ማዕረግ እንስጣቸው!

(ወለላዬ ከስዊድን)

ሰው በሕይወት ሳለ መቼም ማድነቅ አንወድ

ማሻሻል አለብን ይሄን ነገር የግድ

እኚህ ጠንካራ ሰው ፕሮፌሠር መስፍን

ለራሳቸው ቢሆን የለፉት እስካሁን

ሀብት ከሥልጣን ጋር በእጃቸው ጨብጠው

በታዩ ነበረ ከሁሉ ሰው በልጠው

ነገር ግን እኚህ ሰው ለሀገር ሲለፉ

ምንም ሳይኖራቸው ዕድሜአቸውን ገፉmesfin-woldemariam

ሆኖም እንደሳቸው ከህሊናው አድሮ

መኖር ክብር አለው እየበሉ ሽሮ

ጥንትም ሆነ አሁን በተሳሳተ ሀገር

መቼም ድኖ አያውቅም አዋቂ ከችግር

ገዢን የማይፈሩት በዕድሜ ዘመናቸው

እኮ ለምንድነው ብለውም ቢሏችሁ

ህሊናው የጸዳ ያልፈጸመ በደል

እስከዛሬ ድረስ መቼ ፈርቶ ያውቃል

ብላችሁ መልሱ ይሄን ተናገሩ

ሌላ ምንም አይደል አትጠራጠሩ

እኚህን ታላቅ ሰው እንያዛቸው በወግ

በዕድሜ ዘመናቸው ክብርን አንንፈግ

የሳቸው ብቸኛ ህዝብ ነው ሿሚያቸው

ማዕረጋቸው ላይ ማዕረግ እንስጣቸው

******

ለፕሮፌሠር መስፍን ወልደማርያም 86ኛ የልደት በዓል መታሰቢያ የተጻፈ

Comments

  1. ወለላዬ እኔም ተስማምቻለሁ፤
    በጎ ሃሳብሽን እጋራለሁ፤
    ለእኒህ ሰው ጤናን እመኛለሁ፤
    የማያልፍ ሥራ ላገር ሲሠሩ አይቻለሁ፤
    አጨራረሳቸው እንዲያምር አጥብቄ እጸልያለሁ፤
    መሀሪው ጌታም ይሰማኛል ብዬ አምናለሁ፤
    በእውነት አሜን በይ እኔ ከልብ ብያለሁ።

    በዘመናቸው ለራሳቸው ያልኖሩ፤
    ላገር ለወገን ብቻ ሲጮሁ የኖሩ፤
    እንደ እኔ እንኳን ጎጆ ለመቀለስ ያልሞከሩ፤
    አቅቷቸው ሳይሆን ቅድሚያ በመስጠት ላገር ለምድሩ፤
    የከበረ ሰው ነኝ በል/ሉ በማለት ሁሉም ሲሮጥ ወደ ዘር ማንዘሩ፤
    ነው!ናቸው እንበል ዛሬ፣ ነገን ጠብቀን ከማለት ነበሩ፤
    ስለዚ ዛሬውኑ ተስማምተን መልካም ስም እናውጣላቸውና ይክበሩ፤
    ሰው የዘራውን ያጭዳል እንደሚል ቃሉ፤
    እኔ ግን ቀድሜ ብያቸዋለሁ፣
    ያለመጽሀፍ ቅዱስ ወንጌል ሰባኪ!!!

    እውነቱ ነኝ

  2. We should respect and appreciate all those who are voice for the voiceless Ethiopians when they are alive.

  3. Golgule?????

    I can not understand why you are waiting for my comment to post????

    Eunetu

  4. ሸመልስይማም says:

    ኢትዮጵያሀገሬምኝነሽተላላየምተልሽቀርቶየገደለሸበላ
    ተብላል::
    ሸመልስከደሴ

Speak Your Mind

*