የአቶ መለስን መሞት መንግስት ነሐሴ 15 ቀን 2004 ዓ.ም. ይፋ አደረገ። መንግስት ጥር 17 ቀን 2005 ዓ.ም. የመለስ ራዕይ እንዲቀጥል የኢትዮጵያ ህዝብ በሃዘን መግለጹን የሚያብራራ እና መታሰቢያ ተቋም የሚመሰረት ህግ አወጀ። የመለስ ዜናዊ መታሰቢያ ተቋም የገቢ ምንጭ የግል ለጋሾች፣ ገቢ ማስገኛ ፕሮግራሞች፣ የኢትዮጵያ መንግስት እና ሌሎች ምንጮች እንደሚሆኑ አዋጁ ጨምሮ አብራራ። መጋቢት 29 ቀን 2005 ዓ.ም. ደግሞ ህውሃት ‘የመታሰቢያ ተቋም መስራች ጉባኤ’ ተብሎ የሚጠራ ሌላ ድራማ በማዘጋጀት የኢትዮጵያ ህዝብ በአቶ መለስ ራዕይ ፍቅር መጠመዱን እና ይኽን ፍቅሩን በሃዘን መግለጹን የተለያዩ ተናጋሪዎች በጉባኤው እንዲያብራሩ አደረገ። የመታሰቢያ ተቋሙ ግቦች እና ተዛማጅ ጉዳዮችም ተነገሩ። በድርጅታዊ የሚስጢር አሰራር ቀደም ብሎ የተመረጡ የቦርድ አባላት በጉባኤው ላይ አንደ አዲስ ተመረጡ። ወ/ሮ አዜብም ፕሬዘዳንት ተደርጋ ተመረጠች። ‘መለስ እንደተሰዋ ሁሉ እኛም እስከምንሰዋ ድረስ ለመስራት ቃል እንገባለን‘ የሚል የደርግ አይነት መፈክር በማሰማት ምርጫውን መቀበሏን ገለጸች። ይኽ ድራማ የታየው በአፍሪካ ኅብረት የመሰብሰቢያ አዳራሽ ውስጥ ነበር። ይሁንና አዜብ መስፍን በጉባኤው ላይ ‘እንደ መለስ እስከምንሰዋ ድረስ እንሰራለን’ ስትል ‘እስክንሞት ድረስ አምባገነናዊ አገዛዛችን ይቀጥላል’ ማለቷ ይመስላል። አምስት ነጥቦች አነሳለሁ። (ሙሉውን ጽሁፍ ለማንበብ እዚህ ላይ ይጫኑ)
ክፍል ፫….(ሀ) መጀመሪያ ስለአቶ መለስ ራዕይ፥
**በአቶ መለስ አመራር የአንድን ብሔር ወይንም ቡድን(የሀገር ልጅ ዘመድና ጓደኛ ጋብቻ)ያካተተ ሆኖ… የፈዴሬሽን ምክር ቤት የተሞላው በፖለቲከኞች እንጂ ከፖለቲካ ነፃ በሆኑ ሙያተኛ ህግ እና ህገ-መንግስት ተርጓሚ ዳኞች አይደለም። በዚህ ምክር ቤት ውስጥ ያሉት ሰዎች በመለስ የተመረጡ ስለሆኑ የመለስን ራዕይ የሚጋሩ በመሆናቸው ማሰር፣ መግረፍ፣ ማሰደድ፣ማፈናቀል፣የመጀመሪያ ሥራቸውና ዓላማቸው ነው።በዚህም በእየክልሉ በጥቅም የተገዙ ሆድአደር አድርባዮች በአማርኛው ተናጋሪ ሕዝብ ላይ ለሚፈፀም ማናቸውም ወንጀል በታማኝነት የመልስን ራዕይ ለማስፈፀምና የግል ሥልጣንና ሀብታቸውን ለማጋበስ ተግተው ይሠራሉ።”አቶ መለስ አዲሲቷን ኢትዮጵያን የፈጠሩ” ማለት ከዚህ በፊት ብሔር ብሔረሰቦች በዛች ሀገር አባት-አያት-ቅድመ አያት,-የቀደም ቅድም-አያት ያልነበራቸው “በአብዮታዊ ዲሞክራሲ ወታቦ የተፈለፈሉ ጫጩቶች ናቸው ይለዋል”። ወያኔ አልተሳሳተም፣ ተቃዋሚው ቡድን ተጭበርብሮበት ያጭበረብራል ሕገመንግስቱ ላይ ያለውን ሁሉ ኢህአዴግ እየተገበረ ነው በለው!!በረቀቀና በስብዕና ባሸበረቀ የብሔር ብሔረሰቦችን አልባሳት ለብሰው መሬቱን እየሸጡ ወርቅ የሚሸልሙና ለህዝቦች?መሬትን፣ ወደብን፣ ዜጋን፣ አሳልፈው እየሸጡ የአካባቢውን ሀገራት ሚስጠርና ፖለቲካ ለአሳዳሪዎቻቸው በመሸጥ ፪፩ዓመትን ሥልጣን በልዩ ጥበቃና ድጋፍ የቆዩ… ከሃያላን መንግስት ሲቀበሉት የኖሩትን ጉቦ አሁን “በፋውንዴሽን” ሥም የግለሰቦችና የውጭ መንግስታት ዕርዳታ በሚል የማጭበርበሪያ ራዕይ በውጭ አሽሸውት የነበሩውን ገንዘብ ሁሉ የማስገቢያ ዘዴ… ለፓርቲያቸው የገንዘብ ምንጭ,ለህወሓት የተቋቋመው ‘ኢፈርት’ ገንዘብ የሚደብቅበትና በተዘዋዋሪ ለጦር ሠራዊቱ የገቢ ፈሰስ የሚደረግበት የወሮ በላ ጥልቅና ረቂቅ ውንብድና የሚደረግበት በሀገር ውስጥ የድሃ ልጅ በአጓጉል ልማድ ተለክፎ፣ ቢያልፍለት ሲሸሽ በዱር በጫካ የአውሬ እራት፣በወንበዴ በባሕር ሲጣል፣ ሴት ዜጎቻችን የዓርብ ጎረምሳ የወሲብ የጥም ማርኪያ ሲሆኑ፣ሆድ ዕቃቸው ሲሸጥ፣በመንገድ በእየእሥርቤቱ ሲዋረዱ፣ኪራይ ሰብሳቢዎች ወያኔ በገንዘብ ይረዳሉ። የባለሥልጣን ልጆችና ዘመዶች በውጭ ሀገር የቤት ባለቤት፣ ባለንግድ ቤት ከድሃው አፍ እየነጠቁ አስመጪና ላኪ ሆነው፣ ለድሃው ህዝብ ዓይንና ጆሮ የሆነውን ዜጋ በማስፈራራት የጆሮ ጠቢና አሸባሪነት ትምህርት እየሰለጠኑ የሚኖሩበት አደረጃጀት ፈጥረዋል …..!!
አማራ መሳዩ ብአዴን(ዘረ ቅይጥ ድንበር ዘለሎች) እና ራዕዩ ሳይከለስ ሳይበረዝ አስቀጥላለሁ ብለው የተነሱት አቶ ኅይለመልስ ከቡድን አመራር ወደ “ኅብረት አመራር” በመለወጥ ሀገሪቱ ምላስ ያለው ብቻ እየቆላ እያንዳንዳዳቸው የፓርላማ አባላት የጠቅላይ ሚ/ኒስትርነት ማዕረግ አላቸው።አቶ ኅይለመልስ በኅብረት ሲመሩ ስለተፈናቀሉ ዜጎችና የህገ መንግስት ጥሰት፣ በክልል አስተዳደርና በወታደሩ ሙሉ ትብብርና በፌደራል በሞቱት ራዕይ የተሠራን ወንጀል… መጀመሪያ የገንዘብ ሚ/ኒ አስተያየት ሰጥቶ፣ የጤና ሚ/ኒስትሩ ማስተባበያ አድርጎበት፣ የውጭ ጉዳይ ሚ/ኒትሩ ተቆጭተውበት፣ በውጭ ሀገር የሚኖሩ ኢትዮጵያውያን የተቃውሞ ሰላማዊ ሠልፍ ወጥተው፣ በውጭ የሚገኙ ሚዲያዎች ትችት አቅርበውበት፣የውጭ ሀገር ጋዜጠኞች ዘግበውት ከርሞ አሁን ፓርላማ ግባና ቀባጥር ተብሎ በደረሳቸው የራዕይ አስፈፃሚ የህወሓት ሹማምንት ትዕዛዝ ሲቀባጥሩ ዋሉ።
“እዚህ ቃላቸው ላይ ግን ለብዙዎች ቀና የመሰሉ ግን ብዙ የተቀባዠረ መልዕክት አለው በለው!”
(፩)ይህ አሁን እየተፈፀመ ያለው የአማራ ተወላጆችን ማፈናቀል ቀጥሎ በኦሮሞው ላይ እንዲፈፀም ተነድፎ እንደነበር ያውቃሉ።
(፪)የኢህአዴግ ክልል አስተዳደሮች ፀረ-ሕዝብና ፀረ ህገ-መንግስት እንደሆኑ ያውቃሉ፡
(፫)ኢህአዴግ በኪራይ ሰብሳቢ እንደተሞላ ያውቃሉ
(፬)በአካባቢው ገንዘብ ያለው አማራና ኦሮሞ እንደማይፈናቀል ያውቃሉ።
፭)ይህ ማለት ሀገሪቱ የምትመራው በራዕይ እንጂ በምሁራን ወይም የሕጎች ሁሉ የበላይ ተብሎ በሚነፋለት ህገመንግስት እንዳልሆነ መስክረዋል። ለመሆኑ የህገመንግስቱን ትርጓሜ ያላወቁ የማያከብሩና የማያስከብሩ እንዴት ተሾሙ???? (፮)የንግግራቸው ማጠቃለያ ግን የተፈናቀሉ ይመለሳሉ ወይም ካሳ ያገኛሉ አይልም። የሚለው “ይህንን የማፈናቀል ሥራ በሚስጠር መሥራት ሲገባቸው በገሀድ ሠርተው ለሕዝብ ያጋለጡን ይታሠራሉ፣ ይባረራሉ፣ማድረግ የነበራባቸው ደን አቃጥለው፣ ንብረት አውድመው፣ ተፈናቃዮች አደረጉት ብለው መወንጀልና ማሳመን ነበረባቸው። አሁን ለጊዜው ቢመለሱም በሚስጥራዊ አሠራር እራሳቸው በግዴታ ፍቃደኝነት እንዲፈናቀሉ መሠረታዊ ፍላጎታቸው እንዲጓደል እንዲገለሉና ተማረው እንዲጠፉ ይደረጋሉ ብለው በደንብ አስረድተዋል። ይህንን ባያስፈፅም ኅይሌ አይኖርም በለው!!
(ለ) የኢትዮጵያ ህዝብ የአቶ መለስ ራዕይ እንዲቀጥል ጠይቋልን?
(፩) ከሀገር ሉዓላዊነት የብሔር፣የግለሰብና የፖለቲካ ፓርቲ ሉዓላዊነት ይቅደም ጎጠኝነት ዘረኝነት ይቀጥል አላለም!
(፪) የመናገር፣ የመፃፍ፣ መረጃ የማግኘትና የማዳረስ፣ መብት ይገፈፍ ይቀጥል አላለም!
(፫)የአንድ ብሔር የበላይነት ሰፍኖ በውጭ ሀገር መማራቸው ይቀጥል ሌላው ምግብና ውሃ ናፍቆት ይሙት አላለም ! (፬)በአንድ የፖለቲካ ጥላ ሥር በአንድ ሰው የመርዝ ፋውንዴሽን መበከሌ ይቀጥል ተውልድ ይፍዘዝ ይደንግዝ አላለም! (፭)የቋንቋ ልዩነት የሃይማኖት ልዩነት አለ ማለት የዜግነት ልዩነት ነው መለያየታችን ይቀጥል አላለም! (፮) አስከፊውን ሥርዓት በኅብርት የጣለ ህዝብ ይከበራል ይደገፋል እንጂ መናቁ መዋረዱ ይቀጥል አላለም! (፯)በቋንቋህ ተናገር ያለው መልስ ቋንቋ ፈጠረልኝ ይርገጠኝ ያዋርደኝ እስትንፋሴ በእርሱ ናት አመልከዋለሁ አላለም! (፰)አማራ መሬትህን ከሚያርስ ህንድ፣ ቻይና፣ ዓረብ፣ ይውረስህ ያለው ትክክል ነው ይቀጥል አላለም! ተበድረንም (፱)የምፅዋት ስንዴ እናበለሃለን በፖለቲካችን በንግድ ዓለም አትግባ የምንሠራውን አትጠይቅ የተባለው ይቀጥል አላለም!(፲)ስኳር ቀምሰህ ጤፍ በልተህ የማታውቅ ሁሉ አክብረኸንና ወደኸን ተቀመጥ አለበለዚያ እናፈርስሃለን የሚለው ይቀጥል አላለም!
(ሐ) የኢትዮጵያ መንግስት፥
*መንግስት ህዝብ ነው ሕዝብ ሊመርጥም ሊሽርም መብት አለው መንግስት ህዝብን በቅንነት ሊያገለግል ግዴታ አለበት። በዚህ ጊዜ የሚንቀሳቀሱም የማይንቀሳቀሱም ንበረቶች ሁሉ የመንግስት ናቸው ቁጥጥር ማይጣልበት ሥርዓት ነው ማለት እነዳልሆነ መረዳት አለብን። ለመሆኑ ኢህአዴግ ጥቂቶችን እያበላ ብዙሃኑን እያባላ ቆሞም ሞቶም ያተራምሳል? ?
“የፓርቲ መሪ መታሰቢያ ተቋም መገንቢያ ገንዘብ ምንጭ ደጋፊ ግብር ከፋዮች ብቻ ሳይሆኑ መላው የአገሪቱ ግብር ከፋዮች እንዲሆኑ ያስገድዳል። ለመታሰቢያ ተቋም የሚያስፈልጉ ነገሮች በሙሉ ከቀረጥ ነፃ እንዲሆኑ ግሙሩክ እና የግሙሩክ ሰራተኞችን ያዛል አዋጁ”። ይቺ ነች ጨዋታ ከወር ደሞዛቸውስ ይቆረጣል አይልም? ከተወሰነ ሀብት በላይ ያላቸው ለዚህ ፋውንዴሽን ያውርሳሉ ይል ይሆን? ?
(መ) ሰለ አቶ መለስ መታሰቢያ ተቋምና የተመረጡ ሥራ አስፈፃሚ ቦርድ አባላት
ለመሆኑ ሰውዬው ቤተሰብ አልነበራቸውም? ልጆች የላቸውም? ያችኑ ጭንቅላታቸውን ብቻ ይዘው ነው ዓለምን ለማገልገል ወደዚች ምድር የመጡት? አቤት የአምስት ዓመቱ ቀደዳና ቱሪናፋ የራዕይ ትራንሰፎርመር…ይህ ቦርድ የሚመራው የመታሰቢያ ተቋም አቶ መለስ በህይወት ሳለ ያራመዳቸውን ፀረ-ነፃነት፣ ፀረ-ዲሞክራሲ፣ ጸረ-ነፃ ምርጫ፣ ህግ በፖለቲካ የሚገዛበትን፣ ፍትህ-አልባ እና ህዝብ አፈናቃይ ፖሊሲዎች የሚያስቀጥል እረጃጅም እጅ ያላቸው ሌቦች መሻገገሪያ ድልድይም ሆኖ ሊያገለግል ይችላል ሸዋ ጠንቀቅ በል በለው!!ለመሆኑ ቀዳማዊ ኅ/ስላሴ ሀውልት እነዲሠራላቸው በተጠየቀ ጊዜ አቶ መለስ ምን ብለው ነበር”አፄው ሲሞቱ ከሥልጣን ወረወደው ነበር አህን መሬት የሌሎች ነው ሀውልት ይቁም ቢባል የሚቆጡ ይኖራሉ መታሰቢያ የሚሆን ነገር ቢሠራ ግን አይፋም ብለው ነበር”ለመሆኑ እሳቸው በዘጠኑም ክልል የተቀበሩት እንዴት ነው?ይህ እነደ ናዚ ቀኝ እጃቸውን ሰቅለው የተሠራው ሀውልት በእርግጥ ማንነታቸውን ይገልፃቸው ይሆን??ለመሆኑ እሳቸው ይህ ሁሉ ራዕይ ሲኖራቸው ሌላው ጀሌ እንዲሁ የኪራይ ሰብሳቢ፤ አድርባይ ሆኖ፣ ቢል ቦርድ ሲሰቅል፣ የውሸት ታሪክ ሲፅፍ፣ግለሰቡ ያልሠሩትን፣ ያልፃፊትን፣ እየቀባጠረ ፀረ ሕዝብ ሴራ ሲሸርብ ንብረት ሲያካብት ሕዝብ ሲያተራምስ ኖሯልን??አሁን የበለጠ የወንጀለኛ መፈልፈያ ወታቦ ፋውንዴሽኑ ጥላ ከለላ ሆኖ እንዲመሠረት ይቀሳፍታልን?ፋውንዴሽኑ አባይን ሊያፈርሰው በለው!!ከሀገረ ካናዳ በቸር ይግጠመን