ህወሃት ስምንት ፀሃፊያን (ghostwriters) ቀጥሮ መጽሐፍት እያፃፈ መሆኑ ተሰማ

ከመጋቢት/2010 ጀምሮ ራሱን ጦርነት ላይ እንዳለ አድርጎ የሚቆጥረው ህወሃት የለውጡን አመራር ስም ለማጥፋት ሶሻል ሚዲያውንና ሳተላይት ቴሌቪዥኖችን በመጠቀም ላይ እንዳለ ይታወቃል። በተጨማሪነት ከአገር አቀፉ ምርጫ ወዲህ እንዲደርሱ የተፈለጉ መፅሐፍቶችን ለህትመት ለማብቃት÷ ghostwriters ቀጥሮ በማፃፍ ላይ እንዳለ ለማወቅ ተችሏል።

ይሄን የመፅሐፍት ዝግጅት ለመስራት ስምንት ፀሐፊያን የተመመሉ ሲሆን ፕሮጀክቱን በበላይነት ጌታቸው ረዳ ይመራዋል።

ናሁሠናይ በላይ

ናሁሰናይ በላይ የፕሮጀክቱ አስተባባሪ 

ዳንኤል ብርሃኔ [አክቲቪስት] ተሳታፊ

ዳንኤል ብርሃኔ

ፍፁም ብርሃኔ [አክቲቪስት] ተሳታፊ

ነጋ ዘሩ [ጋዜጠኛ] ተሳታፊ መሆናቸውን ሰምተናል። በተጨማሪም የመቀሌ ዩኒቨርሲቲ መምህር የሆኑት እነ መረሳ ፀሃየ በዝግጅቱ ተሳትፎ እያደረጉ መሆኑ ተሰምቷል።

የመፅሐፍ ዝግጅቱ ይዘት መረጣ በህወሃት ሥራ አስፈፃሚ ደረጃ ተለይቶ የቀረበ ሲሆን÷ በዋናነት በሚከተሉት ነጥቦች ላይ ያተኩራያል:- የለውጡ አመራሮችን ስም ማጥፋት

ነጋ ዘሩ

በዋናነት:-

1ኛ. ዶ/ር አቢይ አሕመድ

2ኛ. አቶ ደመቀ መኮንን

3ኛ. የብሐራዊ መረጃ እና ደሕንነት አገልግሎት ዋና ዳይሬክተር አቶ ደመላሽ ገብረ ሚካኤል

4ኛ. የኢንሳው ኃላፊ አቶ ወርቁ ጋሸና

5ኛ. የኢሕአዴግ ፅ/ቤት ኃላፊ አቶ ብናልፍ አንዷለም

6ኛ. ሕወሃትን ተሰናብቶ የወጣው ወጣቱ ፖለቲከኛ ዛዲግ አብርሃ እና

7ኛ. የኦዲፒ የሕዝብ ግንኙነት ኃላፊው አቶ ታየ ደንዳ ወዘተ

ላይ ያነጣጠረ የስም ማጥፋት ስራዎችን ያካተተ መሆኑን ሰምተናል።

ከላይ ስማቸው የተጠቀሱና ሌሎች አመራሮችን ስም ለማጥፋት የኋላ ታሪካቸውንና ስለሚመሩት ተቋም ስም ማጥፋት ÷

በኦሮሞ የፖለቲካ ኃይሎች ውስጥ ሰፊ ቅራኔ ያለ አስመስሎ ማቅረብ ÷

ውህደቱ አሃዳዊ ስርዓትን ለመፍጠር ያለመ ነው የሚሉ መከራከሪያዎች ÷

የሕዳሴው ግድብ ለግብፅ ተሸጧል የሚል መከራከሪያ ÷

ባለፉት ሃያ ወራት የነበሩ የውጭ ጉዳይ ግንኙነቶችን በተለይም ከተባበሩት አረብ ኢሜሬትስና ከሳውዲ ጋር የተደረጉትን እንደ አገር ክህደት አድርጎ ማቅረብ÷

የመፅሃፍት ዝግጅቶቹ ይዘት ከላይ በተመለከቱ ርዕሰ ጉዳዮችና ላይ እንደሚያተኩሩ ሰምተናል። ከምርጫው በፊት እንዲደርሱ ተብሎ ሰፊ ዝግጅት እየተደረገ ሲሆን÷ የመፅሐፍት ህትመቱ ዋና ዓላማ የአመራሩን ስም ማጥፋት ብቻ ሳይሆን በአማራ እና በኦሮሞ ሕዝቦች መካከል መጠራጠርን የሚፈጥሩ የሐሰት መረጃዎች [ODP ለአማራ ተሸጠ Vs  ዐቢይ አህመድ የኦነግ አጀንዳ አስፈፃሚ ነው የሚሉ ተቃርኖዎችን በተለያየ መፅሃፍት በማውጣት] የፖለቲካ ቅራኔ ለመፍጠር ያለመ የቅድመ ምርጫ ፖለቲካ መሆኑን ለኢትዮ-ዊክሊክ የደረሰው መረጃ ያመለክታል።

Speak Your Mind

*