳሰቢያ፤ በተለይ በስም ወይም በድርጅት ስም እስካልተጠቀሰ ድረስ በጎልጉል የድረገጽ ጋዜጣ® ላይ የሚወጡት ጽሁፎች በሙሉ የጎልጉል የድረገጽ ጋዜጣ®ንብረት ናቸው። ይህንን ጽሁፍ ለመጠቀም የሚፈልጉ ሁሉ የዚህን ጽሁፍ አስፈንጣሪ (link) ወይም የድረገጻችንን አድራሻ (https://www.goolgule.com/) አብረው መለጠፍ ከጋዜጠኛነት የሚጠበቅና ህጋዊ አሠራር መሆኑን ልናሳስብ እንወዳለን።

Filed Under: News Tagged With: abiy, alamoudi, corruption, crown prince salman, Ethiopia, Full Width Top, Middle Column, saudi arabia

Reader Interactions

Comments

  1. እዝራ says

    June 2, 2018 01:28 am at 1:28 am

    ጎልጉሎች በጣም ነው የማደነቃችሁ።
    ሁሌም ውኃ ያልነካው ጮማ ዜና ይዛችሁ ስለምትመጡ በጣም ነው የማደንቃችሁ፡የማከበራችሁ።
    ፕሮፌሽናል ጋዜጠኞች ናችሁ። በርቱ

    Reply
  2. Mulugeta Andargie says

    June 2, 2018 11:48 pm at 11:48 pm

    ጎልጉሎች!! በጣም ነው የናቅኋችሁ!!

    Reply
  3. Belhu says

    June 4, 2018 10:08 am at 10:08 am

    Always hate.

    Reply

Leave a Reply Cancel reply

Your email address will not be published. Required fields are marked *

Primary Sidebar

Recent Posts

  • የቴሌኮም ጌትዌይ፣ የዳታ ሉዓላዊነትና ብሔራዊ ደህንነት – የዌብስፕሪክስ ጉዳይ ከባለቤትነት ክርክር በላይ ነው! November 17, 2026 11:54 pm
  • “የጫካ ቱጃሮች!”— የፋኖ አመራሮች ስለተሰማሩበት የገንዘብ ዝርፊያ አስደንጋጭ መረጃ November 17, 2026 05:43 pm
  • በየወሩ 4 ሚሊዮን ብር እየተከፈለው ሀገር ሲያፈርስ የነበረው ሪፖርተር November 16, 2026 01:17 am
  • ሻርኮቹ ከውጭ እስከ ሀገር ውስጥ ያደሩት ድር፣ ዌብስፕሪክስን (WebSprix) የመጠቅለሉ ድራማና ብሔራዊ ስጋት November 14, 2026 12:42 am
  • የመለስ ዜናዊን ጭንብል የገፈፈው የትህነግ ሚዲያ (EMF) ምስክርነት November 13, 2026 03:32 pm
  • ትህነግ በወታደራዊና በፖለቲካዊ መስክ እንደሞተ ሁሉ በሪፖርተር በኩል የሚዲያ ግብዓተ መሬቱ ተፈጽሟል November 13, 2026 01:13 am
  • በከባድ ታክስ ማጭበርበር የሚፈለጉት አቶ አበባው ደስታ፣ አማራጭ የቴሌኮም ጌትዌይ ፕሮጀክትን ሊጠቀልሉ ነው November 12, 2026 03:50 am
  • “ፋኖ ወደ ኦሮሚያ ገብቶ ሕዝብ እየገደለ ነው” የኦነግ ሸኔ (OLF/OLA) ተወካይ ጃል ጅረኛ November 10, 2026 05:12 pm
  • ከትህነግ የተማረኩና ከውጭ ሀገራት የገቡ ዘመናዊ የጦር መሣሪያዎች በቃሊቲ ለእይታ ቀረቡ November 6, 2026 03:36 pm
  • የመንግሥት ኃላፊዎች ወደ ሁርሶ የተወሰዱበት ምሥጢር November 5, 2026 12:43 pm
  • መንግሥት ሰማ፤ ሪፖርተር ተዘጋ፤ ግን ለምን? ምሥጢሩ ምንድነው? November 3, 2026 12:09 am
  • ኢትዮጵያ በሰማይ ላይ ነዳጅ የሚሞሉ የኢሉሺን (Il-78) አውሮፕላኖችን ከሩሲያ ልትገዛ ነው October 30, 2026 08:57 am
  • ካይሮ ያጣችውን የሩሲያ ጄቶች አዲስ አበባ የታጠቀችበት ምሥጢር October 29, 2026 10:26 am
  • ኢትዮጵያ ሱ-35 ተዋጊ ጄቶች እና የኤስ-400 ዘመናዊ የአየር መከላከያ ስርአት በመታጠቅ ከሰሃራ በታች ብቸኛዋ ሀገር ሆናለች October 28, 2026 11:00 am
  • ሻዕቢያ ኢትዮጵያን በ“ካሚካዜ” ድሮኖች ለመምታትና በዘር ግጭት ለማፍረስ ሰፊ ዝግጅት እያደረገ መሆኑ ተሰማ October 27, 2026 11:14 pm
  • ጆን መዲድ “ቀዝኖ እና ልብሱ ተበላሽቶ” ነው መከላከያ የማረከው October 27, 2026 08:41 pm
  • በጆን መዲድ መማረክ አደረጃጀቱ እየተፈረካከሰ በመሆኑ እነ ወዲ እምበይተይ፣ ምግበይ፣ ቀጣዮች ሊሆኑ ይችላሉ October 27, 2026 09:17 am
  • ከታክስ ስወራ እስከ ሐሰተኛ ጋብቻ፦ በኢትዮጵያ የታጠቁ ቡድኖች ደጋፊ ዳያስፖራዎችን ለማደን የተዘረጋው አዲሱ የአሜሪካ መረብ October 21, 2026 09:26 am
  • ኔታንያሁ የሶማሊላንድን ሉዓላዊነት ያረጋገጠ አዲስ ቀጣናዊ ካርታ ይፋ አደረጉ October 20, 2026 03:20 pm
  • ትውልደ ሶማሊያዊቷ ናፊሳ በተዘቀዘቀ የአሜሪካ ሠንደቅ ፊት በሶማሊኛ ምርጫ ቅስቀሳ ማድረጓ ቁጣ ቀሰቀሰ October 20, 2026 09:21 am
  • በአሜሪካ የሚገኙ የታጠቁ ቡድኖች ደጋፊዎች ላይ የተደቀነው አዲስ ስጋት October 19, 2026 08:58 pm
  • ዜግነት ሊያሰርዝ በሚችለው የኢልሃን ዑመር ምርመራ ላይ አዳዲስ መረጃ ተገኝቷል October 19, 2026 04:45 pm
  • በትግራይ የሚገኙ የሚዲያ ተቋማት ስም በአስቸኳይ ሊቀየር ይገባል! October 19, 2026 02:55 am
  • በትግራይ ሕዝብ ደም የሚደረገው የሥልጣን ቁማር ያብቃ! October 14, 2026 11:04 pm
Copyright © 2026 · Goolgule