እነሆ ፍትሃችን

እነሆ ፍትሃችን፣

“የበሰለ” እና “የሞተ” ምግብ ለሰረቀው ሰውዬ ፣ አመት ከአራት ወር!
“ያልበሰለች” እና “ታዳጊ” ልጅ ለደፈረው ሰውዬ፣ አራት ወር ሆኗል፡፡

እነሆ ፍትሃችን፣

እንዲህ እንዲህ የሌሎችን መብት ግጥም አደርጎ የሚጥስን ማበረታቻ በሚመስል የአራት ወር “ቅጣት” ሲያልፍ ፤ ለሌሎች መብት የሚታገልና የራሱን መብት የሚጠይቅን ደግሞ ለአመታት በእስር ያማቅቃል፡፡

እነሆ ፍትሃችን፣

ደስ ባለው ሰአት፣ ነፃነትን “አምጣ” ብሎ ቀምቶ ፣ ደስ ባለው ሰአት መልሶ “እንካችሁ” ይላል፡፡

ቢሆንም ቢሆንም፣ በእነ አብርሃ ደስታ መፈታት ተደስተናል፡፡

በሰበብ- አስባብ አስሮ ያለ ለምክንያት መፍታት እንደ ዲሞክራሲያዊነት መገለጫ ተቆጥሮ የሚደረግብን ዘመቻ ግን እጅጉን አድክሞናል፡፡

ሰሞኑ የቡሄ ነው፡፡ እናውቃለን፡፡

…. ግን እባካችሁ እንደ ጅራፍ ራሳችሁ እየገረፋችሁ ራሳችሁ አትጩሁብን!

(ምንጭ: ነቆራ እና ሌሎችም ወጎች ከሕይወት እምሻው ጋር – Hiwot Emishaw)