• Skip to primary navigation
  • Skip to content
  • Skip to primary sidebar

Goolgule

Ethiopian News

  • ስለ እኛ/about
  • አስፈንጣሪዎች/links
  • ቤተ መዝገብ/archives
  • አድራሻችን/contact
Header Banner Image
  • Home
    ዋና ገጽ
  • Editorials
    ርዕሰ አንቀጽ
  • News
    ዜና
  • Socio-Political
    ማኅበራዊ-ሽከታ
  • Religion
    ሃይማኖታዊ
  • Interviews
    እናውጋ
  • Law
    የሕግ ያለህ
  • Opinions
    የኔ ሃሳብ
  • Literature
    ጽፈኪን
    • Who is this person
      እኚህ ሰው ማናቸው?
  • Donate
    ለባለድርሻዎች

“ደግ ሰዉ አለፈ ..”

July 2, 2017 07:36 pm by Editor Leave a Comment

አባት ያቆየዉን ልጅ እዲጠብቀዉ የተከበሩ ኮ/ል አስናቀ እንግዳ፤ ኢትዮጵያን ለሚረከበዉ ወጣት ትዉልድ አዘዉትረዉ እንዲህ ይሉ ነበር። “አንተ የዛሬ ትዉልድ ሆይ! አንድ ጊዜ ቆም ብለህ አዳምጠኝ። ከተቻለ አባቶችህ ከሠሩት ላቅ ያለ፤ በስተቀር የእነሱን ያህል ካልሠራህ ሐገር አይኖርህም። የእኔ ትዉልድ በስልጣኔ ኋላ ቀር ቢሆንም፤አባቶቹ ከሠሩት በላይ አከናዉኖ አደራዉን ተወጥቶ፤ሀገሪቱን አስረክቦሃል።አንተም ለልጆችህ ይህችን ጥንታዊ ሐገር በክብር ለማስረከብ እንድትችል፤ ወኔ ይኑርህ። ወኔ እንዲኖርህ ለሆድህ አትገዛ። ኩራት ራት ነዉ ብለህ፤ ለራስህ ኀሊና ተገዛ ” ይሉ ነበር።

እንግዲህ ይህን የመሰለ ቁምነገር ሲያስተምሩ የኖሩ አባት፤ የወጣትነት ጊዚአቸዉ ምን እንደሚመስል ከአርበኝነትና ከጠቅላላ የትግል ታሪካቸዉ የቀነጨብኩትን ከዚህ በታች በግጥም እያቀረብኩ፤ኮ/ል አስናቀ እንግዳ በርግጥ አደራቸዉን በቅጡ የተወጡ ታላቅ ዜጋ ለመሆናቸዉ የግማሽ ምዕተ አመት እዉቅናዪ ለምስክርነት ብቁ ያደርገኛል ብዪ አምናለሁ። ሀቀኛ ምስክርነት ለታላቅ ተክለ ሰዉነት !!

                    ———————–  ፡  ——————

                                       አስናቀ እንግዳ።

                                  ገና በልጅነት ገና በጉተና

                                  ለአቅመ አዳም ሳይደርስ ጉልበቱ ሳይጠና

                                  ሀገሩ ስትጠራዉ ለታላቅ ፈተና

                                  አላፈገፈገም ከወንዶች ቀጣና።

                                  ጀግኖች ሲፈለጉ ሌት ተቀን በመብራት

                                  ለሀገረ ኢትዮጵያ ዘብ የሚቆምላት

                                  አስናቀ ነበረ አንዱ ብቅ ያለላት።

                                  መተማ አርማጭሆ በማጠቢያ ቋራ

                                   በየሸንተረሩ በየወንዛወንዙ በወኔ እያቅራራ

                                   ሊቀላቀል ቻለ ልቡ ከነደደ ከአርበኛዉ ጋራ።

                                   እንደ አባቶቹ ሁሉ ጦር እየሰበቀ ፋሽሰትን ሊወጋ

                                  ጥራኝ ዱሩ ጥረኝ ጋራዉ አለ ጠላቱን ፍለጋ።

                                  ጠመንጃና ጥይት ከባንዳ ሊቀማ

                                   እንደ ነብር ሲሳብ ደምፅ ሳያሰማ ።                     

                                  በድንገት ደረሰ ግን ተስፋ እሚሰጥ ነገር

                                  ደስታ አብሳሪ ነፋስ ሽዉ አለ በሀገር።

                                  የንጉሠ ነገሥቱ ድምፃቸዉ ተሰማ

                                  ክተት አዋጃቸዉ ደረሰ መተማ።

                                  የእንግሊዝ  እርዳታ ጠረፍ ላይ ደረሰ

                                  ፋሽስት ጣልያንን እየደመሰሰ።

                                  መመልመል ጀመረ ተዋጊ ወታደር

                                  እድል ተከፈተ በአርበኛዉ መንደር።

                                  የልጅ ወታደር ሊሆን ተሰለፈ አስናቀ

                                 ተቀበለ እድሉን በደስታ እየሳቀ።

                                 ከትንሽ ግራ ቀኝ ከተኩስ ልምድ በኋላ

                                 ጓንዴ ጨበጠና ጥይትም አጨቀ በሙሉ ጀበርና።

                                 ያባቱን ጋሻ ጦር በአንድ አድባር ደበቆ

                                ጠላት ያስስ ጀመር በሽመለ ጋራ ባዳኝ አገር ጫቆ።

                                አርማጭሆ ገባ አቋምጦ ጓንዴዉን

                                እየተከተለ የቅርብ አለቃዉን

                                ሻለቃ ግሪንግሮስ ኮ/ሌ ዊንጌትን

                                ግፋ በለዉ አለ ወንድም አርበኛዉን

                                እያፈራረሰ እየደመሰሰ ካራቪኘሪዉን።

                                አርበኛዉ ተባብሮ ጠረፍ ላይ ቢያገሳ

                                ሀበሻ በመላ ለድል ተነሳሳ።

                                ብልቋሽና ሙንጣዝ  ቀን ጨለማ ዋጠዉ

                                 ስዓቱ ደረሰ የሚቀበልበት መከራ በቁናዉ።

                                የግፍ ጽዋ ሞልቶ እንዲያ ሲገነፍል

                                ወድቃ የምትቀር ኢትዮጵያ ስትመስል።                    

                               አልፋና ኦሜጋ እጆቿን ዘርግታ

                                  የነበረች ያለች የጥቁር ሕዝብ ዋልታ

                                  አትጠፋም ኢትዮጵያ ተዋጋለት በርታ።

                                  ብሎ አምላክ ባሳየዉ አርበኛዉ ነጐደ

                                  ጠላቱን እንደ ግንድ እየጐማመደ።

                                  ሀገር ነፃ ወጣች የድል ችቦ በራ

                                  መንግሥታችን ቆመ በአፍሪቃ  ቀንድ ጮራ።

                                  ሀገር ሲደላደል ሲመለስ ስርዓት

                                  አስናቀ ቀጠለ በጦር ሠራዊት

                                  ትምህርትም አገኘ በሆሎታ ገነት

                                  ተመርቆ መጣ በኦፊሰርነት።

                                  በችሎታዉና በቆፍጣናነቱ

                                  አላመለጠዉም ደረጃ በደረጃ መኮነንነቱ።

                                  ግን ለራሱ አልኖረም አሳቢ ለብዙ

                                  ከእጅ ወደ አፍ ኑሮ የጠቅላላ ሕዝቡ

                                  ሆኖ እንቅልፍ ቢነሳዉ እጅግ ተጨናቂ

                                  ፍትህ ርዕትህ ወዳጅ ነፃነት ናፋቂ

                                   በጐ እያሰበላት እንደ ጨርቅ አላቂ።

                                   በባላባት ሥርዓት ማቃቂ ወገኑ

                                   በራብ በበሽታ ክረምት ከበጋ ሲፈራረቅ ቀኑ።

                                   እስከ መቸ ድረስ እንዲህ ይዘለቃል

                                   በርግጥ የሥርዓት ለዉጥ በግድ ያስፈልጋል።

                                   በማለት ሞከረ መንግሥት ለመገልበጥ

                                   ከጓደኞቹ ጋር የንጉሡን አልጋ በሕዝብ ለመለወጥ።

                                   ሳይቻል ቀረና ኮሎኔል አስናቀ

                                   ከጓደኞቹ ጋር ከርቸሌ ወደቀ

                                   ሰባት አመት ተኩል ወህኒ ቤት ማቀቀ።

                                 ይህ የሕዝብ ልጅ ለፍቅር የቆመ

                                 ቤተሰቡን ትቶ ላገር የታመመ

                                 በአብዮቱ ዘመን ከወጣቱ ጋራ ትግሉን አፋፋመ።

                                 አንድ ቀን በቤቱ ትኩስ ምግብ ሳይበላ

                                 ሲንከራተት ኖረ ለሕዝብ ነፃነት ሕይዎቱን በመላ።

                                 የሕዝብ ፤ለሕዝብ ፤በሕዝብ መንግሥት ካልቆመ

                                 ከቤቴም አልገባ፤ ሀገርም አያምረኝ አለና ቆዘመ።

                                 በእርጅና ዘመኑ ሲንከራተት ቆዪ

                                ሀገሩን ወገኑን በምናቡ እያዪ።

                                ጊዜዉ ደረሰና ሲጠራ በጌታ

                                ላገሩ እያሰበ ህልሙንም ሳይፈታ

                                በክብር አረፈና  በሳጥን ተገታ።

                              ደግ ሰዉ አለፈ ……

                                ደግ ጊዜም አለፈ …..

                                ደግ ሰዉ፤ ደግ ጊዜ፤ ሁለቱም አለፉ

                                ሀገርን ባደራ ለቀጣዩ ትዉልድ እያስተላለፉ።

                                አንተ ነህ ቀጣዩ !!

                                ደግ የምታደርገዉ፤ጊዜን ሠርተህበት

                                በማያቋርጥ ትግል ዘዴና ብልሃት።

                                አደራዉ ለአንተ ነዉ ለቋሚዉ ተረኛ

                                አስረክቦህ አልፏል ፤ይህ ታላቅ አርበኛ

                                አስረክቦህ አልፏል ፤ይህ ታላቅ አርበኛ።

 ከአበበ  አምዴ  (አባታቦር)

Email :   abatabor@gmail.com

(ክቡር ሥራ አከናዉነዉ፤ለትዉልደ ትዉልድ ምሳሌ ሆነዉ ላረፉት ኮ/ል አስናቀ እንግዳ የቀረበ መታሰቢያ።)

Filed Under: Literature Tagged With: Left Column

Reader Interactions

Leave a Reply Cancel reply

Your email address will not be published. Required fields are marked *

Primary Sidebar

Recent Posts

  • የቴሌኮም ጌትዌይ፣ የዳታ ሉዓላዊነትና ብሔራዊ ደህንነት – የዌብስፕሪክስ ጉዳይ ከባለቤትነት ክርክር በላይ ነው! November 17, 2026 11:54 pm
  • “የጫካ ቱጃሮች!”— የፋኖ አመራሮች ስለተሰማሩበት የገንዘብ ዝርፊያ አስደንጋጭ መረጃ November 17, 2026 05:43 pm
  • በየወሩ 4 ሚሊዮን ብር እየተከፈለው ሀገር ሲያፈርስ የነበረው ሪፖርተር November 16, 2026 01:17 am
  • ሻርኮቹ ከውጭ እስከ ሀገር ውስጥ ያደሩት ድር፣ ዌብስፕሪክስን (WebSprix) የመጠቅለሉ ድራማና ብሔራዊ ስጋት November 14, 2026 12:42 am
  • የመለስ ዜናዊን ጭንብል የገፈፈው የትህነግ ሚዲያ (EMF) ምስክርነት November 13, 2026 03:32 pm
  • ትህነግ በወታደራዊና በፖለቲካዊ መስክ እንደሞተ ሁሉ በሪፖርተር በኩል የሚዲያ ግብዓተ መሬቱ ተፈጽሟል November 13, 2026 01:13 am
  • በከባድ ታክስ ማጭበርበር የሚፈለጉት አቶ አበባው ደስታ፣ አማራጭ የቴሌኮም ጌትዌይ ፕሮጀክትን ሊጠቀልሉ ነው November 12, 2026 03:50 am
  • “ፋኖ ወደ ኦሮሚያ ገብቶ ሕዝብ እየገደለ ነው” የኦነግ ሸኔ (OLF/OLA) ተወካይ ጃል ጅረኛ November 10, 2026 05:12 pm
  • ከትህነግ የተማረኩና ከውጭ ሀገራት የገቡ ዘመናዊ የጦር መሣሪያዎች በቃሊቲ ለእይታ ቀረቡ November 6, 2026 03:36 pm
  • የመንግሥት ኃላፊዎች ወደ ሁርሶ የተወሰዱበት ምሥጢር November 5, 2026 12:43 pm
  • መንግሥት ሰማ፤ ሪፖርተር ተዘጋ፤ ግን ለምን? ምሥጢሩ ምንድነው? November 3, 2026 12:09 am
  • ኢትዮጵያ በሰማይ ላይ ነዳጅ የሚሞሉ የኢሉሺን (Il-78) አውሮፕላኖችን ከሩሲያ ልትገዛ ነው October 30, 2026 08:57 am
  • ካይሮ ያጣችውን የሩሲያ ጄቶች አዲስ አበባ የታጠቀችበት ምሥጢር October 29, 2026 10:26 am
  • ኢትዮጵያ ሱ-35 ተዋጊ ጄቶች እና የኤስ-400 ዘመናዊ የአየር መከላከያ ስርአት በመታጠቅ ከሰሃራ በታች ብቸኛዋ ሀገር ሆናለች October 28, 2026 11:00 am
  • ሻዕቢያ ኢትዮጵያን በ“ካሚካዜ” ድሮኖች ለመምታትና በዘር ግጭት ለማፍረስ ሰፊ ዝግጅት እያደረገ መሆኑ ተሰማ October 27, 2026 11:14 pm
  • ጆን መዲድ “ቀዝኖ እና ልብሱ ተበላሽቶ” ነው መከላከያ የማረከው October 27, 2026 08:41 pm
  • በጆን መዲድ መማረክ አደረጃጀቱ እየተፈረካከሰ በመሆኑ እነ ወዲ እምበይተይ፣ ምግበይ፣ ቀጣዮች ሊሆኑ ይችላሉ October 27, 2026 09:17 am
  • ከታክስ ስወራ እስከ ሐሰተኛ ጋብቻ፦ በኢትዮጵያ የታጠቁ ቡድኖች ደጋፊ ዳያስፖራዎችን ለማደን የተዘረጋው አዲሱ የአሜሪካ መረብ October 21, 2026 09:26 am
  • ኔታንያሁ የሶማሊላንድን ሉዓላዊነት ያረጋገጠ አዲስ ቀጣናዊ ካርታ ይፋ አደረጉ October 20, 2026 03:20 pm
  • ትውልደ ሶማሊያዊቷ ናፊሳ በተዘቀዘቀ የአሜሪካ ሠንደቅ ፊት በሶማሊኛ ምርጫ ቅስቀሳ ማድረጓ ቁጣ ቀሰቀሰ October 20, 2026 09:21 am
  • በአሜሪካ የሚገኙ የታጠቁ ቡድኖች ደጋፊዎች ላይ የተደቀነው አዲስ ስጋት October 19, 2026 08:58 pm
  • ዜግነት ሊያሰርዝ በሚችለው የኢልሃን ዑመር ምርመራ ላይ አዳዲስ መረጃ ተገኝቷል October 19, 2026 04:45 pm
  • በትግራይ የሚገኙ የሚዲያ ተቋማት ስም በአስቸኳይ ሊቀየር ይገባል! October 19, 2026 02:55 am
  • በትግራይ ሕዝብ ደም የሚደረገው የሥልጣን ቁማር ያብቃ! October 14, 2026 11:04 pm
Copyright © 2026 · Goolgule