ኦባማ “የዕረፍት ጊዜ ለማሳለፍ” ወደ ኢትዮጵያ ይጓዛሉ

“ለቤተመጻህፍታቸው ጥሩ ፎቶዎች ያገኛሉ”

ዳግም የመመረጥ ጭንቀት በማይኖርበት በሁለተኛው የአስተዳደር ዘመን ከዚህ በፊት በተደጋጋሚ እንደታየው የአሜሪካ ፕሬዚዳንቶች አፍሪካን ለዕረፍት ይጎበኛሉ፤ ይዝናናሉ፡፡ የዱር እንስሳትን ያያሉ፤ “የአገራቸውን ባህል ልብስ” ከለበሱ የአፍሪካ ሹመኞች ጋር ጥሩ ፎቶዎችን ይነሳሉ፤ የሥልጣን ዘመናቸው ካለቀ በኋላ ለሚመሠርቱት ቤተመጻህፍት ማስዋቢያ የሚሆን ለየት ያሉ ፎቶዎችን ይሰበስባሉ፡፡

መጪው ወር (July) መገባደጃ አካባቢ የአሜሪካው ፕሬዚዳንት ባራክ ኦባማ ለአራተኛ ጊዜ አፍሪካን እንደሚጎበኙ ቤተመንግሥታቸው አስታውቋል፡፡ የአፍሪካ ኅብረት ስብሰባ በሚካሄድባት አዲስ አበባ ላይ በመገኘት ንግግር ያደርጋሉ ተብሎ ይጠበቃል፡፡

የአባታቸው አገር ነው የሚባለውን ኬኒያ ለመጎብኘት አስቀድመው ዕቅድ የያዙት ኦባማ ወደ ኢትዮጵያ የመምጣታቸው ጉዳይ አርብ ይፋ መደረጉ አስቀድሞ የታሰበ ሳይሆን እግረመንገድ የተወሰነ ጉዳይ እንደሆነ አስተያየት ተሰጥቶበታል፡፡ በአዲስ አበባው ቆይታቸው ከኢህአዴግ ሹመኞችና ከሌሎች የአፍሪካ መሪዎች ጋር ይገናኛሉ፤ በንግድ ዙሪያም ይመክራሉ ተብሎ ይጠበቃል፡፡

አስቀድሞ ወደ ኬኒያ ሊያደርጉ የወሰኑትን ጉብኝት የተቃወሙት የሰብዓዊ መብት ተከራካሪዎች አሁን ደግሞ ኢትዮጵያ በመጨመሯ ተቃውሟቸውን የበለጠ እንዲሰማ እያደረጉ ነው፡፡ ከዓመታት በፊት በኬኒያ ምርጫን ተከትሎ በተነሳው የዘር ዕልቂት እጃቸው አለበት ተብለው የተጠረጠሩት የኬኒያው ፕሬዚዳንት ዑሁሩ ኬኒያታ ጉዳይ መጨረሻው ሳይታወቅ ኦባማ ኬኒያን አይጎበኙም ሲባል መቆየቱ ይታወሳል፡፡ ሆኖም ዓለምአቀፉ የወንጀለኞች ፍርድቤት በቂ ማስረጃ በማጣቱና ኬኒያም ለመተባበር ፈቃደኛ ባለመሆኗ ክሱን ለጊዜው እንዲቆም አድርጎታል፡፡ ውሳኔውን የሚቃወሙት የሰብዓዊ መብት ተሟጋቾች አሁን ደግሞ ከምርጫ ጋር በተያያዘ በርካታ ወንጀሎች በተፈጸመባት ኢትዮጵያ ኦባማ ጉብኝት ሊያደርጉ መወሰናቸውን ፕሬዚዳንቱ የሚያወሩትና የሚያደርጉት ፍጹም የማይገናኝ መሆኑን እንደምታዊ አስተያየታቸውን በመስጠት ተቃውመውታል፡፡ በዴሞክራሲያዊ ምርጫ ሥልጣን የሚይዝ የአሜሪካ ፕሬዚዳንት በሥልጣን ላይ እያለ ተቃዋሚዎቹን ሁሉ በምርጫ ዝረራ (መቶ በመቶ) አሸንፌአለሁ ከሚል አገዛዝ ጋር እንዴት እጅ ይጨባበጣሉ፤ እንዴትስ ለስብሰባ አብረው ይቀመጣሉ ከሚለው አስተያየት አኳያ የኦባማ ጉብኝት ካሁኑ በርካታ ተቃውሞዎች ገጥመውታል፡፡

አዣንስ ፍራንስ ፕሬስ ከሮበርት ኬኔዲ የፍትሕና የሰብዓዊ መብቶች ማዕከል ያነጋገራቸው ጄፍሪ ስሚዝ ሲናገሩ “በዚህ ሳምንት ብቻ ሦስት የተቃዋሚ ፓርቲ አመራሮች በተገደሉባት ኢትዮጵያ ፕሬዚዳንት ኦባማ ጉብኝት እንዲያደርጉ መወሰኑ በጣም የሚረብሽ ነው” ብለዋል፡፡ ሲቀጥሉም “እንዲያውም ይህ ጉብኝት አሜሪካ የአፍሪካ አምባገነኖች ረዳት ነች ተብሎ የተሰጣትን ምሳሌነት ያጠናክረዋል” በማለት ለኤኤፍፒ ተናገረዋል፡፡

አገራቸውን ለ18 ትሪሊዮን ዶላር ዕዳ የዳረጉ ናቸው ተብለው በበርካታ አሜሪካውያን ዘንድ በምሬት የሚነሱት ኦባማ በምርጫ ዘመቻቸው ወቅት የገቡትን ቃል ሳይፈጽሙ መቅረታቸው መራጮቻቸው ያዘኑበት ጉዳይ ነው፡፡ አሜሪካውያን አሁንም ሥራ አጥነት ጎድቷቸዋል፤ አሁንም ኑሯቸው ከዕለት ወደ ዕለት እየወረደ መጥቷል፤ አገሪቱ የተሸከመችው ዕዳ ሊያስከትል የሚችለው ማኅበራዊና ሌሎች ቀውሶች ከግምት በላይ ሆኗል፡፡ በዚህ ዓይነት በምርጫ ዘመቻ ወቅት የገቡትን ቃል ያልፈጸሙ መሪ የአፍሪካ መሪዎችን በንግድ ጉዳይ ላይ ምን ብለው ነው የሚያማክሩት በማለት የኦባማን የኢኮኖሚ ፖሊሲ የሚቃወሙ ይጠይቃሉ፡፡ ወይስ አሜሪካንን እንዴት በዕዳ እንደነከሯት በማስተማር አፍሪካውያንም እንዴት የአሜሪካንን ፈለግ እንደሚከተሉ ነው የሚመክሯቸው በማለት ከፌዝ ጋር የተቀላቀለ አስተያየታቸውን የሚሰጡ ጥቂቶች አይደሉም፡፡ (በአሁኑ ወቅት በአንዳንዶች ግምት የኢትዮጵያ የውጭ ዕዳ ከ15 ቢሊዮን ዶላር በላይ ነው)

ቡሽ በቦትስዋና ከቤተሰባቸው ጋር ባደረጉት ጉብኝት የዝሆን ኩምቢ ሲነኩ (Photo: TIM SLOAN/AFP/Getty Images)

ቡሽ በቦትስዋና ከቤተሰባቸው ጋር ባደረጉት ጉብኝት የዝሆን ኩምቢ ሲነኩ (Photo: TIM SLOAN/AFP/Getty Images)

በርካታ “የመጀመሪያው …” ማዕረግ የተጎናጸፉት ኦባማ (የመጀመሪያው ጥቁር ፕሬዚዳንት፣ የመጀመሪያው በሥልጣን ላይ እያለ የኖቤል ሰላም ተሸላሚ፣…) ወደ ኢትዮጵያ የሚያደርጉት ጉዞ “በሥልጣን ላይ እያለ ኢትዮጵያንና የአፍሪካ ኅብረት የጎበኘ የመጀመሪያው የአሜሪካ ፕሬዚዳንት” የሚል ሌላ “የመጀመሪያ” ማዕረግ ሰጥቷቸዋል፡፡

በሁለተኛው ዙር የሥልጣን ዘመናቸው ወቅት የአፍሪካን የዱር አራዊት በመጎብኘትና በመዝናናት በርካታ ፎቶዎችን ለቤተመጻህፍታቸው እንደተነሱት ጆርጅ ቡሽ፤ ኦባማም በኢትዮጵያ በሚያደርጉት “የመዝናኛ ጉብኝት”፤ “የአገር ባህል” ልብሳቸውን ከለበሱ የአፍሪካ “አምባገነኖች” ጋር የሚነሱት ፎቶ ወደፊት ለሚያቋቁሙት ቤተመጻህፍት ጥሩ የግድግዳ ማድመቂያ ይሆናል በማለት ለጎልጉል አስተያየታቸውን የሰጡ አንድ የዓለምአቀፍ ግንኙነት ባለሙያ ተናግረዋል፡፡ (የፕሬዚዳንት ኦባማ Photo: Jacquelyn Martin/AP)


ማሳሰቢያ፤ በተለይ በስም ወይም በድርጅት ስም እስካልተጠቀሰ ድረስ በጎልጉል የድረገጽ ጋዜጣ® ላይ የሚወጡት ጽሁፎች በሙሉ የጎልጉል የድረገጽ ጋዜጣ®ንብረት ናቸው፡፡ ይህንን ጽሁፍ ለመጠቀም የሚፈልጉ ሁሉ የዚህን ጽሁፍ አስፈንጣሪ (link) ወይም የድረገጻችንን አድራሻ (http://www.goolgule.com/) አብረው መለጠፍ ከጋዜጠኛነት የሚጠበቅና ህጋዊ አሠራር መሆኑን ልናሳስብ እንወዳለን፡፡

Comments

  1. Useless report, you should not post this at all dedeb

  2. “በመፈቃቀርና በመፈቃቀድ ላይ በተመሠረተው የሰብዓዊ መብት መረጋጋጥ እኔም ያቺን ሀገር ሄጄ እረግጣለሁ ሲሉ ኦቦ ሁሴን አስታወቁ!”
    ምን ፍቅር አደረባቸው!?…
    ቅናት! እኮ ምን? ህወአት/ኢህአዴግ በሼክ አላሙዲን በኩል የተሸከሸከ ቼክ ለቢል ክሊንተን ፋውንዴሽን ማስገባታቸውን ሲሰሙ እኔስ በጡረታ ዘመኔ ለፋውንዴሽኑ የኢህአዴግን ራዕይ ማስቀጠል አዋጪ የወዲሁ የቅድመ ሥልጣን ላይ የቦንድ ግዢ (ኢንቨስትመንት) ያህል ነው ሲሉ አብራርተዋል።
    ለመሆኑ ከየትኞቹ የአፍሪካ መሪዎች ጋር ሊሰበሰቡ ይሆን?
    ከአልበሽር?ከኢሳያስ አፈወርቂ? ሮበርት ሙጋቤ? ባላፈው ነጩ ቤት ከመግባት ከተከለከሉት ጥቁር የአፍሪካ መሪዎች ኢትዮጵያ እንዳይመጡ ይከለከላሉን? ለትላልቆች የአፍሪካ ወንጀለኞች በዓለም ፍርድ ቤት አለመዳኘት ከለላ ያገኙት በትውልድ አፍሪካዊው ትንሹ ኦቦ ሁሴም ባራክ ጥበቃ ይሆን?ሞኝ የቀድሞ ያሜሪካ መሪዎች የዕርዳታ ስንዴ ሲልኩ ጡረታ ሳይወጡ ድርሽ አይሉም ለምን? ቻይና መንገድና የአፍሪካ ህብረት ህንፃን በነፃ ሠርታ እስክታስረክብና የአፍሪካን ግማሽ ገበያ በማልማትም በማዋለድም አስክትቆጣጠር በጉጉት ሲጠብቁ ይሆን አሁን ሕዝብና መሬቱን ሳይሆን ቀጠናውን በገዛ ገንዘብና የጦር መሳሪያዋ መግዛቷን ሲያቁ ባነው ተባነው ነው!?በፓርላ ውስጥ” አንደኛ ቻይና! ሁለተኛ ቻይና !ሶስተኛ ቻይና ያለው የኢኮኖሚስት ተጠቅላይ መሪ ማን ነበር?
    …..ኦቦ ሁሴን ባራክ በኬንያ የሚካሄደውን ዓለም አቀፍ የሥራ ፈጠራ ጉባዔ ከተከታተሉ በኋላወደ ኢትዮጵያ እንደሚመጡ ታውቋል፡፡*ኢትዮጵያ ነገር ፈጠራ!” ለሦስተኛው ዓለም አቀፍ የልማት ፋይናንስ ጉባዔ” ባለፉት ሁለት ጉባኤዎች ምን ተሠራ? ኢትዮጵያና ኢህአዴግ እንደሁ ከወለድ ነፃ!..በረጅም ግዜ የሚከፈል ብድር! ..በአነስተኛ ወለድ ብድር! ግማሽ ብድር ግማሽ ስጦታ!ከአፍሪካ አንደኛዋ ተመፅዋች ሀገር ይሉና…ከአፍሪካ አንደኛ…ከዓለም ሁለተኛ ያደገች የተመነደገች…ወጣቱ ዕድገቱን እየናቀ የሚሰደድባት…ደላላ እንደልብ ሰው የሚሸጥበት ልማታዊ ሙስና መር ኢኮኖሚ የተፈጠረበት ህዝቡ እንደ ጠ/ሚሩ ልዩ አማካሪ አቶ ጌታቸው ረዳ አገላላፅ ” ለኤርትራ አሰብ ወደብና የባድሜን መሬት..ለጅቡቲ ውሃና መብራት..ለኬንያ መብራትና ጥራጥሬ እህል ..ለሱዳን ለም መሬትና የቀንድ ከብት…ለግብፅ የአባይ ግድብ ቦንድ ተሰጠ ብሎ የሚጮህ…ምቀኛ ህዝብ ኢትዮጵያ ታላቅ ሀገር ናት ኢህአዴግ ዓላው ነው ምቀኞች!! ሲሉ ነገረውናል ኦቦ ሁሴን ባራክ በአንድ ወቅት ንግራቸው የኢትዮጵያ ገበሬ ትርፋማ ሆኗል! ልጆቹን ከፍሎ ያስተምራል! ድህነትን ተረት አድርጎ ለዓላም ምሳሌ ሆኗል ብለው ነበር አሁን እዚያ ገበሬ ቤት ሲበሉ ሲጠጡ እሳት ዳር ቁጥ ብለው ኩበት ጭስ እየጠገቡ አረቄ እየመጠጡ ሲያወጉ ማየት አለብን… ሂልተንና ሸራተን ባጅብ ተጎልቶ የብሔር ብሄረሰብ ዳሌ ሲናጥ መመልከትና መገልፈጥ ልማታዊ አፍሪካዊ የአሜሪካ መሪ አያሰኝም እንዲያውም ጥቁር የጥቁርን ሕዝብን መናቅና በጭቆናው መደሰት ትርፉ ትዝብትና ነው በለው!።ጥቁር አራት ነጥብ።

Speak Your Mind

*