• Skip to primary navigation
  • Skip to content
  • Skip to primary sidebar

Goolgule

Ethiopian News

  • ስለ እኛ/about
  • አስፈንጣሪዎች/links
  • ቤተ መዝገብ/archives
  • አድራሻችን/contact
Header Banner Image
  • Home
    ዋና ገጽ
  • Editorials
    ርዕሰ አንቀጽ
  • News
    ዜና
  • Socio-Political
    ማኅበራዊ-ሽከታ
  • Religion
    ሃይማኖታዊ
  • Interviews
    እናውጋ
  • Law
    የሕግ ያለህ
  • Opinions
    የኔ ሃሳብ
  • Literature
    ጽፈኪን
    • Who is this person
      እኚህ ሰው ማናቸው?
  • Donate
    ለባለድርሻዎች

ኦፌኮ ከለዘብተነት ወደ ነውጠኝነት

January 20, 2020 08:13 am by Editor Leave a Comment

ህግ ያልገዛውን ሀይል ይገዛዋል

ዛሬ ጦርነቱ ግልፅ ሆኗል። ኦፌኮ መንግሥትን ምንም አታመጣም እስኪ የምታደርገውን አይሃለሁ እያለው ነው። ኦቦ መረራ በስተርጅና ዋልታ ረገጥ ሆነው ፈንድተዋል። ሀይማኖት ውስጥ ያሸመቁ መናፍቃን ባደባባይ ፖለቲካውን ተቀላቅለዋል። ነውጠኛው ጃዋር ራሱን እንደ አሜባ አራብቷል። ጦርነቱ የኦርቶዶክስ ተዋህዶ ቤተክርስቲያን ላይ ብቻ ላይ አይደለም ያጠነጠነው የሀገሪቱን መሰረት የመፈነቃቀል ስትራቴጂ ፊት ለፊት አንግቦ እንጂ።

ይህ ሀገር ላይ የተመዘዘ ሰይፍ የቱንም እምነት አይምርም። ሀገር ሳለች ነው እምነት፣ ክብርም፣ ራሱ መኖርም። ማንም ራሱን ካላሞኘ በስተቀር፣ ሁሉም በሰላም በማይኖርባት አገር ውስጥ የብቻዬን የሰላም ደሴት እፈጥራለሁ ሊል የሚቻለው አይደለም። እነሆ ዛሬ አንዳች ስውር፣ አንዳች ያልተገለጠ ምስጢር የለም። ዕቅዱ በገሀድ መተግበር ጀምሯል።

የባንዲራ መቃጠል፣ መረገጥና መዋረድ ሀገሪቱን ሊገጥማት ከሚችለው አደጋ አኳያ እየተስተዋለ ይሰጠው የነበረው አፀፋ እጅግ የለዘበ ነበር። ይህ አስተውሎና ሀላፊነት የተሞላው እሳቤ የነውጠኞችን ልብ ከማሳበጥና የአሸናፊነት ስነልቦናን እንዲጎናፀፉ ከማድረግ በቀር አንዳች ሲፈይድ አልታየም።

ዘለግ ብሎ ላሰበው ይቺ ሰንደቅ የተቀዳችው ከማርያም መቀነት ነው መባሉ የልዩነት ብሎም የመካረር ምክንያት ባልሆነ ነበር። እናታችን ማርያም በሁሉም ሀይማኖቶች ቅድስት ነችና። ቀስተዳመናም ቢሆን ለሁላችን አንድ በሆነው ሰማይ ላይ የሚዘረጋ፣ ላይናችን ትሩፋት፣ ለልባችን ትፍስህት የሆነ የፈጣሪ ድንቅ ጥበብ ነበር። አሁን ማ ይሙት ሰማዩ በቀስተዳመና ጥለት ሲጎናፀፍ ተመልክቶ ሀሴት የማያደርግ ሰብአዊ ፍጡር ለመሆኑ ማን ይሆን?

ጎበዝ ነገሩ ሁሉ እንዳይጥም እንዳይጥም እየሆነ ነው። እስኪ አሁን ይቺ መከረኛ ቤተክርስቲያን ማንን አሳልማ ነው ማንን የነፈገችው? እውን ለብርሀኑ የተዘረጋ መስቀል ለመረራ ታጠፈ? እስኪ አሁን መራራን የትኛው ካህን፣ የትኛው ደብር ነው መስቀል እንዳይሳለሙ ያቀባቸው?

ሰማእቱ አባታች ብፁእ አቡነ ጴጥሮስ “ምነው ኢትዮጵያን ጨከንሽባት፣ ምነው መቀነትሽን ታብቂባባት” አሉ እንጂ የት ጋር ነው ኦሮሚያ የሚል ቃል ካንደበታቸው የወጣው? ከነከሳት መርዝ ልቅመስ በፈጃት እቶን ልንደድላት ያሉት ለእምዬ ኢትዮጵያ እንጂ ለኦሮሚያ ነበርን?

አገር ከፈረሰ፣ እምነት ከተፋለሰ በኋላ ምን ላይ ተቆሞ ነው ዴሞክራሲውስ የሚገነባው፣ ፍትሁስ የሚበየነው? መንግስት ባለበት ሀገረመንግስት ባደባባይ የምፅአት ቀን ሲታወጅ ለማን አቤት ይሏል።

የኦሮሚያ ፖለቲካ የመናፍቃን ዋሻ ሆኗል። የአክራሪዎች ሰይፍ በቅድስት ቤተክርስቲያን ላይ ተመዟል። ሸዋ በራሱ ቤተክርስቲያን ላይ ጦር እንዲሰብቅ ክተት ተብሏል። ክርስቲያን በክርስቲያን ላይ እንዲነሳ ነጋሪት ተጎስሟል። የገብረጉራቻ ህዝብ አባት አያቱ በደም ሳይቀር፣ በነብስ ሳይቀር የተዋጁላትን እምነቱን እንድትዋረድ፣ እንድትመክን የጃዋር አበጋዝ የእርኩሰት መነባንቡን ሲያዝረበርብ ተስተውሏል። ደብረሊባኖስ በፅንፈኞች መዳፍ ስር እንድትወድቅ በፒኮሎው ጃዋር በኩል ቄሮና ቀሬ ክተቱ ተብለዋል። ይህ እየሆነ ያለው ኦፌኮ በሚዘውረው፣ ጃዋር በሚሾፍረው የአክራሪዎች ጎራ ነው።

እዚህ ከተደረሰ ቀጣዩን ለመተንበይ ጠንቋይ መሆን አያስፈልግም። ካህናትን እረዱ፣ ምእመናንን ጨፍጭፉ፣ አብያተ ክርስቲያናትን አቃጥሉ መባሉ ሳይታለም የተፈታ ነው።

እቺ ቤተክርስቲያን ጠላቶቿ ተበራክቷል። ከከፍታዋ ለማውረድ፣ ክብሯን ለመናድ፣ ህልውናዋን ለማጥፋት ረጅም፣ በጣም ረጅም መንገድ ተኬዷል።

መላው የእስልምናም፣ የፕሮቴስታንትም ሆነ የዋቄፌታ አማኞች ከዚች ግፉእ ቤተክርስቲያን ጎን ልትቆሙ ይገባል። የአንዱ መኖር ለሌላው ዋስትና እንጂ ጠር አይደለም። ካንዱ በደል ሌላው ቢያጎል እንጂ አይከስብም።

ቤተክርስቲያንም ብትሆን ምእመኑን ከአመፅ ማቀቧ እንደተጠበቀ ሆኖ፣ ከአመፅ በመለስ ባሉ ማናቸውም ተቃውሞዎች ጎምዘዝ ኮምጨጭ ማለት አለባት። አባቶች የጀመሩትን እስኪጨርሱ ድረስ መዘናጋት የለባቸውም። ስሜት ሲንር ጠብቆ የሚፈነዳ፣ አንዴ ቦግ አንዴ እልም የሚል ሳይሆን ግብ ሳይደርስ የማይቆም ትግል ያስፈልጋል። ፅንፈኞች የሚዘሯቸው መርዞች በህግ አግባብ እየተነቀሱ በሰላማዊ መንገድ ለህግ አስፈፃሚ አካላት እንዲቀርቡ ሊደረግ ይገባል።

የፖለቲካ ድርጅቶችም ከትርምስ ለማትረፍ፣ ጠላትን ለመቀጥቀጥና ሌላ ፅንፍ ለማደራጀት ከመጠቀም ይልቅ መንግስት ላይ ጠንካራ ተፅእኖ በማሳረፍ፣ ለምርጫ ቦርድ የተሰነዱ መረጃዎችን በማቅረብ፣ ጠቅላይ አቃቤ ህግም በነዚህ ወንጀለኞች ላይ ክስ እንዲመሰረት ለማድረግ በዚህና በዚህ መሰል እውነቶች ላይ አንድነት ልትፈጥሩ ይገባል። ለምርጫ ቦርድም እንዲህ አይነት አካሄዶችን በዝምታ ማለፍ ሌሎች ተመሳሳይ ድርጊቶችን ማስከተሉ አይቀርምና፣ አሁን ያልተወሰደ እርምጃ ለወደፊቱ በሚደረጉ ተመሳሳይ ድርጊቶች ላይ ህጋዊ እርምጃ ለመውሰድ የሞራል ልእልናን ያሳጣልና፣ ጠንከር ያለ ህጋዊ እሮምጃ መውሰድ የጊዜው አይታለፍ ጥያቄ ነው።

መንግስት እንደመንግሥት መከበር፣ መታፈር አለበት። መንግሥት እንደ መንግሥት መከበርና መታፈር ካልቻለ የሚዋረደው ህዝብ ነው፣ የሚደፈረው ሀገር ነው። ስለዚህ ለህግ አንገዛም ላለ ሞገደኛ ሀይል ጉልበት አማራጭ ሆኖ ሊገራው ይገባል። ያለችን አንድ ሀገር ናት፣ ልንኮራባትና ልንታበይባት ሲገባን እስከመቼ ተሸማቀንና ተሸምቀን እንኑርባት። እስከመቼ ባበጡ ተረኞች አንገታችን ይሰበር፣ ልባችንስ እንክት ይበል። መረጥንህም አልመረጥንህም ሀገራችን በእጅህ ናትና ትጠብቃት ትታደጋት ዘንድ ግዴታም አደራም አለብህና ኢትዮጲያ ከነውጠኞች ከአክራሪዎች ፍላፃ ጠብቃት። ጉልበት ለጉልበተኞች ግድ ነው። ህግ ያልገዛውን ሀይል ይገዛዋል።

ፈጣሪ ኢትዮጵያን አብዝቶ ይባርክ

Wondemagegnehu Addis


“ጎልጉል፡ የድረገጽ ጋዜጣ የሕዝብ” እንደመሆኑ በ“የኔ ሃሳብ (Opinion)” ዓምድ ሥር የድርጅቶችና የማንኛውም ግለሰብ ነጻ ሃሳብ የሚስተናገድ ሲሆን ከአንባቢያን የሚላኩልን ጽሁፎች በጋዜጣው የአርትዖት (ኤዲቶሪያል) መመሪያ መሠረት ያለ መድልዖ በዚህ ዓምድ ሥር ይታተማሉ። ይህ በጎልጉል የድረገጽ ጋዜጣ በ“የኔ ሃሳብ (Opinion)” ዓምድ የታተመ ጽሁፍ የጎልጉል የድረገጽ ጋዜጣ™ አቋም ሳይሆን የጸሃፊው ነው።

Filed Under: Opinions, Social Tagged With: hailemichael, jawar massacre, ofc, Right Column - Primary Sidebar

Reader Interactions

Leave a Reply Cancel reply

Your email address will not be published. Required fields are marked *

Primary Sidebar

Recent Posts

  • የቴሌኮም ጌትዌይ፣ የዳታ ሉዓላዊነትና ብሔራዊ ደህንነት – የዌብስፕሪክስ ጉዳይ ከባለቤትነት ክርክር በላይ ነው! November 17, 2026 11:54 pm
  • “የጫካ ቱጃሮች!”— የፋኖ አመራሮች ስለተሰማሩበት የገንዘብ ዝርፊያ አስደንጋጭ መረጃ November 17, 2026 05:43 pm
  • በየወሩ 4 ሚሊዮን ብር እየተከፈለው ሀገር ሲያፈርስ የነበረው ሪፖርተር November 16, 2026 01:17 am
  • ሻርኮቹ ከውጭ እስከ ሀገር ውስጥ ያደሩት ድር፣ ዌብስፕሪክስን (WebSprix) የመጠቅለሉ ድራማና ብሔራዊ ስጋት November 14, 2026 12:42 am
  • የመለስ ዜናዊን ጭንብል የገፈፈው የትህነግ ሚዲያ (EMF) ምስክርነት November 13, 2026 03:32 pm
  • ትህነግ በወታደራዊና በፖለቲካዊ መስክ እንደሞተ ሁሉ በሪፖርተር በኩል የሚዲያ ግብዓተ መሬቱ ተፈጽሟል November 13, 2026 01:13 am
  • በከባድ ታክስ ማጭበርበር የሚፈለጉት አቶ አበባው ደስታ፣ አማራጭ የቴሌኮም ጌትዌይ ፕሮጀክትን ሊጠቀልሉ ነው November 12, 2026 03:50 am
  • “ፋኖ ወደ ኦሮሚያ ገብቶ ሕዝብ እየገደለ ነው” የኦነግ ሸኔ (OLF/OLA) ተወካይ ጃል ጅረኛ November 10, 2026 05:12 pm
  • ከትህነግ የተማረኩና ከውጭ ሀገራት የገቡ ዘመናዊ የጦር መሣሪያዎች በቃሊቲ ለእይታ ቀረቡ November 6, 2026 03:36 pm
  • የመንግሥት ኃላፊዎች ወደ ሁርሶ የተወሰዱበት ምሥጢር November 5, 2026 12:43 pm
  • መንግሥት ሰማ፤ ሪፖርተር ተዘጋ፤ ግን ለምን? ምሥጢሩ ምንድነው? November 3, 2026 12:09 am
  • ኢትዮጵያ በሰማይ ላይ ነዳጅ የሚሞሉ የኢሉሺን (Il-78) አውሮፕላኖችን ከሩሲያ ልትገዛ ነው October 30, 2026 08:57 am
  • ካይሮ ያጣችውን የሩሲያ ጄቶች አዲስ አበባ የታጠቀችበት ምሥጢር October 29, 2026 10:26 am
  • ኢትዮጵያ ሱ-35 ተዋጊ ጄቶች እና የኤስ-400 ዘመናዊ የአየር መከላከያ ስርአት በመታጠቅ ከሰሃራ በታች ብቸኛዋ ሀገር ሆናለች October 28, 2026 11:00 am
  • ሻዕቢያ ኢትዮጵያን በ“ካሚካዜ” ድሮኖች ለመምታትና በዘር ግጭት ለማፍረስ ሰፊ ዝግጅት እያደረገ መሆኑ ተሰማ October 27, 2026 11:14 pm
  • ጆን መዲድ “ቀዝኖ እና ልብሱ ተበላሽቶ” ነው መከላከያ የማረከው October 27, 2026 08:41 pm
  • በጆን መዲድ መማረክ አደረጃጀቱ እየተፈረካከሰ በመሆኑ እነ ወዲ እምበይተይ፣ ምግበይ፣ ቀጣዮች ሊሆኑ ይችላሉ October 27, 2026 09:17 am
  • ከታክስ ስወራ እስከ ሐሰተኛ ጋብቻ፦ በኢትዮጵያ የታጠቁ ቡድኖች ደጋፊ ዳያስፖራዎችን ለማደን የተዘረጋው አዲሱ የአሜሪካ መረብ October 21, 2026 09:26 am
  • ኔታንያሁ የሶማሊላንድን ሉዓላዊነት ያረጋገጠ አዲስ ቀጣናዊ ካርታ ይፋ አደረጉ October 20, 2026 03:20 pm
  • ትውልደ ሶማሊያዊቷ ናፊሳ በተዘቀዘቀ የአሜሪካ ሠንደቅ ፊት በሶማሊኛ ምርጫ ቅስቀሳ ማድረጓ ቁጣ ቀሰቀሰ October 20, 2026 09:21 am
  • በአሜሪካ የሚገኙ የታጠቁ ቡድኖች ደጋፊዎች ላይ የተደቀነው አዲስ ስጋት October 19, 2026 08:58 pm
  • ዜግነት ሊያሰርዝ በሚችለው የኢልሃን ዑመር ምርመራ ላይ አዳዲስ መረጃ ተገኝቷል October 19, 2026 04:45 pm
  • በትግራይ የሚገኙ የሚዲያ ተቋማት ስም በአስቸኳይ ሊቀየር ይገባል! October 19, 2026 02:55 am
  • በትግራይ ሕዝብ ደም የሚደረገው የሥልጣን ቁማር ያብቃ! October 14, 2026 11:04 pm
Copyright © 2026 · Goolgule