መፍትሔ ለትግራይ: ጊዜያዊ አስተዳደር ማቋቋም፣ ፌዴራል ፖሊስና መከላከያ መላክ

አርብ ዕለት የፌዴሬሽን ምክርቤት አፈጉባዔ የሆኑት አቶ አደም ፋራህ የትግራይን ሁኔታ አስመልክቶ ወሳኝ ንግግር አድርገው ነበር። በወቅቱም አፈጉባዔው ህወሓት ስለተባለው አሸባሪ የወንበዴዎች ቡድን አማራጭ ያሉት በዚህ መልኩ አስቀምጠዋል።

“ከትግራይ ሁኔታ አንጻር በአገርአቀፍ ደረጃና በሁሉም ክልሎች ምርጫ የማስፈጸም ሥልጣን የብሔራዊ ምርጫ ቦርድ ሆኖ፤ ብሔራዊ ምርጫ ቦርድ ማቋቋም ደግሞ የፌዴራል መንግሥት ሥልጣን ሆኖ፤ ሕገመንግሥቱ ባልሰጣቸው ሥልጣን የምርጫ ኮሚሽን አቋቁመው፤ አግላይ በሆነ አካሄድ ምርጫ አድርገው፤ ምርጫውን አሸንፈን መንግሥት መሥርተናል የሚሉበት ሁኔታ ስላለ፤ ይሔ በግልጽ የሕገመንግሥቱን ድንጋጌ የሚጥስ ስለሆነ፤ የትግራይ ክልል መንግሥት ሕገመንግሥቱን አደጋ ላይ እንደጣለ ይቆጠራል ማለት ነው”።

ስለ እርምጃ አወሳሰድ በተመለከተ አቶ አደም ፋራህ የሚከተለውን ግልጽ መልዕክት ለበረኸኞቹ አስተላልፈዋል፤

“የፌዴራል መንግሥት ሊወስዳቸው የሚችሉ እርምጃዎች በሕጉ ላይ በግልጽ ተቀምጠዋል፤

• “የመጀመሪያው ሕግ አውጪውንና ሕግ አስፈጻሚውን በማገድ ለፌዴራል መንግሥት ተጠሪ የሆነ ጊዜያዊ አስተዳደር በማቋቋም ችግሩ እንዲፈታ ማድረግ ነው
• “በተያያዘም የፌዴራል ፖሊስንና የመከላከያ ሠራዊትን በክልሉ ላይ በማሰማራት ሕገመንግሥታዊ ሥርዓቱን አደጋ ላይ የጣለው ድርጊት እንዲቆም ማድረግ ነው።

“እነዚህን እርምጃዎች ለመውሰድ የሚያስችል በቂ የሆነ ሕገመንግሥታዊ መሠረት አለ” በማለት አቶ አደም ግልጽ መልዕክት ለህወሓት ወንበዴዎች አስተላልፈዋል።             

የአቶ አደም ንግግር ከዚህ በታች ይደመጣል።

ጎልጉል የድረገጽ ጋዜጣ