የዘወትር የድረገጽ ጋዜጣችን ተሳታፊ የሆኑት ወዳጃችን ዱባለ፤ አቶ ይድነቃቸው ተሰማ ያባታቸውን የኪነት ስራ አስባስበው ካሳተሙት መጽሕፍ ያገኘሁት የነጋድራስ ተሰማ እሸቴ ቅኔ ነው ብለው ገጣሚ ከሆነ ምስል ጋር የላኩልንን ግጥም ነው፡፡ እንዲህ ይነበባል፡-
ጎድን ከዳቢት ስብራዳ
ይገባ ነበር ለእንግዳ
አያችሁት ወይ ይህን ቀን
ታላቅ ታናሽ ሲሆን?
ቅኔ
by Editor 7 Comments
ቅኔ
Ethiopian News
*************
ምን ብርሃን አለና ይህ ምን ቀን ነው
ታላቅ ታናሽ ሲሆን ያየኸው
እባክህ ጌታዬ አልነጋም ቀኑ ጭለማ ነው
ድቅድቅ ጨለማ ታላቅና ታናሽ የማያሳይ
ከቶ ምን አለ መበላለጥን የሚያሳይ እንደቀን ጣይ?
********************
ያለው፤ የደላው ሲቀብጥ
ክታላቅ ታናሽ ያማርጥ
ለኔ -ቢጤ ግን ላማረው
ሥጋ፤ ሁሌም ሥጋ ነው
ብዙ ሰው ጠይቄ መልስ ያላገኘሁለት ቃል:: መዝገበ ቃላት ላይም ያላገኘሁት:: ቀኛዝማቸ ስብራዳ የሚል ቃል መጀመርያው ስንኝ ላይ ተጠቅመዋል:: ስብራዳ የትኛው ብልት ነው? ብልትስ ካልሆነ ምን ማለት ነው:: ለዚህ መልስ የሚስጥ ካለ በቅድምያ አመሰግናለሁ::
አቶ ደስታ ተክለ ወልድ በዐዲስ ያማርኛ መዝገበ ቃላት መጽሐፋቸው፤
ሰብድራ፤ ከጭቅና ጋራ ያለ ኹለት የበሬ ጎድን። ሲሉ ትርጉም ሠጥተውታል።
ይኼ የሚረዳ ከሆነ
በጣም አመሰግናለሁ ወንድሜ እስከመቼ!!!
ከላይ ቀኝአዝማች ያልኩት ይታረምልኝ ነጋድራስ ነው የማእረግ ስማቸው:: ሰውየው ተረበኛ (ይህ ቃል አሁንም አራዳ ተብዬዎች ይጠቀሙበት ይሆን?) ነበሩ ይባላል:: አንድ ጊዜ አሉ የመኪናቸው ጎማ ተንፍሶ መንገድ ላይ ቆመው ሲያስሩ ኧንድ በጣም ወፍራም የሆኑ ወዳጃቸው ያዩያቸዋል:: እሳቸውም ሊረዷቸው ብለው መኪናቸውን ያቆሙና ና እኔ ላድርስህ ይሏቸዋል:: ነጋድራስም እሺ ይሉና ጎማውን አብሮ ቆሞ ለሚያሰራው ሰውዬ አንተ ስትጨርስህ መኪናውን ይዘህ ና እኔ በተነፋው እሄዳለሁ አሉት ይባላል:: ያንተን አላቅም እኔ ይሄን ያነበብኩ ጊዜ ጦሽ ብዬ ነው የሳኩት:: ባዶ ኪስ የማይሞላ ምስጋና ምን ያደርጋል ብዬ ነው ይቺን የመረቁልህ::
መልካም ቀን ይሁንልን!!
ይባል ነበር ዱሮ :
« እስከ ዛሬ ድረስ የሥጋ ጣ’ም ሳላቅ፤
እንዴ ይጣፍጣል ታናሽና ታላቅ :: »
አሁን :
በስምንተኛው ሺ እኛ ባለንበት፤
በጣም ይጣፍጣል የሰው ሥጋ መብላት፤
ለቁርስ ለምሳ ካስፈለገም ለ’ራት ::
ተመስገን ፈጣሪ መቆየት ደግ ነው፤
ለማየት አበቃን ሰውን ሰው ሲበላው ::
ይቅርታ የመጀመሪያው ቅጂ ግድፈት ስለነበረው በዚህ ይስተካከል ::
ዱሮ እንዲህ ይባል ነበር:
« እስከ ዛሬ ድረስ የሥጋ ጣ’ም ሳላቅ፤
እንዴት ይጣፍጣል ታናሽና ታላቅ :: »
አሁን :
በስምንተኛው ሺ እኛ ባለንበት፤
በጣም ይጣፍጣል የሰው ሥጋ መብላት፤
ለቁርስ ለምሳ ካስፈለገም ለ’ራት ::
ተመስገን ፈጣሪ መቆየት ደግ ነው፤
ለማየት አበቃን ሰውን ሰው ሲበላው ::