• Skip to primary navigation
  • Skip to content
  • Skip to primary sidebar

Goolgule

Ethiopian News

  • ስለ እኛ/about
  • አስፈንጣሪዎች/links
  • ቤተ መዝገብ/archives
  • አድራሻችን/contact
Header Banner Image
  • Home
    ዋና ገጽ
  • Editorials
    ርዕሰ አንቀጽ
  • News
    ዜና
  • Socio-Political
    ማኅበራዊ-ሽከታ
  • Religion
    ሃይማኖታዊ
  • Interviews
    እናውጋ
  • Law
    የሕግ ያለህ
  • Opinions
    የኔ ሃሳብ
  • Literature
    ጽፈኪን
    • Who is this person
      እኚህ ሰው ማናቸው?
  • Donate
    ለባለድርሻዎች

የዜጎች የፍትሕ ጥያቄ በሸገር – መቀሌ የፖለቲካ ጡዘት እንዳይጠለፍ!

December 17, 2018 08:28 am by Editor Leave a Comment

የጠቅላይ ሚንስትሩ ጥረት ወንጀል ፈጽመው የተደበቁትን ብቻ ሳይሆን ወንጀል ፈጽመው በአደባባይ የሚንጎማለሉትንም ሆነ ወንጀለኞችን የሸሸጉትን መጨመር አለበት።

ኢትዮጵያ ውስጥ ባለፉት አሥርት አመታት የሰብአዊ መብቶች የተፈጸመው እና ሰዎች በግፍና አስከፊ በሆነ ሁኔታ እንዲሰቃዩ የተደረጉት በሁሉም የአገሪቱ ክፍሎች ነው። አድራጊዎቹም በሁሉም ድረጃ የሚገኙ ሹማምንት እና የጸጥታ ሰራተኞች ናቸው። የተለየ ቀለም፣ ዘር፣ ኃይማኖት ወይም ሌላ የማንነት መገለጫ የላቸውም። እንደተበዳዩ ስብጥር ሁሉ በደል አድራሾቹም የተሰባጠሩ ናቸው።

በማዕከላዊ እስር ቤት ከተፈጸመው ባልተናነሰ መልኩ ከጋንቤላ እስከ ዑጋዴን፣ ከጎንደር እስከ ሞያሌ፣ ከአፋር እስከ ቤኒሻንጉል ጉሙዝ፣ ከትግራይ እስከ ኮንሶ ባሉት የአገሪቱ ግዛቶች ሁሉ ግፍ በገፍ ተፈጽሟል።

ይህን ሰፊ እና ውስብስብ ችግር በይቅርታም ይታለፍ ወይም አጥፊዎችን ለፍርድ በማቅረብ ጉዳዩ በጥንቃቄ ተይዞና በገለልተኛ አካል ተመርምሮ፣ ማስረጃ ተጠናክሮ እና የአጥፊዎቹ ማንነት በስም እና በኃላፊነት ደረጃ ተገልጾ ለሕዝብ እና ለአገሪቱ ፓርላማ መቅረብ አለበት።

አሁን በመገናኛ ብዙሃን በተዝረከረከና ደረጃውን ባልጠበቀ መልኩ እየቀረበ ያለው የግፈኞች ስንክ ሳር እና የተበዳዮች ሰቆቃ እንዲሁም ከጠቅላይ ሚኒስትሩ ቢሮ ትላንት የወጣው ዛቻና ማሰራሪያ ያዘለ መግለጫ የዜጎችን የፍትሕ ጥያቄ በአግባቡ ከመመልስ ይልቅ ሌሎች ችግሮችን ሊያስከትል ይችላል። በጥቂቱ ለመጥቀስ ያህል፤

– ከፍተኛ የመብት ጥሰት የፈጸሙ እና ከተጠያቂነት ማምለጥ የሌለባቸው ሰዎች ከወዲሁ አገር ጥለው እንዲሸሹ እድል ይፈጥራል። የተወሰኑትም በቅርቡ አገር ጥለው መሸሻቸው እየተገለጸ ነው። መንግስት በወንጀል ተጠርጣሪዎች ላይ የፍርድ ቤት የመያዣ ትእዛዝ አውጥቶ እና ሰዎቹን በቁጥጥር ስር ካዋለ በኋላ ለሚዲያ ዘገባው ቀስ ብሎ ይደረስበት ነበር። ከዛ ይልቅ በሙስናውም ጉዳይ ጠቅላይ አቃቤ ሕጉ የማሰሪያ ማዘዣውን ይዞ መጀመሪያ የሚሮጠው ወደ ሚዲያዎች ነው። እነ እገሌን ለማሰር ማዘዣ ወጥቷል እየተባለ በየሚዲያው በሰነድ በተደገፈ መልኩ የሰዎች ስም ተዘርዝሮ ይወጣል። ይህ ማለት ልንይዛችው ስለሆነ ከቻላችው አምልጡ ማለትም ነው። ከዛ በኋላ ያለው ሰዶ ማሳደድ የቶም እና ጄሪ አይነት ጨዋታ ነው የሚሆነው። መንግስት በሕግ አንድን ሰው ለመያዝ የሚያስፈልጉትን ቅደ ዝግጅቶች ያድርግ እንጂ የሚዲያ ልፈፋው ለምን አስፈለገ?

– አብዛኛው በደል አድራሽ በመንግስት ቁጥጥር ስር ባልዋለበት፤ ገሚሶቹም የመንግስት ተሿሚዎች ሆነው እየሰሩ ባለበት በዚህ ወቅት ተበዳዮች ፊታቸው እየታየ እና ማንነታቸው እየተገለጸ በመገናኛ ብዙሃን በዚህ መልኩ መቅረባቸው ለበለጠ ስጋት እና አደጋ እንዲጋለጡ ያደርጋል። ወንጀላቸውን ለመደበቅ የሚጥሩ ባለሥልጣናት የስቃይ ሰለባዎቹን ለማስፈራራትም ሆን ለማስወገድ አቅም እንዳላቸው ይታወቃል። አንዳንዶቹ በመገናኛ ብዙሃን ቀርበው በደላቸውን ከገለጹ በኋላ ዛቻ እና ማስፈራሪያ የደረሰባቸው መሆኑን እየገለጹ ነው። እነዚህ በመገናኛ ብዙሃን ወጥተው ምስክርነት የሰጡት ሰዎች ተጠርጣሪዎቹ ሙሉ በሙሉ በቁጥጥር ስር እስኪውሉ ድረስ የመንግሥት ጥበቃ ሊደረግላቸው ይገባል። ይህ አይነቱ አሰራር በብዙ አገሮች የተለመደ ነው። ምስክር ሊሆኑ የሚችሉ እና ተበዳይ የሆኑ አቤቱታ አቅራቢዎችን በቀላሉ በማስወገድ ወንጀለኞች ከተጠያቂነት ለመዳን ሙከራ እንደሚያደርጉ ይታወቃል።

– እጅግ ሙያዊ ስነ-ምግባር በጎደለው መልኩ አኬልዳማ፣ አረካዊ አራፋት እና ሌሎች የሃሰት ዶክመንተሪ ፊልሞችን እያቀናበሩ በእነዚሁ ግፉዋን ላይ ስም ሲያጠፉ እና ሲያጠለሹ ለነበሩ መገናኛ ብዙሃን ይህን አይነት አሳሳቢ እና ጥንቃቄ የሚጠይቅ አገራዊ ጉዳይ አሳልፎ መስጠት ሌላው አላፊነት የጎደለው የመንግስት እርምጃ ነው። እነዚህ ጉዳዮች የቀረቡበት ሁኔታ ከፍትህ ፍላጎት ይልቅ የፖለቲካ ፕሮፓጋንዳ ለማሳካት በሚመስል መልኩ ነው የቀረቡት። ይህ ደግሞ ብዙ ሰው አገሪቱ ውስጥ ይፈጸም ለነበረው የመብት ጥሰት መጠን፣ ባህሪ እና የፈጻሚዎች ማንነት ላይ እጅግ የተዛባ ግንዛቤ እንዲይዝ አድርጎታል።

– የዛሬዎቹ ተደማሪ ባለሥልጣናት እና የክልል ፖሊስ እና የደህንነት ሹሞች በአብዛኛው የመብት ጥሰት ወንጀል ተሳታፊዎች ናቸው። ናዝሬት ላይ የወንድ ብልት ያኮላሹት፣ አንቦ ላይ ጥፍር የነቀሉት፣ ደብረ ማርቆስ ላይ እስረኛን በቁሙ አንገቱ ድረስ ቀብረው ከነነፍሱ በላዩ ላይ ፕላስቲክ በእሳት እያቀለጡ ያሰቃዩት፣ በደቡብ ክልል የተለያዩ እስር ቤቶች በድብደባ ብዛት ታሳሪዎችን አሰቃይተው የገደሉት፣ በድሬደዋ፣ በሐረር፣ በጋምቤላ፣ በአሳይታ እና ሌሎች የአገሪቱ ክፍሎች በእሥረኞች ላይ ይህ ነው የማይባል ግፍና ስቃይ የፈጸሙት የየክልሉ ተሿሚዎች እና የደህንነት ሠራተኞች ናቸው። አዲስ አበባ ፌዴራል ኮሚሽኑ ቢሮ ውስጥ በሚገኝ እስር ቤት ሌሊቱን ሙሉ ሲገረፍ አድሮ ነፍሱ ስታልፍ የራሱን ልብስ ተልትለው ከሰቀሉት በኋላ እራሱን እንደሰቀለ አድርገው አስከሬኑን ለቤተሰቡ የሰጡት የሳሪስ አካባቢ ነዋሪና የአምስት ልጆች አባት የሆነውን የአበራ ይሄን በደለና ድምጽስ ማን በኢቲቪ መጥቶ ይንገርለት። አበራ ይሄ የታሰረው በኦነግ አባልነት ተጠርጥሮ ነው።

መንግስት ፍትህ ለማስፈን የጀመረው ጥረት እንዲሳካ እና ሂደቱም በፖለቲካ ሸር ተጠልፎ የታለመለትን ግብ ሳያሳካ ከመንገድ እንዳይቀር ከተፈለገ ተገቢውን ጥንቃቄ ሁሉ ከወዲሁ ሊደረግ ይገባል።

አምቦ እና ባህርዳር ላይ የሰው ብልት ያኮላሸ እና ስቃይ የፈጸመ ገራፊን ወንጀለኛ ለውጡን እልል እያለ ስለተቀበለ እና ሰለተደመረ ባላየ እያለፍን ማዕከላዊ ላይ ካተኮርን አካሄዳችን ላይ ሽግር አለ። ማዕከላዊን ባልታሰርበትም ውስጡ ያለውን አደረጃጀት በደንብ አውቀዋለሁ። የመብት ጥሰት ለማጣራት እና በሌሎች ተያያዥ ጉዳዮች ኃላፊዎቹ ቢሮም በተደጋጋሚ ገብቼ ያለውን ሁኔታ ለማየት እድል አግኝቻለው። ቦታው አዲስ አበባ ላይ ቢሆንም ግቢው ውስጥ ያለው መንፈስ ግን መቀሌ ያለህ ነው የሚመስለው። ከፈታሽ ፖሊስ እስከ ከፍተኛ ኃላፊ ድረስ ያሉት ሰዎች ነባር ተጋዳላይ እና የህውሃት ደህንነት ኃይሎች ናቸው። ከሌላ ብሔር የመጡ ሰዎች አልፎ አልፎ ቢኖሩም ቁጥራቸው ከግምት የሚገባ አይደለም። እዚህ እስር ቤት ውስጥ አሳሪውም፣ መርማሪውም ሆነ ደብዳቢው ከአንድ አካባቢ የመጡ ሰዎች ናቸው። ይሁን እና መዘንጋት የሌለበት እዚህ እስር ቤት የሚመጡት ከፍ ያለ ፖለቲካ ነክ ጉዳዮች ጋር በተያያዘ የታሰሩ ሰዎች ብቻ ናቸው።

በመንግስት መገናኛ ብዙሃን የተገለጹትም ሆነ ጠቅላይ ሚኒስትሩ በማስፈራሪያነት ወንጀለኞችን ከተደበቁበት እንይዛለን በሚል የለቀቁት የትላንቱ መግለጫ በግልጽ የሚያሳዩት አልደመር ብሎና አኩርፎ መቀሌ በመሸገው የወያኔ የወንጀል ግብረ ኃይል ላይ ነው። ይህ ኃይል ከፍተኛውን የወንጀል አድራጎት መፈጸሙ የሚጠራጠር የለም። በቁጥጥር ስር ውለው ለፍርት እንዲቀርቡ ስንወተውት ቆይተናል። ወንጀል ከሰሩት ውስጥ የተደበቀው ይህ ቡድን ብቻ ነው። ሌላው በነጻነት እየተንጎማለለና ሹመት ያጽና ተብሎም ቀጥሏል። ይህ አይነቱ አካሄድ የመንግስትን ጥረት ለፍትህ ሳይሆን የፖለቲካ ፍትጊያውን ለማሸነፍ ብቻ እንደ ስልት የተወሰደ እርምጃ ተደርጎ እንዲታይ ያደርገዋል።

መቀሌ የመሸገው እና እፍረት በተፈጥሮው የማያውቀው የወያኔ ቡድንም ይህን ክፍተት ተጠቅሞ እየተወሰዱ ያሉትን እርምጃዎች በትግራይ ሕዝብ ላይ እንደተሰነዘረ ጥቃት በማስመሰል ዛሬም በሕዝቦች ቅራኔ ለመነገድ የሚችለውን ሁሉ እያደረገ ነው። አሁን የተጀመረው የፖለቲካ መጓተት እና የተዘበራረቀ የፍትህ ሂደት ለእነዚህ የወንጀል ተጠርጣሪዎች መደበቂያ ዋሻ እንዲፈጥሩና ገሚሶቹም ከአገር እንዲሸሹ ሁኔታዎችን እያመቻቸ ነው።

አሁንም የዶ/ር አብይ አስተዳደር ይህን ችግር በቅጡ ቢይዘው ይሻላል።

በቸር እንሰንብት!

yhailema@gmail.com


“ጎልጉል፡ የድረገጽ ጋዜጣ የሕዝብ” እንደመሆኑ በ“የኔ ሃሳብ (Opinion)” ዓምድ ሥር የድርጅቶችና የማንኛውም ግለሰብ ነጻ ሃሳብ የሚስተናገድ ሲሆን ከአንባቢያን የሚላኩልን ጽሁፎች በጋዜጣው የአርትዖት (ኤዲቶሪያል) መመሪያ መሠረት ያለ መድልዖ በዚህ ዓምድ ሥር ይታተማሉ። ይህ በጎልጉል የድረገጽ ጋዜጣ በ“የኔ ሃሳብ (Opinion)” ዓምድ የታተመ ጽሁፍ የጎልጉል የድረገጽ ጋዜጣ™ አቋም ሳይሆን የጸሃፊው ነው።

Filed Under: Opinions Tagged With: Left Column

Reader Interactions

Leave a Reply Cancel reply

Your email address will not be published. Required fields are marked *

Primary Sidebar

Recent Posts

  • የቴሌኮም ጌትዌይ፣ የዳታ ሉዓላዊነትና ብሔራዊ ደህንነት – የዌብስፕሪክስ ጉዳይ ከባለቤትነት ክርክር በላይ ነው! November 17, 2026 11:54 pm
  • “የጫካ ቱጃሮች!”— የፋኖ አመራሮች ስለተሰማሩበት የገንዘብ ዝርፊያ አስደንጋጭ መረጃ November 17, 2026 05:43 pm
  • በየወሩ 4 ሚሊዮን ብር እየተከፈለው ሀገር ሲያፈርስ የነበረው ሪፖርተር November 16, 2026 01:17 am
  • ሻርኮቹ ከውጭ እስከ ሀገር ውስጥ ያደሩት ድር፣ ዌብስፕሪክስን (WebSprix) የመጠቅለሉ ድራማና ብሔራዊ ስጋት November 14, 2026 12:42 am
  • የመለስ ዜናዊን ጭንብል የገፈፈው የትህነግ ሚዲያ (EMF) ምስክርነት November 13, 2026 03:32 pm
  • ትህነግ በወታደራዊና በፖለቲካዊ መስክ እንደሞተ ሁሉ በሪፖርተር በኩል የሚዲያ ግብዓተ መሬቱ ተፈጽሟል November 13, 2026 01:13 am
  • በከባድ ታክስ ማጭበርበር የሚፈለጉት አቶ አበባው ደስታ፣ አማራጭ የቴሌኮም ጌትዌይ ፕሮጀክትን ሊጠቀልሉ ነው November 12, 2026 03:50 am
  • “ፋኖ ወደ ኦሮሚያ ገብቶ ሕዝብ እየገደለ ነው” የኦነግ ሸኔ (OLF/OLA) ተወካይ ጃል ጅረኛ November 10, 2026 05:12 pm
  • ከትህነግ የተማረኩና ከውጭ ሀገራት የገቡ ዘመናዊ የጦር መሣሪያዎች በቃሊቲ ለእይታ ቀረቡ November 6, 2026 03:36 pm
  • የመንግሥት ኃላፊዎች ወደ ሁርሶ የተወሰዱበት ምሥጢር November 5, 2026 12:43 pm
  • መንግሥት ሰማ፤ ሪፖርተር ተዘጋ፤ ግን ለምን? ምሥጢሩ ምንድነው? November 3, 2026 12:09 am
  • ኢትዮጵያ በሰማይ ላይ ነዳጅ የሚሞሉ የኢሉሺን (Il-78) አውሮፕላኖችን ከሩሲያ ልትገዛ ነው October 30, 2026 08:57 am
  • ካይሮ ያጣችውን የሩሲያ ጄቶች አዲስ አበባ የታጠቀችበት ምሥጢር October 29, 2026 10:26 am
  • ኢትዮጵያ ሱ-35 ተዋጊ ጄቶች እና የኤስ-400 ዘመናዊ የአየር መከላከያ ስርአት በመታጠቅ ከሰሃራ በታች ብቸኛዋ ሀገር ሆናለች October 28, 2026 11:00 am
  • ሻዕቢያ ኢትዮጵያን በ“ካሚካዜ” ድሮኖች ለመምታትና በዘር ግጭት ለማፍረስ ሰፊ ዝግጅት እያደረገ መሆኑ ተሰማ October 27, 2026 11:14 pm
  • ጆን መዲድ “ቀዝኖ እና ልብሱ ተበላሽቶ” ነው መከላከያ የማረከው October 27, 2026 08:41 pm
  • በጆን መዲድ መማረክ አደረጃጀቱ እየተፈረካከሰ በመሆኑ እነ ወዲ እምበይተይ፣ ምግበይ፣ ቀጣዮች ሊሆኑ ይችላሉ October 27, 2026 09:17 am
  • ከታክስ ስወራ እስከ ሐሰተኛ ጋብቻ፦ በኢትዮጵያ የታጠቁ ቡድኖች ደጋፊ ዳያስፖራዎችን ለማደን የተዘረጋው አዲሱ የአሜሪካ መረብ October 21, 2026 09:26 am
  • ኔታንያሁ የሶማሊላንድን ሉዓላዊነት ያረጋገጠ አዲስ ቀጣናዊ ካርታ ይፋ አደረጉ October 20, 2026 03:20 pm
  • ትውልደ ሶማሊያዊቷ ናፊሳ በተዘቀዘቀ የአሜሪካ ሠንደቅ ፊት በሶማሊኛ ምርጫ ቅስቀሳ ማድረጓ ቁጣ ቀሰቀሰ October 20, 2026 09:21 am
  • በአሜሪካ የሚገኙ የታጠቁ ቡድኖች ደጋፊዎች ላይ የተደቀነው አዲስ ስጋት October 19, 2026 08:58 pm
  • ዜግነት ሊያሰርዝ በሚችለው የኢልሃን ዑመር ምርመራ ላይ አዳዲስ መረጃ ተገኝቷል October 19, 2026 04:45 pm
  • በትግራይ የሚገኙ የሚዲያ ተቋማት ስም በአስቸኳይ ሊቀየር ይገባል! October 19, 2026 02:55 am
  • በትግራይ ሕዝብ ደም የሚደረገው የሥልጣን ቁማር ያብቃ! October 14, 2026 11:04 pm
Copyright © 2026 · Goolgule