• Skip to primary navigation
  • Skip to content
  • Skip to primary sidebar

Goolgule

Ethiopian News

  • ስለ እኛ/about
  • አስፈንጣሪዎች/links
  • ቤተ መዝገብ/archives
  • አድራሻችን/contact
Header Banner Image
  • Home
    ዋና ገጽ
  • Editorials
    ርዕሰ አንቀጽ
  • News
    ዜና
  • Socio-Political
    ማኅበራዊ-ሽከታ
  • Religion
    ሃይማኖታዊ
  • Interviews
    እናውጋ
  • Law
    የሕግ ያለህ
  • Opinions
    የኔ ሃሳብ
  • Literature
    ጽፈኪን
    • Who is this person
      እኚህ ሰው ማናቸው?
  • Donate
    ለባለድርሻዎች

ዋና ጸሀፊ አንቶኒዮ ጉተሬዝ በኢትዮጵያ ጉዳይ የሚደነግጡት መቼ መቼ ነው?

October 7, 2021 10:05 am by Editor 1 Comment

የኢትዮጵያ መንግስት በውስጥ ጉዳዬ ላይ ገብተዋል፣ ከተፈቀደላቸው ዓላማና ተግባር ውጭ ሲንቀሳቀሱ ተገኝተዋል ያላቸውን 7 በዓለም አቀፍ ድርጅቶች ውስጥ የሚሰሩ ግከለሰቦችን በ72 ሰአታት ውስጥ የኢትዮጵያን ግዛት ለቀው እንዲወጡ ሲል አዟል።

ይህንን ተከትሎ የተባበሩት መንግስታት ድርጅት ዋና ጸሀፊ አንቶኒዮ ጉተሬዝ “በኢትዮጵያ ውሳኔ ደንግጫለሁ” ሲሉ በትዊተር ገጻቸው ላይ መልዕክት አስተላልፈዋል።

የተባበሩት መንግስታት ድርጅት ዋና ጸሀፊ በአሸባሪው ህወሓት በርካታ ንጹሀን ሲገደሉ፣ ከ400 በላይ መኪናዎች በአሸባሪው ድርጅት ታግተው ሲቀሩ፤ አሸባሪው ኢትዮጵያን ለማፍረስ እየሰራሁ ነው ሲል ድምጻቸውን አጥፍተው አሁን ላይ መንግስት የአገር ሉአላዊነትን በተጋፉ የድርጅቶቱ ሰራተኞች ላይ እርምጃ ሲወስድ ደንግጫለሁ ማለታቸው ተገቢነት የጎደለው ነው ሲሉ አቶ አንዳርጋቸው ጽጌ ተችተዋል።

አቶ አንዳርጋቸው ለኢትዮጵያ ፕሬስ ድርጅት በሰጡት አስተያየት፤ “አገር የተባበሩት መንግስታት ድርጅት ዋና ጸሀፊ አንቶኒዮ ጉተሬዝ በኢትዮጵያ ጉዳይ የሚደነግጡት መቼ መቼ ነው?” ሲሉ ትዝብታቸውን ገልጸዋል።

አቶ አንዳርጋቸው፤ አሸባሪው ህወሓት በአንድ አገር ሉዓላዊ ሰራዊት ላይ የክልል መንግስት ጥቃት ፈጽሞ ንጹሀን ዩኒፎርም የለበሱ ወንድና ሴት ወታደሮች ሲጨፈጨፉ አንቶኒዮ ጉተሬዝ መደንገጣቸውን አልነገሩንም ብለዋል።

አሸባሪው ድርጅት ባደራጃቸው ገዳይ ቡድኖች ከ1000 በላይ ንጹሀን የአማራ ብሄር ተወላጆች በማይካድራ ሲጨፈጨፉ ዋና ጸሀፊው እንደደነገጡ አልነገሩንም ያሉት አቶ አንዳርጋቸው፤ በአፋር ጋሊኮማ የራሳቸው ድርጅት አባል የሆነው ዩኒሴፍ ሳይቀር ባጋለጠው ጭፍጨፋ ከ240 በላይ ንጹሀን ህጻናትና ሴቶች ጭምር በተጠለሉበት ሲጨፈጨፉ ጉተሬዝ ያሉት ነገር የለም።

አማራ ክልል ጭና ላይ በርካታ ንጹሀን በአሸባሪው ታጣቂዎች ሲጨፈጨፉ ዋና ጸሀፊው ድንጋጤ ብሎ ነገር አልተሰማቸውም፤ በቆቦ በአንድ ቀን ከ600 በላይ ንጹሀን መጨፍጨፋቸውን ሰምተው ዋና ጸሀፊው ድንግጥም ስለማለታቸው የተሰማ ነገር የለም ሲሉም ነው አቶ አንዳርጋቸው የዋና ጸሀፊውን አቋም የተቹት።

አሸባሪው ህወሓት ኢትዮጵያን ለማፍረስ፤ ከ30 ሚሎዮን በላይ ከሆነው ከአማራ ህዝብ ጋር ሂሳብ አወራርዳለሁ ብሎ በግልጽ ሲናገርና ወረራ ሲፈጽም አንቶኒዮ ጉተሬዝ መደንገጣቸውን አልነገሩንም፤ መንግስት ሀምሌ ወር ላይ የተባበሩት መንግስታት ድርጅት ሰራተኞች ከአሸባሪው ህወሓት ጋር አብረው እየሰሩ ነው፤ ከዚህ ድርጊታቸው ካልተገቱ እርምጃ እወስዳለሁ ብሎ ሲያስታውቅ በሰራተኞቻቸው ድርጊት ዋና ጸሀፊው አላፈሩም፤ አልደነገጡም ነው ያሉት አቶ አንዳርጋቸው።

የእርዳታ እህል ይዘው ወደ ትግራይ ክልል ከገቡ 400 መኪናዎች ውስጥ የተመለሱት 38 ብቻ ናቸው፤ ምግብ ለማድረስ መኪና ተቸገርኩ ብሎ ድርጅታቸው አቤቱታ ሲያቀርብ አንቶኒዮ ጉተሬዝ ምንም አለማለታቸውን ያስታወሱት አቶ አንዳርጋቸው፤ መንግስት ከተደጋጋሚ ማሳሰቢያና መስጠንቀቂያ በኋላ ሰባት የእርሳቸው ድርጅት ግለሰቦችን ስላልተገባ ድርጊታቸው አገር ለቃችሁ ውጡ ሲል ግን አንቶኒዮ ጉተሬዝ ደንግጠዋል፤ መደንገጣቸውንም በትዊተር ገጻቸው አስታውቀዋል፤ ይህ የእርሳቸውንም ሆነ የድርጅታቸውን ሚዛን የለሽነት ያሳብቃል ነው ያሉት።

“ለመሆኑ አንቶኒዮ ጉተሬዝ የሚደነግጡት  መቼ መቼ ነው?” ሲሉ የሚጠይቁት አቶ አንዳርጋቸው፤ ከዋና ጸሀፊው አቋም ተነስቶ ለዚህ ጥያቄ መልሱ “አሸባሪው ህወሓት የተጎዳ ሲመስላቸው አብዘተው ይደነግጣሉ፤ አብዝተውም ይጮሃሉ” የሚል ብቻ ነው ሲሉ ተችተዋል። (ኢፕድ)

ጎልጉል የድረገጽ ጋዜጣ

Filed Under: Middle Column, Politics

Reader Interactions

Comments

  1. Tesfa says

    October 8, 2021 10:26 am at 10:26 am

    አንቶኒዮ ጉተሬዝ ለነጭ መብት የቆመ በአሜሪካ የሚገፋ ምህታታዊ ሰው ነው። ራሺያ ህገ ወጥ በሆነ መልኩ ክሪሚያን አጥቅታ ስትይዝ ይህን ያህል ጫጫታና የተመድ ስብሰባ አልተደረገም። ሳውዲ በአሜሪካ እየተረዳች በየመን ላይ የቦንብ ዝናብ ስታዘንብ ምንም የተባለ ነገር የለም። አውሮፓውያንና አሜሪካ የራሳቸው ጥቅም እስካልተነካ ድረስ ለሌላው አይገዳቸውም። ለወያኔ ወገባቸውን ይዘው የሚታገሉት የአውሮፓ ሃገራት ከወያኔና ከተላላኪዎቻቸው የሚያገኙት የቀጥታም ሆነ የተዘዋዋሪ ጥቅም ቀርቶባቸው ነው። ከዚህ በጎላ መልኩ ደግሞ ነጩ ዓለም ጥቁሩ ዓለም በራሱ አስቦ እንዲኖር አይፈልጉም። ቆም ብሎ ላሰበ ነገሩ ሁሉ ወደ እብደት ተለውጧል። አምስቱ የወያኔ ወታደራዊ ጄኔራል ነን ባዪች ጦርነቱን ለመቀጠል፤ ከክልላቸው አልፈው ውጊያውን ለማጧጧፍ ሲደነፉ፤ እርዳታ ጭነው የተላኩ መኪናዎች በዚያው ተጠልፈው ሲቀሩ፤ እልፍ የአማራና የአፋር ሰዎች ሲፈናቀሉና ሲገደሉ ተመድ የሚለው የለም። አሁንም የሚያላዝነው ያንኑ ወያኔን ለማትረፍ ያቀደውን ብልሃት ተገን አርጎ ኢትዮጵያንና ኢትዮጵያን የሚወድትን ሁሉ መኮነን ነው። የተመድ ሰራተኞች ለወያኔ ሰልፈኛ ሆነው ቁሳቁስ ማቀበላቸው እውነት ሆኖ እያለ መረጃ ይቅረብልኝ የሚሉት አንቶኒዮ ጉተሬዝ መረጃው ቢቀርብላቸው ምንም እንደማያደርጉ ከአሁኑ የታወቀ ነገር ነው። አይናቸው ላይ ፈጦ የሚታየውን እውነት አንቀበልም ያሉት አውሮፓዊያንና አሜሪካኖች ልክ እንደ ሊቢያ የሃበሻዋ ምድር የዘረኛና የጎሰኛ መንጋ የሚንጋጋባት እንድትሆን ይሻሉ። ያኔ ነጩ ህዝብ ደራሽና መልአክ ጥቁሩ ህዝብ ደግሞ እርስ በርሱ የሚባላ እንደሆነ አድርገው በሚዲያቸው ያጠቁሩናል። በኢትዮጵያ የፓለቲካ ታሪክ ውስጥ ነጻ ምርጫ የሆነበት ጊዜ አንድም አልነበረም። አሁን ግን ፍጽም ነጻ ነው ባይባልም ሰው የፈለገውን ያለ ምንም ጫና መርጧል። ይህን እውነታ እንኳን አምኖ የማይቀበል የአሜሪካ የውጭ ፓሊሲ እንዴት ባለ ሂሳብ ነው ለኢትዮጵያ በጎ የሚያስበው?
    አሁን እንሆ የሰሜኑ ችግር ካልተፈታ የአውሮፓ ህብረት የኢኮኖሚ ማዕቀብ በኢትዮጵያ ላይ እንደሚያደርጉ ዝተዋል። አትፍረድባቸው ታዘው ነው በአሜሪካ። ግን ይሰማኛል የኢትዮጵያውን ጉዳይ ከልባቸው የሚያወጣ ዓለምን የሚያናውጥ የፓለቲካ ንፋስ በቅርብ ይፈጠራል። ያኔ እኛ እንረሳለን። ላንባቢ ምን እያልክ ነው ለምትሉ እኔ ጠንቋይም/ነብይም አይደለሁም። ግን የጊዜውን ሁኔታና የዓለምን የጂኦፓለቲካል መፋተግ በማየት ብቻ የተወሰደ ግምት መሆኑን ተረድልኝ። ጠብቆ ማየት ነው። እስከዚያው በዚህም በዚያም እየተገፋንና ራሳችን ለማገዶ እያዘጋጀን በወያኔና በአጋሮቹ መሪነት መገዳደላችን ይቀጥላል። ወያኔ ማለት የሌቦች ሁሉ ቁንጮ ማለት ነው። በቅርብ በአማራና በአፋር ክልል ካደረጉት ብዙ ወንጅሎች የመርካቶ ሌባ አይነት የሆነውን እውነተኛ ታሪክ ላካፍላችሁ። ገበሬው በሬውን እንዲሸጥላቸው ሲጠይቁት ግምቱ 10 ሺ ብር ነው ይሏቸዋል። እረ እኛ 20 ሺህ እንሰጥሃለን በማለት የድሮውን ብር ማለትም ወያኔ ከስልጣን ከተባረረ በህዋላ የተለወጠውን ቆጥረው ይሰጧቸዋል። እነርሱ ብር መቀየሩን አላወቁም። ግን ሌባው ወያኔ ይህን ያህል ወርዶ አፈር ገፊውን ገበሬ የሚያታልል እጅግ ጨካኝና መራራ ገዳይና አፋኝ ነው። ከዚህ ሃይል ጋር ነው እንደራደር የሚባለው? ወያኔ በምንም መንገድ ለሰላም ዝግጅ አይደለም። ሁሌም ውጊያ እንደ ጀብድ የሚታይበት ወንድምና እህቱን ገድሎ የሚፎክር ገበሬው እንዳሉት የአውሬ ስብስብ ነው። የሰውነት ባህሪያቸው ተሟጧል። ጀሮ ያለው ይስማና አቋሙን ያስተካክል። መገዳደላችን ለጠላት እንጂ ለህዝባችን አንድም አይበጅም። በቃኝ!

    Reply

Leave a Reply Cancel reply

Your email address will not be published. Required fields are marked *

Primary Sidebar

Recent Posts

  • የቴሌኮም ጌትዌይ፣ የዳታ ሉዓላዊነትና ብሔራዊ ደህንነት – የዌብስፕሪክስ ጉዳይ ከባለቤትነት ክርክር በላይ ነው! November 17, 2026 11:54 pm
  • “የጫካ ቱጃሮች!”— የፋኖ አመራሮች ስለተሰማሩበት የገንዘብ ዝርፊያ አስደንጋጭ መረጃ November 17, 2026 05:43 pm
  • በየወሩ 4 ሚሊዮን ብር እየተከፈለው ሀገር ሲያፈርስ የነበረው ሪፖርተር November 16, 2026 01:17 am
  • ሻርኮቹ ከውጭ እስከ ሀገር ውስጥ ያደሩት ድር፣ ዌብስፕሪክስን (WebSprix) የመጠቅለሉ ድራማና ብሔራዊ ስጋት November 14, 2026 12:42 am
  • የመለስ ዜናዊን ጭንብል የገፈፈው የትህነግ ሚዲያ (EMF) ምስክርነት November 13, 2026 03:32 pm
  • ትህነግ በወታደራዊና በፖለቲካዊ መስክ እንደሞተ ሁሉ በሪፖርተር በኩል የሚዲያ ግብዓተ መሬቱ ተፈጽሟል November 13, 2026 01:13 am
  • በከባድ ታክስ ማጭበርበር የሚፈለጉት አቶ አበባው ደስታ፣ አማራጭ የቴሌኮም ጌትዌይ ፕሮጀክትን ሊጠቀልሉ ነው November 12, 2026 03:50 am
  • “ፋኖ ወደ ኦሮሚያ ገብቶ ሕዝብ እየገደለ ነው” የኦነግ ሸኔ (OLF/OLA) ተወካይ ጃል ጅረኛ November 10, 2026 05:12 pm
  • ከትህነግ የተማረኩና ከውጭ ሀገራት የገቡ ዘመናዊ የጦር መሣሪያዎች በቃሊቲ ለእይታ ቀረቡ November 6, 2026 03:36 pm
  • የመንግሥት ኃላፊዎች ወደ ሁርሶ የተወሰዱበት ምሥጢር November 5, 2026 12:43 pm
  • መንግሥት ሰማ፤ ሪፖርተር ተዘጋ፤ ግን ለምን? ምሥጢሩ ምንድነው? November 3, 2026 12:09 am
  • ኢትዮጵያ በሰማይ ላይ ነዳጅ የሚሞሉ የኢሉሺን (Il-78) አውሮፕላኖችን ከሩሲያ ልትገዛ ነው October 30, 2026 08:57 am
  • ካይሮ ያጣችውን የሩሲያ ጄቶች አዲስ አበባ የታጠቀችበት ምሥጢር October 29, 2026 10:26 am
  • ኢትዮጵያ ሱ-35 ተዋጊ ጄቶች እና የኤስ-400 ዘመናዊ የአየር መከላከያ ስርአት በመታጠቅ ከሰሃራ በታች ብቸኛዋ ሀገር ሆናለች October 28, 2026 11:00 am
  • ሻዕቢያ ኢትዮጵያን በ“ካሚካዜ” ድሮኖች ለመምታትና በዘር ግጭት ለማፍረስ ሰፊ ዝግጅት እያደረገ መሆኑ ተሰማ October 27, 2026 11:14 pm
  • ጆን መዲድ “ቀዝኖ እና ልብሱ ተበላሽቶ” ነው መከላከያ የማረከው October 27, 2026 08:41 pm
  • በጆን መዲድ መማረክ አደረጃጀቱ እየተፈረካከሰ በመሆኑ እነ ወዲ እምበይተይ፣ ምግበይ፣ ቀጣዮች ሊሆኑ ይችላሉ October 27, 2026 09:17 am
  • ከታክስ ስወራ እስከ ሐሰተኛ ጋብቻ፦ በኢትዮጵያ የታጠቁ ቡድኖች ደጋፊ ዳያስፖራዎችን ለማደን የተዘረጋው አዲሱ የአሜሪካ መረብ October 21, 2026 09:26 am
  • ኔታንያሁ የሶማሊላንድን ሉዓላዊነት ያረጋገጠ አዲስ ቀጣናዊ ካርታ ይፋ አደረጉ October 20, 2026 03:20 pm
  • ትውልደ ሶማሊያዊቷ ናፊሳ በተዘቀዘቀ የአሜሪካ ሠንደቅ ፊት በሶማሊኛ ምርጫ ቅስቀሳ ማድረጓ ቁጣ ቀሰቀሰ October 20, 2026 09:21 am
  • በአሜሪካ የሚገኙ የታጠቁ ቡድኖች ደጋፊዎች ላይ የተደቀነው አዲስ ስጋት October 19, 2026 08:58 pm
  • ዜግነት ሊያሰርዝ በሚችለው የኢልሃን ዑመር ምርመራ ላይ አዳዲስ መረጃ ተገኝቷል October 19, 2026 04:45 pm
  • በትግራይ የሚገኙ የሚዲያ ተቋማት ስም በአስቸኳይ ሊቀየር ይገባል! October 19, 2026 02:55 am
  • በትግራይ ሕዝብ ደም የሚደረገው የሥልጣን ቁማር ያብቃ! October 14, 2026 11:04 pm
Copyright © 2026 · Goolgule