“ኑና እንዋቀስ ይላል እግዚአብሔር፤ ኃጢአታችሁ እንደአለላ ብትሆን እንደአመዳይ ትጸዳለች እንደደምም ብትቀላ እንደባዘቶ ትጠራለች፤ እሺ ብትሉ ለእኔም ብትታዘዙ የምድርን በረከት ትበላላችሁ፤ እንቢ ብትሉ ግን ብታምጹም ሰይፍ ይበላችኋል፤ የእግዚአብሔር አፍ ይህን ተናገሮአልና፡፡” ኢሳ. 1/18.
በእግዚአብሔር ለሚያምን ሰው፣ እግዚአብሔር ሁልጊዜም፣ ለዘለዓለም ሙሉና የማይወዳደሩት ኃይል እንዳለው ለሚያምን ሰው፣ ለእግዚአብሔር ትናንትም፣ ዛሬም፣ ነገም አሁን መሆኑን ለሚያምን ሰው “ኑና እንዋቀስ” (በእንግሊዝኛው “come now let us reason together”) ማለት ለእግዚአብሔር ምን ያህል መውረድ እንደሆነ መገንዘብ የሚዳግት አይመስለኝም፤ የእንግሊዝኛው ትንሽ ሻል ያለ መስሎ “ኑና እንከራከር” የሚል ቢሆንም ከመጨረሻው የላይኛው ዳኛ ጋር መከራከር የሚችለው ማን ነው? እግዚአብሔር ነው፤ ትልቁ ነገር እሱ ፈቀደ፤ “እንዋቀስ” አለ!
መዋቀስ ዓላማ አለው፤ ለመግባባት ነው፤ ለመስማማት ነው፤ ለፍቅር ነው፤ ለሰላም ነው፤ ለመረዳዳት ነው፤ እንደመለስ ዜናዊ መንገዱን ጨርቅ ያድርግላችሁ ማለት ሲቻለው፤ ኑና እንዋቀስ የሚል ኃያል አምላክ ለእኛ ምን ያስተምረናል?
የእግዚአብሔር ቃል ኑና እንማከር በማለት አልቆመም፤ እሺ ብትሉ፣ ለእኔም ብትታዘዙ፣ የምድርን በረከት ትበላላችሁ፤ እንቢ ብትሉ ግን ብታምጹም ሰይፍ ይበላችኋል፤ የእግዚአብሔር አፍ ይህን ተናግሮአልና፡፡
እግዚአብሔር ለሰው ልጆች ትሕትናንና መወያየትን፣ መወቃቀስና መስማማትን ለማስተማር በነቢዩ በኢሳይያስ በኩል መልእክቱን አስተላለፈ፤ ዛሬ ይህ መልእክት ለእኛ ለኢትዮጵያውያን ይመስለኛል፤ ዛሬ ይህ የእግዚአብሔር መልእክት ለወያኔ ይመስለኛል፤ ዛሬ ይህ መልእክት ለወያኔና ለአጋሮቻቸው ይመስለኛል፡፡
በኢሳይያስ በኩል የመጣው መልእክት ግልጽ ነው፤ ምርጫው “የምድርን በረከት መብላት” ወይም በሰይፍ መበላት ነው፡፡
የምድር በረከትን በሙሉ ሁሉ በጄ ሁሉ በደጄ ላለ ጥጋብ ላይ ነውና ይበልጥ አይታየውም፤ በዕብሪት ላበጠም ስለሰይፍ ቢወራ አያስፈራውም፡፡
እግዚአብሔር ‹‹እንዋቀስ›› ካለ እኛ፣ ገዢዎቻችንም ለሰላም ሲሉ ለፍቅር ሲሉ፣ ለልጆቸው ሲሉ፣ ለአገር ሲሉ “እንዋቀስ” ቢሉ ያስከብራቸዋል እንጂ አያዋርዳቸውም፤ ታሪካቸውን ያሳምርላቸዋል እንጂ አያጎድፍባቸውም፤ መንፈሳዊ ወኔ ያላቸው፣ ልበ-ሙሉ ጀግኖች ያደርጋቸዋል እንጂ ፈሪ አያደርጋቸውም፤ አርቀው የሚያስተውሉ ብልሆች ያደርጋቸዋል እንጂ ጊዜያዊ ጮሌነት አይሆንባቸውም፡፡
ፕ/ር መስፍን ወልደ ማርያም
ግንቦት/ 2009
(ምንጭ: Mesfin Wolde-Mariam Blog)
Great professor.God bless You,talak sew.
Hey Anta Mesfin,
Nayi balina mist tseb meselika hagerina?
ፕሮፌሰር!!!
ለምን ከኦርቶዶክስ፣ ከካቶሊክ፣ ከፕሮቴስታንት፣ ከሙስሊምና ከቤተ እስራኤል ቤተ እምነቶች በተውጣጡ ሀገር ወዳድ ሽማግሌ የሃይማኖት መሪዎች በኩል ከኢሕአዴግና ተቃዋሚች ጋር ከልብ መወቃቀሱ አይጀመርም????
በዚህ የምንስማማ ከሆነ እነዚህ የተባሉትን ሰዎች መጠቆሙን እንጀምር ከዚያም ለስብሰባው የሚሆነውን በኢሜል እየተነጋገርን እናዘጋጅ???
የእኔ ኢሜል: eunethiowt@gmail.com ነውና እስቲ ፕሮፌሰር የነቢዩ ኢሳያስን መጽሐፍ ጠቅሰው ኑ እንዋቀስ ያሉትን ተግባራዊ ለማድረግ ሁላችንም ለምን ድርሻችንን ለመወጣት አንሞክርም？ረጅሙ ጉዞ በአንድ ርምጃ አይደል የሚጀመረው？
እግዜር ያስበን
ለሥራም ያነሳሳን
እውነቱ ይነገር ነኝ
ካለሁበት
ኢየሱስ ጌታ ነዉ።ኢየሱስ ያድናል ሲባል አታምንም።እንኪያስ ጴንጤዎች! በማለት ትንቃለህ።ዘዳግም 5፤ ዘዳግም 28:1-65።ትንቢተ ኢሳያስ 1:18 የዮሃንስ ራእይ 6:4።18: የተፃፈዉ ዛሬ ላይ በአለም የሚኖረዉ ህዝብ ሁሉ ሀጢአተኛ በመሆኑ ንስሃ ገብት ከመቅሰፍት እንዲድን እንጂ ለኢትዮጵያዉያን ብቻ የተነገረ የንስሃ አዋጅ አይደለም።የመልእክቱ ምክርና ማስጠንቀቂያ ከሲኦልና ከገሃነም እሳት ከታላቁ ሰይፍ እንድንድን ነዉ።ልክ የፍልስፍና/ቆላስይስ 2:8/ መታለል መድረክ መቆጠር የለበትም።የኢየሱስ ወንጌል በመንግስታት ሰይፍና በፈረሰኞች ብዛት አይመካም።በሰይፍ የሚነሱ በሰይፍ ይጠፋሉና ሰይፍህን ወደሰገባህ መልስ ብሎ ኢየሱስ ለጴጥሮስ የተናገረዉን መመሪያ አስታዉስ።ሰማይንና ምድርን ፍጥረትን ሁሉ በቃል ብቻ ፈጥሯል።የሰዉ ልጅን/አዳምን/የመጀመሪያዉ የህያዋን አባት ከአፈር ፈጥሯል።ከአፈር የተፈጠሩት ከአዳም አጥንት የፈጠራት የህያዋን እናት ሄዋን ብዙ ትዉልድ ወልዳለች።ችግሩ ለመናጠቅ ሲሉ ብዙዎች በቃዬን መንገድ እየሄዱ መጠፋፋታቸዉ ከክፉ ሃሳባቸዉ የተነሳ የጥፋት ባሪያዎች ሆነዋል።ገላቲያ 5