ሽ – ሽ – ት …!
እንደዋዛ ሲከንፍ ዕድሜዬ እኔን ጥሎ
ስም ያልዘራሁበትን ወኔዬን ጠቅልሎ
እንደ ቀልድ ፤ እንደ ህልም ፤ ሲከስም ወዘናዬ
ብ … ን … ! ሲል የኋሊት ጠጉሬ ከላዬ
እንደው እንደ ዘበት ልጆች ሲሉኝ ጋሼ
መናገር ያምረኛል ዕድሜዬን ቀንሼ፡፡
ይህንንም ግጥም ያገኘነው ከፌስቡክ ላይ ሲሆን ታዋቂው ገጣሚ አብዲ ሰኢድ ነው የገጠመው፡፡ ምስጋናችንን እንቸረዋለን፡፡
በሥራ መደራረብ እንደታሰበው በወቅቱ የግጥም ጨዋታችንን በማዘግየታችን ታላቅ ይቅርታ እንጠይቃለን፡፡ ባለፈው “ህልመኛው” በሚል ርዕስ ላወጣነው ግጥም አጸፋ መልስ የሰጣችሁ የዘወትር ገጣሚዎቻችንን yeKanadaw kebede፣ inkopa፣ Tsinat፣ እና አሥራደው ከፈረንሳይ ከልብ እናመሰግናለን፡፡ ስለ “ሽሽት” ምን ትላላችሁ? ሽሹ! ሽሹ! ወይስ …? እስቲ ጨዋታውን አምጡት?
በጋ – ከክረምት፣
ቀን – ተምሸት.
ደባል መሆናቸው
በወል መንጎዳቸው
አብስሎ አሸብቶ
አጉብጦ አስረጅቶ
“ጋሼ” አባባ ካላስባሉ
ታዲያ ምኑ ላይ ነው እድሜን መከጀሉ?
በዘበትም ቢሆንልኝ
እድሜ ባጠገበኝ፣
ሁሉም ጋሼ ባለኝ፤
ጸጉሬም ብን ይበል ብንን ያርገውና
ይደባለቅ መልኩ ማን ይፈራውና
አርባው ላይ ነበረ ትልቁ ሙግቴ
እምቢ አላርጅም ገና ነኝ ማለቴ
መቆየትም ደጉ:- ዕድሜም ሃብት ጸጋ
“ጋሼ”ንም አልጠላ:- አንቱታም አልሰጋ
Can you help me out how I can type in Amharic font on your message board? I just couldn’t figure it out.
Thanks
Dubale
If you are using Firefox browser you can follow the instructions here (http://www.youtube.com/watch?v=FtFplPQfXj0) and have Amharic as add-on on your Firefox browser and write it without any problem. Or you can download one of the Amharic softwares from here (http://www.selamta.net/downloads.htm) and using your word processor you can do copy/paste to our forum. Or you can just use this (http://freetyping.geezedit.com/) type the Amharic online and copy/paste it the comments field here. Or you can download (http://www.tavultesoft.com/keyman/downloads/keyboards/details.php?KeyboardID=300) Amharic keyboard and do the typing by switching from Latin to Phonetics …
Hope we have been of some help here. We are pretty sure some of our esteemed readers would add more to it.
እንዴት ዕድሜህ አይሮጥ ከቶ አንተን ጥሎ
ያልሰራኸው ወኔ አንተኑ ጠቅልሎ
ብን ቢል ከኋላ ፀጉር ከላይህ
ጨጓራህ መላጡን ማን ነው ያየልህ ?
ወኔህ ተቀፍዶ እጅ እግርህን ይዞህ
በቁምህ ተቀምጠህ – ተቀምጠህ ተኝተህ
ባልጋ ቦታ ይዘህ – ሞተህ ቦታ አጣበህ !
መች ነበር በዕድሜህ ማፈር በሥራህ
ል-ሽ-ሽ ! ብትለውስ የት ትሔደዋለህ ? ?
በለው!ከሀገረ ካናዳ
ካንተ ጋር ለመኖር አልቻለው ብሎ
ስምህን – ወዝህን – ወኔህን ጠቅልሎ
መሄዱን ስሰማ ዕድሜህ አንተን ጥሎ
የሰው-ቀፎ ስትሆን – ሕመምህ አሞኛል
ራስህ ራሱም መቅረቱ ገርሞኛል
ሸሸና ሸፈተም በመኖር ይፈታል
ዕድሜ ግን ውሐ ነው ካልሄደ ይሸታል
የጎልጉል አስተዳዳሪ
ስላደረጋችሁልኝ እርዳታ በጣም አመሰግናለሁ!!!
ዱባለ
በአማርኛ ጽፈው ለማየት በመቻላችን እኛም እጅግ ደስተኞች ነን:: ታዲያ ለግጥሙ እንዴት ነው አንድ ሁለት ስንኝ ጀባ አይሉንም እንዴ?
በተስፋ እንጠብቃለን::
አክባሪዎ
ጎልጉል: የድረገጽ ጋዜጣ
ሽ-ሽ-ት ከአድሜ አይሁን ይሁን ከህሊና
ሸምግሎ ለጋ መምሰል ተዘፍቆ በሙስና
ወገንን በድሎ ከመኖር በዝና
በቶሎ ተመልጦ ሸምግሎ ከብሮ በምስጋና
ማለፉ ይሻላል ህዝብ መርቆት በቁና
ከመረገም ይልቅ ባልተወለደና
ሟምቶ በቀረ ጭንጋፍ በሆነና
ምንም በመጀመሪያ አንድመጣልኝ ባይሆንም ለጊዜው ማደርያ ይሁንልኝ!!!!
ይቺ ግጥም ለ aboy sibehat nega
“ሽበት”
ሰው እድሜ ታድሎ ሲኖር ጊዜ አግኝቶ:
ይሸብታል ፀጉር መቼም አያውቅ ዋሽቶ:
በዘልዛላው እድሜ ያልተማረው ሽበት
በዛገ አስተሳሰብ የሁዋሊት ሲጎተት:
‘በእኔ አውቅልሀለሁ’ ሲዳክር ካየነው:
የሰው ሽበት ሳይሆን ሽበቱ የድንጋይነው::