• Skip to primary navigation
  • Skip to content
  • Skip to primary sidebar

Goolgule

Ethiopian News

  • ስለ እኛ/about
  • አስፈንጣሪዎች/links
  • ቤተ መዝገብ/archives
  • አድራሻችን/contact
Header Banner Image
  • Home
    ዋና ገጽ
  • Editorials
    ርዕሰ አንቀጽ
  • News
    ዜና
  • Socio-Political
    ማኅበራዊ-ሽከታ
  • Religion
    ሃይማኖታዊ
  • Interviews
    እናውጋ
  • Law
    የሕግ ያለህ
  • Opinions
    የኔ ሃሳብ
  • Literature
    ጽፈኪን
    • Who is this person
      እኚህ ሰው ማናቸው?
  • Donate
    ለባለድርሻዎች

ህወሓት ይፍረስ፤ ዕልቂት ሰባኪዎች ለፍርድ ይቅረቡ!

July 8, 2020 04:52 pm by Editor 1 Comment

“ሃጫሉን የገደሉት ነፍጠኞች ናቸው፤ መላው የኦሮሞ ህዝብ የምኒሊክን ሃውልት አፍርሰህ ወደ ቤተመንግሥት ገስግስ!” ይህንን የዘር ዕልቂት የተናገረው የዶ/ር ዐቢይ የለውጥ ቡድን እነ ጃዋር መሃመድን በቁጥጥር ሥር ከማዋሉ በፊት በሕወሃት የደም ገንዘብ የሚቀለበው ሕዝቅኤል ጋቢሣ አሜሪካ ቁጭ ብሎ ሕወሃት ባደራጀው ዲጂታል ሚድያ በመጠቀም ሲያውጅ ነበር።

“በደረሰን መረጃ መሠረት፤ የሃጫሉ ሁንዴሳ ገዳዮች ነፍጠኞ ሳይሆኑ ሥልጠናና ተልዕኮ ተሰጥቷቸው የመጡ ትግርኛ ተናጋሪ ኤርትራውያን ናቸው፤ እኔ በደንብ አውቃለሁ እነማን እንደገደሉት፤ ምን ዓይነት ሚሊተሪ ፐርሶኔል እንደተሳተፈም አውቃለሁ፤ ኢትዮጵያውያን እንኳን አይደሉም፤ ኤርትራውያን ናቸው” ይህን የተናገረው ደግሞ በጎጥ አስተሳሰብ እጅግ የጠበበው መርዘኛው ፀጋዬ አራርሳ ነው።

ፀጋዬ አራርሣ፤ ሃገር መምራት የማይችል ደካማ ነው፤ ምንም አያመጣም – እያለ በአደባባይ ሲንቀው የነበረው የዶ/ር ዐቢይ የለውጥ መንግሥት እነ ጃዋርን ጠራርጎ ለፍርድ በማቅረብ ሀገሪቱን ሲያረጋጋና መላው ሕዝብ ከጎኑ መቆሙን ሲያረጋግጥ በከፍተኛ ድንጋጤ ውስጥ ይገባል። ከአውስራሊያ የስደት ኑሮ በቅርብ ለፍርድ እንደሚቀርብ በመገመቱና ነገ ለእኔም አይቀርልኝም በሚል ስጋት ተውጦ ንፁሃን ዜጎች በዘር ማጥፋት ዕልቂት ካስጨፈጨፈና የሃገር ንብረት ካስወደመ በኋላ 360 ዲግሪ ተሽከርክሮ ትላንት ዕልቂት በሚሰብከው የሕወሃት ዲጂታል ሚድያ “ትግራይ ሚድያ ሃውስ” ቀርቦ የተናገረው ሌላ አሳፋሪ ጉድ ነው።

አበው “በአንድ እራስ ሁለት ምላስ” እንዲሉ፤ ይህ የፀጋዬ አራርሳ የመርዝ ንግግር ሕወሃት ለዘመናት ሲጠነስስ የኖረው የአማራና የኦሮሞ ግጭት አልሳካ ማለቱን ሲያውቅ ኢትጵያዊው በወንድሙ የኤርትራ ሕዝብ ላይ እንዲነሳ ያቀነባበረው ሌላኛው መሰሪ የሕወሃት ሴራ ዕቅድ መሆኑ ነው። ንግግሩን ከቪዲዮው እዚህ ላይ ማድመጥ ትችላላችሁ።

እንደ አፍሪካዊቷ ሀገር ሩዋንዳ በኢትዮጵያ ታላላቅ ብሄረሰቦች አማራ እና ኦሮሞ መካከል የዘር ዕልቂትን በማቀነባበር ሀገሪቷን ለማፍረስ የታሪካዊ ጠላታችንን ግብፅ ምኞትና ፍላጎት ለማሳካት ከሊቀ ሰይጣኑ የትህነግ/ሕወሃት የማፊያ ቡድን ጋር በጥምረት ሲንቀሳቀሱ በነበሩ ኃይሎች ላይ ከሰሞኑ የዶ/ር ዐቢይ አህመድ አስተዳደር ቆፍጠን ያለ እርምጃ መውሰድ መጀመሩ እጅግ የሚያስመሰግነው ነው።

ሃገሪቱን በቋንቋና በብሄር ከፋፍሎ የውሸት የጭቆና ትርክትንና የለበጣ እኩልነትን እየሰበከ፤ በአባይ ወንዝ ላይ ያላቸውን የበላይነት ለማስጠበቅ ተገንጣይ ቡድን አድርገው ጠፍጥፈው በመሰረቱት ግብፅ እና የአረብ ሃገራት የገንዘብና የጦር መሳሪያ ድጋፍ ትናንሽ ግዛቶችን በመፍጠር ኢትዮጵያን ለመበታተን የአንድነቱን ኃይል “ነፍጠኛ፣ ትምክህተኛና ጨቋኝ” ወዘተ የሚሉ ስሞችን በመለጠፍ፤ በዕለት ጉርስ እጦትና በእርዛት የሚንገላታውን ሀገር ወዳድ የአማራው ህዝብ ጥንታዊ ርስተ መሬቱን የዘር ማፅዳት ዕልቂት በመፈፀም የቻለውን ያህል ቆርሶ ወደራሱ በማካለል ግዛቱን ከ60 በመቶ በላይ ያሰፋው ሕወሃት ከጅምሩ የኢትዮጵያ ታሪካዊ ጠላት ለመሆኑ ዋናው ምስክር “ሥልጣን ከእጃችን ከወጣ ኢትዮጵያ ትፈርሳለች” እያለ በድፍረትና በንቀት ያሰማው የነበረው ቀረርቶ የአደባባይ ምስጢር ነው።

በሱዳን ድንበር አካባቢ የሚንቀሳቀሱ የሥልጣን ተቀናቃኝ ተቃዋሚዎቹን ለማጥፋት ሲል ብቻ፤ የኢትዮጵያን ለም መሬት ሳይቀር ከ12 ሺህ ሄክታር በላይ ቆርሶ ለሱዳን ገፀበረከት አድርጎ የሰጠው ሕወሃት ኢትዮጵያዊነት በደሙ ውስጥ አለ ለማለት ፈፅሞ ይከብዳል። ይህ ግፈኛ የማፍያ ቡድን ከሁለት ዓመታት በፊት በሕዝባዊ አመፅ ተገፍቶ ወደ መቀሌ ሲሸኝ “መግደል ሽንፈት ነው፤ ይቅርታ ማድረግና መቻቻል ብልህነት ነው” ሲሉ ተደጋጋሚ የአደባባይ ዲስኩር ሲያሰሙ ለነበሩት ጠቅላይ ሚኒስትር “እባክዎ! ሕወሃት የለየለት አምባገነን እና ሙሰኛ ቡድን ነው፤ ሥልጣን ዳግም ወደ እጁ ካልገባ ኢትዮጵያን ከማፍረስ ወደኋላ ስለማይል ይህን ቡድን ትጥቅ ማስፈታቱ ይበጃል” ሲሉ አያሌ ኢትዮጵያውያን ተማፅነዋቸው ነበር።

ሆኖም ሰሚ ጆሮ ባለመኖሩ ለ28 ዓመታት በዘረፉት የሀገሪቱ ሃብት በመላው ሀገሪቱ በብሄሮች መካከል ግጭትን እያቀናበሩ፤ የአያሌ ንፁሃን ደሃ ዜጎች ደም ዛሬም ድረስ እንዲፈስ፤ አብያተ ክርስቲያናትና መስጂዶች እንዲቃጠሉ ብሎም የግለሰቦችና የመንግሥት የልማት ተቋማት እንዲወድሙ ምክንያት ሆኗል። ዛሬም በአቋራጭ ሥልጣን ለመቆናጠጥና የበላይነታቸውን ለማረጋገጥ ብቻ ሳይሆን፤ ከጠላት በሚሰፈርላቸው ረብጣ ዳረጎት የግብፅን ምኞት ለማሳካት ጭምር በኦሮሞ የተቃዋሚ ፖለቲካ ጎራ ስም ተደራጅተው ለዕኩይ ዓላማቸው መሳካት ከእነሱ ጋር መንግሥትን ለመገልበጥና ሃገሪቱን ለመበታተን ከበሮ የሚደልቁ ግለሰቦችን “የኦሮሞ ሕዝብ ጠላቶች” ሲል በጠንካራ የሰላ ሂስና ትችት በአደባባይ በተደጋጋሚ ሲወቅሳቸው የኖረውን ታዋቂውን ወጣት የነጻነት ታጋይና ድምጻዊ ሃጫሉ ሁንዴሳን በመግደል፤ በኦሮሞ ሚድያ ኔትወርክና በትራይ ሚድያ ሃውስ “ነፍጠኛው ነው የገደለው፤ ምን ትጠብቃለህ? የምኒልክን ሃውልት አፍርሰህ! ነፍጠኛውን አጥፍተህ ቤተመንግስቱን ተቆጣጠር” ሲሉ እንደ ሕዝቅኤል ገቢሳ፣ ፀጋዬ አራርሳ፣ ጃዋር መሃመድና ሌሎችም የግብፅ እና ሕወሃት አጋፋሪ ደላሎችና የኢትዮጵያ ጠላቶች በግልፅ እንደ ሩዋንዳው የዘር ፍጅትንና ዕልቂትን በግልፅ አውጀው እንደለመዱት ለበርካታ ንፁሃን ሞትና ለንብረት ውድመት መንስኤ ሆነዋል።

የሃገር ጠላቶች ያሰቡት አልተሳካም። ስልጣን ናፋቂዎችም አፍረዋል። የግብፅ ከፋፋይ መሰሪ ፕሮፓጋንዳ ከሽፏል። እኩይ ምኞታቸው በኢትዮጵያውያን አንድነትና በዶ/ር ዐቢይ የለውጥ ኃይሉ አመራር ቆራጥ እርምጃ መክኗል። “እኛ ከተነካን ኢትዮጵያ ትፈርሳለች፣ የዓለም ፍፃሜ ይሆናል” አትንኩን የሹም ዶሮ ነን ሲሉን የከረሙት የአረብ ደላሎች እነ ከበቡሽ ጃዋር ዛሬ ከህግ በላይ አለመሆናቸውን መንግሥት በአደባባይ አሳይቷቸዋል። ትላንት ሰው አስገድለው ንፁሃንን ያለ ሃጢአታቸው እያሳሰሩ ሲሳለቁ የነበሩት እኩያን ዛሬ የእጃቸውን አግኝተዋል። ደካማ ነው ሲሉ የተሳለቁነት አመራር አሁን ላይ ጥርስ አውጥቶ እንደ አንበሳ እያነቀ ከጥልቅ ጎሬያቸው አንድ ላይ ሰብስቦ የፍርድ ችሎት አቁሟቸዋል።

ያሰቡት ሳይሆን እኩይ ድርጊታቸው የገባው የአማራ እና የኦሮሞ በአጠቃላይ አብዛኛው የኢትዮጵያ ሕዝብም ከዶ/ር ዐቢይ አመራር ጎን ተሰልፎ ሃገር በማዳኑ ተግባር ላይ እየተረባረበ ይገኛል። በውጭ ሃገር ተቀምጠው በሚከፈላቸው የደም ገንዘብ ህሊናቸውን ሸጠው በደሃው ወገናችን ላይ የዘር ዕልቂት ሲደግሱ የኖሩትን እነ ሕዝቅኤል ገቢሳ፣ ፀጋዬ አራርሳ፣ ብርሃነመስቀል አበበ፣ አሉላ ሰለሞን፣ ዳንኤል ብርሃኔ (አገር ውስጥ) እና ሌሎችንም በአፋጣኝ ለኢትዮጵያ መንግሥት ተላልፈው እንዲሰጡ አልያም በዓለምአቀፍ ችሎት ለፍርድ እንዲቀርቡ በማድረጉ ረገድም በጎ እንቅስቃሴዎች መጀመራቸውን አይተናል እሰየው የሚያስብል ነው።

የዶ/ር ዐቢይ መንግሥትም የኢትዮጵያንም ሆነ የራሱን ህልውና ለማስጠበቅ ይህ የመጨረሻ ዕድሉ ይሆናል። ይህን በእጁ የገባ እና በበቂ ማስረጃ የተደገፈ ሁነት ጊዜ ሳይሰጥ በህግ አግባብ ተግባራዊ ለማድረግ ህዝቡን አስተባብሮ መነሳት ይኖርበታል። ለአንዴና ለመጨረሻ ጊዜ በኢትዮጵያ ሰላምና መረጋጋት የሚሰፍነው ግን እንደ አሁን ቀደሙ በመግለጫ ጋጋታ አልያም “ሽብርና ዕልቂት የሚደግሱልን የምናውቃቸው ስልጣን ያጡ ኃይሎች ናቸው” እያሉ በመቆዘምና በመልመጥመጥ ሳይሆን እንደ አሁኑ ቆፍጠን ብሎ ሕወሃትን በማያዳግም እርምጃ ድባቅ መምታት ሲቻል ብቻ መሆኑ መታወቅ ይኖርበታል።

የሀገሪቱን ዜጎች በነጻነት የመኖርና የመንቀሳቀስ መብት ፍፁም በሚጻረር መልኩ ትንሽ ኮሽ ባለ ቁጥር በባህል ስም ዱላና ገጀራ አልያም የጦር መሳሪያ ይዞ አደባባይ ለተቃውሞ የመውጣት ድርጊትም ሆነ በየሰፈሩ ኢ-መደበኛ መንግስት ሆኖ “ከመሬቴ ለቀህ ሂድ ንብረትህን አምጣ” ወዘተ የሚሉ ግፎችና በህዝቦች መካከል ግጭትን የሚጋብዙ የወንጀል ትንኮሳዎችም ከጎረቤት ሶማሊያው አልሽባብ አልያም ከናይጄሪያው ቦኮ ሃራምና ከእስላማዊው አሸባሪ መንግሥት አይ.ኤስ አልያም ከአልቃይዳ ተግባር ቢከፋ እንጂ የሚተናነስ ባለመሆኑ መንግሥት በአፅንዖት ልዩ ትኩረት ሊሰጠውና በአፋጣኝ በህግ ሊያስቆመው ይገባል።

ወጣቱ ሃገር አልሚና ሥራ ፈጣሪ እንጂ በስሙ ገንዘብ የሚነግዱ የፖለቲካ ቁማርተኞችና ደላሎች መጠቀሚያ እንዳይሆንም በኢትዮጵያውያን ሙያተኞችና ባለሃብቶች እንዲሁም በመንግሥትም ዘንድ ብዙ መስራት ተገቢ ነው።

በአጠቃላይ የዶ/ር ዐቢይ የለውጥ ቡድን ሆይ!

ሕዝባዊ አመኔታን ለማግኘትና እማማ ኢትዮጵያ አንድነቷ ተጠብቆ ሳትፈራርስ በሰላም እና በብልፅግና የልጅ ልጆቻችን መኖሪያ እንድትሆን በጀመራችሁት ቆራጥ እርምጃ የሀገሪቱን አስከፊ ቀንጀኛ ጠላት ወያኔ በማጥፋት አንፀባራቂ ታሪክ ሰርታችሁ ስማችሁን በደማቅ የወርቅ መዝገብ ላይ እንድታሰፍሩ እንማፀናችኋለን ። አዎ ተደጋጋሚ ጥሪያችን ” ዶ/ር ዐቢይ ሆይ! ኢትዮጵያ ሳትፈርስ የሕወሃትን ማፍያ ቡድን በነካ እጅህ አፍርስ!!” የሚል ነው ልብ ያለው ልብ ይበል!

ኢትዮጵያ በክብር ለዘለዓለም ትኑር!!

ከታዛቢው


“ጎልጉል፡ የድረገጽ ጋዜጣ የሕዝብ” እንደመሆኑ በ“የኔ ሃሳብ (Opinion)” ዓምድ ሥር የድርጅቶችና የማንኛውም ግለሰብ ነጻ ሃሳብ የሚስተናገድ ሲሆን ከአንባቢያን የሚላኩልን ጽሁፎች በጋዜጣው የአርትዖት (ኤዲቶሪያል) መመሪያ መሠረት ያለ መድልዖ በዚህ ዓምድ ሥር ይታተማሉ። ይህ በጎልጉል የድረገጽ ጋዜጣበ“የኔ ሃሳብ (Opinion)” ዓምድ የታተመ ጽሁፍ የጎልጉል የድረገጽ ጋዜጣ™ አቋም ሳይሆን የጸሃፊው ነው።

Filed Under: Middle Column, Opinions, Slider Tagged With: alula solomon, berhanemeskel abebe segni, daniel berhane, hezikiel gabissa, tigrai media house, tmh, tplf, tsegaye ararsa

Reader Interactions

Comments

  1. Yitbarek Kana says

    July 10, 2020 08:02 pm at 8:02 pm

    የአረፍተ ነገሮች ያለ ቅጥ መርዘም አንባቢዎ የሃሳብዎን ጅረት ተከትሎ ለመዝለቅ አዳጋች ይሆንበታል። ባንድ ረጅም አንቀጽ ውስጥ በጣም የበዙ ሃሳቦችን በሁለት አረፍተ ነገሮች ብቻ ማጨቅ ለርስዎ ቀልዎት ሊሆን ይችላል፣ አንባቢዎን ግን ያሰቃያል።
    ሃሳብዎ የሚነበብ መሆኑን አይተው መሻሻል ቢያደርጉ። ይህን ያልኩት ጊዜ ሰጥቼ ስላነበብኩት መሆኑን ያስተውሉ።

    Reply

Leave a Reply Cancel reply

Your email address will not be published. Required fields are marked *

Primary Sidebar

Recent Posts

  • የቴሌኮም ጌትዌይ፣ የዳታ ሉዓላዊነትና ብሔራዊ ደህንነት – የዌብስፕሪክስ ጉዳይ ከባለቤትነት ክርክር በላይ ነው! November 17, 2026 11:54 pm
  • “የጫካ ቱጃሮች!”— የፋኖ አመራሮች ስለተሰማሩበት የገንዘብ ዝርፊያ አስደንጋጭ መረጃ November 17, 2026 05:43 pm
  • በየወሩ 4 ሚሊዮን ብር እየተከፈለው ሀገር ሲያፈርስ የነበረው ሪፖርተር November 16, 2026 01:17 am
  • ሻርኮቹ ከውጭ እስከ ሀገር ውስጥ ያደሩት ድር፣ ዌብስፕሪክስን (WebSprix) የመጠቅለሉ ድራማና ብሔራዊ ስጋት November 14, 2026 12:42 am
  • የመለስ ዜናዊን ጭንብል የገፈፈው የትህነግ ሚዲያ (EMF) ምስክርነት November 13, 2026 03:32 pm
  • ትህነግ በወታደራዊና በፖለቲካዊ መስክ እንደሞተ ሁሉ በሪፖርተር በኩል የሚዲያ ግብዓተ መሬቱ ተፈጽሟል November 13, 2026 01:13 am
  • በከባድ ታክስ ማጭበርበር የሚፈለጉት አቶ አበባው ደስታ፣ አማራጭ የቴሌኮም ጌትዌይ ፕሮጀክትን ሊጠቀልሉ ነው November 12, 2026 03:50 am
  • “ፋኖ ወደ ኦሮሚያ ገብቶ ሕዝብ እየገደለ ነው” የኦነግ ሸኔ (OLF/OLA) ተወካይ ጃል ጅረኛ November 10, 2026 05:12 pm
  • ከትህነግ የተማረኩና ከውጭ ሀገራት የገቡ ዘመናዊ የጦር መሣሪያዎች በቃሊቲ ለእይታ ቀረቡ November 6, 2026 03:36 pm
  • የመንግሥት ኃላፊዎች ወደ ሁርሶ የተወሰዱበት ምሥጢር November 5, 2026 12:43 pm
  • መንግሥት ሰማ፤ ሪፖርተር ተዘጋ፤ ግን ለምን? ምሥጢሩ ምንድነው? November 3, 2026 12:09 am
  • ኢትዮጵያ በሰማይ ላይ ነዳጅ የሚሞሉ የኢሉሺን (Il-78) አውሮፕላኖችን ከሩሲያ ልትገዛ ነው October 30, 2026 08:57 am
  • ካይሮ ያጣችውን የሩሲያ ጄቶች አዲስ አበባ የታጠቀችበት ምሥጢር October 29, 2026 10:26 am
  • ኢትዮጵያ ሱ-35 ተዋጊ ጄቶች እና የኤስ-400 ዘመናዊ የአየር መከላከያ ስርአት በመታጠቅ ከሰሃራ በታች ብቸኛዋ ሀገር ሆናለች October 28, 2026 11:00 am
  • ሻዕቢያ ኢትዮጵያን በ“ካሚካዜ” ድሮኖች ለመምታትና በዘር ግጭት ለማፍረስ ሰፊ ዝግጅት እያደረገ መሆኑ ተሰማ October 27, 2026 11:14 pm
  • ጆን መዲድ “ቀዝኖ እና ልብሱ ተበላሽቶ” ነው መከላከያ የማረከው October 27, 2026 08:41 pm
  • በጆን መዲድ መማረክ አደረጃጀቱ እየተፈረካከሰ በመሆኑ እነ ወዲ እምበይተይ፣ ምግበይ፣ ቀጣዮች ሊሆኑ ይችላሉ October 27, 2026 09:17 am
  • ከታክስ ስወራ እስከ ሐሰተኛ ጋብቻ፦ በኢትዮጵያ የታጠቁ ቡድኖች ደጋፊ ዳያስፖራዎችን ለማደን የተዘረጋው አዲሱ የአሜሪካ መረብ October 21, 2026 09:26 am
  • ኔታንያሁ የሶማሊላንድን ሉዓላዊነት ያረጋገጠ አዲስ ቀጣናዊ ካርታ ይፋ አደረጉ October 20, 2026 03:20 pm
  • ትውልደ ሶማሊያዊቷ ናፊሳ በተዘቀዘቀ የአሜሪካ ሠንደቅ ፊት በሶማሊኛ ምርጫ ቅስቀሳ ማድረጓ ቁጣ ቀሰቀሰ October 20, 2026 09:21 am
  • በአሜሪካ የሚገኙ የታጠቁ ቡድኖች ደጋፊዎች ላይ የተደቀነው አዲስ ስጋት October 19, 2026 08:58 pm
  • ዜግነት ሊያሰርዝ በሚችለው የኢልሃን ዑመር ምርመራ ላይ አዳዲስ መረጃ ተገኝቷል October 19, 2026 04:45 pm
  • በትግራይ የሚገኙ የሚዲያ ተቋማት ስም በአስቸኳይ ሊቀየር ይገባል! October 19, 2026 02:55 am
  • በትግራይ ሕዝብ ደም የሚደረገው የሥልጣን ቁማር ያብቃ! October 14, 2026 11:04 pm
Copyright © 2026 · Goolgule