ችሎት! ሃምዛ፣ የህወሓት አመራሮች፣ ይልቃልና እስክንድር

በወንጀል ተጠርጣሪ ሃምዛ ቦረና

በአቶ ሃምዛ ቦረና መዝገብ የተካተቱ 9 ተጠርጣሪዎች ዛሬ ፍርድ ቤት ቀርበው ነበር።

መርማሪ ፖሊስ የሰራውን ተጨማሪ የምርመራ ስራ ይፋ ያደረገ ሲሆን ከዘጠኙ ተጠርጣሪዎች መካከል ስምንቱ የአቶ ጃዋር መሃመድ ጠባቂዎች ሲሆኑ በፖሊስ ምርመራ ላይ መቃወሚያ አቅርበዋል።

መርማሪ ፖሊስ ሌሎች በርካታ የሰዎች እና የሰነድ ማስረጃ ለማሰባሳብ ተጨማሪ 14 ቀን ይሰጠኝ ብሎ ጠይቋል።

ፍርድ ቤት ፖሊስ ከጠየቀው የ14 ቀን ጊዜ ውስጥ 8 ቀን ፈቅዶ ተለዋጭ ቀጠሮ ለሃምሌ 29/2012 ዓ/ም ሰጥቷል።

መርማሪ ፖሊስ ባለፉት 11 ቀናት፤

በተጠርጣሪዎች ላይ የተያዙ መሳሪያዎችን ምርመራ አድርጓል፤ 10 የተከሳሽ ፤ 20 የምስክር ቃል ተቀብሏል።
አንደኛ ተጠርጣሪ አቶ ሃምዛ ቦረና የተለያዩ ሚዲያዎችን በመጠቀም ብሄርን ከብሄርና የሃይማኖት ግጭት ያደረጉትን ቅስቀሳ የሚያመላክት የቪድዮ ማስረጃ ሰብስቢያለሁ ብሏል።
በተጨማሪ አንደኛ ተጠርጣሪ በኦሮሚያ ተለያዩ ቦታዎች የብሄርና የሃይማኖት መቀስቀሳቸውን የሚያስረዳ የምስክር ማስረጃ አግኝቻለሁ ብሏል።
ከሶስተኛ – ስምንተኛ ያሉ ተጠርጣሪዎች በአ/አ ብቻ 14 ሰዎች እንዲሞቱ ምክንያት መሆናቸው በምስክር ተረጋግጧል። ከ350 ሚሊዮን ብር በላይ የሚገመት ንብረት መውደሙንም ማስረጃ ሰብስቧል።
በተጠርጣሪዎች በተፈፀመ ወንጀል ቡራዩ ላይ 4 ሰዎች ሲሞቱ 4 ሰዎች ከባድ ጉዳት እንደደረሰባቸው ማስረጃ ሰብስባል፤ ከባድ ጉዳት ያደረሰውን የህክምና ማስረጃ ና ህይወታቸው ያለፉትን ያስክሬን ምርመራ ውጤት የመቀበል ስራ እንደሚቀረው ገልጿል።
ተጠርጣሪዎቹ በሚሰጣቸው ትዕዛዝ ከሰኔ 23ና ሰኔ 24 በፊት በተለያየ ጊዜ በተፈፀመ ወንጀል ሌላ ቅኝት አግኝቻለሁ ብሏል።
ሌሎች በርካታ የሰዎች እና የሰነድ ማስረጃ ለማሰባሳብ ተጨማሪ 14 ቀን ይሰጠኝ ብሏል።

የተጠርጣሪዎች ጠበቃዎች፤

ምርመራው ተገቢነት የለውም ብለዋል። የሚቀርበው ምክንያት ተጨማሪ ጊዜ የሚያሰጥ አይደለም ብለዋል።
በእጃቸው ተገኘ የተባለው መሳሪያ በየጊዜው የቁጥር ስህተት በመርማሪ ፖሊስ እየቀረበ ነው ግልፅ አይደለም ብለዋል።
4 ተጠርጣሪዎች ከሌሎች ታሳሪዎች ባተለየ ከቤተሰብ ጋር እንዳይገናኙ ተደርጓል፤ በስልክ ቤተሰብ ማግኘት አልቻሉም ብለው አቤቱታ አቅርበዋል።
አንድ ተጠርጣሪ በተለይ የልጆች አባት በመሆኑ ልጆቹ በኪራይ ቤት እንደሆኑና የሚበሉትና ያሉበትን ደረጃ ለማወቅ በስልክ መገናኘት አልቻልኩም ሲል አቤቱታ አስመዝግባል።
አቶ ሃምዛ ቦረና አክቲቪስትና ጋዜጠኛ ሆኜ በውጭ ሀገር ስኖር ነበር ለውጥ መጣ መባሉን ሰምቼ ወደሀገር ውስጥ የመጣሁት
የተለያዩ ሚዲያዎችን ተጠቅሜ ህገመንግስታዊ መብቴን ተጠቅሜ ራሴ ያመንኩበትን ሃሳብ ገልጫለሁ ከዚህ ወንጀል ጋር የሚያገናኘን ነገር የለም ሲሉ ተቃውመዋል።
አቶ ሃምዛ አካውንታቸው መታገዱን በመንግስት ግብርን እንድከፍልም ህጋዊ ውክልና ይሰጠኝ ሲሉ አቤቱታ አስመዝግበዋል።

ፍርድ ቤት፤

ተጠርጣሪዎች ከቤተሰቦቻቸው ጋር እንዲገኛኙ (በስልክም ቢሆን እንዲገናኙ) ትዕዛዝ ሰጥቷል።
አንደኛ ተጠርጣሪ ህጋዊ ውክልና የሚያገኙበትን /የሚሰጡበት መንገድ እንዲመቻችላቸው ትዕዛዝ ሰጥቷል።
የምርመራው ሂደት ሰፊና ውስብስብ በመሆኑ ተጨማሪ 8 ቀን ፈቅዷል።

በወንጀል ተጠርጣሪ የህወሓት አመራሮች

ለሀገር ውስጥ እና ለውጭ የሽብር ቡድኖች መረጃ አሳልፎ በመስጠት ወንጀል ተጠርጥረዋል ያለው ፖሊስ የ14 ቀናት የምርመራ ጊዜ የጠየቀባቸው የህወሓት የአዲስ አበባ አገናኝ ቢሮ ኃላፊ አቶ ተወልደ ገብረፃዲያ፣ በሚኒስትር ዴኤታ ማዕረግ የሕግ እና ፍትህ ምርምር ተቋም ዳይሬክተር አቶ ተስፋአለም ይህደጎና ሌሎች ሁለት ሹፌሮች ናቸው።

ፖሊስ ዛሬ (ረቡዕ) ለፍርድ ቤት ባቀረበው ሪፖርት የባንክ ሂሳባቸውን እያስመረመርኩ ነው፣ በአቶ ተስፋአለም ቤት የተገኘው ክላሽ ህጋዊ ፍቃድ የለውም የሚል ሃሳብ አቅርቧል።

የተጠርጣሪ ጠበቆች በበኩላቸው ፖሊስ እስካሁን የሰራቸው ስራ የሚያሳይ ዝርዝር መዝገብ ይዞ አልቀረበም ስለዚህ ደንበኞቻችን በነፃ ሊሰናበቱ ይገባል ሲሉ ተከራክረዋል።

ችሎቱ ለምን የምርመራ መዝገቡን ይዞ እንዳልቀረበ የጠየቀ ሲሆን ለሐምሌ 23 መዝገቡን ይዞ እንዲቀርብና የጠየቀውን የ14 ቀን ጊዜ ይሰጥ አይሰጥ ብይን ለመስጠት ተለዋጭ ቀጠሮ ይዟል።

በወንጀል ተጠርጣሪ ይልቃል ጌትነት

የዛሬው ቀጠሮ መርማሪ ፖሊስ ባለፈው በነበረው ቀጠሮ ተጠርጣሪዎችን ከወንጀሉ ጋር ያላቸውን ግንኙነት ለብቻ ነጥሎ ለማቅረብና የደረሰበትን አጠቃላይ ሁኔታ ለፍርድ ቤት ለማሳወቅ ነው።

መርማሪ ፖሊስ ሰራኋቸው ያለው ስራ፤

ተጨማሪ ምስክሮችን ሰምቻለሁ፣ከወንጀሉ ጋር የተያዙ እቃዎቻቸውን ለምርመራ ለፌደራል ፖሊስና ለብሄራዊ ደህንነት ልኪያለሁ ውጤት እየጠበኩ ነው ብሏል።
የንብረት ግምት እንዲላክ ፣ የአስክሬን ምርመራ ሪፖርት እንዲላክልኝ ለሚመለከታቸው አካላት ልኬአለሁ ብሏል ፤ እነዚህ ስራዎች ስለሚቀሩኝ 14 ቀን ይሰጠኝ ብሏል።

የአቶ ይልቃል ጠበቃ አዲሱ ጌታነህ፤

አቶ ይልቃል ከወንጀል ጋር ያላቸው ግንኙነት፣ በምን ሁኔታ፣ እንዴትና መቼ እንደተፈፀመ ፖሊስ እንዲያቀርብ ነበር የታዘዘው።
የ14 ሰው ህይወት አልፏል ለዛም ውጤት እጠብቃለሁ፣
ንብረት ወድሟል ከማለት ያለፈ ተለይቶ የተሳትፎ ደረጃቸው ስላልተገለፀ ለ27 ቀናት በቁጥጥር ስር አውሎ ምርመራ ሲያደርግ ነበር ተጨማሪ ጊዜ አያስፈልግም መዝገቡ ተዘግቶ በነፃ ይለቀቁ ብለዋል።

ፍርድ ቤት፤

የተጠርጣሪ ጠበቃን አቤቱታ ሰምቶ ፣ መርማሪ ፖሊስ የጠየቀውን ጥያቄ ተመልክቶ ተጨማሪ የጊዜ ቀጠሮ አስፈላጊነው፣ አይደለም የሚለውን ለመወሰን ለሐምሌ 24 ቀጠሮ ሰጥቷል።

በወንጀል ተጠርጣሪ እስክንድር ነጋ

የዛሬው (ሃምሌ 22/2012 ዓ/ም) መዝገብ የተቀጠረበት ጉዳይ ፖሊስ ምርመራ አልጨረስኩም ብሎ ፍርድ ቤትን በማስፈቀዱ የደረሰበትን የምርመራ ደረጃ ለማየት ነበር።

መርማሪ ፖሊስ፤

አሁንም ምስክሮችን እየሰማሁ ነው፤ በአዲስ አበባ ከተማ የደረሰውን ጉዳት የ6 ክፍለ ከተማ ነው የመጣልኝ የሌሎች ክፍለ ከተሞች እየተጣራ በመሆኑ እስካሁን አልደረሰልኝም።
አሁንም የምንይዛቸው አባሪዎች አሉን፣ የኤሌክትሮኒክስ ማስረጃዎችን ለሚመለከታቸው አካላት ልከናል።
አቶ እስክንድር ነጋ በሚያዝበት ጊዜ ላፕቶፕ እንዲሁም ዴስክቶፕ ኮምፒዩተሮቻቸውን ልንይዝ አልቻልንም ይህ አፈላልገን ለመያዝ የጊዜ ቀጠሮ ያስፈልገናል።

የእስክንድር ነጋ ጠበቆች፤