የትህነግ ታጣቂዎች በከፍተኛ ሁኔታ እየተመቱና እየተበታተኑ ይገኛሉ

የአገር መከላከያ ሠራዊት በሁሉም ግንባሮች ድል እያደረገ መሆኑ ተነገረ

በሴንትራል ኮማንድ ሥር ከሚገኙ የደህንነት እና የጸጥታ ምንጮች ለጎልጉል የደረሰው አዳዲስ ዜና እንደሚያመለክተው፣ በሁሉም የጦር ግንባሮች የተከፈተውን የጥፋት ዘመቻ በመመከት ላይ ያለው የኢትዮጵያ መከላከያ ሰራዊት በታጣቂዎቹ ላይ ከፍተኛ ውድመት እያደረሰ ይገኛል።

የትህነግ (ህወሓት) ታጣቂ ኃይሎችና አጋሮቻቸው በየግንባሩ እየተገደሉ፣ የከባድ ጉዳት ሰለባ እየሆኑ እና የት እንዳሉ ጠፍተው በመበታተን ላይ ናቸው። ጦርነቱ በሁሉም ግንባሮች አሁንም በቀጠለበት በዚህ ሰዓት፣ ታጣቂዎቹ ሙሉ በሙሉ የመደምሰስ አደጋ ገጥሟቸዋል።

1. በደጉዓ ዛታ አቅጣጫ

በዚህ አቅጣጫ በተካሄደው ከባድ ውጊያ ምክንያት የትህነግ “አርሚ 22” ሙሉ በሙሉ ተበታትኖ ወደ ሩባ ፅላረ ሸሽቶ ገብቷል። በዚህ ግንባር የተመዘገቡት አኃዞች የሚከተሉት ናቸው፡

107 ታጣቂዎች ተገድለዋል
193 ታጣቂዎች ከባድ ጉዳት ደርሶባቸዋል
320 ታጣቂዎች ተበታትነው የት እንዳሉ ጠፍተዋል

2. በቆቦ አቅጣጫ

“አርሚ 24” ተብሎ የተጠራው የትህነግ ታጣቂ ኃይል ከኢትዮጵያ መከላከያ ሠራዊት ጋር ባደረገው ውጊያ ከፍተኛ ኪሳራ አስተናግዷል፡

66 ታጣቂዎች ተገድለዋል
57 ታጣቂዎች ከባድ ጉዳት ደርሶባቸዋል
311 ታጣቂዎች ተበታትነው የት እንዳሉ ጠፍተዋል

3. በመርዋ ግንባር

በመርዋ የሚገኘው “አርሚ 26” ከመከላከያ ሠራዊት ጋር የሚያደርገው ውጊያ የቀጠለ ሲሆን፤ መከላከያ ሠራዊት ከባድ መሣሪያና እግረኛ ሠራዊት በመጠቀም አርሚውን ዳግም ሊዋጋ ወደማይችልበት ደረጃ አበታትኖታል። ባለፈው ነሐሴ ወር በድሮን ጥቃት ከተገደሉት 369 ታጣቂዎች ውጭ፣ የዛሬው ዕለት ብቻ፡

52 ታጣቂዎች ተገድለዋል
87 ታጣቂዎች ከባድ ጉዳት ደርሶባቸዋል
428 ታጣቂዎች ተበታትነው የት እንዳሉ ጠፍተዋል

4. በአብዓላ ከተማ አቅጣጫ

በአብዓላ ከተማ አካባቢ “አርሚ 92” ከሚመለከተው የጸጥታ ኃይል ጋር ባደረገው ውጊያ ከፍተኛ ቅንጣት ደርሶበታል፡

65 ታጣቂዎች ተገድለዋል
192 ታጣቂዎች ከባድ ጉዳት ደርሶባቸዋል
391 ታጣቂዎች ተበታትነው የት እንዳሉ ጠፍተዋል
36 ታጣቂዎች እጅ ሰጥተዋል

5. በምዕራብ አቅጣጫ (በፀሊሞይ)

አርሚ 42 እና አርሚ 17 ከኢትዮጵያ መከላከያ ጋር በፀሊሞይ ሲያደርጉት የቆዩት ውጊያ ዛሬ ከሰዓት በኋላ ቆሟል። አርሚ 17 ከዚህ በፊት ከምርኮኞችና ከ300 በላይ አባላቱ እጃቸውን ለመከላከያ መስጠታቸውን ተከትሎ በህወሓት አመራር ዘንድ እምነት ስላጣ፣ ውጊያው ሲጀመር ወደኋላ እንዲመለስ ተደርጓል። አርሚ 42 በበኩሉ በቀጥታ ታዝዞ ባህላዊ ውጊያ ለማድረግ ቢሞክርም፣ በዘመናዊ የጦር መሣሪያ ሙሉ በሙሉ ተበታትኗል።

104 ታጣቂዎች ተገድለዋል
232 ታጣቂዎች ከባድ ጉዳት ደርሶባቸዋል
455 ታጣቂዎች ተበታትነው የት እንዳሉ ጠፍተዋል

ማጠቃለያ

በሁሉም አቅጣጫዎች የተሰለፈው የትህነግ የታጠቀ ኃይል እጅግ አሳዛኝና አዋራጅ ሽንፈት እየገጠመው ይገኛል። በዕለቱ ብቻ በሁሉም ግንባሮች የተመዘገበው አጠቃላይ ኪሳራ፡

394 ታጣቂዎች ተገድለዋል
761 ታጣቂዎች ከባድ ጉዳት ደርሶባቸዋል
1,905 ታጣቂዎች ተበታትነው የት እንዳሉ ጠፍተዋል

ለጉልጉል አሰ‍እተያየታቸውን የሰጡ የወታደራዊ ጉዳዮች ባለሙያ ይህ የግምባር ሪፖርት የትህነግ እና ሰሞኑን የትብብር ኃይሎች ብሎ የመሠረታቸው ቡድኖች ዕድሜ በእጅጉ ያጠረ መሆኑን የሚያመለክት ነው ብለዋል። የማይወክሉት ሕዝብ የህልውና አደጋ አለበት ሲሉ እንደነበር ያስታወሱት ባለሙያው፤ ይልቁንስ አሁን ላይ ያልወከላቸው ሕዝብ የህልውና አደጋ አለበት ከማለት ይልቅ የራሳቸው ህልውና ሊያሳስባቸው ይገባል ብለዋል።

ጎልጉል የድረገጽ ጋዜጣ