• Skip to primary navigation
  • Skip to content
  • Skip to primary sidebar

Goolgule

Ethiopian News

  • ስለ እኛ/about
  • አስፈንጣሪዎች/links
  • ቤተ መዝገብ/archives
  • አድራሻችን/contact
Header Banner Image
  • Home
    ዋና ገጽ
  • Editorials
    ርዕሰ አንቀጽ
  • News
    ዜና
  • Socio-Political
    ማኅበራዊ-ሽከታ
  • Religion
    ሃይማኖታዊ
  • Interviews
    እናውጋ
  • Law
    የሕግ ያለህ
  • Opinions
    የኔ ሃሳብ
  • Literature
    ጽፈኪን
    • Who is this person
      እኚህ ሰው ማናቸው?
  • Donate
    ለባለድርሻዎች

ሸዋሮቢት ከተማ በአሸባሪው ትህነግ ታጣቂዎች በቡድን የተደፈሩት እናት ራሳቸውን አጠፉ!

December 5, 2021 02:27 pm by Editor 1 Comment

“መግደልም መድፈርም መብታችን ነው” – “ተገድደነው የዘመትነው” የሚሉት የትህነግ ታጣቂዎች

ዕድሜያቸው 50ዎቹን ያለፈው የሸዋሮቢት ከተማ ነዋሪዋ አዛውንት በአሸባሪው የህወሓት ታጣቂዎች በቡድን ከተደፈሩ በኋላ ራሳቸውን አጥፍተዋል።

ፖሊስና የአካባቢው የዓይን እማኞች በሥፍራው ለሚገኙት የኢትዮጵያ ፕሬስ ድርጅት ዘጋቢዎች እንደገለጹት፤ ዕድሜያቸው 50ዎቹን የተሻገረውና የሸዋሮቢት ከተማ ቀበሌ 02 ነዋሪ የነበሩት ወይዘሮ ሞሚና አህመድ (ስማቸው የተቀየረ) በአሸባሪው የህወሓት ታጣቂዎች በመደፈራቸው የልጄን ዓይን ከማይ ብለው ራሳቸውን አጥፍተዋል።

ወ/ሮ ሞሚና የማገዶ እንጨት በመሸጥና እንጀራ በመጋገር የሚተዳደሩ ሲሆን፤ የ15 ዓመት ታዳጊ ልጅ እንዳላቸው የሸዋሮቢት ከተማ ፖሊስ የወንጀል ምርመራ ክፍል ሀላፊ ኮማንደር አህመድ መሐመድ ለኢፕድ ገልጸዋል።

ዛሬ ትህነግን በመቃወም ሰለፍ ያደረጉ ካነገቡት መፈክሮች አንዱ

ኮማንደሩ እንዳሉት፤ ግፈኛው ቡድን ልጃቸው ላይ በር ቆልፎ እናቱን ወደ ሌላ ቤት በመውሰድ አስነዋሪውን ግፍ ፈጽሟል።

በተመሳሳይ ከወ/ሮ ሞሚና ጋር በአንድ ቤት በአሸባሪው ቡድን ታጣቂዎች አብረው የተደፈሩት ወይዘሮ አለምሸት አሸብር (ስማቸው የተቀየረ) ከሟች ጋር አንድ ቤት እንደነበሩ እና እየተፈራሩቁ በሰው ልጅ ላይ ሊፈጸም ቀርቶ ሊታሰብ የማይችል በደል እንዳደረሱባቸው ይናገራሉ።

ዛሬም በሳቸውና በጓደኛቸው ላይ የተፈጸመው በደል ያንገበግባቸዋል። እሳቸው በህይወት ተርፈው ጓደኛቸውን የነጠቃቸውን ግፍም በሲቃ ተሞልተው ይናገራሉ።

ጓደኛየ በደሉ ከደረሰባት በኋላ “ከዚህ በኋላ የልጄን አይን የማይበት ዐይን የለኝም’ ብላ ራሷን አጠፋች” ሲሉ ተናግረዋል።

እርሳቸውም በታጣቂዎቸ የተደፈሩት በቡድን መሆኑን የገለጹት ወይዘሮ አለምሸት፤ ከሞራል ስብራቱና በደሉ ባሻገር አከላዊ ህመም እየተሰማቸው እንደሆነ ለኢፕድ ገልጸዋል።

የራስ ጸጉራቸውን በመንጨት ብዙ እንግልት በማድረስ ሁለቱን አዛውንት አየተፈራረቁ ድርጊቱን እንደፈጸሙባቸው ወይዘሮዋ የነገሩን ሀዘንና ሲቃ በተሞላበት አንደበታቸው ነው።

እነዚህ አረመኔዎች ግፉን ከመፈጸማቸው በፊት “እንጀራ አምጡ” ብለው ጠይቀው በእጃቸው ከበሉ በኋላ እንደሆነና፤ “መግደልም መድፈርም መብታችን ነው” እያሉ በመሳሪያ አስፈርርተው ድርጊቱን እንደፈጸሙ ተጎጂዋ ተናግረዋል።

አሸባሪው የህወሓት ቡድን ወረራ በፈጸመባቸው የአማራና አፋር አካባቢዎች ንጹሃንን በጅምላ መግደል፣ ህጻናትና አዛውንት ሴቶችን መድፈርና ንብረት ማውደም መፈጸሙን የሰብአዊ መብት ተቋማት ጭምር እየገለጹ ይገኛሉ። (ኢፕድ፣ አዲሱ ገረመው፣ ሸዋሮቢት)

ጎልጉል የድረገጽ ጋዜጣ

Filed Under: Middle Column, News Tagged With: operation dismantle tplf, rape victim, tplf terrorist

Reader Interactions

Comments

  1. Tesfa says

    December 5, 2021 08:19 pm at 8:19 pm

    በምድራችን አረምና አራሙቻ እየበቀለ ህዝባችን በዚህም በዚያም ማወክ ከጀመረ ረጅም ዘመን ቆጥረናል። አብሮ መክሮ ወገኑን ያስገደለ፤ ምንም ባልሰራው (ችው) በጥይት ተደብድበው የሞቱ፤ አካለ ጎድሎ የሆኑ፤ ይህን ያዪ ህይወታቸውን ለማትረፍ ወደ ጎረቤት ሃገሮችና ወደ አውሮፓና ሌሎችም የነጭና የዓረብ ሃገሮች ሲያፈተልኩ እንደ ወጡ ቀርተዋል። አሁን ወያኔ የከተማ ሰው ከሆነ ወዲህ የተሰራውና የሚሰራው ግን ከሰውነት ደረጃ የወረደ ፍጽም አውሬነት ነው። አሁን በምንፋተግበት የእብዶች ጦርነት የውሸት ጋጋታና የማጋነን ወሬዎች ውስጥ ስንት ሃሰትና የፕሮፓጋንዳ ጡሩንባ እንደሚነፋ ልብ ላለ ይታየዋል። ታዲያ ከመቀሌ ዶ/ር ደብረጽዪንና አንድ የወያኔ ጄኔራል ጦርነቱ አልቋል ከማን ጋር ነው የምንደራደረው ሲሉን አሁን ደግሞ ዶ/ር አብይ ጦርነቱ አልቋል፤ ወያኔ ተበትኗል ተብለናል። በዚህ መካከል ግን ህዝባችን በዚህም በዚያም እንደ ቅጠል ይረግፋል። የዶ/ር ደብረጽዪንን የቅርብ ቀን መግለጫ ላዳመጠ የወያኔን እብደት ማቆሚያ እንደለሌው ማየት ይቻላል። ትላንትም ውሸት፤ ዛሬም ውሸት፤ ትላንትም የትግራይ ህዝብ ዛሬም በትግራይ ህዝብ ላይ ቁማር መጫወት። አሁን ማን ይሙት ወያኔዎች ስፍራ ለቀው የወጡት ወደው ነው? ጭራሽ? እየገደሉ፤ እያፈረሱ፤ እየዘረፉ፤ በደቦ ሴቶችን እየደፈሩ ነው በጦርነት ተሸንፈውና እየተሸነፉ እንጂ። ይህ ትውልድ ከዚህ ፍትጊያ እንኳን ተርፎ መኖር ቢችል የህሊና ችግር እንደሚኖርበት ምንም አያጠራጥርም። ታላቋ ትግራይን እንመሰርታለን የሚለው የወያኔ ጡሩንባ ያቺ ታላቅ ትግራይ ለማን እና በእነማን ነው የምትመሰረተው? ሰው ሁሉ ካለቀና አካለ ጎደሎ ከሆነ በህዋላ ለማን ነው ያቺ የህልሟ ትግራይ የምትቆመው?
    ልቤ እጅግ ያዝናል በደረሰባት በደል የተነሳ ደጋፊ አጥታ ራሷን ያጠፋቸው እህታችን ሳስብ። አይ ሃገር እንዲህ ሆንን ብለን ብለን ዘርና ቋንቋ እየቆጠርን ሰውን ብቻ ሳይሆን እንስሳትንና የተከመረ እህልን ሁሉ የምናቃጥል የሙታን ጥርቅም። ወያኔ ጉድጓድ መግባት ያለበት ድርጅት ነው። በሚሊዪን የሚቆጠሩ ሰቆቃዎችን ያደረሰና በማድረስ ላይ ያለ ድርጅት ምህረት ሊደረግለት አይገባም። እኔን የሚያናድኝ የወያኔ የጭፍን ደጋፊዎች የትግራይ ተወላጆች ናቸው። እውነቱንና ፕሮፓጋንዳውን እንዴት ሰው መለየት ይሳነዋል? በወያኔ ስንት የትግራይ ልጆች ነው የተገደሉት? አሁንስ በዚህ ግጭት የሚረግፉት? ደብረጽዪን አሁንም ጥሉ ከአማራ ህዝብ ጋር ነው። ልብ ይሰብራል። አማራ የትግራይ ህዝብ ላይ ምን በደል ፈጸመ? ወያኔ ግን ለዘመናት የአማራን ህዝብ ሲያተራምስና አምካኝ መርፌ ሁሉ ሲወጋ የኖረ ለመሆኑ አሊ የማይባል መረጃ አለ። ያው ግን የሽፍጠት ፓለቲካ ጠላትህ መጣ፤ ተወረርክ፤ ተያዝክ፤ እናትህ ሚስትህ እህትህ ልትደፈር ነው በማለት ነው ሰውን ወደ እሳት የሚማግደው። ዶ/ር አብይ የውጭ ሃይሎች ከወያኔ ጋር ሆነው እየተዋጉ ነው እንዳለው ሁሉ አሁን ደግሞ የወያኔ ጭፍን መሪ የውጭ ሰዎች ገብተው እየተዋጉን ነው በማለት አላዝኗል። በሁለቱም ጎን ግን የቀረበልን መረጃ የለም። ይህ ደግሞ እንደተባለው የጦርነትን ቀዳሚ ሰለባ እውነት ራሷ መሆኗን ያሳየናል።
    አርቲ ቡርቲውን የሃበሻ ፓለቲካ ወደ ኋላ ጥሎ ነገሮችን በረጋ መንገድ ለተመለከተ የዓለም መሳቂያ መሆናችን ያሳያል። እኛው የቆመን ሁሉ አፍርሰን፤ አቃጥለን አሁን ተመልሰን ተራብን፤ በሽታ ገባ፤ እንዲህና እንዲያ ሆንን ብንል ሰሚ የለም። የሰሙን ከመሰለንም እኛኑ የሚያናኩር ነገር ቋጥረው እንጂ በቅንነት ሃገርን አይረድም። ይህ አሁን በድህረ ገጾች ላይ የምናየውና የምንሰማው የቀድሞ የአውሮፓና የአሜሪካ ዲፕሎማቶች በዶላር ከተገዙ ሃገር ሽያጭ ሃበሾች ጋር በመሆን የሚሸርቡት ሴራ ከአንድ ምንጭ መቀዳቱን ያሳያል። ያስገርማል። It is rehearsed play. በተናጠልም ሆነ በህብረት የሚሰጧቸውን ቃለ መጠይቆች፤ ማስጠንቀቂያዎች፤ የድጋፍ ሃሳቦች ላጤነ ከአሜሪካው የውጭ ጉዳይ ፓሊሲ የተቀዳ ሁሉም የፈረሙበት ለመሆኑ አያጠራጥርም። እነዚህ ናቸው ሰለ ሰላምና ዲሞክራሲ ዓለም ሊያስተምሩ የሚሹት። የራሷ ሲያርባት የሰው ታማስላለች እንዲሉ። ዛሬ በአውሮፓ፤ በአሜሪካ በራችው ድረስ የተኮለኮሉት ጥገኝነት ጥያቄዎች የመጡት ነጩ ዓለም ተባብረው ከደረመሷቸው ሃገሮች ነው። ገና ብዙ ይነጉዳል። ግን ያልታበሱ እንባዎች አይዞሽ አዞህ ብሎ የሚያጽናናቸው ወገን ሳያገኙ በተስፋ መቁረጥ ራሳቸውን ሲያጠፉ ምንኛ ያሳዝናል። ዘሩን ጎሳውን፤ ቋንቋውንና ሃይማኖቱን ወግድልኝ ብሎ በሰውኛ ልብ ላሰበ እየየው ያሰኛል። ግን ሁሉ አልቃሽና አስለቃሽ በሆነበት የሃበሻ ምድር መሰማማት የት አለና። ግን መቼ ይሆን መገዳደላችን የሚያበቃው? ጊዜ ይመጣ ይሆን? አላውቅም።
    እውቁ አሜሪካዊ የህዋ ተመራማሪ Carl Sagan ከዘመናት በፊት “Pale Blue Dot” እንዲህ ይለናል። ፈልጋችሁ ራሱ ሲናገር ብትሰሙት የበለጠ የሃሳቡ ጥልቀት ይገባቹሃል። ያም ሆነ ይህ ቅንጫቢ ሃሳቡ እንሆ።
    The Earth is a very small stage in a vast cosmic arena. Think of the rivers of blood spilled by all those generals and emperors so that, in glory and triumph, they could become the momentary masters of a fraction of a dot. Think of the endless cruelties visited by the inhabitants of one corner of this pixel on the scarcely distinguishable inhabitants of some other corner, how frequent their misunderstandings, how eager they are to kill one another, how fervent their hatreds.
    አምናለሁ በዚህም በዚያም ለሰው ልጅ ህሊናው ይመሰክርለታል። ግን ምንም ያልሰራ ሰው ዝቅዝቆ የሚሰቅል፤ ይህ መሬት ላይ ያንቺ ልጅ አይወለድም በማለት የነፍሰጡር ሴት ሆድ ቀዶ ልጅ የሚያወጣ፤ እናቱን፤ እህቱን ወንድሙን አባቱን ገድሎ የሚፎክር፤ ያለምንም ሃፍረት ሴት ልጆችን በደቦ የሚደፍር የአውሬ ስብስብና መሪዎችሁ በመዘዙት ሰይፍ ይወድቃሉ። በታሪክ ያየነው ያን ነው። እስከዚያው ግን በዚህም በዚያም መገዳደሉ ይቀጥላል። በቃኝ!

    Reply

Leave a Reply Cancel reply

Your email address will not be published. Required fields are marked *

Primary Sidebar

Recent Posts

  • የቴሌኮም ጌትዌይ፣ የዳታ ሉዓላዊነትና ብሔራዊ ደህንነት – የዌብስፕሪክስ ጉዳይ ከባለቤትነት ክርክር በላይ ነው! November 17, 2026 11:54 pm
  • “የጫካ ቱጃሮች!”— የፋኖ አመራሮች ስለተሰማሩበት የገንዘብ ዝርፊያ አስደንጋጭ መረጃ November 17, 2026 05:43 pm
  • በየወሩ 4 ሚሊዮን ብር እየተከፈለው ሀገር ሲያፈርስ የነበረው ሪፖርተር November 16, 2026 01:17 am
  • ሻርኮቹ ከውጭ እስከ ሀገር ውስጥ ያደሩት ድር፣ ዌብስፕሪክስን (WebSprix) የመጠቅለሉ ድራማና ብሔራዊ ስጋት November 14, 2026 12:42 am
  • የመለስ ዜናዊን ጭንብል የገፈፈው የትህነግ ሚዲያ (EMF) ምስክርነት November 13, 2026 03:32 pm
  • ትህነግ በወታደራዊና በፖለቲካዊ መስክ እንደሞተ ሁሉ በሪፖርተር በኩል የሚዲያ ግብዓተ መሬቱ ተፈጽሟል November 13, 2026 01:13 am
  • በከባድ ታክስ ማጭበርበር የሚፈለጉት አቶ አበባው ደስታ፣ አማራጭ የቴሌኮም ጌትዌይ ፕሮጀክትን ሊጠቀልሉ ነው November 12, 2026 03:50 am
  • “ፋኖ ወደ ኦሮሚያ ገብቶ ሕዝብ እየገደለ ነው” የኦነግ ሸኔ (OLF/OLA) ተወካይ ጃል ጅረኛ November 10, 2026 05:12 pm
  • ከትህነግ የተማረኩና ከውጭ ሀገራት የገቡ ዘመናዊ የጦር መሣሪያዎች በቃሊቲ ለእይታ ቀረቡ November 6, 2026 03:36 pm
  • የመንግሥት ኃላፊዎች ወደ ሁርሶ የተወሰዱበት ምሥጢር November 5, 2026 12:43 pm
  • መንግሥት ሰማ፤ ሪፖርተር ተዘጋ፤ ግን ለምን? ምሥጢሩ ምንድነው? November 3, 2026 12:09 am
  • ኢትዮጵያ በሰማይ ላይ ነዳጅ የሚሞሉ የኢሉሺን (Il-78) አውሮፕላኖችን ከሩሲያ ልትገዛ ነው October 30, 2026 08:57 am
  • ካይሮ ያጣችውን የሩሲያ ጄቶች አዲስ አበባ የታጠቀችበት ምሥጢር October 29, 2026 10:26 am
  • ኢትዮጵያ ሱ-35 ተዋጊ ጄቶች እና የኤስ-400 ዘመናዊ የአየር መከላከያ ስርአት በመታጠቅ ከሰሃራ በታች ብቸኛዋ ሀገር ሆናለች October 28, 2026 11:00 am
  • ሻዕቢያ ኢትዮጵያን በ“ካሚካዜ” ድሮኖች ለመምታትና በዘር ግጭት ለማፍረስ ሰፊ ዝግጅት እያደረገ መሆኑ ተሰማ October 27, 2026 11:14 pm
  • ጆን መዲድ “ቀዝኖ እና ልብሱ ተበላሽቶ” ነው መከላከያ የማረከው October 27, 2026 08:41 pm
  • በጆን መዲድ መማረክ አደረጃጀቱ እየተፈረካከሰ በመሆኑ እነ ወዲ እምበይተይ፣ ምግበይ፣ ቀጣዮች ሊሆኑ ይችላሉ October 27, 2026 09:17 am
  • ከታክስ ስወራ እስከ ሐሰተኛ ጋብቻ፦ በኢትዮጵያ የታጠቁ ቡድኖች ደጋፊ ዳያስፖራዎችን ለማደን የተዘረጋው አዲሱ የአሜሪካ መረብ October 21, 2026 09:26 am
  • ኔታንያሁ የሶማሊላንድን ሉዓላዊነት ያረጋገጠ አዲስ ቀጣናዊ ካርታ ይፋ አደረጉ October 20, 2026 03:20 pm
  • ትውልደ ሶማሊያዊቷ ናፊሳ በተዘቀዘቀ የአሜሪካ ሠንደቅ ፊት በሶማሊኛ ምርጫ ቅስቀሳ ማድረጓ ቁጣ ቀሰቀሰ October 20, 2026 09:21 am
  • በአሜሪካ የሚገኙ የታጠቁ ቡድኖች ደጋፊዎች ላይ የተደቀነው አዲስ ስጋት October 19, 2026 08:58 pm
  • ዜግነት ሊያሰርዝ በሚችለው የኢልሃን ዑመር ምርመራ ላይ አዳዲስ መረጃ ተገኝቷል October 19, 2026 04:45 pm
  • በትግራይ የሚገኙ የሚዲያ ተቋማት ስም በአስቸኳይ ሊቀየር ይገባል! October 19, 2026 02:55 am
  • በትግራይ ሕዝብ ደም የሚደረገው የሥልጣን ቁማር ያብቃ! October 14, 2026 11:04 pm
Copyright © 2026 · Goolgule