እኚህ ሰው ማናቸው? – ፲፭

(ወለላዬ)

ከአዘጋጆቹ፤ባለፈው ጊዜ “እኚህ ሰው ማናቸው? – ፲፬” በሚል ለቀረበው ምላሽ በድረገጻችን በመላክና በፌስቡክ ላይ በመለጠፍ የተሳተፋችሁትን በሙሉ እናመሰግናለን፡፡ በተለይ በግጥም ምላሻችሁን ለሰጣችሁ በሙሉ ከፍያለ ምስጋናችንን እናቀርባለን፡፡ የቅንብሩ አዘጋጅ ወለላዬ በቁጥር አስራ አራት ለቀረበው ጥያቄ ምላሻቸውን በሚከተለው መልኩ በግጥም አስፍረዋል፡፡who is this

መልስ

የወልደጊዮርጊስ ቢታይ ምስላቸው

ሁሉም ሰው አወቀ እስከታሪካቸው

እንደዚህ በሥራው ያገኘ ሰው ሞገስ

ምንግዜም ይኖራል በጥሩ ሲታወስ

ወልደዮሀንስም በልጃቸው ሥራ

አብረው ይጠራሉ ይዘው ትልቅ ስፍራ


ላሁኑ “እኚህ ሰው ማናቸው? – ፲፭” ደግሞ ወለላዬ የሚከተለውን አቅርበዋል፡፡ ምላሻችሁን በግጥም በመመለስ ለዝግጅቱ ውበት እንድትሰጡ ለማደፋፈር እንወዳለን፡፡ በሚቀጥለው መልሱን በግጥም እናቀርባለን፡፡

ጥያቄ

የኚህን ሰው ታሪክ አሁን ባላነሳwho is this 15

አይቀርም ማትረፌ የአዕምሮ ወቀሳ

ከወልደጊዮርጊስ ጋር ተጣምረው የሰሩ

ትልቁ ሹመኛ እኚህም ነበሩ

የድሮውን ስቦ ወደፊት ጎትቶ

አቅርቦ ያመጣል ይናገራል ፎቶ

ይባላል እውነት ነው ይሄው አየናቸው

በሉ ተጥየቁ እኚህ ሰው ማናቸው?

Speak Your Mind

*