የአፍሪካ 100 ምርጥ ዩኒቨርሲቲዎች

አዲስ አበባ ዩኒቨርሲቲ - 53ኛ!!

በዓለማችን የሚገኙ የትምህርት ተቋማትን በማወዳደር ደረጃ የሚያወጣው (4 International Colleges & Universities (4icu)) የአፍሪካ ምርጥ የተባሉትን ዩኒቨርሲቲዎችን ዝርዝር ከጥቂት ሳምንታት በፊት አውጥቶ ነበር፡፡ ድርጅቱ በርካታ መረጃዎችን በመሰብሰብ እንዲሁም ለማንም ወገን ያላዳላ ጠለቅ ያለ ሒሳባዊ ትንታኔ በማድረግ ደረጃውን እንደሚያወጣ በድረገጹ ላይ ጠቁሟል፡፡

ከአንድ እስከ ሃያ ባሉት ዝርዝር ውስጥ የደቡብ አፍሪካና የግብጽ ዩኒቨርሲቲዎች ደረጃውን በብዛት ተቀራምተውታል፡፡ ታንዛኒያ፣ ናይጄሪያ፣ ዩጋንዳ፣ ቦትስዋና እና ኬኒያ እስከ ሃያ ባለው ደረጃ በመግባት የአገራቸውን የትምህርት ተቋማት ብቃት አስመስክረዋል፡፡

ከተመሠረተ 60ዓመታት ያለፉት የአዲስ አበባ ዩኒቨርሲቲ (በቀድሞ ስሙ የቀዳማዊ ኃይለሥላሴ ዩኒቨርሲቲ) እስከ መቶ ባሉት ዝርዝር ውስጥ የ53ኛ “ክብር” ተጎናጽፎዋል፡፡ ከተመሠረቱ ጥቂት ዓመታት በሆናቸው ዩኒቨርሲቲዎች ተበልጦ ለዚህ የበቃው የአዲስ አበባ ዩኒቨርሲቲ በቀደምት ዓመታት የበርካታ አፍሪካውያን ኩራት ነበር፡፡

ህወሃት/ኢህአዴግ ሎሌዎቹን ከየቦታው ሰብስቦ ሥልጣን በያዘ ማግስት መጀመሪያ የወሰደው እርምጃ ኢትዮጵያ በከፍተኛ የውጭ ምንዛሪ ያስተማረቻቸውን 42 ምሁራን በሁለት መስመር ደብዳቤ ማባረር ነበር፡፡ በአቶ መለስ ቀጥተኛ ትዕዛዝ ዶ/ር ዱሪ መሐመድ ያባረሯቸው እነዚህ ምርጥ ምሁራን እንደ ምሁርነታቸው በነጻ በማሰባቸውና ተማሪዎችንም እንደዚያው እንዲያስቡ በማድረጋቸው እንጂ በደብዳቤው ላይ እንደተገለጸው ተፈላጊ ባለመሆናቸው እንዳልነበር የታወቀ ነው፡፡

ኢህአዴግ ሥልጣን ከያዘ በየቦታው የፈለፈላቸው የካድሬ ማምረቻ “ዩኒቨርሲቲዎች” ስሙን ከመያዝ በስተቀር እስከ 100 ባሉት ዝርዝር አንዳቸውም ለመገኘት አለመብቃታቸው የኢትዮጵያን የትምህርት ጥራት ምን ደረጃ ላይ እንደደረሰ የሚያሳይ ነው፡፡

በ1963 ዓም ምረቃ ወቅት የዩኒቨርሲቲው ፕሬዚዳንት ዶ/ር አክሊሉ

በ1963 ዓም ምረቃ ወቅት የዩኒቨርሲቲው ፕሬዚዳንት ዶ/ር አክሊሉ

“ስንዋጋ ከረምን፣ በረሃ መድፍ ስናገላብጥ ነበር፣ … እያሉ የሚምሉት የወያኔ ባለሥልጣናት አዲስ አበባ ሲገቡ ከመለስ ጀምሮ በብርሃን ፍጥነት የከፍተኛ ዲግሪ ባለቤቶች ሆኑ፡፡ ከዚያም አልፎ በበርካታ ዓመታት ከፍተኛ ጥናትና ምርምር የሚገኘው የፒኤችዲ ዲግሪ ሲሻቸው “በክብር” ካልሆነም “አገር እያስተዳደሩ ከምትተርፋቸው ጥቂት ጊዜ በመቆጠብ” እየተምነሸነሹበት ነው” በማለት የምሬት አስተያየታቸውን አንድ የቀድሞ የዩኒቨርሲቲው ምሩቅ ይገልጻሉ፡፡ የሚያስመርቁትን ተማሪ ሥራ ማስያዝ ሲያቅታቸው ደግሞ “ኮብል ስቶን” የማንጠፍ ዲግሪ ነው የሰጠናችሁ በማለት የድንጋይ አንጣፊነት “የሥራ ዕድል” መክፈታቸውን በአደባባይ ይለፍፋሉ ሲሉ አስተያየታቸውን አክለዋል፡፡

በአሁኑ ወቅት ከአዲስ አበባ ዩኒቨርሲቲም ሆነ ከሌሎች በየመንደሩ ከተፈለፈሉ ዩኒቨርሲቲዎች የሚመረተው ተመራቂ ለካድሬነትና ለሆዱ እንዲያድር የሚደረግ መሆኑ በተመራቂዎቹ “የእውቀት ጥራት” እየታየ ነው፡፡ ሰሞኑን የወጣው የ“4icu” ደረጃ መለኪያም ይህንኑ የሚያረጋግጥ ነው፡፡

በአሜሪካ በሚገኝ ታዋቂ ዩኒቨርሲቲ የምርምር ሥራ እያከናውኑ የሚገኙ አንድ ኢትዮጵያዊ ጉዳዩን አስመልክተው ሲናገሩ፤ “እኔ ባለሁበት ዩኒቨርሲቲ በርካታ ነጻ የትምህርት ዕድሎች ይመጣሉ፤ አብረውኝ ያሉ መምህራንም ካገርህ የዕድሉ ተጠቃሚ እንዲሆኑ ወገኖችህን ጋብዝ ይሉኛል፡፡ አብዛኛዎቹ ዕድሉን የምልክላቸው የመጀመሪያ ዲግሪ ያላቸው ቢሆኑም በቅጡ የማመልከቻ ፎርም ለመሙላት በጣም የሚቸገሩ፣ እንግሊዝኛ በትክክል አሳክተው አንድ አንቀጽ የማመልከቻ ደብዳቤ መጻፍ በጣም የሚቸግራቸው ሆነው በማግኘቴ በተደጋጋሚ አንገቴን ደፍቻለሁ” ብለዋል፡፡ ውድድሩ ለከፍተኛ ትምህርት በመሆኑ መሠረታዊ የሚባሉትን መስፈርቶች ማሟላት የግድ እንደሆነ የጠቀሱት እኚሁ ሰው፤ አሁንም ግን ተስፋ እንዳልቆረጡና በየጊዜው እንደሚሞክሩ ጨምረው ተናግረዋል፡፡

በሌላ በኩል ደግሞ የትግራይ ልጆች ከፍተኛ የውጭ ምንዛሪ እየተከፈለላቸው በአውሮጳና ሰሜን አሜሪካ በሚገኙ ዩኒቨርሲቲዎች በተለያዩ የትምህርት መስኮች ይሰማራሉ፡፡ ዓላማው ወደፊት አማራጭ በሌለው መልኩ ከኢትዮጵያ ልጆች አብላጫውን ይዞ በመገኘት የማንኛውንም ክፍለኢኮኖሚና አመራር ለመቆጣጠር ነው፡፡ ይህ ሁሉ የሚደረገው ሌላው የበይ ተመልካች ሆኖ ዕድሜ ልኩን ይኖራል በሚል አስተሳሰብ እንደሆነ የትግራይ ነጻ አውጪው ህወሃት ዕቅድ ነው፡፡

ለህወሃት አሽከር በመሆን ታላቅ “ሹመት” ያገኙትና በቅርቡ የክብር ዶክትሬት ዲግሪ የተሰጣቸው የቀድሞ ትምህርት ሚኒስትር ደመቀ መኮንን በዚህ የከፍተኛ ተቋማት መለኪያ አዲስ አበባ ዩኒቨርሲቲን ለዚህ “ክብር” ማብቃታቸው ሌላ “ዲግሪ” እንዲሰጣቸው የሚያደርግ ነው በማለት በአውሮጳ የሚገኙ ሌላ ምሁር ሃዘናቸውን በምጸት ገልጸዋል፡፡ አቶ መለስ በአንድ ወቅት ማሃይምም ቢሆን የኢህአዴግን አቋም እስከተከተለ ድረስ ለሚኒስትርነት እንሾማለን ማለታቸው ለትምህርት ያላቸውን ጥላቻ ብቻ ሳይሆን በካድሬዎቻቸው “ሊቁ፣ ምሁሩ፣ …” ተብለው ቢጠሩም መለስ አላቸው የተባለው ዕውቀት በሙሉ ጥራዝ ነጠቅና ከአፍ ብልጠት የማያልፍ ዕውቀት ብቻ እንደነበር ደጋግሞ ያስመሰከረ ነው፤ ውጤቱን ይኸው እያየነው ነው በማለት እኚሁ ሰው አስተያየታቸውን ሰጥተዋል፡፡

በቅርቡ ከዕንቁ መጽሔት ጋር ቃለምልልስ ያደረጉት ዶ/ር ዳኛቸው አሰፋ ዩኒቨርሲቲው 53ኛ መውጣቱ “ይገባዋል” የሚያሰኝ ደረጃ ደጋፊ ሃሳብ መሰንዘራቸው ይታወቃል፡፡ በቃለምልልሱ ዶ/ር ዳኛቸው ሲናገሩ እንዲህ ብለው ነበር፡- “ዩኒቨርሲቲ ከሕዝብም ሆነ ከፖለቲካ አመራሩ ክፍል የሚመጣ ሃሳብ የሚፈትሽበት፤ ለማኅበረሰቡም ሆነ ለአስተዳደር ክፍሉ ገንቢ አስተያየቶችንና አመለካከቶችን የሚቀርቡበት ተቋም ነው፡፡ ሆኖም ግን በአሁኑ ጊዜ በተገላቢጦሹ ሃሳብና ምክር ይፈልቅበታል በሚባለው ተቋም ሹመኞች በተለያየ ምክንያት እየመጡ አስተማሪዎችን እየሰበሰቡ የሃሳብና የምክር አቅራቢነት ሚና መጫወታቸው በጣም ያስገርማል፡፡ በተለያየ ጊዜ የዩኒቨርሲቲውን መምህራን እየሰበሰቡ ከኃይማኖት እስከ ልማት፣ ከዕድገት እስከ የውጪ ጉዳይ ፖሊሲ … ወዘተ “አሰልጣኞች” ተመድበው “ሥልጠና” ሲሰጡ ቆይተዋል፡፡ ይህን ጉዳይ ይበልጥ ለማብራራት በቅርቡ አቶ ብርሃኑ አስረስ ከጻፉት መጽሐፍ መጥቀስ ተገቢ ይሆናል፡፡ ከታህሳሱ ግርግር በኋላ ጀኔራል መንግሥቱ ነዋይ ተይዘው ፍርድቤት በቀረበቡበት ወቅት የእምነት ክህደት ቃላቸውን ሲጠየቁ “የተናቀ መንደር ‘በምንትስ’ ይወረራል” ብለው የተረቱት ተረት ሁኔታውን በሚገባ የሚገልጸው ይመስለኛል፡፡ የዩኒቨርሲቲው ምሁራን ሠልጣኝ የመንግሥት ሹመኞች አሰልጣኝ የሆኑበት ግቢ ሆኗል፡፡


ማሳሰቢያ፤ በተለይ በስም ወይም በድርጅት ስም እስካልተጠቀሰ ድረስ በጎልጉል የድረገጽ ጋዜጣ® ላይ የሚወጡት ጽሁፎች በሙሉ የጎልጉል የድረገጽ ጋዜጣ®ንብረት ናቸው፡፡ ይህንን ጽሁፍ ለመጠቀም የሚፈልጉ ሁሉ የዚህን ጽሁፍ አስፈንጣሪ (link) ወይም የድረገጻችንን አድራሻ (http://www.goolgule.com/) አብረው መለጠፍ ከጋዜጠኛነት የሚጠበቅና ህጋዊ አሠራር መሆኑን ልናሳስብ እንወዳለን፡፡

Comments

  1. የአዲስ አበባ ዩኒቨርሲቲ ደረጃ 53ኛ ነው!

    “የአፍሪካ 100 ምርጥ ዩኒቨርሲቲዎች – አዲስ አበባ ዩኒቨርሲቲ – 53ኛ!” በሚል ርዕስ ላተምነው ዜና የተለያዩ አስተያየቶች በፌስቡክ ገጻችን ላይ ተሰጥተውበታል፡፡ ጎልጉል፡ የድረገጽ ጋዜጣ መረጃውን ያገኘው ከራሱ ከድርጅቱ ድረገጽ መሆኑን በግልጽ ለማስረዳት ይፈልጋል፡፡

    በቀጥታ ከድርጅቱ ድረገጽ የተገኘው መረጃው እዚህ ላይ ይገኛል፡፡

    ድርጅቱ ዓመታዊ የደረጃ ዘገባ የሚያወጣው ዓመቱ ሲያልቅና በዓመቱ አጋማሽ ላይ እንደሆነ በግልጽ አስቀምጧል፡፡ ከዚህ አንጻር አንድ ዓመታዊም ሆነ የመንፈቅ ሪፖርት ሲወጣ ሪፖርቱ እስከወጣበት ቀን ወይም ወር ድረስ ያለውን የማያካትት እንደሆነ ግልጽ ነው፡፡ ሰኔ ላይ የተዘጋ የበጀት ዓመት ዓመታዊ ሪፖርት ሐምሌ ወይም ነሐሴ ቢወጣ ሪፖርቱ የሐምሌንና የነሐሴን መረጃ የማይጠቀልል እንደሆነ እሙን ነው፡፡ ዓመታዊ ሪፖርቱ ላይ የሰፈረው መረጃ በሁለቱ ሪፖርቱ ባላካተታቸው ወራት እየተፈጸመ ካለው ጋር ፍጹም የተለያየ ሊሆን ይችላል፡፡ የሁለቱ ወራት መረጃዎች ከሌሎች ወራት ጋር ተቀናብረው በመጪው ዓመት ሪፖርት ውስጥ ይካተታሉ፡፡

    የከፍተኛ ሁለተኛ ደረጃም ሆነ የኮሌጅ ትምህርት የወሰደ እንዲሁም ፌስቡክ መጠቀም የሚያው በሙሉ ወ/ሮ ስርጉትን ጨምሮ ይህን ይገነዘባል በሚል እሳቤ ዜናውን ስናትም ሪፖርቱ የ2013 መሆኑን በግልጽ አለመጥቀሳችን ስህተት የሚያስብል ከሆነ ይቅርታ እንጠይቃለን፡፡ አሁን በድረገጹ ላይ የሚታየው የ32ኛ ደረጃ ድረገጹ በየወሩ ደረጃውን “update” ከማድረግ አሠራሩ ጋር የተያያዘ እንጂ የመጨረሻና በማስረጃ መልክ የሚጠቀስ ደረጃ አይደለም፡፡ የሚቀጥለው ወር ደረጃው ሊቀየር ይችላል፡፡ በየወሩ የሚከሰተው ከፍና ዝቅ ማለት አንድ ላይ ተሰብስቦ የመጨረሻው ሪፖርት በማስረጃነት ሲወጣ የዩኒቨርሲቲው ደረጃ ይህ ነው ይባላል፡፡

    ይህንን የ53ኛ ደረጃ እኛ የዘገብነው ብቻ ሳይሆን The African Economist በድረገጹፌስቡክ ላይ በግልጽ አስቀምጦታል፡፡

    ከዚህ ያለፈ መረጃ የሚፈልጉ ሁሉ የሪፖርቱ ባለቤት የሆነውን (4 International Colleges & Universities – 4icu) በደብዳቤ፣ በኢሜይል. በፋክስ፣ በፌስቡክ፣ በእግር፣ በግምባር፣ … መጠየቅ ይችላሉ፡፡

    ጎልጉል፡ የድረገጽ ጋዜጣ

  2. One thing at-least Meles Zenawi has a chance to to attend the dinning hall for two years. This is a big achievement for TPLF.

  3. It is not heart breaking news for Ethiopians who knows well the quality of education provided
    currently in Ethiopian schools and fake universities . In fact all universities that have been established by woyane are ‘white elephants” to be used to hood wink donor organizations in a bid to paint self image and draw more funds to fatten their pocket in the name of Education. How come bunch of illiterate woyane who have no the slightest appreciation expect to build universities that produces inquisitive citizens which run counter against the rock headed woyane mafiosos?Thus it is not wondering not to see Ethiopian barn universities being not rated even within the 100 best universities. But it would have been a disgrace for 4icu, if the woyane thrash universities had been included in the number. Be that as it may the Addis Abeba university deserves to be in that line up thanks , at least,for Haile Selassie.

  4. I thank to God by this exact infomation.

  5. Oh my country, where r u going?

Speak Your Mind

*