ከየአቅጣጫው ከተለያዩ ምንጮች ገንዘብ እንደሚለገሰውና የውክልና ፕሮፓጋንዳ እንደሚሠራ ይፋ የተደረገበት ኢትዮ 360 ሚዲያ ይህንኑ ለማስተባበል የገንዘብ ችግር አንቆናል፤ ዋናው ችግሬ ብር ነው እርዱኝ ሲል ባወጣው መግለጫ የልመና ድምጹን አሰማ። በተለይ ከቅርብ ጊዜ በኋላ በውስጥ በተከሰተ መከፋፈል ምክንያት የተለያዩ ምሥጢሮች እየወጡበት የተቸገረው ኢትዮ 360 አሁን ካለው የኢትዮጵያ ወቅታዊ ሁኔታ አንጻር ራሱን መገምገሙን በመግለጫው ጠቁሟል።
ቅዳሜ ዕለት መግለጫው እንደወጣ በዲሲ፣ ሜሪላንድና ቨርጂኒያ (በተለምዶ ዲኤምቪ በሚባለው) የተለያዩ ቦታዎች የሚገኙ ኢትዮጵያውያንን ያነጋገረችው የጎልጉል መረጃ አቀባይ እንዳለችው መግለጫው ሌላ ገንዘብ የመሰብሰቢያ ስልት ነው በማት አስተያየት ሰጪዎች መናገራቸውን ገልጻለች።
“ሁሉንም እኮ እናውቃቸዋለን፤ ኮትና ከረባት አሳምረው ሲታዩ ትልልቅ ሰዎች ይመስላሉ እንጂ እዚህኮ በየቀኑ ስንጋፋ ነው የምንውለው፤ አዋዋላቸውንም ሆነ ማንነታቸውን አሳምረን እናውቃለን፤ ዐቢይን በመቃወም ገንዘብ መሰብሰብ ነው የሚፈልጉት፤ አሁን ደግሞ ሁኔታው ስላልተመቻቸው ወያኔ ተሃድሶ፣ ጥልቅ ተሃድሶ ምናምን እያለ ሲቀልድብን እንደነበር እነሱም በዚያው መልክ ሊያምታቱን እና ገንዘብ ሊሰበስቡ ነው የሚፈልጉት፤ እኔ አላዋጣም ግን እሰማቸዋለሁ፤ እና ሳስበው የአምባሳደር ፍጹም መግለጫም ያሳሰባቸውና ያስፈራቸው ይመስላል፤ ከመግለጫው በኋላ የተናገሩትና በፌስቡካቸው የለጠፉትን ስከታተል ዙሩ የከረረባቸው መሆኑን የተረዱ ይመስለኛል፤ በዚህ ላይ ደግሞ ከወያኔ ገንዘብ ይቀበላሉ ምናምን እየተባለ የሚነገረው አለ፤ እነ ዶ/ር ዐቢይ ደግሞ ተኳሹንም አስተኳሹንም ነው የምንመታው ስላሉ ስፖንሰር አድራጊዎቻቸው ሲመቱ ምንጩ ስለሚደርቅባቸው ቶሎ ብለው ወደ ሕዝብ ለመሽሸግ የፈለጉ ይመስለኛል፤ ያው ሁሉም ነገር ያገር ጉዳይ ምናምን ሳይሆን የጥቅም፣ የገንዘብ ጉዳይ ነው” በማለት አስተያየት የሰጠው በታክሲ ሥራ የተሰማራ መካከለኛ ዕድሜ ላይ የሚገኝ ትውልደ ኢትዮጵያዊ ነው።
“ኑሮን ከብልሃቱ ለማሳካት በትርፍ ጊዜ ኡበር እነዳለሁ” ያለው ሌላው አስተያየት ሰጪ ስለ መግለጫው ሲጠየቅ እያነበበ ከነበረው አነስተኛ መጽሐፍ ራሱን በማገት “በግዕዙ ወይኩን ፈቃድከ ይላል፤ አቡነ ዘበሰማት ጸሎት ላይ ነው እንዲህ የሚል፤ ፈቃድህ ይሁን ማለት ነው፤ እኔም የምለው እንደፈቃዳቸው ይሁንላቸው ነው” በማለት መልስ ሰጥቷል።
“ኢትዮ 360 ውስጥ የሚሠሩት በጣም የማከብራቸው ጋዜጠኞች ያሉበት ሚዲያ ነው፤ ብዙ የታገሉ ናቸው፤ እነ ዐቢይን በመታገል የሚያደርጉትን እደግፋለሁ፤ ሊደገፉ ገባቸዋል፤ መስዋዕትነት እየከፈሉ ለእኛ ነጻነት የሚታገሉ ናቸው፤ መግለጫው ጥሩ ግምገማ እንዳደረጉና እንደታደሱ፣ ከስህተታቸው እንደተማሩና የአቅጣጫ መስመራቸውን ያስተካከሉ መሆናቸውን ነው የተረዳሁት። ሰዉ ብዙ ያወራባቸዋል፤ በወያኔ ብር ነው የሚሠሩት ምናምን ይላሉ፤ እኔ ግን የምለው ከማንስ ቢቀበሉ ምን ጣጣ አለው? ወያኔስ ቢሆን ዱሮ መጥፎ ነበር በሚለው ስሙ ብቻ ልንኮንነው አይገባም፤ በተለይ አሁን ከፌዴራሊስት ኃይሎች ጋር እየሠሩ እንደሆነ ወያኔዎች ይናገራሉ፤ ራሳቸውን ካስተካከሉና በትክክለኛው መንገድ እስከሄዱ በዱሮ ሥራቸው ብቻ ልንኮንናቸው አይገባም፤ እኔ እውነቱን ልንገርሽና ከግብፅም ገንዘብ ቢቀበሉ ግዴለኝም” ያለው ሲልቨር ስፕሪን ሜሪላንድ በርካታ ኢትዮጵያውያን በሚኖሩበት ሥፍራ የሚኖር አስተያየት ሰጪ ነው።
“ጠሮባቸዋል እያለ ነው ፒፕሉ እዚህ አካባቢ የሚያወራው፤ ዐቢይ ደግሞ አይለቀንም ብለው የፈሩ ይመስላል፤ እኔ ምንም አስተያየት የለኝም ግን አይመቹኝም፤ በቃ አቦ ተፋቱን ነው የምለው” በማለት የተናገረው ዕድሜው እስከ 20ዎቹ አጋማሽ የሚገመተው ወጣት ነው።
የመግለጫው ሙሉ ቃል እንዲህ ይነበባል፤
ከኢትዮ 360 ሚዲያ የተሰጠ መግለጫ!!!
ኢትዮጵያ ሀገራችን በፈታኝ እና በአሳሳቢ ደረጃ ላይ እንደምትገኝ በሰሞኑ የተፈጠረው ትርምስና ግድያ በእጅጉ ያመለክታል።
በብሄር ፖለቲካ ተከፋፍላ የምትገኘውን ሀገራችን እንደ ክፍተት በመጠቀም በውጭ ሀይሎች ጣልቃ ገብነት የህዝቡ ችግር እለት እለት እየተወሳሰበና እየባሰበት መጥቷል።
ኢትዮ 360 ሚዲያ የሕዝብ ድምፅ ሆኖ ከተቋቋመበት ካለፈው አንድ አመት ወዲህ በሀገራችን የሚከናወኑ ፖለቲካዊ ኢኮኖሚያዊና ማህበራዊ ጉዳዮች በመዘገብ እና በመተንተን ህብረተሰቡን በማገልገል ላይ ይገኛል።
የሚዲያ ተቋማችን ሕዝብን የሚጎዱ ተግባራትን በማጋለጥ የሞጋችነት ሚናውን ሲጫወትም ቆይቷል።
ይህ በእንዲህ እንዳለ በተቋማችን ውስጥ የተከናወኑ ስራዎችን ለመገምገም አመታዊ የስራ እና የፋይናንስ ሪፖርት ቀርቦ ሰሞኑን ጠቅላላ ጉባዔ ስናካሂድ መቆየታችንንም በይፋ መግለፃችን ይታወሳል።
በዚሁ ውይይታችንም ኢትዮ 360 ሚዲያን ስንመራ የቆየን በየደረጃው ያለን የስራ ሀላፊዎች እንዲሁም አባላት በተቋሙ ውስጥ የነበሩ ጠንካራ እና ደካማ ሁኔታዎች ገምግመናል።
በዚሁም ምክንያት በአመራር ላይ የነበርን ሰዎች ሁላችንም በግላችን በወሰንነው መሰረት ሀላፊነታችንን በገዛ ፈቃዳችን ለቀን ለተተኪ ለማስረከብ የተናጠል ስምምነት ላይ ደርሰናል።
በዚሁ አጋጣሚ ተቋሙ የገመገማቸውን ጠንካራና ደካማ ጎኖች ከግምት አስገብተው ባሉበት ሀላፊነት እንዲቀጥሉ ጉባኤው ያቀረበውን ጥያቄ የማኔጅመንት አባላቱ “ከምስረታው ጀምሮ በሀላፊነት አገልግለናል! አዲስ አመራር ሊተካ ይገባል!” በሚለው አቋማቸው ጸንተዋል። ዋና ስራ አስኪያጃችንም በሀላፊነቱ እንዲቀጥል መባሉን እንደሌሎች የአመራር አባላት በሃሳቡ ባለመስማማት በማህበራዊ ሚዲያ የፌስቡክ ገፁ ከኢትዮ 360 መልቀቁን መግለፁ አይዘነጋም። ይህ ከሆነ በኃላም ኢትዮ 360 ሚዲያ እንዳይቀጥል የሚፈልጉ አካላት በመካከላችን በፖለቲካ አመለካከትና በፋይናንስ ምንጭ የተጣላን በማስመሰል የፈጠራና መሰረተ ቢስ ወሬ በማህበራዊ ሚዲያው እስከመንዛት ደርሰዋል።
ይህ ሁኔታ የኢትዮ 360 ደጋፊዎችና ህዝቡን ጥርጣሬ ውስጥ ለመክተት ሆነ ተብሎ ውዥንብር በሚነዙ ሀይሎች የተፈበረከ ወሬ ቢሆንም እኛ የሚዲያው አባላት በእልህና በቁጭት የበለጠ ጠንክረን እንድንወጣ የረዳን መሆኑን በዚሁ አጋጣሚ እንገልፃለን።
ያም ተባለ ይህ ግን በአሁኑ ጊዜ ሀገራችን ያለችበትን አሳሳቢ ሁኔታ ግምት ውስጥ በማስገባት አንድም አባል በስብሰባው ሳይጎድል የተቋማችን ጠቅላላ ጉባዔ ቀጥሎ የኢትዮ 360 ሚዲያ ችግሮችን በውይይት በመፍታታችን ስራችንን በተጠናከረ መንገድ ለማስኬድ ስምምነት ላይ ደርሰናል።
በዚሁም መሰረት የዋና ስራ አስኪያጁን መልቀቂያ በመቀበል ጠቅላላ ጉባዔው አዲስ ዋና ስራ አስፈፃሚ በመሰየም እንዲሁም አዲስ የቦርድ አባላትን እና የዘርፍ ሀላፊዎችን በመምረጥ ስብሰባችንን አጠናቀናል።
ኢትዮ 360 በተቋሙ ውስጥ ያጋጠሙትን ችግሮች በውይይት በመፍታቱና ዓላማውንም ለማስቀጠል የፀና አቋም ያለው በመሆኑ መላው የድርጅቱ ደጋፊዎች እና የዝግጅታችን ተከታታዮች ይህን ለሕዝብና ለሀገር የቆመ ሚዲያ በገንዘብ እና በቁሳቁስ እንድትደገፉ የአክብሮት ጥሪያችንን እናቀርባለን። ሚዲያችን እና ሚዲያችሁ አሁን ካሉበት ፈታኝ ችግሮች ዋነኛው የፋይናንስ እጥረት ነውና ይህን ተግዳሮት እንቋቋመው ዘንድ ከጎናችን በመቆም አብሮነታችሁን ታሳዩን ዘንድ በትህትና እንጠይቃለን።
ኢትዮ 360 ሚዲያ መቼም ቢሆን ዓላማውን ይዞ ይቀጥላል።
እናመስግናለን። የኢትዮ 360 ሚዲያ አባላት!!
የመግለጫው ዓላማ ከማንም ገንዘብ አልቀበልም በሚል ሃሳብ ለማስቀየር ነው የሚሉ ወገኖች ጭንቀት የወለደውና ዋናው ትኩረቱ ገንዘብ እንደሆነ ራሱን ያጋለጠ መግለጫ ነው ይላሉ።
በአሜሪካ የኢትዮጵያ አምባሳደር የሆኑት ፍጹም አረጋ የሰሞኑን ግጭት አስመልክቶ ከጽ/ቤታቸው በቪዲዮ ባስተላለፉት መልዕክት የሚከተለውን ማለታቸው ይታወሳል ብለው ነበር፤ “በውጭ ሆናችሁ በጥላቻ ስሜት ተሞልታችሁ የሕዝባችንን በእኩልነት የመኖር ተስፋ በማጨለም … (በሕዝባችን ዘንድ) የማይገባ ልዩነትና ጠላትነት በመፍጠር እርስበርስ እንዲጨራረስ የምትሠሩ ሕዝቡ አቁሙ ይላችኋል” ካሉ በኋላ አምባሳደሩ ሲቀጥሉ ሕዝቡን እንዲጨራረስ ማድረግ በየትኛውም መልኩ “የሞራል ውድቀትና የሕግ ጥሰት ነው። በአሜሪካም የሚመለከተው አካል በጥላቻ መልዕክቶች ላይ የሚፈጸሙ ግጭቶችን እንደማይታገስ አረጋግጦልናል” ማለታቸው የሚታወስ ነው።
ጎልጉል፤ የድረገጽ ጋዜጣ
ጎልጉል ድኅረ-ገጽ በኢትዮ -360 ሚዲያ ላይ መርዛችሁን መጥፋት ከጀመራችሁ ውላችሁ አድራችሁዋል ፥ የጎልፉል ነገር በእጅጉ ያስገርማል ፥ የአብይን መንግሥት መቃወም እንደ ትልቅ ሃጢአት ቆጥራችሁ ያለ የሌለ የውሸት ድሪቶዋችሁን ትደርታላችሁ ፥ ኢትዮ-360 ሚዲያ አብይን በመቃወሙ ውሸታሙን የኦነግ አምባሳደር ፍጹም አረጋን ፈርተውታል … ድንቄም ፈርተውታል ! ከኢትዮ-360 ሚዲያ ጋር ሺዎች ኢትዮጵያውያን መኖራችንን እንዴት እንደዘነጋችሁት አላውቅም ፥ ጎልጉል ድኅረ-ገጽ በኢትዮጵያ ውስጥ በአሁኑ ሰዓት በሐረር ፥ በአርሲ -አሳሳ ፥ በዝዋይና በተለያዩ በኦሮሚያ ግዛት ውስጥ የተፈጸሙትን የዘር ማጥፋት ወንጀሎች አንዳችም ትንፍሽ ያላችሁት ነገር የለም ፥ ይህም ከገዥው የአብይ መንግሥት ጋር ተለጥፋችሁ ያልበላችሁን ታካላችሁ ፥ እናንተ በጣም ልትወገዙና ድኅረ-ገፃችሁንም መዝጋት ነበር ፥ ምክንያቱም እዚያው ኢትዮጵያ ውስጥ ያለውን የሰብአዊ ጥሰት እያያችሁ ለመፃፍ ያልፈለጋችሁ አሜሪካ ድረስ ኢትዮ -360 ሚዲያን ትወነጅላላችሁ ፥ በኦሮሚያ ግዛት ውስጥ የአማራ ሕዝብ እየተፈጀና ንብረቱ እየወደመ ለምን መናገር አልፈለጋችሁም ? ጎልጉል የኦነግን ዓላማ የምታራምድ በእነ ኢትዮጵያ ሱሴ የምትደገፍ ትመስላለች ፥ ጎልጉሎች በሩቅ ርቀት ስለአለው ኢትዮ-360 ሚዲያ ከማወራታችሁ በፊት እፊታችሁ የሚፈጸመውን ዘግናኝ ግድያና ዘረፋ አንድ ለማለት ሞክሩ በተረፈ ኢትዮ-360 ሚዲያ ያብባል ፥ ትልቅ ሚዲያ ሆኖ ይወጣል ፥ የኢዮጵያውያን ድምጽና አንደበት ሆኖ ይቀጥላል ፥ ፍጹም አራጋ ውሸት እንጂ ሌላ አያውቅም ፥ ከ100 በላይ ኢትዮጵያውያን በአሜሪካ በኮቪድ-19 አልቀዋል ብሎ የዋሸ ቀጣፊ ነው ፥ ሰውየው ከማውራት በቀር ያውም የኢትዮጵያውያንን ሚዲያ ማዘጋት ይቅርና የእርሱን አንደበት ማዘጋት እንችላለን ፥ አትድከሙ ፥ የእናንተ ነገር አንዳንድ ጊዜ በእጅጉ ያስገርማል ፥ አንዴ በሚዲያው ላይ -ሌላ ጊዜ ደግሞ በጋዜጠኞቹ ላይ የውንጀላችሁ ጋጋት ጥግ ደርሶዋል ፥ ጋዜጠኛ ለእውነት መቆም እንጂ የገዥዎች ዕድሜ ማራዘሚያ መሆን መቆሸሽ ነው ፥ ኢትዮጵያ ለዘለዓለም ትኑር !!!
ጎልጉል ኢትዮጵያ እና ኢትዩጵያን በሚመለከት በአገሪቱ ከሚወጡት ጋዜጦች ሁሉ እጅግ ተአማኒነት ያለው ጋዜጣ ነው። የሚሰማህ የለም። ለምን በaudio video እንደማይመጡ ሊገባኝ አልቻለም። የመጀመሪያው subscriber የምሆነው እኔ ነኝ።
ጎላጉል፤ ኧረ እንዴት ነው ከኛ በላይ ኢትዮጵያዊ የለም ባይነታችሁ እንዲህ የተለጠጠው? ለምንድን ነው አስተያየት እየመረጣችሁ የምትሰርዙትና የምታቀርቡት? ከትግራይ ኦንላይን በምን ተሻላችሁ? ነው አገራችንን ለመውደዳችን አስተያታችን መለኪያ ሊሆን ነው? መኢሶንም እኮ በታሪኩ ይህንን ነው ያደረገው – አሁን ጥላው እንኳን የለም፤ ምን ሲል እነደነበር ላስታውሳችሁ? ሂሳዊ ድጋፍ እያለ ደርግ ሥር ተለጠፈ፤ ከዛ ከደርግ ፊት ሲያገኝ፤ ከእነሱ አምባገነኑ ደርግ በላይ ለኢትይጵያ የሚያስብ ሁሉ መለኪያ እንደ እናንት እንዳሁኑ ዐብይና መንግሥቱን እነሱም ደርግና መንግሥቱን ማን ተቃውሞት አሉ፤ ተቃውሞ መብት ነው ድሮም በደርግ ዘመን አሁንም በ አብቹ ጊዜም፤ በጎልጉል ላይ አስተያየት መስጠትም ተቃውሞ ነው፤ እባካችሁ ከታሪክ ተማሩ፤ “ፈጣን ነው ባቡሩ፤ ያልተሳፈሩ . . .” ይታውሳችሁአል?
አሁን ላይ ኢትዮጵያን መወደድ መለኪያውና ለኪው ምንና ማን ይሆን?
ስድብ፣ ስድነት፣ ወዘተ የሚታይበት አስተያየት ይሰረዛል። ከዚያ ውጭ ያለ አስተያየት ሰርዘን አናውቀም። እንኳን አሁን አይደለም በዘመነ ወያኔም ወያኔዎች እዚህ ገጻችን ላይ ከስድብ የነጻ አስተያየት ሰጥተው አልሰረዝንም። ይህ አስተያየትም የታተመው በዚሁ አግባብ እንደሆነ ሊታወቅ ይገባል። አስተያየት ጽፎ “ፖስት” የሚለውን መጫን አስፈላጊ መሆኑ እያሳሰብን አጠቃላይ የኮምፒውተር ሥልጠና ስለማንሰጥ በዚህ ላይ ብዙ ለማለት የማንችል መሆናችንን ከይቅርታ ጋር ለመናገር እንወዳለን።
ይህንን አስተያየት በተላከው መሠረት አትመነዋል። ተሰረዘብኝ የምትለው/የምትዪው ካለ መልሶ መጻፍ ይቻላል። ስድነትና ስድብ ያዘለ ከሆነ አሁንም ይሰረዛል።
ከዚህ በፊት July 5, 2020
“don’t see any hard evidence other than hearsay and accusations. Let Minalachew speak and provide irrefutable evidence. You get off from your high horses and stick to the journalism than being a mouth piece of others and your wishful thinking.”
በማለት የተጻፈውን አስተያየት በተመለከተ ከሆነ አስተያየት ከሆነ እሱን አስተያየት የጻፍከው/የጻፍሽው “ኢትዮ 360 የወያኔ ሚዲያ መሆኑ ተረጋገጠ” ለሚለው ጽሁፍ ነው። ያንንም አስተያየት እዚያው ሥር አትመነዋል። እዚህ ላይ ማየት ትችላለህ/ትችያለሽ።
ስለ መኢሶን ምናምን የተጻፈውን ብዙም የምናውቀው አይደለንም። ያኔ አልተወለድንም። አንድ በርግጠኝነት መናገር የምንችለው ግን የዚያ ዘመን ጦስና ፖለቲካ እናውቃለን ብለው ከውጭ አገር የተቀዳ “ጋርቤጅ” ሕዝባችን ላይ “ርዕዮትዓለም” በሚል የደፉበት ለችግራችን ግምባር ቀደም ተጠያቂዎች መሆናቸውን ነው። በዚህ አጋጣሚ ሻዕቢያ፣ ወያኔ፣ ኦነግ፣ ወዘተ የተባሉት መጻጉዎች የተፈለፈሉት በዚያው ዘመን አካባቢ ሆኖ ጥርሳቸውን የነቀሉትም በዚሁ የጥላቻና የወገንተኛ ፖለቲካ መሆኑን ማስታወስ እንወዳለን።
መልካም ጊዜ
አርታኢ
አርታኢ/አርታኢት ወይስ አርታኢዎች? መቼም ማንነታችሁን ደብቃችሁ ስለሆን ምን ይደረግ? ለማንኛውም መልሳችችሁ ይበልጥ ማንነታችሁን ይገልፃል፤
በዛ ጊዜ አልተወለድንም አናውቅም ነው ያላችሁት? ሕዝቅ ኤል ገቢሳን አስታውሳችሁኝ አፄ ሚኒሊክን አላውቀውም ያለውን፤ ታሪክን ማንበብ እንጂ በዛ ዘመን አልተውልድንም ምን ማለት ነው? በአፄ ቴዎድሮስ ወይስ ዮሐንስ ጊዜ ተወልደን ነው እንዴ ታሪካቸውን የምናውቀው? መለስ አላችሁና የዛ ዘመን ጦስ ነው አላችሁ እንዴት አውቃችሁት – የመንደር ወሬና ምንም ያልሠሩ የሚያወርት ይዛችሁ ነውና እንዚህም ከነፍሰ ገዳይ የደርግ ካድሬዎች ጀምሮ ብዙ ስለሆኑ አጥርቶ ማስተዋል ይጠይቃል “አርታኢ” እያሉ ራስን መሾም እንዲህ ያስገምታል፤ የውጭ ጋርቤጅ አምጥተው ማለት የታሪክ ድህነትና አለማውቃችሁ ሌላው ምሥክር ነው፤
አስተያየት ለማቅርብ እንዴት እንደሆነ ማሰለጠን አይጠበቅብንም? አሽሙር ተሸሙሮ ተሙቷል? አስተያየት ቀርቦላችሁ እያለ? ይህቺም ዕውቀት ሆና ነው? አደብ ግዙ አስተያየት ሰጪዎችን መዝለፍ ማሽሟጠጥ ተራነት ነው፤
የአስተያየት ሰጪውን ምንጭ ለማወቅ የሄዳችሁት እርቀት የሚገርም ነው፤ ዕድሜ ለቴክኖሎጂ የኢንተርኔትና ኢሜይል ልውውጦችን ፊርማ ማወቅ ይቻላል -ያንን ነው ሰላይ ድርጅቶች የሚሠሩት፤ እያንዳንዱ ለውውጥ ከአድራሻው ጀምሮ በየት በየት በኩል እንዳለፈ ይታውቃል እንደዛም እንዲሆን ተደርጎ ነው ኢንተርኔት እናንተ ባልተወልዳችሁበት ዘመን የተሠራው፤ እናንተ ግን አስተያተ መቀበል እንጂ ምርመራ ውስጥ ምን አገባቸሁ?
በጠቅላላ የመልሳችሁ ቃና እንዸት ተደፈረን አይነት ነው፤ ተረጋጉ ጎበዝ፤ ስድብ አልተፃፍም በእኔ በኩል ለምን እንደዛ እንዳላችሁ እናንተው መልሱ፤ ለመሆኑ የምታውጧቸውን ፅሁፎች ነንባላችሁ? ስድብ፤ ውንጀላ፤ አሽሙር፤ ምኞት የተሞሉበት ነው፤ ዝም ብላችሁ ተቀበሉ መታበይ ነው?
ተነስተው ውንደከሰሙትና የሌላ ወሬና ዜና ፍራሽ አሳዳሽ ሆነው እንደከስሙት ብዙ ሚዲያና ድረገፆች ከመክሰም ወይም አንባቢ ከማጣት ይሰውራችሁ፤ ሰብስክራይብ ያደረጉ ደንበኞቻችሁ ቁጥር 747 ብቻ መሆኑ አንዱ ምልክት ይሆን? እስቲ የድረ ገፃችሁን ጉብኝት ቁጥር አድርጉና እንየው፤ ይህንን ማሳየት አይጠበቅብኝም
To hate prime minister Abiye, one must be qualified closer to evil.