• Skip to primary navigation
  • Skip to content
  • Skip to primary sidebar

Goolgule

Ethiopian News

  • ስለ እኛ/about
  • አስፈንጣሪዎች/links
  • ቤተ መዝገብ/archives
  • አድራሻችን/contact
Header Banner Image
  • Home
    ዋና ገጽ
  • Editorials
    ርዕሰ አንቀጽ
  • News
    ዜና
  • Socio-Political
    ማኅበራዊ-ሽከታ
  • Religion
    ሃይማኖታዊ
  • Interviews
    እናውጋ
  • Law
    የሕግ ያለህ
  • Opinions
    የኔ ሃሳብ
  • Literature
    ጽፈኪን
    • Who is this person
      እኚህ ሰው ማናቸው?
  • Donate
    ለባለድርሻዎች

ጃዋር ወደ መጨረሻው “የትግል” ስልቱ – አማራን ማበጣበጥ!

February 10, 2020 11:54 pm by Editor 2 Comments

“ወንጀል የፈጸመም ያስፈጸመም ተይዞ ለህግ ይቀርባል” ታዬ

“ዲቃላ” በጃዋር ስሌት ዋስትና የሌላቸው ኦሮሞዎች

“በዐቢይ ላይ ቁርዓን ይዤ ጅማ እዘምታለሁ” ጃዋር

ጃዋር በሁለት ጠርዝ ወደ መጨረሻው ምዕራፍ እየበረረ መሆኑንን የሚያሳዩ ምልክቶች እየታዩ ናቸው። በገሃድ እንደታየው ቤተመንግሥት ለመግባት የተጫኑለትን ስሞች በሙሉ አራግፎ ፖለቲከኛ ሆኗል። ወደ ሥልጣን በሚያደርገው ጉዞ ዋንኛው ዓላማ የተደረገው አማራን ማበጣበጥ ነው። ለዚህም ምኞቱ ጠቅላይ ሚኒስትሩ በጅማና በመላው ኦሮሚያ እንዲጠሉ ቁርዓን ይዞ ዘመቻ እንደሚያደርግ ይፋ አድርጓል። በተመሳሳይ ደግሞ በጃዋር ጉዳይ መለሳለስ አሳይቷል እየተባለ የሚተቸው መንግሥት የተከማቸውን ፋይል ሊገልጥ ጫፍ መዳረሱን የሚያሳዩ ፍንጮችም ገሃድ እየወጡ ነው። በሌላ በኩል “ዲቃላ” በሚል ጃዋር የሚጠራቸው ኦሮሞዎች ዋስትናቸውን የማረጋገጥ ሥራ ላይ ናቸው።

የጎልጉል ታማኝ የመረጃ አቀባዮች በአዲስ ስታንዳርድና በቢቢሲ በኩል ጃዋር እንዳስነገረው ሳይሆን የዜግነት ጉዳይ ጣጣውን ገና ዳር አላደረሰም። ይሁን እንጂ አገሪቱን ለመምራት የምርጫ “ቅድመ ድል” ማወጁ ተሰምቷል። ይህንኑ በሄደበትና በረገጠው ሥፍራ ሁሉ እየሰበከ መጪው ምርጫ ላይ ያሰበው ባይሳካ አገሪቱን ወደ ሁከት ለመምራት የያዘውን ዕቅድ እያደላደለ ነው። ከዚህ በፊት “ለአገር ሰላምና ደኅንነት ብለን ነው እንጂ፤ ብንፈልግ በሁለት ቀን (በቄሮ ወይም በአንዳንዶች “መንጋ” በሚባለው በኩል) ልንጨርሰው እንችላለን” ብሎ መፎከሩን ልብ ይሏል።

ቀጣይ ዒላማ፤ ዶ/ር ዐቢይ፣ ምርጫ ቦርድና ወ/ሪት ብርቱካን  

ጃዋር ወደ መጨረሻው የትግል አማራጮቹ እየገሰገሰ መሆኑንን የሚጠቁሙት ክፍሎች ምርጫ ቦርድን፣ በተለይም ወ/ት ብርቱካን ሚደቅሳን ማጠልሸትና ከወዲሁ ተዓማኒነት ማሳጣት በጃዋር በኩል እጅግ ትኩረት የተሰጠው ጉዳይ ነው። ይህም የሚሆነው ጃዋር ሃሳቡን ካላሳካ፣ የምርጫ ውጤቱ መንግሥት የመሆን ህልሙን ካላቀዳጀው፣ ለማነሳሳት ላሰበው ነውጥ ምርጫ ቦርድ ታማኝነት እንዲያጣ ከወዲሁ የተዘየደ ስልት ነው። ለዚሁም ስኬት አሁን ከሚታወቁትና እሱ ከሚያስተዳድራቸው ሚዲያዎች በተጨማሪ ተቀማጭነታቸው በውጭ አገር የሆኑ ብሎገሮች/ጦማሪዎች እየተመለመሉ ነው።

እንደተለመደው በሚመራቸው ሚዲያዎች ጠቅላይ ሚኒስትር ዐቢይን ለይቶ በማሳጣት ዓላማ ላይ ተተክሎ እየሠራ ቢሆንም፣ ልክ ህወሃት “እረኛውን ምታ በጎቹ ይበተናሉ” በሚል በዲጂታል ወያኔ ሚዲያዎች፣ በቅልብ አክቲቪስትና የአማራ ፖለቲከኞች እንደሚያደርገው በተመሳሳይ ጃዋርም የማጥላላት ዘመቻውን እያጠናከረ ነው።

ስልት፤ አማራን በማተራመስ የሥልጣን መንገዱን መጥረግ

ጃዋር የመጨረሻ ዕቅዱ የሚሳካውና በአመጽ ወደ ሥልጣን የሚመጣው የአማራ ክልል ሲተራመስና እርስ በርሱ ጎራ ለይቶ መባላት ሲጀመር እንደሆነ ታምኖበታል። እንደ ጎልጉል የመረጃ ሰዎች ጃዋር በምርጫ ሥልጣን ለመያዝ የአማራን ድጋፍ ይፈልጋል፤ ይህንን መተግበር ደግሞ አስቸጋሪ ሆኖበታል። ስለዚህ በማተራመስ ሥልጣን ለመያዝ አማራ ክልል በዋናነት መተራመስ አለበት በሚለው ድምዳሜ ላይ በመድረሱ ይህንኑ ተግባራዊ የሚያደርጉ አማሮችን ከቀድሞ በተጨማሪ እያዘጋጀ መሆኑ ተመልክቷል። በውጪ አገር ሆነው ይህንን ዘመቻ ለሚያካሂዱም በተዘዋዋሪ ድጎማ እንደሚሰጥ፣ ሆን ተብሎ የተሳሳተ መረጃ እንዲደርሳቸው እንደሚደረግ ጠቁመዋል።

ከጅማ የተሰማው ጃዋርን የሚያስደነግጥ ዜና በኦሮሚያ እየሰፋ ከሄደ ጃዋር ሁለተኛው አማራጩን ለማስኬድ ቅድሚያ እንደሚሰጥ ለጉዳዩ ቅርብ የሆኑ ይናገራሉ። “እኔ ከግራኝ መሐመድ በኋላ የተፈጠርኩ ተጽዕኖ ፈጣሪ ነኝ” ሲል አደባባይ የሚናገረው ጃዋር “ጅማ ቁርዓን ይዤ በመግባት እስልምናን በመጠቀም ዐቢይን ከምርጫ አስወጣዋለሁ” በሚል ሲዝት ነበር። ከጅማ የወጡ መረጃዎች እንደሚያረጋግጡት ከሆነ ጃዋር ጠቅላይ ሚኒስትር ዐቢይን በይፋ ይቅርታ እንዲጠይቅ ታዟል።

የኦሮሞነት ዋስትና የሌላቸው “ዲቃላዎች”

ከተለያየ ቦታ እየመጣበት ያለው ተቃውሞ በመጨመሩ ጃዋር ኦሮሚያ ላይ ሙሉ በሙሉ ድምጽ አገኛለሁ የሚለው ሒሳቡ ጥያቄ ውስጥ ስለሚገባ፣ ብልጽግና ፓርቲ አስተማማኝ የሚደመሩ ድምጾች በእጁ ስላለው፣ ጃዋርን የሚቃወሙና በምርጫ የሚቀጡ “ዲቃላዎች” እየበረከቱ መሆናቸው የግድ ወደ ሁለተኛ አማራጩ እንዲያመራ ይገደዳል የሚለውን ጥቆማ ያጎላዋል።

ከኦሮሞና ከሌላ ብሔር የሚወለዱትን “ዲቃላ” በሚል የሚያገለውና ጠቅላይ ሚኒስትር ዐቢይንም በተመሳሳይ “ዲቃላ” ማለቱ ለጃዋር የፖለቲካ መዘዝ እየሆነበት ነው። ትራንስፖርት እየቀረበላቸው በተለያዩ ሥፍራዎች ነውጥ የሚቀሰቅሱት ካልሆኑ በስተቀር ሌሎች ወጣቶች ወደ ቀልባቸው እየተመለሱ ጃዋር ላይ ጥያቄ ማንሳት መጀመራቸው እየተሰማ ነው።

የጎልጉል የአዲስ አበባ ዘጋቢ ከጅማ ያነጋገራቸው እንዳሉት ጃዋር ፈተና ይጠብቀዋል። “እሱ ማን ሆኖ ነው ጠቅላይ ሚኒስትር ዐቢይን ዲቃላ የሚለው” የሚሉት የጅማ ነዋሪዎች “በኦሮሚያ አብዛኞች ከተለያዩ ብሔረሰቦች የተዋለዱ ናቸው። ከእነዚህ አብዛኛውን ቁጥር ያያዙትን የኦሮሞ ልጆች ዲቃላ ማለት አይቻልም። የሚፈቅድለት የለም። በዚህ ስብከት ማታለል አይቻልም። ይቅርታ እንኳን ቢጠይቅ ትልቅ ጠባሳ ነው። ዋጋም ያስከፍለዋል” ብለዋል።

ሸምቀቆው እየጠበቀ ነው – “ወንጀል የፈጸመም ያስፈጸመም ተይዞ ለህግ ይቀርባል”

የጃዋር ትግል አቀንቃኝ ከሆኑት መካከል ከአንዱ ጋር ኢመደበኛ ውይይት ያደረገው የጎልጉል ዘጋቢ እንዳለው አሁን ጃዋር ላቀደው ዕቅድ በአማራ ክልል ያለው የእርስ በእርስ መባላት አመቺ ሁኔታን ፈጥሮለታል። ይሁን እንጂ መንግሥትም ከወትሮው በተለየ ሸምቀቆውን እያጠበበ መሆኑንን አይክድም። ምልክቶች እንዳሉም ያምናል። በተለይ በምርጫ ቦርድ በኩል የተያዘው የህግ ጉዳይ ጃዋርን ከምርጫው ጣጣ ሊያስወጣው እንደሚችል ይገምታል። ይህ ጉዳይ ለጃዋር ፖለቲካዊ ሞት ይሆናል።

አቶ ታዬ ደንደአ ይህንኑ የሚያጠናክር ሃሳብ ሰኞ ሰንዝረዋል። እሳቸው እንደሚሉት ጃዋር አገሪቱን ለማተራመስ በያዘው ዕቅድ መሠረት እስካሁን ከሞከራቸው በባሰ መልኩ ሰኞ ሆን ብሎ ለብጥብጥ የሚጋብዝ ምስል ይፋ አድርጓል።

በስዕሉ እንደሚታየው ህገ ወጥ ተግባር የሚፈጽሙት አካላት እነማን እንደሆኑ ተደብቋል። ቦታው ድሬዳዋ እንደሆነ ተደርጎ የተሰራጨው ምስል አማራ ኦሮሞን እንደሚያሰቃይ ተደርጎ የቀረበ መሆኑን በማተት አቶ ታዬ ጃዋርን አጋልጠዋል። ራሱ ምስሉን በሚፈልገው መልኩ ማዘጋጀቱንና ከዚህ ቀደም ዘጠና የሚሆኑ ንጹሃን ዜጎች የተገደሉበትን ሪኮርድ አስታወሰው “ይመጣል። እንደ ትናንቱ በንጹሃን ደም እና ስቃይ በመጫወት GoFundMe መክፈት የለም። ወንጀል የፈጸመም ያስፈጸመም ተይዞ ለህግ ይቀርባል። ምርመራም ተጀምሯል” ብለዋል።

Dereje Begi የሚባሉት የጃዋር ደጋፊ ጃዋር ያስተላለፈው ምስል ድሬዳዋ ሳይሆን “አሁን በማኅበራዊ ሚዲያ በተለይም በፊስቡክ በመዘዋወር ላይ የሚገኘው እና ድሬዳዋ ፖሊስ ፈጽሞታል ተብሎ በመዘዋወር ላይ የሚገኘው ቪዲዮ ድሬዳዋ አካባቢ ያለተፈመጸ ድርጊት ሲሆን ድርጊቱ የተፈጸመው በቤንሻንጉል ጉሙዝ ክልል ዋና ከተማ በአሶሳ ልዩ ስሙ ጎንድል ተብሎ በሚጠራው አካባቢ በሁለት ጨቅላ ሕፃናትን ጨምሮ በአራት ሰዎች ላይ የግድያ እንዲሁም በአምስት ግለሰቦች ላይ ጉዳት ያደረሰ ወጣትን በወረዳው ፖሊስ ጣቢያ ቅጥር ጊቢ ውስጥ የተፈጸመ ነው” የአቶ ታዬ ደንደአ ሙሉ ሃሳብ እዚህ ላይ ይገኛል።

የዜግነቱ ጉዳይ ትልቅ ቅርቃር ውስጥ የከተተው ጃዋር በምርጫ ለመሹለክ ያቀደው ሁሉ ውሃ ተደፍቶበታል። ይህም ትልቅ ኪሣራ ወደ አራት ኪሎ የሚወስደውን መንገድ አርቆበታል። ስድስት ወር አካባቢ የቀረውን ምርጫ የምረጡኝ ዘመቻ አድርጎም ይሁን ኮሮጆ ገልብጦ የማሳካት ዕድሉም እየጠበበ መጥቷል። ይህ የተስፋ ጭላንጭል ያልጠፋው ለፓርቲው ህልውና ሲል ኦፌኮ ስላላባረረው ነው። እንዲህ አስተማማኝ የሆነ ነገር በሌለበት ሁኔታ በምርጫ መታመን ትልቅ ኪሣራ ስለሚያመጣ በመንጋ የሚነዳ ነውጥ አማራጭ ይሆናል። ይህ ደግሞ ተግባራዊ የሚሆነው አማራ ሲበጣበጥ፣ እርስበርሱ ሲናከስ፣ በማያስፈልግና በማያንጽ አጀንዳ ጊዜ ሲባክን መሆኑን በደንብ ያጠናው ጃዋር የመጨረሻ ካርዱን በመምዘዝ ላይ ነው፤ ተከታዮቹም “ንገረን፤ እየጠበቅን ነው” እያሉ ነው። በአማራ ጉዳይ ላይ በንቃት የሚሳተፉ ሁሉ ይህንን ሰከን ብለው ቢያስቡበት መልካም ነው። ለጃዋር ግን ይህ የተውኔቱ የመጨረሻ ክፍል ሊሆን ይችላል።     


ማሳሰቢያ፤ በተለይ በስም ወይም በድርጅት ስም እስካልተጠቀሰ ድረስ በጎልጉል የድረገጽ ጋዜጣ™ ላይ የሚወጡት ጽሁፎች በሙሉ የጎልጉል የድረገጽ ጋዜጣ™ ንብረት ናቸው። ይህንን ጽሁፍ ለመጠቀም የሚፈልጉ ሁሉ የዚህን ጽሁፍ አስፈንጣሪ (link) ወይም የድረገጻችንን አድራሻ (https://www.goolgule.com/) አብረው መለጠፍ ከጋዜጠኛነት የሚጠበቅና ህጋዊ አሠራር መሆኑን ልናሳስብ እንወዳለን።

Filed Under: News, Politics Tagged With: Full Width Top, jawar massacre, Middle Column

Reader Interactions

Comments

  1. ሞርኬ says

    February 11, 2020 11:28 pm at 11:28 pm

    እኛ ውህድ ማንነት ያለን ከማንኛውም ኦሮሞ በላይ ኦሮሞ ነን ብለን ለመመፃደቅ ባይዳዳንም ኦሮሞ መሆናችን ዲቃላ ብለው ከጠሩን የኦሮሞ ደም ሳይኖራቸዉ ለፖለቲካ ትርፋቸው ሲሉ ያልሆኑትን ምንም የዘር ሃረጋቸው ያልተመዘዘበትን የእነሱን ወፍ ዘራሽነት ለመሸፈን የኦሮሞን ስም እየጠሩ ከሚያላዝኑ አሳይ መሲዊችን ሴራ እየመከትን የኦሮሞን ኢትዮጵያውነት በደማችንና አጥንታችን እያረጋገጥን የመጣንና ሲልም እየቀጠልን ያለን አንቱ የተባልን የኦሮሞ ልጆች እንጂ ጭንጋፎች እንደጠሩን ዲ.. አይደለንም እኛም እንላለን ዲቃላ ካለበት አለ::

    Reply
  2. Tesfa says

    February 12, 2020 05:32 pm at 5:32 pm

    ሃገሩ ላይ ቆሞ ሃገሬ እሄዳለሁ የሚሉ ትውልዶች ባፈራች ሃገር ተምሬአለሁ የሚለው የኦሮሞ ጽንፈኛ ጃዋር ከጀርባው አይዞህ የሚለውና ትጥቅና ስንቅ የሚያቀብለው የሃገርና የውጭ ሃይሎች እንዳሉ መገንዘብ ያስፈልጋል። በውጭ ያሉ የኦሮሞ ተወላጆች በእርግጥም ለኦሮሞ ህዝብ ይታገላል በማለት ያው ለፍተው ከሚያገኙትና በየቤ/ክርስቲያኑ ተጨቁነን እያሉ በማላዝን ከሚያሰባስቡት ለጃዋርና ለመሰል ፓለቲከኞች ማቀበላቸው እንደ ቀጠለ ነው። በሌላው መልኩ የኢትዮጵያን አንድነት የሚጠሉ ታሪካዊ ጠላቱቿ ይህ ነጩንና በአመዛኙ የአረቡን አለም ይጨምራል በእጅ አዙር የሚያደርጉት ድጋፍ እንዳለ መረጃዎች ይጠቁማሉ። አሁን ቁራን ይዤ ጂማ እገባለሁ የሚለው ጃዋር የያዘውን ቁራን እንኳን የማያውቅ በጥላቻ ፓለቲካ የተቃመሰ ዘረኛና ጠባብ ብሄርተኛ ነው። መስሎት ነው እንጂ ፓለቲካ ሶሞናዊ ነው። አሁን የሚያጨበጭቡለትና መዋጮ የሚከፍሉት ተመልሰው ጠላቱ ይሆናሉ። በመሰረቱ የሃበሻው ፓለቲካ የሚጠቅመውንም የሚጎዳውንም ለይቶ አያውቅም። በዚህም የተነሳ ሁሉም በየጊዜው አፈር እየተመለሰባቸውና ከሃገር እየተባረሩ ዘንተ ዓለም ፓለቲካን ሲያላዝኑ ወደ እማይመለሱበት ዓለም ያሸልባሉ። የደላቸው አስከሬናቸው ባልኖሩበት መንደራቸው ይቀበራል። ያልደላቸውም በአረፉበት ሃገር ግባተ መሬታቸው ይፈጸማል። በእኔ እይታ በአሁና ኢትዮጵያ 3 ዓይነት ፓለቲከኞች አሉ። ይህን በመረጃ ላስቀምጥ።
    የመጀመሪያው ዶ/ር ደብረጽዪንን የሚመስሉ ናቸው። በረድ ሲሉት የሚሞቅ፤ መጣ ሲሉት የሚሄድ ሁሌ አምታች ሃሳብን ብቻ እያስተጋባ በማደናገር አለም ውስጥ ብቻ መኖር የሚሻ። ሌላው እንደ በቀለ ገርባ ያለ እውነትን አክ እንትፍ ብሎ በጨለማ የፓለቲካ እይታ ውስጥ የገባ ኦሮሞ ነኝ ከሚለውና ቋንቋውን ከሚናገረው ሌላ ሰው ሰው የማይመስለው በየጊዜው የሚናገራቸው ነገሮች ሁሉ ከሶስት ዓመት ህጻን አፍ የወጣ የሚመስል የሙት ፓለቲካ አራማጅ። ከዚሁ ዘረኛ ብሄርተኛ ጋር ብዙዎች አማራዎች፤ ኦሮሞች፤ ትግራይ ተወላጆች፤ የክልል ፓለቲካ ያሰከራቸው የደቡብና የምስራቅ፤ ምዕራብ ሰዎች ይመደባሉ። ሶስተኛዎቹ ፓለቲከኞች ሃገራችን ያልተጠቀመችባቸው ጥሩ እይታ ለሁሉም ህዝብ ያላቸው፡ በጥላቻ ፓለቲካ መንገዳቸው ጥላቻ የተቀባ እንደ አቶ ልደቱ አያሌው ያሉ አሉ። ስለሆነም ሃገር በጩኽት እንደ ኢያሪኮ ግንብ ይደረመሳል በማለት ጃዋርና ደጋፊዎቹ ጅማ ላይ ሊያደርጉ ያሰቡት የፓለቲካ እብደት ደም የሚያቃባ እንደሚሆን ከአሁኑ መተንበይ ይሻላል። ይህ ሃሳብ ጨለምተኝነት ሳይሆን ካለው ከባቢ የሃይል አስተላለፍ አንጻር ነብይ ነይ ሳይሉ መተንበይ ይቻላል። የኦሮሞ ትርኪ ምርኪ ፓለቲካ ኢትዮጵያዊነትን ተላብሶ ሁሉን ህዝብ በእኩልነት እስካላሳተፈ ድረስ ንፋስ የነካው የአሽዋ ክምር እንደሚሆን ጠንቋይ አያሻውም። ጠ/ሚ ያለ እኛ ፈቃድ እንዳይመለሱ አድርገን ከአዲስ አበባ አባረርናቸው፤ የብልጽግና ፓርቲ የኦሮሞ ፓርቲ ነው፤ ጨቋኞቻችን አከርካሪያቸውን ሰብረናል እያሉ የሚወናጨፉትም እኩይ ፓለቲካ ነው። ከሚነድ እሳት ላይ ነዳጅ እንደማርከፍከፍ። በመሰረቱ የዘር ፓለቲካ የእንስሳ አሰላለፍ ነው። አብሮ ለመኖር አይበጅም። የወያኔም የብሄር ብሄሮች የፓለቲካ አደረጃጀት ለምዝበራና ለቁጥጥር እንዲያመች ተብሎ የተሰመረ የክልል ፓለቲካ ነው። አንድ ነገር ጨምሬ ይብቃኝ።
    የጋሞ ህዝቦች የፓለቲካ መከራ የመነጨው ከሁለት ነገሮች ነው። ለምን ጋሞን አነሳሁ ስለምወዳቸው። አንደኛው ኢትዮጵያዊነትንና፤ አቃፊነትን ስለሚወዱ ነው። ሌላው ደግሞ በሃገራቸው ያለው ለም መሬትና መልካም ነገሮች እነርሱን አግልሎ የዘመኑን ሃብታሞችና ዘራፊዎች ብቻ በስፍራው ስላስቀመጠ ነው። የሉሲ እርሻ ልማት ለዚህ አንድ ማስረጃ ነው። የከባቢን ህዝብ እያስራቡ ሃብታምን የበለጠ ሃብታም ማረግ። አምራቹ ተቆጣጣሪው ሽያጩ የዚያው ሃገር ተወላጅና ሰራተኛ መሆን ነበረበት። ይህ ግን አልሆነም። ግን የወያኔና የኦሮሞ ፓለቲካ ሁልጊዜም ለእኛ ብቻ የሚል ነው። ፓለቲካቸውም ይህን ሁሉ ገመና ያደረሰባችሁ አማራ ነው በማለት ህዝብን ከህዝብ አላታሚ የጥላቻ ፓለቲካ ነው። ዛሬ ሥራ አጥ የሆኑት የጋሞ ተማሪዎች ተምረው እንዳልተማሩ የበይ ተመልካች በመሆን በምድራቸው ላይ ተጥለዋል። መቼ ይሆን ፍትህ በምድሪቱ የሚሰፍነው። ወይም ሁላችንም ነደን አመድ በመሆን እኛም ባንኖርበት በእኛ ምክንያት ፍዳቸውን የሚያዪት የቀንድ፤ የጋማና የድር አራዊቶች እፎይ የሚሉት? ያ ቀን አይታየኝም። ሲገድሉና ሲገዳደሉ መኖር አይሰለችም?

    Reply

Leave a Reply Cancel reply

Your email address will not be published. Required fields are marked *

Primary Sidebar

Recent Posts

  • የቴሌኮም ጌትዌይ፣ የዳታ ሉዓላዊነትና ብሔራዊ ደህንነት – የዌብስፕሪክስ ጉዳይ ከባለቤትነት ክርክር በላይ ነው! November 17, 2026 11:54 pm
  • “የጫካ ቱጃሮች!”— የፋኖ አመራሮች ስለተሰማሩበት የገንዘብ ዝርፊያ አስደንጋጭ መረጃ November 17, 2026 05:43 pm
  • በየወሩ 4 ሚሊዮን ብር እየተከፈለው ሀገር ሲያፈርስ የነበረው ሪፖርተር November 16, 2026 01:17 am
  • ሻርኮቹ ከውጭ እስከ ሀገር ውስጥ ያደሩት ድር፣ ዌብስፕሪክስን (WebSprix) የመጠቅለሉ ድራማና ብሔራዊ ስጋት November 14, 2026 12:42 am
  • የመለስ ዜናዊን ጭንብል የገፈፈው የትህነግ ሚዲያ (EMF) ምስክርነት November 13, 2026 03:32 pm
  • ትህነግ በወታደራዊና በፖለቲካዊ መስክ እንደሞተ ሁሉ በሪፖርተር በኩል የሚዲያ ግብዓተ መሬቱ ተፈጽሟል November 13, 2026 01:13 am
  • በከባድ ታክስ ማጭበርበር የሚፈለጉት አቶ አበባው ደስታ፣ አማራጭ የቴሌኮም ጌትዌይ ፕሮጀክትን ሊጠቀልሉ ነው November 12, 2026 03:50 am
  • “ፋኖ ወደ ኦሮሚያ ገብቶ ሕዝብ እየገደለ ነው” የኦነግ ሸኔ (OLF/OLA) ተወካይ ጃል ጅረኛ November 10, 2026 05:12 pm
  • ከትህነግ የተማረኩና ከውጭ ሀገራት የገቡ ዘመናዊ የጦር መሣሪያዎች በቃሊቲ ለእይታ ቀረቡ November 6, 2026 03:36 pm
  • የመንግሥት ኃላፊዎች ወደ ሁርሶ የተወሰዱበት ምሥጢር November 5, 2026 12:43 pm
  • መንግሥት ሰማ፤ ሪፖርተር ተዘጋ፤ ግን ለምን? ምሥጢሩ ምንድነው? November 3, 2026 12:09 am
  • ኢትዮጵያ በሰማይ ላይ ነዳጅ የሚሞሉ የኢሉሺን (Il-78) አውሮፕላኖችን ከሩሲያ ልትገዛ ነው October 30, 2026 08:57 am
  • ካይሮ ያጣችውን የሩሲያ ጄቶች አዲስ አበባ የታጠቀችበት ምሥጢር October 29, 2026 10:26 am
  • ኢትዮጵያ ሱ-35 ተዋጊ ጄቶች እና የኤስ-400 ዘመናዊ የአየር መከላከያ ስርአት በመታጠቅ ከሰሃራ በታች ብቸኛዋ ሀገር ሆናለች October 28, 2026 11:00 am
  • ሻዕቢያ ኢትዮጵያን በ“ካሚካዜ” ድሮኖች ለመምታትና በዘር ግጭት ለማፍረስ ሰፊ ዝግጅት እያደረገ መሆኑ ተሰማ October 27, 2026 11:14 pm
  • ጆን መዲድ “ቀዝኖ እና ልብሱ ተበላሽቶ” ነው መከላከያ የማረከው October 27, 2026 08:41 pm
  • በጆን መዲድ መማረክ አደረጃጀቱ እየተፈረካከሰ በመሆኑ እነ ወዲ እምበይተይ፣ ምግበይ፣ ቀጣዮች ሊሆኑ ይችላሉ October 27, 2026 09:17 am
  • ከታክስ ስወራ እስከ ሐሰተኛ ጋብቻ፦ በኢትዮጵያ የታጠቁ ቡድኖች ደጋፊ ዳያስፖራዎችን ለማደን የተዘረጋው አዲሱ የአሜሪካ መረብ October 21, 2026 09:26 am
  • ኔታንያሁ የሶማሊላንድን ሉዓላዊነት ያረጋገጠ አዲስ ቀጣናዊ ካርታ ይፋ አደረጉ October 20, 2026 03:20 pm
  • ትውልደ ሶማሊያዊቷ ናፊሳ በተዘቀዘቀ የአሜሪካ ሠንደቅ ፊት በሶማሊኛ ምርጫ ቅስቀሳ ማድረጓ ቁጣ ቀሰቀሰ October 20, 2026 09:21 am
  • በአሜሪካ የሚገኙ የታጠቁ ቡድኖች ደጋፊዎች ላይ የተደቀነው አዲስ ስጋት October 19, 2026 08:58 pm
  • ዜግነት ሊያሰርዝ በሚችለው የኢልሃን ዑመር ምርመራ ላይ አዳዲስ መረጃ ተገኝቷል October 19, 2026 04:45 pm
  • በትግራይ የሚገኙ የሚዲያ ተቋማት ስም በአስቸኳይ ሊቀየር ይገባል! October 19, 2026 02:55 am
  • በትግራይ ሕዝብ ደም የሚደረገው የሥልጣን ቁማር ያብቃ! October 14, 2026 11:04 pm
Copyright © 2026 · Goolgule