አቅቶን መለወጥ ለቅሶን በደስታ፤
ሃዘን ጠል አልብሶን ሳቅ ደርቦ ኩታ፤
ያንዱን ቤት ገንብቶ የሌላውን ሲያፈርስ፤
አንዱን ሳቅ አጅቦት ሌላው ከፍቶት ሲያለቅስ፤
ለቅሶ ሳቅ – ሳቅ ለቅሶ – እየደባለቀ፤
ግማሽ ጎኑ ሲያለቅስ – ግማሽ ጎኑ ሳቀ::
ለቅሶ ሳቅ – ሳቅ ለቅሶ
Ethiopian News
Ethiopian News
አቅቶን መለወጥ ለቅሶን በደስታ፤
ሃዘን ጠል አልብሶን ሳቅ ደርቦ ኩታ፤
ያንዱን ቤት ገንብቶ የሌላውን ሲያፈርስ፤
አንዱን ሳቅ አጅቦት ሌላው ከፍቶት ሲያለቅስ፤
ለቅሶ ሳቅ – ሳቅ ለቅሶ – እየደባለቀ፤
ግማሽ ጎኑ ሲያለቅስ – ግማሽ ጎኑ ሳቀ::
^^^^^^^^^^^^^^^^^^^^^^
ሕዝብ ተነሳ አሉ የሚያርፍበትን ሳያሳውቁት
አንዳንዱ ታፍኖ ሌላው ከፍቶት
ሳቅና ለቅሶ ከቶ መች ለየለት ?
የድብልቅልቅ ያለህ ዘመነ ልቅ
እያነቡ – እስክስታ አለቅሶ- መሳቅ
የደላውም ጠገበ እራበውም ጠማው
እዩ.. አስተላለፉን ለቅሶን ሳቅ ሲያጅበው::
በመልካሙ ዘመን ያለው ለሌለው
ደረቅ ቡና ይቀርባል ቁርጥ ነው
ችግሩን ተናግሮ መፍትሔ መክሮበት
እንደ የሥጋ-ዘመድ ለችግር ደራሽ ነው ጎረቤት
የልቡን ሚስጥር አውጥቶ አልቅሶ ተጫውቶ
የተቸገረ ተረዳድቶ የከፋው ተፅናንቶ
ሀሳቡን ያቀላል እንቅልፍ ይወስደዋል ተኝቶ ።
ዛሬማ የክልል አጥር የጥርጣሬ መስመር
የማፍረስ የማጥፋት አባዜ በሀገር ሲዘወር
በቆመበት እንቅልፍ ፣ተቀምጦ ደንዝዞ ዕንባው ቅርር
ለመቻል ለመሸፈን አልቅሶ እንደገና ስቆ ማፈር
ሳቅና ለቅሶ የአንድ እናት ልጆች ሆነው
ሕዝቤን ግራ አጋቡት እየሳቀ እያለቀሰ አሳ’ቀው
ትርጉማቸው ተቃራኒ በአገላለጽ ተለያይተው
ለምን? እንዴት? ሕዝቤ አጣ የሚረ’ዳው ?
እባካችሁ ድረሱለት ህዝብ ከልቡ ነው የሚያለቅሰው!! ።
—————————————-
በለው!ከሀገረ ካናዳ ከምስጋና ጋር በቸር ይግጠመን>>