• Skip to primary navigation
  • Skip to content
  • Skip to primary sidebar

Goolgule

Ethiopian News

  • ስለ እኛ/about
  • አስፈንጣሪዎች/links
  • ቤተ መዝገብ/archives
  • አድራሻችን/contact
Header Banner Image
  • Home
    ዋና ገጽ
  • Editorials
    ርዕሰ አንቀጽ
  • News
    ዜና
  • Socio-Political
    ማኅበራዊ-ሽከታ
  • Religion
    ሃይማኖታዊ
  • Interviews
    እናውጋ
  • Law
    የሕግ ያለህ
  • Opinions
    የኔ ሃሳብ
  • Literature
    ጽፈኪን
    • Who is this person
      እኚህ ሰው ማናቸው?
  • Donate
    ለባለድርሻዎች

እባካችሁ ይህንን “ኢትዮጵያዊነት” አክብሩት!!

October 22, 2012 09:52 pm by Editor 1 Comment

ኢትዮጵያዊነት ከአጭበርባሪነት፣ ከሸፍጥ፣ ከሴራ፣ ከኩርፊያ፣ ከበቀል፣ ከተንኮል፣ ከደባ፣ ከድብቅ ዓላማ፣ ከአድማ፣ ከባንዳነት፣ ከአቃጣሪነት፣ ከከሃዲነት፣ ከተቀጣሪነት፣ ከማወናበድ፣ በተለይም ከማስመሰለና ከተራ የፖለቲካ ንግድ በላይ መሆኑንና ማንም ሊበርዘው ቢደክምም ሊሸረሽረው የማይችለው የልብ ማህተም መሆኑን ሰሞኑን አየን።

ባለፈው ሳምንት የኢትዮጵያ ብሔራዊ እግርኳስ ቡድን ድል እውን ይሆን ዘንድ ሠንደቅ ዓላማቸውን ለብሰው ሌሊቱን ሙሉ ላገራቸው ያዜሙ፣ በየቤታቸው ሆነው በጸሎት የማለዱ፣ በመላው ዓለም በየድረገጹ የመልካም የደስታ ምኞታቸውን ሲገልጹ የነበሩ፣ በዋናው የትግል ሜዳ የአገራቸውን መለያ ለብሰው ታሪኩን ያከወኑና የትግሉን ስትራቴጂ በመንደፍ ታሪክ የሰሩ ድርና ማግ ሆነው አገራቸውን አብርተዋታል።

ብንዘገይም ለመላው የኢትዮጵያ እግርኳስ ቡድን አባላት፣ ለመላው የኢትዮጵያ ህዝብና አፈጣጠሩ ጤነኛ ባይሆንም ለፌዴሬሽኑ አመራሮች እንኳን ደስ አላችሁ እንላለን። በአፍሪካ ዋንጫ ብቁ ተፎካካሪ የመሆናችን ጉዳይ እንዳለ ሆኖ፣ ከሰላሳ አንድ ዓመት በኋላ ለዚህ ታላቅ ዕድል መብቃት አዲሱ ትውልድ የረሳቸውን አህጉራዊ ታሪኮቻችንን እንዲያወቅ ረድቶታልና ደስታችን ወደር የለውም። ድሉን ተከትሎ የመንግስት ባለሥልጣናትና የስፖርት ጋዜጠኞች የግል፣ የመንግስት ሳይባሉ ሲያሰሙ የነበረው ቡራ ከረዩ ግን አሳዝኖናል። ፕሮፓጋንዳው እስኪያቅለሸልሸን ድረስ ተጠይፈነዋል። ምክንያቶቻችንን እናቅርብ።

የኢትዮጵያ ስፖርት እንቅስቃሴ ከሩጫው በስተቀር ሙሉ በሙሉ ሞቷል። ሩጫው በውስን አትሌቶች ትከሻ ላይ ተንጠልጥሎ ቆይቶ የለመድነውን የአስር ሺህ ድል ሙሉ በሙሉ ማስከበር እንኳን ተስኖናል። ቤቱ በሙስናና በህገወጥ አሰራር መጠቃቀሚያ መሆኑን ጸረ ሙስና ኮሚሽን የፈረደበት ነው። ሌሎቹ ፌዴሬሽኖችም የሚወራ ዜና የላቸውም። እግር ኳሱም አንዴ ኩዴታ፣ ሌላ ጊዜ ደግሞ ብር አለን የሚሉ የአገራችን ባንኮች ቁጥር አንድ ተበዳሪዎች ጀሌ እየኮለኮሉ የሚነዱትና የሚክቡት፣ በብልሹ አሰራር፣ በሙስናና በብክነት የተመደበ ተቋም ነው።

ብሔራዊ ኦሊምፒክ ኮሚቴን ጨምሮ በአገሪቱ ያሉት ከሃያ አንድ በላይ ፌዴሬሽኖችና የስፖርት ማኅበራት ሙሉ በሙሉ የሚመሩት ስለስፖርቱ ምንም እውቀት በሌላቸው ካድሬዎችና የመንግስት ባለስልጣናት መሆኑ የአገሪቱን ስፖርት እንደገደለው በጥናት ተረጋግጦ ሳለ አሁን የተገኘውን ድል የአገሪቱ የስፖርት ፖሊሲ ውጤት ተደርጎ ለፖለቲካ ንግድ ስራ ሲውል አገር ውስጥ ያሉትም ሆኑ ከአገር ውጪ የሚገኙ ሚዲያዎች አብረው ማጫፈራቸው ያሳዝናል። ሚዲያ አብሮ ሲያብድ ጉዳቱ የከፋ ነውና እናስተውል ለማለት እንወዳለን። ቢያንስ ቢያንስ መንግስት በየመንደሩ የነበሩ የመጫወቻ ሜዳዎችን በሊዝ ጨረታ ለወዳጆቹ እየቸበቸበ ታዳጊዎችን መጫወቻ በማሳጣት አደገኛ ቦዘኔ በማለት ለአደገኛ ሱስ መዳረጉ ያስጠይቀዋል።

ደስታን መግለጽ አንድ ነገር ሆኖ ሳለ፣ ደስታው ስፖርቱ በደረሰበት ድርሽ የማይሉት የአቶ መለስ “አርቆ አሳቢነት” ውጤት እንደ ሆነ አድርጎ ኢቲቪ ማቅረቡ ከተለመደው የኢቲቪ ፕሮፓጋንዳ የተለየ ባለመሆኑ አያስገርምም። “የባንዲራ ቀን” ለማክበር በህይወት ዘመናቸው አንድ ቀን ለዚያውም ለሰላሳ ደቂቃ ስታዲየም የተገኙትን አቶ መለስን ባልዋሉበት ቦታ መሰንቀር የሙያም ስነ ምግባር አይመስለንም። ያለ ምንም ማጋነን መለስ ለስፖርቱ ካላቸው ደንታ ቢስነት አንጻር አዲስ አበባ ስታዲየም መሰቀላቸውም አግባብ አይደለም እንላለን። በተስፋ አገርና መላውን ስፖርት ቤተሰቦችን በኦርኬስትራ የሚያታልሉት የሼኽ መሃመድ ሁሴን አላሙዲን ጨምሮ!!

ላለፉት ሃያ አንድ ዓመታት ለታዳጊ ህጻናት ፕሮጀክት ስልጠና ከፊፋ የተላከ የርዳታ ብር ተዘርፏል። ሰልጣኞች ኳስና ጫማ የሚገዛላቸው በማጣት ሲበተኑ አቶ መለስም ሆኑ የስፖርት ሚኒስትሩ የፈየዱት ነገር አልነበረም። ተጠሪነቱ ለአቶ መለስ የሆነው የጸረ ሙስና ኮሚሽን አበጥሮ ያቀረበውን የውሳኔ ሃሳብ እንዲተገበር አላደረጉም። ስታዲየም እንዲሰራ ሲጠየቁ ተዛልፈው እንደነበር አይረሳም። አሁን ስታዲየም ይሰራበታል የተባለውና ከበሮ የሚመታበት ሜዳም ድሮ በ1974 ኮሎኔል መንግስቱ ብሔራዊ ስታዲየም እንዲሰራበት በስጦታ የሰጡት ቦታ መሆኑ እየታወቀ እስአከሁን አለመሰራቱ አጀንዳ መሆን ሲገባው እንደ ታላቅ ስኬት መቅረቡ ሊዋጥልን አይችልም። የዛሬ 60ዓመት በተሠራ ስታዲየም ቡድናችን ከ31ዓመት በኋላ ለድል በቃ ሲባል ከዚህ ለድል ካልበቃንባቸው ዓመታት ውስጥ ኢህአዴግ ሃያ አንዱን ይወስዳል – 70በመቶ ማለት ነው፡፡

ሚዲያ መረጃ አቀባይ ቢሆንም ብሔራዊ ስሜትን በተመለከተ የሕዝብ አካል እንደ መሆኑ ያንን መካፈሉ ስህተት ባይኖረውም ዋናውን ጉዳይ ግን መርሳት የለበትም፡፡ ድልን ሲያበስርና ችቦ ሲለኩስ ስኬት ዓልባ የነበሩትን ዓመታት ማስታወስና መጪው ደግሞ ምንያህል ፈታኝ ሊሆን እንደሚችል በሰከነ መንገድ የማስገንዘብ ኃላፊነቱን መዘንጋት አይገባውም፡፡ በቀጣይ ጨዋታዎች ላይ ያለንን ብቃትና ተወዳዳሪነትም ሳይጠቁም በድል ብቻ የሰከረ ሚዲያ በመንግሥት ቁጥጥር ሥር ያሉት ከሚያደርጉት የፕሮፓጋንዳ ዘመቻ የተለየ አያደርገውም፡፡

በድሉ የተደሰትነውን ያህል በድሉ አማካይነት የሚፈጸመውን የታሪክ ሽሚያ አልወደድነውም።ኢህአዴግ ተራ የፖለቲካ ቁማሩን በመተው ይህንን ከባድሜ ዘመቻና መለቀቅ በኋላ የታየውን ሊደበዝዝ የማይችል ብሔራዊ ስሜት ትምህርት ይውሰድበት – መማር ከቻለ፡፡ ኢህአዴግ እንደሚለው ኢትዮጵያዊነት “በአየር ላይ” ያለ ባዶ ስሜት ሳይሆን በእያንዳንዱ ዜጋ ልብ ውስጥ የታተመ ውድ ጉዳይ ነውና ይኩራበት፤ አሁንም ድል ለኢትዮጵያ ህዝብና ለቡድናችን!! ለቀጣዩ ውድድር ልዩ ወገብ ጠበቅ!!

Print Friendly, PDF & Email
facebookShare on Facebook
TwitterTweet
FollowFollow us

Filed Under: Editorial Tagged With: Left Column

Reader Interactions

Comments

  1. dereje melaku says

    October 25, 2012 11:33 pm at 11:33 pm

    dear the children of Ethiopia

    first and for most i would like to thank you so much for your relentless effort to give information for the Ethiopian people. having said that let me introduced my self this is … who was the member of the veteran Ethiopian teachers association ,Ethiopian free press association and i was also a columnist in tobia and lissane hezebe private news paper , currently i am a columnist in finotenessanet newspaper

    i have been a member of the Ethiopian human rights council for the last 15 years and currently i am one of the executive members of Ethiopian human rights council

    by the way i have got your web site while i was coming in Ireland for a very short period of time internship program me but when i return back to Ethiopia it is impossible to get your web site as that of Ireland so that how could have access to your web site in Ethiopia ? can you subscribe your web site to my web site to my email ? please help me to read your lovely web site as you know it all web site which focused on the poltics of Ethiopia off course which is independent one banned by the facist wouyane regime so that we do not have alternative source of information . if possible subscribe your very important web site to me and my friend

    with best regard
    your sincerely dm

    WE LOVE ETHIOPIA AND WE STAND FOR HER UNITY

    Reply

Leave a Reply to dereje melaku Cancel reply

Your email address will not be published. Required fields are marked *

Primary Sidebar

በማኅበራዊ ገጾቻችን ይከታተሉን

Follow by Email
Facebook
fb-share-icon
Twitter
Tweet

Recent Posts

  • ባልደራስ የአገርን ደኅንነት አደጋ ላይ በመጣል ሊጠየቅ ይገባዋል ተባለ July 1, 2022 09:23 am
  • “ሚካኤል ችግኝ ነው። … ችግኝ ይተክላል” ቴዲ አፍሮ June 29, 2022 03:30 am
  • “የእኔን ልጆችና የልጅ ልጆች (22ቱንም) የቀበርኩት እኔ ነኝ” አቶ መሀመድ የሱፍ ከምዕራብ ወለጋ June 28, 2022 01:07 pm
  • የገዳ ሥርዓት እና የኦሮሞ ገዢ መደብ June 20, 2022 11:34 pm
  • “የወልቃይትን ጉዳይ ለድርድር የማናቀርበው ቀይ መስመራችን ነው” ርዕሰ መስተዳድር ይልቃል June 12, 2022 07:09 pm
  • የሰሜን ምዕራብ ዕዝና የአማራ ልዩ ኃይል ተከዜ ክፍለ ጦር ዕውቅናና ሽልማት ተሰጣቸው June 12, 2022 06:21 pm
  • ሀገር በቀል ባህላዊ የግጭት አፈታቶችን በተገቢው በመጠቀም ዘላቂ እርቅና ሰላምን ማምጣት ይቻላል June 12, 2022 05:40 pm
  • የፌዴራል ቤቶች ኮርፖሬሽን በገረጂና በቀበና ያስገነባቸውን የመኖሪያ አፓርትመንቶች አስመረቀ June 12, 2022 05:35 pm
  • በኦነግ ሸኔ ፈርሶ የነበረውና ወታደራዊ ጠቀሜታ ያለው ድልድይ ተጠግኖ አገልግሎት መስጠት ጀመረ June 10, 2022 09:13 am
  • ጃዋር በዳውድ ኢብሣ ቀይ መስመር ተሰመረለት June 8, 2022 12:59 pm
  • ወልቃይት: ቢመረንም ለመዋጥና ራሳችንን ለመመልከት እንሞክር June 8, 2022 11:53 am
  • እብድ ይሻለዋል እንጂ አይድንም፤ ሐጂ ጃዋር አሁን ለምን ብቅ አለ? June 8, 2022 05:59 am
  • ሕዝብ ድምፅ የነፈጋቸው “ፓርቲዎች” የሽግግር መንግሥት ይቋቋም አሉ June 7, 2022 01:11 am
  • “አድጌ እንደናንተ መሆን እፈልጋለሁ” June 5, 2022 06:58 pm
  • በሳምንት ለ100 ያህል ሕሙማን አገልግሎት የሚሰጥ የኩላሊት ዕጥበት ማዕከል ሥራ ጀመረ May 30, 2022 02:20 am
  • የጥቁር አንበሳ ዕጩ መኮንኖች (ካዴቶች) ተመረቁ May 29, 2022 04:01 pm
  • “ኢትዮጵያን መንካት አይቻልም!!” በሚል ቁጭት ነው እየሠራን ያለነው May 29, 2022 01:04 pm
  • “ከሞፈርና ቀንበር ወደ ትራክተር” በሚል መርህ ለአማራ ገበሬዎች የግብርና ሜካናይዜሽን ተሰጠ May 29, 2022 02:02 am
  • ኢትዮ 360 “የወያኔ፣ የጁንታ ሚዲያ ነው” – ባለከዘራው ጄኔራል May 27, 2022 02:51 am
  • “እኛ የምናውቀው ነገር የለም፤ የሚያጣሉን ፖለቲከኞች ናቸው” የአማራ ወዳጃቸውን አደራ ቤት የመለሱ የቅማንት ተወላጅ May 27, 2022 01:40 am
  • ትግራይን አገር እናደርጋለን፤ “በውይይት እና በጦርነት” ሁሉንም ጉዳይ እንቋጫለን – የወንበዴው መሪ ደብረጽዮን May 26, 2022 09:18 am
  • “ሁለቱ የምዕራብ ዕዝ ተዋጊ ዶክተሮች” May 26, 2022 08:19 am
  • ወደ ትህነግ ሊተላለፍ የነበረ አምስት ሚሊዮን ብር ከ20 ተጠርጣሪዎች ጋር ተያዘ May 25, 2022 01:57 am
  • የጦርነቱ ስትራቴጂያዊ እውነታዎች May 19, 2022 09:37 am

ጎልጉል የድረገጽ ጋዜጣን በኢሜይል ለማግኘት ይመዝገቡ Subscribe to Golgul via Email

ከዚህ በታች ባለው ሣጥን ውስጥ የኢሜይል አድራሻዎን ያስገቡና “Subscribe” የሚለውን ይጫኑ፡፡
Enter your email address to receive notifications of new posts by email.

Copyright © 2022 · Goolgule