አስርቱ አምባገነናዊ ትዛዛት!

1. “እኔ ስላንተ በበረሐ ደሜን አፍስሻለሁና ከእኔና ከአጋሮቼ በቀር ሌላ የፖለቲካ ፖርቲ በቃልህ አትስበክ በልብህም አትመን”፤
2. “መንግስት የኛ ናትና ወደ መንግስት አትመልከት ስልጣኑንም አትመኝ”፤
3. “የባለስልጣናትን ጥፋት … የዜግነት መብቱንም በሶሻል ሚዲያ የተቸ እሱ ወዮለት፤ የባለስልጣን ሚስትም ቅምጥም ሃብትም የማይነኩ፤ የማይደፈሩ “ቅዱስ” ናቸውና ትንፍሽ እንዳትል!! ….”
4. “ከደርግ ጨካኝ አገዛዝ አውጥቼሃለሁና… በፍፁም ልብህ በፍፁም ሃሳብህ ለእኔ ብቻ ተገዛ”፤
5. “ብሰርቅም፤ ባስርም፤ ብገድልም እንዳለየ እለፍ … መብራት ቢጠፋ፤ ውሃ ቢቋረጥ … አርፈህ ተቀመጥ”፤
6. “እኔ ልማታዊ መንግስትህ በስራዬ ፍፁም የማልሳሳት ነኝና በማስተዳድራት አገር ለሚደርስ ጥፋት ሁሉ የኤርትራን መንግስት ርገም”፤
7. “ከእኔ አርማ በስተቀር በሰማይ ይሁን በምድር እንዲሁም ከምድር በታች የሌሎች ድርጅቶችን አርማ ያንተ አታድርግ”፤
8. “በሶሻል ሚዲያ ስለግድብ፤ ስለመንገድና ስለብሔሮች እኩልነት ብቻ ፃፍ! ከኢቢሲ ሌላ የዜና ምንጭ አይኑርህ”፤
9. “አትግደል እንደተባለ ሰምተሃል እኔ ግን እልሃለሁ ስለተገደሉ ሰዎችም አትናገር”፤
10. “የጠላሁትን ጥላ የወደድኩትን ውደድ” እንዲህ ብታደርግ እድሜህ ይረዝማል ባታደርግና ከትእዛዜ ዞር ብትል አንተና ቤትህ በእስር ትሟቅቃለህ በስደትም ትንከራተታለህ!!

(ምንጭ: Alemayehu Lakew ለEEDN Googlegroups ከላኩት)