አመጹ ከካምፕ ወደ ካምፕ እየተዛመተ ነው
በተባበሩት መንግስታት የስደተኞች ኮሚሽን ተመዝግበው በትግራይ-ኤርትራ ድንበር ዳርቻ በስደት ማቆያ ካምፕ ውስጥ የሚገኙ የኤርትራ ተወላጅ ስደተኞችና በኢህአዴግ መካከል የተፈተረው አለመግባባት ተካሯል። የሰው ህይወት ማለፉና ነጻ እንቅስቃሴ መከልከሉ ተሰምቷል፤ እስካሁን ስድስት ሞተዋል፤ ቁጥራቸው በውል የማይታወቅ በርካታዎች ቆስለዋል።
ለጉዳዩ ቅርበት ያላቸውና በአውሮፓ ተቀምጠው ጉዳዩን የሚከታተሉ የጎልጉል ምንጮች እንዳሉት ኦክቶበር 5 ቀን 2013 ምሽት ላይ በትግራይ ማይ ዓይኒ ወረዳ በሚገኝ የስደተኞች ካምፕ የተቀሰቀሰው ረብሻና ተቃውሞ ወደ ሌሎች ካምፖችም ተዛምቷል። በተለይም በትላንትናው እለት ሽሬ አካባቢ በሚገኘው አድ ሃሪሽ ካምፕ የተነሳው ተቃውሞ ጋብ ሊል የቻለው ኢህአዴግ ሃይል በመጠቀሙ እንደሆነ ተመልክቷል። በዚህም የሃይል ርምጃ የቆሰሉ በርካታዎች እንዳሉ ተመልክቷል።
በአካባቢው ነዋሪዎችና ገለልተኛ ታዛቢዎች ባለመኖራቸው ጉዳዩ ይፋ ባይወጣም የተፈጠረው አለመግባባት በሁሉም የስደተኛ ካምፖች እንዳይቀጣጠል ከፍተኛ ስጋት አለ። የዜናው ምንጮች እንደሚሉት ኢህአዴግ ልዩ ክትትል በማድረግ በአካባቢው የነበረውን ነጻ እንቅስቃሴ ዘግቷል። ቁጥጥሩንም አጥብቋል። አሁን የተጀመረው ተቃውሞና ረብሻ ስደተኛ መስለው ካምፕ በተቀላቀሉ የሻዕቢያ ሰላዮች የሚቀነባበር እንጂ ሻዕቢያ ያማረራቸው የሚፈጽሙት እንዳልሆነ ኢህአዴግ በስፍራው ባሉ አመራሮቹ እየተናገረ ነው።
ይህ በእንዲህ እንዳለ በሱዳን የስደተኞች ካምፕ የሚኖሩ 30 ሺህ የሚጠጉ የኤርትራ ስደተኞች የስራ ፈቃድ እንዲሰጣቸው ከውሳኔ መደረሱ ተሰምቷል። በዓለም ዓቀፉ የስደተኞች ተቋምና በሱዳን መንግሰት መካካል በተደረገ ሰፊ ድርድር ስደተኞቹ ፈቃድ ለማግኘት የሚችሉበት አግባብ ላይ ተደርሷል። በቅርቡ በውሃ ላይ በደረሰ አደጋ ህይወታቸውን በሚያሳዝን መልኩ ያጡትን ዜጎች ተከትሎ በስደት ጣቢያዎች ለረዥም ጊዜያት የተቀመጡ የኤርትራ ስደተኞች ስራ የሚሰሩበትና ጉዳያቸው ባጭር ጊዜ የሚታይበት አግባብ ሊኖር እንደሚገባ እየተጠቆመ ነው። ከስደተኞቹ ወገንም ይህ ጥያቄ በተደጋጋሚ እየቀረበ ነው።
የሻዕቢያን አገዛዝ በመሸሽ ኤርትራን የሚለቁ ዜጎች በየጊዜው መበራከታቸው ያሳሰበው የኤርትራ መንግስት ለዜጎቹ መሰደድ የሲአይኤና የኢህአዴግ እጅ አለበት በማለት በተደጋጋሚ ክስ ማቅረቡ አይዘነጋም። ከኤርትራ በኩል እንዲህ ቢባልም ኢህአዴግ በቀጥታ ጉዳዩን አያስተባብልም። ይልቁኑም ኢህአዴግ ራሱን ከሻዕቢያ የሚሻል የዲሞክራሲ አባት አድርጎ ስለ ኤርትራ ተወላጆች መብትና ጥቅም ተካራካሪ አድርጎ ነው የሚስለው። ቀደም ሲል የረብሻውን መቀስቀስ አስመልክተን በፌስቡክ ገጻችን ባሰፈርነው ዘገባ የቆሰሉት አራት ስደተኞች ሲሆኑ ህክምና ቢደረግላቸውንም ሊተርፉ አለመቻላቸው ተጠቁሟል። ዜናውን ያቀበሉን ክፍሎች እንዳሉት ስደተኞቹ በወያኔ ደህንነቶችና ሰላዮች አንተዳደርም በማለት ያነሱት ጥያቄ መልኩ ሳይቀይር የዓለምአቀፉ የስደተኞች ኮሚሽን ጣልቃ መግባት እንዳለበት ያሳስባሉ:።
ቀደም ሲል የተነሳውን ረብሻ አስመልክቶ የሚከተለውን ዜና ጽፈን ነበር። እስካሁን ድረስ ከሻዕቢያም ሆነ ከኢህአዴግ ስለደረሰው ችግር የተሰጠ አንዳችም ፍንጭ የለም። (Photo: JRS)
የኤርትራ ስደተኞች በትግራይ ተቃውሞ አነሱ
“በኢትዮጵያ ደህንነቶች አንተዳደርም”
የሻዕቢያን አገዛዝ በመሸሽ ወደ ኢትዮጵያ የተሰደዱ የኤርትራ ተወላጆች “በኢትዮጵያ ደህንነቶች ስር አንተዳደርም” በሚል የተቃውሞ ድምጻቸውን በማሰማታቸው ግጭት መነሳቱ ተሰማ። የስደተኛ ካምፑ አስተዳደሮች “ሻዕቢያ ያሰረጋቸው ሰላዮች እንጂ እውነተኛ ስደተኞች ይህንን ጥያቄ አያነሱም” ማለታቸውን ከስፍራው ከነበሩ ለመረዳት ተችሏል።
ኦክቶበር 5 ቀን 2013 ማምሻውን በትግራይ ማይኒ ወረዳ “ማይ ዓይኒ የስደተኞች መጠለያ ጣቢያ ውስጥ የተቀሰቀሰው ረብሻ ሲነሳ ስደተኞቹ ያሰሙት ቅሬታ “በወታደሮች አንተዳደርም፣ የካምፑ ሰራተኞች በሙሉ ኢትዮጵያዊ ናቸው፣ የደህንነት ሰራተኞች ሊያስተዳድሩን አይገባም …” የሚሉ ሲሆኑ የጥያቄያቸው መደምደሚያ “በስደተኞች ድርጅት (UNHCR) ሰራተኞች እንተዳደር” የሚል ነው።
በተጠቀሰው ቀን ምሽት በጣሊያን ውሃ ላይ ሰጥመው ለሞቱ የኤርትራ ተወላጆች የሃዘን ስሜት ለማንጸባረቅ በተዘጋጀ የሻማ ማብራት ስነ ስርዓት ላይ ረብሻው እንደተነሳ የገለጹት የስፍራው የጎልጉል ምንጭ፣ ረብሻውን ተከትሎ ድንጋይና የተለያዩ ቁስቁሶች መወርወራቸውን አመልክተዋል።
ረብሻውን ለማስቆም ታጣቂ የወታደሮች ተኩስ መክፈታቸውን የገለጹት ክፍሎች አራት ስደተኞች መቁሰላቸውን ተናግረዋል። ረብሻው እስኪነጋ ድረስ መቀጠሉንም ጠቁመዋል። ይህ ዜና እስከተጠናከረበት ጊዜ ድረስ ረብሻው ስለመቆሙ የተባለ ነገር የለም።
የዜናው ምንጮች በካምፑ አስተዳደሮች በኩል ስለሚሰጠው ምላሽ ተጠይቀው “ሻዕቢያን አምልጠው ስደት ካምፕ በሰላም የደረሱ ስደተኞች በምንም መልኩ ተቃውሞ ሊያነሱ አይችሉም። ስደተኛ መስለው የተቀላቀሉ የሻዕቢያ የደህንነት ሰራቶች ናቸው ይህንን የሚያደርጉት” ሲሉ መስማታቸውን ተናግረዋል።
ከተባበሩት የስደተኞች ኮሚሽን በስደተኞች ስም የሚገባው ከፍተኛ ገንዘብ ይዘረፋል በሚል ውስጥ ውስጡን ቅሬታ እንደሚደመጥ የጠቆሙት እነዚህ ክፍሎች፣ ገንዘብን አስመልክቶ ስደተኞች ከሚያሰሙት ቅሬታ በላይ በሙስና ለተጨማለቀው ኢህአዴግ ለስደተኞች የሚላከው ገንዘብ መጠን እንዳሳሰበው ያስረዳሉ።
ስደተኞቹ የባንክ አገልግሎት ተጠቃሚ በመሆናቸው ከተለያዩ አቅጣጫዎች የሚረዱዋቸው ወገኖቻቸው በባንክ የሚልኩላቸው ገንዘብ መብዛቱ ኢህአዴግን እንዳስጨነቀው ስለ አሰራሩ የሚያውቁ ክፍሎች አስረድተዋል። ከፍተኛ መጠን ያለው ብር ወደ ስደት ካምፖች የሚላከው “በትክክል ከዘመድ አዝማድ ወይስ ከሌላ?” የሚለውን ኢህአዴግ ማጥናት ከጀመረ መቆየቱን አመልክተዋል።
በማይ ዓይኒ ካምፕ ብቻ ከ4000 በላይ ስደተኞች እንደሚገኙ የሚገልጹት ምንጮች አብዛኞቹ የአስተዳደር ሰራተኞች የኤርትራ ዜግነት ያላቸው የኢህአዴግ ወዳጆች እንደሆኑ ቢገለጽም ስደተኞቹ ሊቀበሉት አልቻሉም። ተነሳ የተባለው ረብሻ በኢህአዴግና በሻዕቢያ መካከል ያለው ውጥረት በተካረረበት ወቅት መሆኑ ጉዳዩን እንዳያወሳስበው ስጋት አለ። አስተያየት ሰጪዎች አንደሚሉት ስደተኞቹ ኢትዮጵያ ምድር ቢገኙም የሚተዳደሩት በዓለም የስደተኞች ድርጅት ስር በመሆኑ ያለመሰለል መብታቸው የተጠበቀ ነው። እንደተባለው እየተሰለሉ ከሆነ አግባብ አይደለም ድርጊቱን ድርጅቱ ራሱ ያወግዘዋል ብለዋል።
በሌላ በኩል ግን የስደት ከለላ የሰጠችውን አገር ደህንነት በሚፈታተን መልኩ መንቀሳቀስ ሌላው ትልቁ የህግ ጥሰትይሆናል ሲሉ ተናግረዋል። ዜናውን አስመልክቶ ከኢህአዴግ ወገን እስካሁን የተባለ ነገር የለም። በኢትዮጵያ በተለያዩ የስደተኞች ካምፕና በአዲስ አበባ በመቶ ሺህ የሚቆጠሩ የኤርትራ ተወላጆች መኖራቸው ይታወቃል።
ማሳሰቢያ፤ በተለይ በስም ወይም በድርጅት ስም እስካልተጠቀሰ ድረስ በጎልጉል የድረገጽ ጋዜጣ® ላይ የሚወጡት ጽሁፎች በሙሉ የጎልጉል የድረገጽ ጋዜጣ®ንብረት ናቸው፡፡ ይህንን ጽሁፍ ለመጠቀም የሚፈልጉ ሁሉ የዚህን ጽሁፍ አስፈንጣሪ (link) ወይም የድረገጻችንን አድራሻ (https://www.goolgule.com/) አብረው መለጠፍ ከጋዜጠኛነት የሚጠበቅና ህጋዊ አሠራር መሆኑን ልናሳስብ እንወዳለን፡፡
“ትናንት ያስገነጠሏቸው ባህር ጨመሯቸው! አትገንጠሉ ብለን የተዋጋናቸው ዛሬም መጠለያ ከለላ ሆንናቸው!”በለው!
**ኤርትራ ኢትዮጵያዊነት በግድ ተጭኖብኛል፣ በአማራ ቅኝ ግዛት ሥር ሆኛለሁ፣ ጣሊያን ፓስታ በሹካ መብላትእና እንግሊዝ አፍራሽ ታሪክ አስታጥቆናል ነጭ በመፈራራቅ የገዙን ይበቃናል ብለው፣ አማራው አትገንጠሉ ሲል ህወአት፣ ኦነግ፣ አብንግ፣ የውጭ አሽቃባጭ አረብና ባርያ አሳዳሪዎቻቸው እየጎተጎቱ መና ከሰማይ ይወርዳል! ቀይ ባሕር ወርቅ ይታፈሳል! አሰብ ላይ ስንዴ ይመረታል! አስመራ ትንሿ ኒው ዮርክ ትሆናለች! ዳህላክ ..ላስቬጋስ ይሆናል! ሱማሊያ አምሽታችሁ… ጅቡቲ ታድራላችሁ… የመን የእናንተ ነው። ተገንጠሉ ሲሉ አቀዣበሯቸው። ያ. ሁሉ ጅግና የድሃ ልጅ እንደቅጠል እረገፈ..ፖለቲከኖችና ሆድአደር ምሁራን ገንዘብ ሰሩ፣ ልጆቻቸውን አሸሹ፣ገንዘብ ጭነው ጠፉ።
*ዓለም በትዝብት ተሳለቀ…ታዋቂው ምሁሩ ሊቁ አቶ መልስ ዜናዊ ዕውቅናን አተረፉበት።የአክስታቸውን ልጅ ሥልጣንን ጠቅልሎ እንዳያበራቸው ሲሉ ቶሎ የመገንጠል እውቅና ሰጡ፣ ገንዘብ ለውጠው አስጊዎቻቸውን ሻቢያ በሌሊት ልብሳቸው እያስለቀሱ በአውቶቡስ እየጫኑ በረሃ ላይ ጣሏቸው። የፈረደበት አማራም ሳይቸግረው አትገንጠሉ ብሎ ሰንደቅ ዳርድንበር አንድነት ሲል ለራሱ ህዝብ አንዲትም ነገር ሳይሰራ ሞቶ ለትውልዱ ሁሉ ጠላት ሆነ! **ህወአት የሻቢያን ውለታ እረሳው ጭራሽም አሸባሪ የቀጠናው አተራማሽ አለው፤ባህሉንና ቋንቋን ሰበረና መብቱን ነፍጎ ጭረሽ ለሰላምና ለመገንጠልህ የሞተልህ የሚሞትልህ ህወአት/ወያኔ ነው በማለት የሁለቱም ዘር ያላቸው ባሕሪና ሥማቸውን የሚቀያይሩት ድንበር ተሻጋሪ ‘የሻቢያ ህወአት’ ልጆች መሳለቅ ጀመሩ “ሌባ አብሮ ሲሰርቅ እንጂ ሲካፈል አደጋ አለው” አንዱ አንዱን ለመጣል ለማጥፋት ፸ሺህ ወጣት በስምምነት ወስደው ባድሜ ላይ ፈጁ ሁለቱም አሸባሪ ኀይላት ተቀናቃኝ ትውልድን አጥፍተው ሥልጣናቸውን የዕድሜ ልክ ከትውልድ ትውልድ የሚተካካ በማለት በነጮች እየተወደሱ መሬትና ህዝብ በመሸጥ ከበሩ። ሆኖም በግራና ቀኝ የጥፋት ኀይሎችን እያሰለጠኑ አካባቢው ጭር እንዳይል ረብሻ እየፈጠሩ እራሳቸው ሰላም አስከባሪ እየሆኑ በድሃ ልጅ ነፍስ ቁማርን ተያያዙት” እና ሞቱ ጠ/ሚኒ የኤርትራ ልጆች በወር ቢያንስ ፪፻ ወደ ኢትዮጵያ ይገባሉ ይሉ ነበር። ለመሆኑ እንዴት ኤርትራውያን ኢትዮጵያ ገብተው አላለቁም? ? ችግሩ በኤርትራውያን ሥም ትግራውያን በስደተኝነት ፎርም ሀገር ጥለው እንዲጠፉ እየተደረገ ነው። ህወአትና ሻቢያ ሀገር ተቆጣጥሮ ሠላም ሰፍኖ፣ ነፃነት ተጎናፅፈው፣ እንዴት? ለምን?ሀገሩን ጥሎ በበረሃ ይሞታል? በባሕር የአዞ እራት ይሆናል? ሰውንት አካሉን ወንበዴ እያወጣ ይሸጠዋል?ምን አልባት ግፍ ያመጣው ቅጣት ይሆን? ለምን ይዋሻል? ለምን?
***ኤርትራውያን ከኢትዮጵያ ቅኝ ግዛት ነፃ ከወጡ በኋላ ትግራይ ከኤርትራ ነፃ ከወጣች በኋላ ብዙዎች የተቃዋሚ ፓርቲ በወያኔ አስተማሪነት ተመርቀዋል፣ ብዙዎች ያላገኙትን የዪኒቨርስቲ የነፃ ትምህርት ይሰጣቸዋል ትግራይና ኤርትራውያን አልተለዩም፣ ባለሀብትና ባለንብረት ሆነዋል፣ንግዱን ያጧጡፋሉ፣ ሙሉውን የሀገሪቱን ደህንነትና ኢኮኖሚም ተፈቅዶላቸዋል። “ከሞኝ ወፈር ሞፈር ይቆረጣል ነው ነገሩ” ሁሉም አሸባሪ ወንበዴ ናቸው።
**ኦሮሞው ኮ/ል መንግስቱ ኀይለማርያም ” ኤርትራውያን ከአማራው በበለጠ ጭነት ማመላለሻ መኪና፣የነዳጅ መሸጫ፣ምግብ ቤቱንና ንግዱን ይዘዋል ችግራቸው ምንድነው? ” ብለው ነበር ።ልክ እንደ አሁኑ ‘ኦነግ’ ክርስቲያንና ሙስሊም ሆኖ በመተወን የሚያደርገው “የቁራ ጩኸት”እና ” የአዞ ዕንባ” መሆኑ ነው። ይህ ሀገር የማጥፋት ሕዝብ የመገንጠል አባዜ የባዕዳን ተላላኪነት የነበረ አለ የሚቀጥል ነው። ለመሆኑ ዶ/ር ደብረፂዮን ገብረሚካኤል በደህንነት ኀላፊና ጠቅላይ ሚኒስትር ሲሆኑ ዶ/ር ቴዎድሮስ አድሃኖም የውጭ ጉዳይና የኢኮኖሚ ሚ/ር ሆነው ህወአት (ኢፈርትን ይዘውሩ የለምን) በረከት ስምኦን የሀገር ውስጥ ደህንነት የጠ/ሚኒስትሩ የፖለቲካ አመራር ፣ስብሃት ነጋ የህወአት ቃል አቀባይና የኤርትራ ጉዳይ ኀላፊ አደሉምን? ?
***ታዲያ ኤርትራ ወዴት ነው የተገነጠለችው ?በማይኒ ካምፕ ብቻ ከ፵፻ በላይ ስደተኞች ;በአዲስ አበባ ፻ሺህ የሚቆጠሩ የኤርትራ ተወላጆች መኖራቸው ይታወቃል።ሥማቸውን በአማራና በኦሮሞ ሥም ከቀየሩ እንደ ተስፋዬ ገብረ እባብ በሚስጥር በፖለቲካ ሥራ ከተሠማሩት፣ ከኦሮሞ በላይ ኦሮሞነትን የሚያንቆለጳጵሱ ጆሌ ብሸፍቱ !ዶ/ር መራራ ጉዲናን፣አቶ ቡልቻ ደመቅሳን፣ ዶ/ር ነጋሱ ጊዳዳን ኦሮሞነት የሚያንቃሽሹ የሚያጥላሉ ፣የአቶ ገብረመድሕን አርዓያን ትግሬነት የሚያሳንሱ ፣ በዝምድና በአበልጅ ጆሮ ጠቢ ሆነው በሀገር ውስጥም ከሀገር ውጭም ወሬ የሚለቅሙ አውቆ አበዶች፣ አንዳንዴም ኦሮሞ ተመሳሳይ የቁም ሞት እንዲሞት ኤርትራውያን በገቡበት ገደል ለመጨመር ተራራ ጫፍ ውጣ! ግፋ ጨፍጭፈው !የሚሉ የፖለቲካ በታኝ “የሙስሊም ኦሮሞ የሜንጫ አብዮተኖችም” ህዝብና ሀገር የሚጀውሩ የተፈጠሩትና የሚበረታቱት አንድ የነጭ የሚሽነሪ መፅሃፍ አያነበቡ፣ አፈ ታሪክንና ልብወለድን እንደእውነተኛታሪክ እየሰበኩ፣ በፉርኖ ዱቄት የተታለሉ፣ ደረቅ የወተት ዱቄት የቃሙ፣ አሁን ኢትዮጵያን ከሚመሩት ኤርትራውያንም ውጭ እልፍ አዕላፍ ናቸው ።ድሃው ኤርትራዊና ኢትዮጵያዊ ወጣት አዞ በላው !ዕድሜ ልክ መለመኛ መሳቀያ ሆነ!ተላገጡበት፣ ሰለቡት፣ አመከኑት!!
****ኦክቶበር ፭ቀን ፳፲፫ ማምሻውን በትግራይ ማይኒ ቀበሌ «ማይኒ የስደተኞች መጠለያ ጣቢያ ውስጥ የተቀሰቀሰው ረብሻ ሲነሳ ስደተኞቹ ያሰሙት ቅሬታ» በወታደሮች አንተዳደርም፣ «የካምፑ ሰራተኞች በሙሉ ኢትዮጵያዊ ናቸው፣ የደህንነት ሰራተኞች ሊያስተዳድሩን አይገባም… »የሚሉ ሲሆኑ የጥያቄያቸው መደምደሚያ «በስደተኞች ድርጅት ዩ.ኤን.ኤስ.አር ሰራተኞች እንተዳደር» የሚል ነው።”
– አዎን፣ ጌታ በባሪያው አይተዳዳርም ማለታቸው ይሆናል። ይህ የሻቢያና የህወአት መናናቅ “ከባለቤቱ ያወቀ ቡዳ ነው ተዋቸው ይዋጣላቸው በለው!!
*****”ስደተኞቹ ኢትዮጵያ ምድር ቢገኙም የሚተዳደሩት በዓለም የስደተኞች ድርጅት ስር በመሆኑ ያለመሰለል መብታቸው የተጠበቀ ነው”። ለመሆኑ ለሌላው ፹፭ ሚሊየን ኢትዮጵያዊ የቁም እስረኛ የሀገሩ ባዕድ ዜጋ ማን ይቁምለት?
**ኢትዮጵያውያን በገዛ በሀገራቸው መናገር ፣መፃፍ፣ መሰብሰብ፣ ሠላማዊ ሠልፍ ለማድረግ፣ ፓርቲ ለማቃቋም፣ ለመንቀሳቀስ፣ንብረት ለማፍራትና በሀገሪቱ ተዘዋውረው ለመኖር፤ ሕዝብ ለመቀስቀስ ገዢው ፓርቲ መርጦ በሰጣቸው የተወሰነ ቦታና ክልል ብቻ እንደሆነ ኤርትራዊው ጠ/ሚር ዶ/ር ደብረፂዮን ገብረሚካኤል ቃል አቀባይ አቶ ኀይለመለስ ደስአለኝ ዜናው በከባድ ማስጠንቀቂያ በዚሁ ሳምንት ‘ድምፃችን ይሰማ!’ ሲሉ ደንፍተዋል። ታዲያ በሀገራችን ከሚኖሩ ኤርትራውያን ስደተኞች መብት ያነሰ መብት ኢትዮጵያውያን ካለን በእርግጥም አቶ መልስ ምሁር ኤርትራዊ ነበሩ። ለዚህ አደለም አህታቸው ጠላ ሻጭ ወንድማቸው ጢቢኛ ሻጥ ሆነው ሟቹ መለስ ሀገር የሚሸጡት በአንድ ወቅት ሲያብራሩ ” ሀገር ማለት፦” ለእኔ ወንዙ ተራራው ሸንተረሩ አደለም ሕዝብ ነው”ብለው ነበር። ሕገመንግስቱ የሚለው “እኛ የብሔር ብሔረሰቦች እና ሕዝቦች” ይላል ግን እነዚህ ሕዝቦች እንደዓሳ በባህር እንደአዕዋፍ በዛፍ ላይ ይኖራሉ ማለት ነውን? ሀገር ባሕር ፣ወንዝ ፣ሸንተረር ፣ተራራ የለውም ማለት ነው? ሕዝቦች ሲሉ የአካባቢው ሰዎች የእኛ ናቸው በማለት ንብረታችን ንብረታቸው የሚል ጋብቻ ማለት ነው? ሕገመንግስቱ ሀገር ሉዓላዊነት አያወራም! ሰንደቁ የሚያስተዳድረውን ሕዝብና ሀገር ዳርድንበር አይገልፅም! የፓርቲ አርማ የታጋይ ምልክት አለው። ሕገመንግስቱም”የፓርቲ ማኒፌስቶ” እንጂ የሕዝብ አደለም! አይሆንም! ስለዚህ የተገነጠለ ሀገር የለም። በፈለገው ግዜ ሊጨፍርብህ ይችላል ለዚህም አላማጣ ወልቃይትና ሁመራ የትግራይ ሆኖ ትግራይ ከሱዳን ተዋሳኝ ሀገር ሆና በደረቅ ወደብ እንዲገናኝና መብራት ሰጥቶ ነዳጅ በመቅዳት እንዱስትሪ መር ታላቋ ትግራይ ትመሠረታለች የሚል ትራንስፎርሜሽን በመለስ እንደተቀየሰ ታጋይ አዜብ ከራዕይ የውርስ ደብዳቤአቸው ላይ ገልፀዋል ። ብሔር ብሔረሰብ በጭፋሮ ኦሮሞም በአማራና በአማርኛ ላይ ብቻ በጽንፈኝነት በቁሙ ሲቃዥ በ፻ዓት የተረሳ ፖለቲካ በእየአዳራሹና ቡና ቤቱ ሲፎልል፣ ሰያጨበጭብ፣ ቀለጠ በለው!።
ግን ዕድሜ ለህወአት የፕሬዘዳንት ሥልጣንና ኅይል ደግሞ ተጎናፅፏል…መሬት ከአማራው ነጥቆ ለቻይና፣ለ ሕንድ፣ለቱርክና ለዓረብ በመሸጡ ፈንድቋል። ፅንፈኛና አሸባሪያንን በማሰልጠንና በማንቃት በዓለም ዙሪያ ሲሰብክ ይታያል። በሰላምና በፍቅር በስደት በትግራይ ክልል የሚኖሩ ኤርትራውያን ቤታቸው ነው ወገኖቻቸው ሞተውበታል፤ እንደተባለው እየተሰለሉ ከሆነ አግባብ አይደለም ድርጊቱን የስደተኞች ማሰባሰቢያው ያወግዘዋል ብለዋል።
** በሌላ በኩል ግን “የስደት ከለላ የሰጠችውን አገር ደህንነት በሚፈታተን መልኩ መንቀሳቀስ ሌላው ትልቁ የህግ ጥሰት ይሆናል: የሚለው ማ? ማንን ያዛል? ኤርትራውያን ስደተኞች በኢትዮጵያ ያላቸው ነፃነትና መብት ዜግነት አለን ብለው ተከልለው ከሚጨፍሩት ብሄር ብሔረሰቦች የበለጠ ነው ሊኮሩበት ይገባል።ኢትዮጵያዊነትና የኢትዮጵያውያን እንግዳ አቀባበልና ክብር ከማናቸውም ዓረብና ነጭ አማላይ፣ ሰባኪ ቅን ገዢዎቻቸው በበለጠ የሚያኮራ መሆኑን ይወቁት ሻቢያ ፈልፍሎ ለላከብን ባንዳዎች ለህወአት፣ኦነግ ፣ኦብነግ እና ሌሎችም ከዚህ ውድቀት ተምረው የተሻለውን መንግድ ቢይዙ በህዝባቸው በብሔራቸው በትውልድ ባያላግጡና ባያመክኑት ይሻላል። አድርባይነትና የምሁር ድንቁርናን ባያስፋፉ ይሻላል በለው !!
“ታፍራና ተከብራ የኖረች ኢትዮጵያ ለዘለዓላም ትኑር! በቸር ይግጠመን ከሀገረ ካናዳ!>>
b%^&* tutti governi
አረ… በናተህ ቀስ በል ይህ ሁሉ ለምንድነው ማን ምን አደረገህ ለተከሰቱት ሁሉም እነዲሁም ለሚከሰቱትም ጭምር መንግስት ብቻ ሳይሆን ህዝቡም እኮ ተጠያቂ ነው። ምነው ለመጣው… ከመጣው ሁሉ እያጨበጨብን…
ከሁሉ በፊት በዚህ ዘግናኝ በሆነ አደጋ (የግፍ አገዛዝን እንሸሻለን ብለው) ለተሰዉ ኤርትራውያን ወንድሞቻችንና እህቶቻችን እግዚአብሄር ነፍሳቸውን እንዲምራቸው እጸልያለሁ።
በጣም አሳዛኝ አደጋ ነው የደረሰው።
ሌላው የሚያሳዝነኝ ደግሞ ፤ መላው አለም የተሰማውን ከፍተኛ ድንጋጤና ሀዘን በስፋት እየገለጸ ባለበት ወቅት፡ እኛ ኢትዮጵያውያን፡ የቀድሞ ዜጎቻችን (ወይም እንደ አንዳንዶቻችን እምነት ከሆነ አሁን ኢትዮጵያዊ የምንላቸው ሰዎች) መጎሳት ብዙ ማለትና መቖጨት ሲገባን፡ ሀዘን መቀመጥ ሲገባን፡ ቤተሰቦቻቸውንና ዘመዶቻቸውን ማጽናናት፡ ለቅሶ መድረስ ወ መቀመጥ ሲገባን፡ ዝም ማለታችን ነው።
ማንም ምንም ሲል አልሰማሁም አላየሁም። በምትኩ የሚጻፈው ወቅታዊ ያልሆነ ከላይ የተጻፈውን የሚመስሉ አስተያየቶችን ነው።
እግዜር ይጠብቅን!
እኔ የሚገርመኝ ኤርትራን በሚመለከት የሚቀርቡ ኣስተያየቶች የሚያሳዘን ነዉ እዚህ ላይ መታወቅ የሚገባዉ ኤርትራን ነጻ የወጣችዉ በልጆችዋ ነዉ ደርግን የመሰለ ፋሽሽት መንግስትን ከዚህ ምድር ያጠፋ ህዝበ የኤርትራ ህዝብ ነዉ ከ 300,000 በላይ የደርግ ሰራዊት ያለቀበት ነጻነታችንን አትንኩ፥አጋኖ ማዉራት,የሌለ ነገር ማዉራት,ትንሽ ጫፍ ይዞ መናገር የአብዛኛዉ ኢትዬጵያዊ ባህሪ በመሆኑ አይደንቀንም
እባካችሁ ስለ አገራችሁ አስቡ እኛ ከደሮም ቢሆን ኢትዬጵያዉያን አይደለንም አንፈለግምም