አገር ሲቆረስ ድንበሩ ሲፈርስ
ማንነት ታሪክ ሲሻር መሬት ሲገመስ
አገር ያለ ባህር በር ስትቀር
ዜጋ ማንነት በጎሳ ሲቀየር
ድንበር ተቆርሶ ለባድ ሲለገስ
ወገን ሲጨቆን መኖሪያ ቤቱ ሲፈርስ
ሀብት ንብረቱ ተዘርፎ ከቀየው ቦታው ሲሰደድ
ዜግነት ክብሩ ሲጣስ ሰብአናው ሲዋረድ
በአረብ ምድር ሲገደል አንደ አንስሳ ሲታረድ
ህይወት ሲቀጠፍ ሲታነቅ በገመድ
ዜግነት ክብሩ ሲዋረድ
ሰአብዊ መብቱ ሲናድ
የመኖር ህልሙ ባዶ ሲሆን
ፊቱ በአንባ ሲታጠብ ሲዋጥ በሀዘን
ለስቃይ ችግር ሲዳረግ በረሀብ አለንጋ ሲገረፍ
ጠኔ ሲመታው በከባድ ህመም ሕይወት ሲቀጠፍ
ሀገር ወገን ሲጣራ ሰሚ ሲያጣ ሲያለቅስ
መንግስት ጆሮ ሲደፈን አልሰማ ሲል ሲሆን ደንታቢስ
አስከመቼ ነው ዝምታው ላገር ለወገን መድረሻው
የብሶት የችግር ማብቂያው
ተነሳ ወገን ህብረት አንድነት አጠንክር
ጨካኝ ወያኔን አስወግድ ከስሩ መንጥር
የናት አኢትዮጵያን ትንሣኤን አብስር
ተድላ ጌትንነት
ባየር ጀርመን
Leave a Reply