{ፈላስፋ በወህኒ ቤት በራፍ ላይ እንዲህ የሚል ፅሁፍ አነበብኩ አለ፤ ይህች ቦታ የመከራና የጭንቅ ናት፤ ያልሞቱ (በሕይወት ያሉ) ሰዎች የሚቀበሩባት መቃብርም ናት። የወዳጆች መፈተኛ፤ የጠላቶች መደሰቻ የሆነች ቦታ ናትና።} አንጋረ ፈላስፋ (የፈላስፎች አነጋገር)፤ በሊቀ መዘምራን ሞገስ ዕቁበ ጊዮርጊስ በ1953 ዓ/ም ከግዕዝ ወደ አማርኛ ተተረጎመ።
*************************************************************
በወያኔ አገዛዝ፤ በወያኔ ቀንበር
የካቴናው ስርስር የኮረንቲው ንዝር
የመቀመቅ ፍዳው የጨለማው እስር
የሰቆቃው ንረት የአውሬዎቹ ምንዝር
እንዴት እንደ ሆነ እንዴት እንደነበር
ፍትህ በሌለበት ለዳኛ ከመንገር
ጠበቃ ከማቆም ዕማኝ ከመደርደር
ይኸው የኛ ፎቶ ታሪኩን ይናገር።
ፎቶ፤ ሴፕቴምበር 14 2011 (እአአ)
የወያኔ ፀጥታ ሀይሎች አዲስ አበባ ላይ አንዱዓለም አራጌን በቁጥጥር ስር ሲያውሉ። እነሆ ከዚህ ቀን ጀምሮ ወጣቱ ትንታግ የሠላማዊ ትግል አራማጅ ፖለቲከኛ በወህኒ ቤት ይገኛል። ህግና ዳኛ ወያኔንና አገዛዙን ለመጠበቅ በቆሙባት ኢትዮጵያ ለህዝብ መብት፤ ነፃነት ፍትህና እኩልነት ተሟጋቹ አንዱዓለም አራጌ በሽብርተኝነት ህገ መንግሥቱን በሀይል ለመናድ በሚል በተመሰረተበት ክስ ዕድሜ ልክ እስራት ተፈርዶበት በር ተዘግቶበታል። ዘረኞችና ዘራፊዎች ‘መንግሥት’ በሆኑባት ኢትዮጵያ ኢትዮጵያዊነትና ፍትህ ጠያቂነት ‘ሽብርተኝነት’ ሆኗል። ዳኞች እነሱ አቃቤ ህግ እነሱ ህጉም ለእነርሱ።
እነሆ በ2002 ዓ/ም (2010) ምርጫ ወቅት በህወሃት/ኢህአዴግ ገዢ ፓርቲ እና በተቃዋሚ ፓርቲዎች መካከል በኢትዮጵያ ቴሌቪዥን በተካሄደው ውይይት አንዱዓለም አራጌ ‘መድረክ’ን ወክሎ እንዲህ አለ፤ “ኢህአዴግ አንድም ቀን ስሜታዊ እንጂ ምክንያታዊ ውይይት አድርጎ አያውቅም። በመሰረቱ ኢህአዴግ አምባገነናዊ መንግሥት ነው። በግልፅ መነጋገር አለብን። የአምባገነንነቱ መሰረት ደግሞ ፍርሃት ነው። በሀገራችን ‘የፈሪ ዱላው አስራ ሁለት ነው’ ይባላል። ኢህአዴግ ፈሪ ስለሆነ የተለያዩ የፍርሃት ህጎችን እያወጣ የኢትዮጵያን ህዝብ ቀይዶ፤ ጫንቃው ላይ ተጭኖ ለመግዛት እየሞከረ ነው ያለው። ለምሳሌ በደርግ ጊዜ አንድ አዋጅ ወጥቶ ነበር፤ አዋጅ 767 የሚባል። ያነበበ ያስነበበ አሽሙር የተናገረ 15 ዓመት ይፈረድበታል ይላል። ዛሬ ኢህአዴግ የሚያወጣው የፀረ ሽብር ህግ ፤ የፓርቲዎች ሥነ ምግባር አዋጅ የኢትዮጵያን ህዝብ ለጉሞ እንዳይንቀሳቀስ የሚያደርግ ህግ ነው። ኢህአዴግ ከ’97 ዓመተ ምህረት በሁዋላ የተማርኩት ነገር አለ ይላል። የተማረው አንድ ነገር ነው። በነፃና ፍትሃዊ ምርጫ የኢትዮጵያ ህዝብ ኢህአዴግን እንደማይመርጠው ያውቃል። ጠንቅቆ ያውቃል። ስለዚህ ሜዳውን ሁሉ ዘጋግቶ ለብቻው መሮጥ ይፈልጋል።
[የህወሓት ግፍ ሰለባ ስለሆኑት ወገኖቻችን ሲባል ሊነበብ የሚገባው]
“ጎልጉል፡ የድረገጽ ጋዜጣ የሕዝብ” እንደመሆኑ በ“የኔ ሃሳብ (Opinion)” ዓምድ ሥር የድርጅቶችና የማንኛውም ግለሰብ ነጻ ሃሳብ የሚስተናገድ ሲሆን ከአንባቢያን የሚላኩልን ጽሁፎች በጋዜጣው የአርትዖት (ኤዲቶሪያል) መመሪያ መሠረት ያለ መድልዖ በዚህ ዓምድ ሥር ይታተማሉ። ይህ በጎልጉል የድረገጽ ጋዜጣ በ“የኔ ሃሳብ (Opinion)” ዓምድ የታተመ ጽሁፍ የጎልጉል የድረገጽ ጋዜጣ™ አቋም ሳይሆን የጸሃፊው ነው።
በውነቱ መነጋገር ካስፈለገ： አንተማመንም እንጂ： ዶ/ር ብርሃኑ ነጋ ሲሸፍት ያታሰሩ የጉራጌ ብሄረ ሰብ ወጣቶች ናቸው！！ ለምሳሌ ያህል እስክንድር ነጋ： ዓንዱ አለም አራጌን ይጠቅሷል！！ከውጭ ማለትም ከሰሜን አሜሪካም ተደራጅተው ሙሉ ድጋፍ እያደረጉ ልማቱን ለማደናቀፍ የሚያደርጉት እነዚሁ ቡድኖች ናቸው：： ኢህአድግን ለማሳሰብ የምንፈልገው : ሁሉንም እስረኛ ባንዴ ወይም በጅምላ ከመልቀቅ እየተጠናና እየታየ ቢለቀቁ ለቅቆ ከማሳደድ ያግደናል：：
ኢህአድግ！！！ ሰድዶ ማሳደድ ካማረህ： ዶሮህን በቆቅ ለውጣት！！！ ደጋግሞ ይታሰብበት！！！
አቶ ሙሉጌታ – በዘር የተቃመስክ ተውሳክ በመሆነህ እይታህ ሁሉ በዘር ዙሪያ ነው። ጉራጌዎች ሃገር አይሸጡም። ጉራጌዎች ሃገራቸውን፤ ህዝባቸውን የሚወድ በሃገራችን ውስጥ ጠንካራ ሰራተኛ እንደሆኑ የሚመሰከርላቸው ናቸው። ሰርተው ነው የሚከብሩት። እንደ ወያኔ በስርቆትና በዝርፊያ አይደለም። ግን እንዳንተ ያለ ጅል ይህ ሁሉ ነገር አይገባውም። የምትተነፍሰውና የምታስበው ወያኔ በገጠመልህ ሳንባና ጭንቅላት ነው።
ከላይ የጠቀስካቸው በወያኔ ኢ-ፍትሃዊ ግፍ ሃበሳቸውን የሚቆጥሩት ስዎች በዘርና በጎሳ ቢሰለፉ ኑሮ ወያኔ አይነካቸውም ነበር። የሃገርን አንድነት፤ የወገንን መረገጥ በአደባባይ ወያኔን ተቃውመው ድምጻቸውን በማሰማታቸው ሰቆቃ ውስጥ ወያኔ ከተታቸው። ማሳደድ አንተን የመሰሉ የህዝባችን ተባዮች ነው እንጂ ከቆቅ ጋር ጥል ያለው ወይም ደሮውን በቆቅ የሚለውጥ ጅላ ጅል የለም። ገና ወያኔ ውሸቱን ሁሉን ፈትቼ እስርቤቱን ወደ መዝናኛ ቦታና የመጎብኛ መአከል አደርጋለሁ በማለቱ ይህን አምነህ ሰው እንዳይፈታ ምቀኛ መሆንህ ምንኛ ያሳዝናል። ልማት አደናቃፊው ወያኔ እንጂ ሌላ ሃይል አይደለም። ሁሉም ነገር ወደ ትግራይ በማለት ሌላውን የሃገራችን ክፍል ራቁቱን ያስቀረ አጥፊ ድርጅት ነው። እንዲሁ በየድህረ ገጽ እየገባህ ነገር ታማታለህ። ግን ተነቅቶብሃል። ማንም አይሰማህም።